私家廚房 (Closed)

今日試咗間位於八字樓既中菜館，地鐵站一出，轉個靚彎就到。單睇個名會以為係私房菜。即管試吓佢，睇睇有無私房菜既功駕先。瑤柱海皇羹 $198湯羹材料十足，魚肉、帶子、大蝦、瑤柱，通通佈滿成個湯。每一啖都保證食得到所有配料。避風塘炒辣蟹 $388非常惹味既菜式！大大隻蟹切件上，味道香濃惹味。豬油渣炒菜心 $128豬油渣既香味輕微滲入菜既表面，令本來較清淡既菜帶黎一份香口既味道。美極生煎龍躉海班頭骨腩 $168魚頭雖然多骨，唔似得魚腩咁啖啖肉，但勝在膠質多，爽滑彈牙。魚肉味香，煎一煎令佢既肉味更加香濃。

今晚朋友帶我嚟旺角譽發廣場嘅私家廚房食飯，上到嚟，真係好似一間私房菜，因為座位有限，所以最好係預先book檯。這裏每一檯都有分隔的，好有 privacy。侍應推介我哋食呢個豉椒炒紐西蘭聖子皇(2隻), 豉椒配料炒得香噴噴，非常惹味。這個漣漪飄香(2件) 也是侍應推介的，說是攞過獎的；蓮藕片夾著芝士和墨魚滑，再沾上脆漿落油炸，配自家制的蘋果酸甜醬來食，果然係好好味，值得推介。另外還點了這個古方秘製鹹蔥油新鮮雞半隻，鹹蔥油十分好味，食得出啲雞係新鮮嘅雞，好食。飯後有生果送，是冰鎮菠蘿，菠蘿又甜又多汁，可當飯後甜品。呢度嘅侍應非常有禮，服務態度超好，值得一讚！

自從有左譽發廣場，我都黎過好多次食野，呢度有好多不同國家的菜色，今晚就試一間有私房菜風味的餐廳雖然佢唔係真係一間私房菜，但餐廳設有不少的獨立房間，岩晒一班人黎包房食飯，房間D名好搞笑，用左尖沙咀、油麻地呢D地方名食得中菜預左多選擇，唔好睇佢餐廳細細，連海鮮類都有唔少選擇漣漪飄香 ($38/件)有時兩個人食中菜都幾難叫食物，最鐘意就係見到可以一件件叫的食品，漣漪飄香即係炸蓮藕，香脆的外層包住入面一塊塊的蓮藕，再埋甜酸醬食好惹味辣酒煮東風螺 ($188)估唔到呢度有得食呢味大牌檔食品，辣度岩岩好，東風螺煮得入味，用竹籤一粒粒慢慢吉黎食，好玩又好味南乳粗齋煲 ($138)粗齋煲有唔少材料，茄子、粉絲、支竹、冬菇、白菜，用黎送飯一流最後送左菠蘿做結尾，就算送的生果都用靚靚船冰鎮住，一D都唔HEA

朋友介紹話呢間餐廳啲小菜唔錯，我就拉埋老公去試下佢嘅晚飯。餐廳員工有禮貌，會自動自覺換骨碟，而且每碟餸都好大碟，多人可以預訂卡位，拉埋布簾會好有私隱，不過坐位有限，要早啲打去訂位。黃金脆魚皮($88)。雖然超邪惡但真係好香脆，唔會有油益味，送飯又得就咁食又得。辣酒煮東風螺($188)。螺夠煙韌唔算太細隻，辣汁入曬去，辣得黎好過癮。拍蒜炒油麥菜($98)。唔會炒到林pat pat，仲好爽脆。啫啫滑雞煲($168)。有半隻雞咁多，仲有豬膶，洋蔥同好香嘅蒜頭。成碟餸好惹味，唔會淨係骨，有好多肉。另外茶($10位)白飯($15碗)最後餐廳送埋冰鎮菠蘿做甜品，可以甜住走。總結係，樣樣咁大碟，下次可以叫多啲人去試多啲唔同餸。

