私家廚房 (Closed)

和朋友們約好了聚一聚，要談天說地，學是學非來舒緩工作壓力，但重點是找個最佳地點。經朋友推介，我地來了這一間私房菜，決定到此一食。😋走到門口向裏面一看，啊！這個決定絕對正確；大堂的桌子不過六七張，只有兩張在中間，兩旁的都有間隔和簾幕，其他便是房間了。私人空間十足，座位闊落，岩哂一大班又或者幾個朋友傾計聚舊！😉拿起餐牌，封面的美食已很吸引，原來裏面的選擇甚多。可以講你想食咩菜式都有！而且還有新鮮海鮮！相當豐富，很難選擇。然而看見【木桶藥膳豬手】便不作他選了，一試果然不負眾所望👍😋；先是賞賞湯底，口感清清的卻滲著濃郁的藥膳香味， 全無油膩膩的感覺！豬手爽口而淋滑，每件都是有骨有肉（無蹄趾），跟平常在酒樓吃到的行貨，真不是同一層次。喜歡藥膳湯又或者豬手的，一定會很愛這道菜！😄還叫了 新鮮薑沙雞🐓（推薦👍）。餐廳講到明是農場新鮮活雞！！所以相當新鮮。同平時食既冰鮮雞真的很大分別！🐓肉質很嫩又滑。亦很肥美，啖啖肉。用薑沙調味，味道非常惹味！！最重要既係，仲有埋啲雞肉臟俾我地食！雞腎真係好爽口，好好味！😍係咁食，送酒一流！煎蠔餅，賣相很特別，似家鄉煎簿餅咁。一入口即溶化著啖啖蛋香，多嚼兩口卻有著紫菜

做野做到甘辛苦，今晚放工約左同事去食飯放鬆，一直都好想食私房菜，今晚終於去左呢度食。無諗過呢間舖有甘多菜式，有海鮮、小菜又有火鍋，任君選擇，而且都幾大碟。侍應仲好好客，會過黎同你傾下計，仲不斷幫我哋換骨碟，超好人！係香港，已經好少見有好客嘅侍應，但呢度有我覺得鮑魚雞煲係必食，真心好味，難怪係推介菜式。一上菜，我已經俾3個鮑魚深深吸引，而且仲好入味，又嫩滑，師傅掌握火喉掌握得好好，先令到鮑魚入味又爽口雞肉都好好味，一啲都冇雪味，啖啖都好香雞味，而且好入味。我平時都吾食雞皮，但因為醬汁好野味，所以我連雞皮都食埋我地仲叫左薑葱炒桶蠔，侍應哥哥好貼心地攞桶蠔出黎倒俾我地睇，話俾我地知幾多隻，等我地吾洗驚廚房偷工減料。師傅用左大量薑葱去炒蠔，啲蠔索晒薑葱味。啲蠔係炸過先炒，所以特別香口最後餐廳仲送埋冰陣新鮮菠蘿，賣相吾單止，仲要係新鮮菠蘿，吾係罐頭貨，真係正

裝修雅致、明亮，地方非常清潔，有水缸可以睇到新鮮海鮮。另外有包廂房，可以比客人開派對。辣酒煮螺🐚🌶（$168）辣酒煮螺，正到爆，啲汁充滿咗酒香，辣辣地，用黎送飯，好快就會成碗食晒！🤤螺肉非常彈牙，必然是新鮮貨物，沒有太多沙🤙🏻懷舊糖心皮蛋🥚（$58）皮蛋、漆黑色，味道香氣與別不同，聞起來震震幽香，黑色的蛋黃軟、烏色蛋白彈口，加上調味料，相當出色。這個小吃，令人食指大動！黃金炸魚皮🤩🐟（$68）用鹹蛋黃，香炸魚皮，極級邪惡，但非常好味。一定要叫！上碟之後，同女朋友不停爭食🤩，好快就清左一碟。果皮蒸大鮑魚（$48隻）新鮮鮑魚，本身已經去咗沙。沒有魚腥味、爽口彈牙，少少海鮮鹹香，用香蔥吊味，用筷子用力插入去，結實唔郁，可想而知有幾咁彈！廚師👨🏻‍🍳已經預先去取內臟、沙，可以安心大口大口食用！😄即叫即炒生炒骨（$118）梅頭肉、即叫即炸，唔會有腥味，不同於一般酒樓，預先炸好。這餐廳的生炒骨，咬下去會有淡淡豬肉香味散發出來，而且香脆可口。另外廚師使用新鮮菠蘿，並非罐頭，因此絕不會覺得膩。薏米水一大Jar，清熱解渴消暑食完同經理吹左陣水，餐廳重送生果、冰鎮新鮮菠蘿，好鬼正呀！

餐廳離油麻地地鐵站A2超近（少於5分鐘步行路程），員工服務質素唔錯。佈置同環境都好好，有包廂，有衛生間，有唔少四人卡位加個好靚的街景，普通四人位仲有窗簾加個叉電位。避風塘椒鹽大連鮑魚 $48 每隻 大鮑魚又大又好食，完全沒平時其他地方食果啲咁難嚼。灑滿椒鹽粒，口感非常好，係我的個人最佳推薦。XO醬爆雞球 $128好似平日的雞肉咁，再配左少少菜。呢度的雞球雖然唔係圓形同有啲骨，但XO醬味同辣味都好夠，好好食瑤柱海皇羹 $168薏米水 $68第一次試薏米水，幾新奇，有唔少的薏米，沒平時啲飲品咁甜，但甜味剛剛好，應該幾健康。$68夠飲6，7杯。餐廳嘅中菜每碟分量都好多，絕對夠幾個朋友或者一家人一齊食。有好的食物同服務質素，價錢可以接受得到。

今日同屋企人去左旺角附近食晚飯，我屋企人朋友就介紹左一間叫「私家廚房」嘅中菜，話佢d小菜好掂叫我去試下！位置都好方便，行兩分鐘就到油麻地地鐵站！上到餐廳，裝修都幾特別，每張枱都窗簾，仲可以關上，增加私隱度，多人仲可以包房tim!餐牌：椒鹽一口豆腐～我地就叫左個小食先，呢個一口豆腐，雖然佢係小食，但係大碟到好似小菜咁😂豆腐外層炸得好香脆，但裏面勁滑，味道唔錯燒汁脆米安格斯牛柳粒～我想講呢到碟碟小菜都好大碟！份量好多，好抵食！牛柳粒好有口感，仲有茄子粒做配菜，個醬汁好好味，令到茄子更加入味家鄉蠔煎～佢同平時嘅蠔餅有少少分別，佢係比較扁身，但係又係另一種新食法，仲好足料好搞嘢啫啫通菜煲～個名好搞笑😂d通菜非常多，食極都有😂特別在佢加左年糕同肉碎，非常惹味呢間餐廳真心唔錯，食物份量多，味道唔錯，餐廳仲可以包房，下次我約埋班朋友，早d預約，黎食飯睇波！

譽發大廈部Lift基本上都唔使點等，好快上到去餐廳。用餐環境好舒適，四個人的話基本上都係坐卡位，仲望住旺角嘅靚街景。而且，有半遮掩嘅窗簾，有充足嘅隱私度之餘又可以享受到侍應嘅貼心服務。薏米水 $68透心涼，又可以去水腫。而且，侍應仲會幫手將啲薏米撈出嚟，方便自由添加瑤柱海皇羹 $168非常熱辣辣，唔啱食main之前享用打下底，侍應非常貼心啊幫手分好晒個羹避風塘椒鹽大連鮑魚 $48 每隻 每隻鮑魚都鋪滿晒椒鹽粒，好入味，高質 薑蔥大連鮑魚雞煲 $198無論係鮑魚定係雞都夠入味XO醬爆雞球 $128 雞肉有好濃厚嘅XO醬味，加上鑊氣好夠 整體來講呢間餐廳嘅中菜都幾唔錯，服務到位，四個人一齊share食平均每位二百幾蚊左右，可以接受到嘅價錢。此外，我留意到呢間鋪頭呢起碼有三、四包廂嘅，應該都好適合一大班人，比如係公司聚餐過嚟食飯