話說上次黎譽發廣場食西餐無意中發現一間食中菜嘅餐廳叫做 “私家廚房”，不過就不是吃私房菜餐廳環境幾舒服，四人卡位仲有窗簾，私隱度頗高，小菜種類非常多，仲有雞煲火鍋等，而且服務態度亦非常好，令人吃得開心😃雖然價錢有點偏貴，但真係一分錢一分貨。。。。。。。。。。。。。。。。漣漪飄香 (每件)▸店員推介我地呢個得獎嘅菜式，單睇個名完全唔知係咩黎，原來係兩片蓮藕中間夾住墨魚滑，裡面仲有流心芝士🤤炸皮好香脆，蓮藕片好爽口，雙重嘅鬆脆口感，配埋個酸酸甜甜嘅蘋果醬汁，很好吃😋。。。。。。。。。。。。。。。。避風塘椒鹽大連鮑魚 (每隻)▸平時食開鮑魚都係清蒸比較多，第一次試椒鹽呢個煮法，估唔到又幾爽喎，仲好香口添，而且鮑魚仲keep到爽滑。。。。。。。。。。。。。。。。香辣奇味雞煲▸一打開蓋已經聞到好香，辣得黎好香好惹味，重點係除左雞之外，仲有雞雜，即係雞腸，雞腎等，仲有年糕添呀😊。。。。。。。。。。。。。。。。最後餐廳還送了冰鎮菠蘿俾我地食完個幾辣嘅雞煲後有又甜又冰凍嘅菠蘿作結真係好完美🍍😋

上星期約左個好耐冇見的朋友聚下舊，想搵個靜啲地方食飯傾計，就黎左呢間樓上舖！餐牌選擇好多，好有住家飯feel。我地叫左三個餸加兩碗白飯潮式黃花魚$118咋勁大碟！黃花魚外脆內嫩，非常好味，值得encore。四季豆炒豬頸肉份量比我想像中大好多熱辣辣，四季豆爽口，配上豬頸肉非常夾。唔會太油，口感好好！金菇蒸勝瓜原本以為啲餸會好細碟所以先叫左三餸，點知三樣餸都咁大碟，呢碟勝瓜更加大碟到嚇親同埋好新鮮！好好味！最後餐廳仲送左冰震菠蘿。我地全部食晒

响旺角想搵d可以慢慢食，傾到計，d嘢又好食嘅地方唔多。呢期朋友有好介紹！訂枱後，有whatsapp message 確認。三人晚飯，未能試太多款式。水準不錯，員工友善，價錢中上。咕嚕肉，唔會成口炸粉，甜酸適中，配新鮮菠蘿，好清新。油泡大蝦，蝦爽口。蔥油走地雞，雞肉嫩滑， 蔥油惹味。蠔餅，一般啦，嫌未夠鬆化香口。送嘅！菠蘿刺身整體來講唔錯，食物新鮮，地方整潔，又任坐唔嬲。旺角鬧市難得。下次要來試老火湯！有其他客人叫咗，香到隔兩張枱都聞到！

家庭飯局的選擇不太多，要考慮交通方便、食物質素、坐得舒服、用餐時間長等等.....，最緊要老人家歡喜。私家廚房在旺角區，交通方便，見食評不錯，就決定一試。因為我們有12個人，穩陣起見，早兩星期訂了位。在飯局前幾日，廚房WhatsApp 我，因為訂座當晚是星期六，所以要先畀訂金，有些餸菜亦要預早訂。當晚大部份菜式都不錯，服務好，服務員不時在門口的小窗望入嚟，睇吓我地有乜嘢需要，知道老人家生日，送上壽桃包時，向壽星公講生日快樂，最後送我們冰鎮菠蘿，大家都話好味。可惜不時有煙味傳來，扣了少少分