對於屋企唔煮飯既人黎講成日出街食飯都好悶架d食物又多油又唔健康想搵一間落少D油既餐廳一D都唔容易去完家樂坊行行下就見到呢棟新開既大廈見到門牌都有唔少餐廳選擇最後決定簡左呢一間私家廚房試一試佢呢間餐廳D房用香港地方名而命名例如旺角/油麻地等等非常港式就算唔坐房出面既位置都有簾私隱度都幾高架岩哂朋友傾心事唔洗驚比人聽到食物既選擇實在太多 D名都好盞鬼架所以我地叫左個黃金炸魚皮先一路食一路諗食咩好呢到既魚皮同出面唔同既係塊塊都好大舊唔會碎哂！仲用鹹蛋炸出黎，好香脆！！夠哂過口癮今次我地叫左個籠仔蒸蝦飯份量比我地想像中多真係可以比4-6人食我地4個人每人都分到兩三大豌架飯底都好乾身 而且D蝦都好新鮮食得出鮮蝦既味道蝦既份量都好多！仲有蒜蓉同金菇一齊蒸，好夾！呢個真係好味！除此之外 我地仲叫左個菜以往係出面食既菜都好多油反而呢到既菜油又唔太多似返D係屋企食既炒菜而且有唔同種類既菜多幾款選擇總括黎講呢到所有菜式都唔算好多油呢到有WI-FI岩哂需要上網既朋友而且可以Whatsapp訂位非常之方便呢

今晚同媽媽嚟到旺角一間私房菜食飯，位於譽發廣場嘅八樓，好近油麻地地鐵站，落車行幾步就到非常方便！入到去環境設計風格好有特色，每台都好有私人空間，而且燈光充足，感覺寬敞明亮，令人坐到好舒服！睇下餐牌，菜色選擇多樣化，有啲中菜館少見嘅嘢都有！例如:脆皮德國鹹豬手有大拇指嘅都係佢哋嘅推薦菜式，我自己本身就好鍾意食酒樓嘅炒龍躉，見到佢哋呢度都有龍躉兩味 $388，就已經心心眼😍但我地得兩個人怕點太多會食唔晒，同時心大心細又想試吓其他菜式，所以我就揀咗菜遠炒龍躉班球 $238上枱果然無令我失望，龍躉應該油泡過，皮變得有點微脆，同時保持煙韌口感，我最鍾意食龍躉皮！食完嘴黏黏，感覺勁有骨膠原，肉質又鮮美嫩滑，差唔多成碟都我食曬~木桶藥膳豬手 $128本身諗緊要德國鹹豬手定木桶豬手好，媽媽話怕鹹豬手會熱氣，所以最後揀咗呢個！呢個都好有驚喜，湯頭非常鮮甜，藥材味夠濃郁！媽媽都數晒佢用咗啲咩藥材，仲大讚用料豐富~感覺呢個同鹹豬手嘅分別就係呢個多數係食佢啲筋同埋豬皮，而鹹豬手就應該係多啲肉食。佢呢個嘅豬皮整得好軟滑，係邊位燒得有少許硬，筋膜層煙韌，份量好多，整體感覺好抵食！好搞野啫啫通菜煲 $118估唔到通

好友食家今日又帶我地去食好野！！私房菜😍😍個人好鐘意食中菜！好友話去呢間食，廚房好得，我一定會好滿意喎！😋好期待！地理方便，油麻地地鐵一出，行前幾步就到！上到去，就好有去人地屋企食住家菜既感覺。餐廳提供房間，岩哂一班人黎食，有自己空間。如果得幾條友食可以包廂，有一個私穩度高既空間，靜靜地食飯聚舊。而且坐得幾舒服！👍食物方面好多選擇，可以揀打邊爐，亦可以揀海鮮，小菜。仲有套餐。我地就揀左餐廳招牌菜食喇！古方秘製鹹葱油新鮮雞（半隻）🐔一上菜，大家都”哇”左聲。半隻都幾大碟喎！而家講到明用新鮮雞，所以仲有雞肉臟添，我最愛吃新鮮雞腎雞肝架喇！夠哂鮮味，配埋佢個葱油油，d雞腎更加好味！😍又爽口。講番隻新鮮雞先🐔真係好得。可能平時多數都係食冰鮮雞多，食番新鮮雞真係好大分別。雞味好重又嫩滑。呢隻雞都啖啖肉，唔會話瘦。個醬汁先係重點，令到隻雞加滿分。鹹葱油 食落唔會覺得鹹，岩岩好。仲令到個雞既鮮味調出。👍食小菜最鐘意叫： 椒鹽鮮魷🐙份量都好多呢碟餸可以睇得出廚房夠哂鑊氣。黎到已經好香既椒鹽味！鮮魷炸到金黃香脆，外皮炸粉唔會話好厚。食落夠哂彈牙！好惹味！欖角蜜棧一字骨 🐷用蜜汁烹調的一字骨，味道甜甜地，