好耐冇黎私家廚房喇, 上網睇好似話餐牌轉左少少, 適逢朋友生日, 咁就要黎試下新野先得喇冇黎一排環境一樣係咁舒適, 店員亦都係咁親切有善。提提大家黎食一定要BOOK枱丫!小菜超多選擇! 有小食, 海鮮, 煲仔等等...另外有小菜套餐同火鍋套餐....漣漪飄香呢個菜式係店員推介架...聽說係拎過獎架呢!雙藕片夾墨魚滑, 內裏仲有流心芝士配埋佢個秘製蘋果醬汁, 酸酸甜甜好開胃藕片爽口, 墨魚滑彈牙, 加埋流心芝士, 口感非常豐富!!鹹蛋黃冰鮮中蝦金黃色好吸睛丫, 話就話中蝦, 但都好大隻呀!即炸起熱辣辣!每隻蝦都沾滿鹹蛋黃, 好香丫冰鮮蝦都一樣咁彈牙喎, 唔錯!!海味粉絲雜菜煲食左2味炸野當然都要食返清清地平衡返啦雜菜煲最適合不過丫...D菜好清甜, 粉絲又入晒味, 湯最後都俾我飲晒同朋友慶生點少得食返個壽包呢..大大個壽包, 蓮蓉餡好足料!!最後送埋清甜菠蘿做甜品, 完全係呢餐完美既終結。以質素黎計, 呢道既價錢算係相當合理, 美食+服務好, 讚!!

我在中原地图和 Openrice 上找了几个小时，才找到这地点方便，价钱适中，口碑好的粤菜餐厅。周五中午和男友一起款待我的一位法国老友记。这位法国朋友常来中国做生意，男朋友也是识食之人。我们点了半只葱油鸡、咕噜肉、蒜蓉炒豆苗和西洋菜汤，还开了一瓶自带的红酒，埋单HK$700多。我们对每款菜的品质都很满意。葱油鸡还配上炒得很香的鸡杂，法国朋友也吃了不少。男友当场就在微信上推荐给朋友们了。餐厅不大，是楼上店，但除了大厅，还有好几个房间，适合好友们聚脚，私隐度高。这是一家非常值得推荐的餐厅。

因工作關係，同工作伙伴黎左旺角食飯，喺OpenRice搵到呢間restaurant. 預先訂左位，店員服務好窩心。餐廳內環境好好，間格分開了唔同既枱，有私人空間。美中不足的是我只有兩個人，無辦法試更多唔同既菜式，我地叫左個避風塘炒蟹，再叫埋啤酒，蟹超大隻，兩個人食都食左好耐，味道美味。但如果我地有更多人一起來，相信選擇可以更多，店家也說他們的菜式是中國傳統做法，每碟餸適合四人分量。價錢合理，下次會再同多啲朋友再黎！

有朋友上次黎過食之後大力推薦，仲話餐廳會好貼心咁send whatsapp黎打點一切，所以同男朋友食餐好既時候就諗起呢一間。譽發廣場都幾多美食約咗7:30但早咗半個鐘到，餐廳已一早留咗位，都幾貼心。一黎到得我地一枱，比較靜都唔敢太大聲講野，但見到所有位都放咗留座牌，其他客人都在8:00左右到，之後就熱鬧起來餐廳有推薦避風塘炒蟹，隻蟹鉗好大隻好正😍黃花魚啲魚肉夠嫩，不過要儘快食，否則好快凍～重口味，所以配白飯食就一流呢道蔬菜係餐牌推薦，的確好爽口呀淮山同蓮藕青檸梳打，舊青檸好硬淨😂菠蘿好靚😏

我有個舊同學喺澳洲回來渡假，我就約佢出嚟聚舊食飯，今日我帶佢到呢一間頗有口碑嘅樓上餐館食中菜，有包房/私隱度高有茶水~餐館出名辣酒煮東風螺，我哋當然要試下， 不用多久，一大盤熱騰騰香噴噴東風螺就在眼前，佢嘅size跟平時吃的不一樣，每一隻都肥嘟嘟，冧冧肉，肉質爽脆，滲滿辣酒香氣，混着甜美汁液，令你吃不停口。跟住一碟椒鹽一口豆腐，真係誇啦啦，首先賣相已經吸引，小小一磚磚，非常精緻，金黃亮麗，椒鹽香氣撲鼻，當你輕輕咬破，幼嫩豆香直撲鼻蕾，皮脆內嫩，鹹香到位，大廚功力真不少。還有一個沙嗲粉絲牛肉㷛，十足十份量，餐館食材絕不吝嗇，濃濃嘅沙嗲 醬汁，把整個牛肉煲重重包著，配搭軟腍鮮嫩牛肉 又不會蓋過濃香肉質，味道匹配非常，還有個粉絲索盡醬汁跟牛肉汁嘅精華，爽口又滑捋捋，單單粉絲已經值回票價，濕濕地叫多個粉~飽餐過後飲返一杯冰冰凍嘅檸檬茶，真係一大樂事，到最後餐館還有個好窩心服務，送上一碗足夠火喉嘅海帶綠豆沙，清甜潤喉，務求令客人有賓至如歸感覺，我和同學俩當晚都非常歡快，留下難忘回憶。menu

與長輩共聚晚餐，為了大家就腳做選旺角左近的餐店，加上與長輩進餐還是選較傳統中餐好了。在旺角的私家廚房正好合適我們，私家廚房裝潢得體，新中帶舊。雖然是樓上店，但亦有升降機直達，非常便捷。入坐後我們選上了幾款較傳統的菜色，因為長輩都會容易受用。未用菜前先來個清湯豆腐肉片白菜滾海班頭腩湯。豆腐肉片白菜滾海班頭腩湯湯底清而又有貪著菜香魚香，服務員更為我們盛上湯料，可見湯料十足。先選了燒汁脆米安格斯牛粒$148牛香非常香濃，一入口即刻感覺到，帶點焦香味道，配搭粒粒脆米，口感層次更加豐富，食過不停。再來是廚房小炒王$138是晚比較遜色的一個小菜，因為蝦乾偏鹹亦偏硬，對長者的牙齒可謂一個挑戰。加上很旱有地有較為合適老人家的老輝砵仔焗魚腸$168坊間已經好少餐廳提供焗魚腸，能在這裏找到昔日嘅滋味，可為難能可貴。焗魚腸當中滲著陣陣濃濃蛋香，但當中竟然帶著豆腐香味，未知是否大廚獨門秘方。飯後還有生果冰船，非常特別。大大的一盤，船中盛載了冰震龍眼肉及菠蘿肉，有睇頭又有味道，很美好的完結。

提早與夫家做節，選擇彌敦道譽發廣場的>>>私家廚房<<<，一嚐特色中菜滋味。 位置便利之外，餐廳提供不同款式包廂與貴賓房，適合不同組合和場合之用。 餐牌有好多選擇，從冷盤、湯羹到海鮮，應有盡有。 先喝點湯水。侍應推介豆腐肉片白菜滾海斑頭骨腩湯(HKD188)。份量足夠，分了六碗，每碗滿滿的。魚湯非常清甜，完全沒有味精的感覺；湯料的豆腐及魚肉均很細滑。這種家常靚湯，很難在餐廳找到，實屬驚喜。 鹹蛋黃冰鮮中蝦(HKD128)絕對值得推介，蝦肉鮮嫩爽口，外層鬆化，鹹香十足，不會太過油膩。廚師把中蝦處理得好好，蝦身較為乾爽，令蛋黃穩固地黏著，油炸過後沒有脱落。 侍應也推薦我們享用古法秘制鹹葱油新鮮雞一隻(HKD388)。雞肉肉質非常幼嫩及很有嚼勁，明顯選料新鮮，連內臟亦一併上碟，肯定不是冰鮮或雪藏雞。葱油滿滿的供應，是好此道者不能錯過的哦。 當晚餐廳送了一個果盆，擺盤非同凡響，猶如刺身船！冰鎮生果於夏天享用，格外涼快。