私家廚房位置好方便, 由油麻地地鐵站行一兩分鐘就到.餐廳空間感夠, 坐位寬敞舒適, 乾淨企理! 每一枱都好有私人空間, 傾計食飯都會感覺自在!私家廚房菜式選擇好多, 好多唔同種類既中式菜, 總有一款岩口味!果皮蔥花蒸大連鮑魚 $48/隻鮑魚好新鮮, 爽口彈牙, 咬落去唔韌, 而且都算大隻!啫啫火腩大白鱔煲 $188嘩! 好大煲呀! 侍應拎上台時, 我地已經聞到陣陣香味, 而且咋咋聲, 好夠鑊氣!火腩大白鱔煲非常足料, 有大白鱔, 火腩, 腐竹, 紅蔥頭同蒜, 而且份量非常多!大白鱔新鮮美味, 爽脆彈牙! 火腩, 腐竹好入味之餘, 又好惹味, 好岩餸飯食! 整體味道不錯!大澳蝦膏通菜鮮魷 $128通菜非常新鮮, 十分爽口! 份量好多, 大大碟!蝦膏配通菜真係惹味十足, 鮮魷都煮得爽口彈牙, 唔韌!冰鎮新鮮菠蘿 (送)新鮮菠蘿好甜好新鮮! 正! 為呢餐晚飯畫上完美句號!

同朋友出去旺角食野最怕去人多擠迫既地方。今個夏天又鬼死甘熱，我地4條友岩岩收工係旺角行左陣就身水身汗，淨係想快D坐低食野，HEA下吹下水。去食韓國野…排隊…去食日本野…排隊…去食放題…又排隊…救命啊！我地就決定人棄我取，你地班友食外國野，我地就食中菜，就比我地搵到依間「私家廚房」。沿住彌敦道大馬路行，好快就搵到譽發大廈，一睇就睇到「私家廚房」D廣告。唔知係因為未有人發掘依個荀盤，果然比我地估中無咩人排隊，所以好快我地就上到8樓歎冷氣食番幾味小菜仔。我地一出LIFE門，都唔知餐廳哥仔係咪有千里耳，好快就出來招待我地，仲安排我地坐卡位。成間餐廳都以白色同木系餐枱為主，仲有幾個小包廂仔，卡位就會有窗簾，環境真係幾好。一坐落去哥仔就拿拿聲比茶﹝飲落去有點普洱 + 另一種茶？ 好特別﹞我地飲，仲拿左本好厚既餐牌來比我地研究研究。我地一望真係睇到眼都花，鋪仔細細多菜式多多，仲要唔係平時食開既中菜名。哥仔可能見到我地睇到眼朦朦，就介紹左我地幾味，好似 避風塘炒蟹、豉汁蒸蟠龍鱔、好搞嘢啫啫通菜煲。雖然哥仔介紹完，甘我地做人都要有主見既，甘我地4條友仔就叫左：懷舊溏心皮蛋﹝$58﹞薑蔥鮑魚雞煲﹝$198

避風塘炒蟹（＄388）4星呢個蟹一上菜既時候已經聞到非常香啦，而食落口味道當然都無令我地失望啦！餐廳非常周到，蟹殻已經幫我地拆好哂，最最最好食就一定係蟹蓋入面炸好哂既蟹膏，脆口得黎又惹味，用黎送白飯一流呀。至於仲有個一粒星點解唔見左呢？就係因為我同朋友都唔太食得辣，覺得個蟹有少少辣，但其實都可以入到口既，食得辣既朋友一定要叫啦！脆皮德國咸豬手（＄288）5星講返先，我本身就麻麻地食豬手既，不過個晚朋友想食就一於試下啦！唔試由至可，一試就不食不可！因為一直覺得咸豬手太咸，好難入口，但呢到既咸豬手就唔單止keep到豬手本身既咸味，仲可以令到豬肉更加香口。食之前就點左佢提供既醬汁，酸酸地，類似點泰國生蝦既醬汁，而豬手一食落口，先係食到豬肉既嫩滑，然後先有一陣咸味，味道層次非常有趣，亦同出面食到既豬手非常唔同，推翻左我對咸豬手本身既負面印象，絕對可以話係整得好食過出面德國餐廳既咸豬手，所以大推呢個。冰陣菠蘿（＄0）可能老闆見我地幾個好乖咁食哂5個餸，（全部都無剩架！）佢就送左一盤菠蘿俾我地，實在太nice太friendly啦，而D菠蘿仲要非常鮮甜大舊。平時我係一個絕對港女（鐘意食日本野），唔太

呢間以私房菜為賣點嘅餐廳，除咗主打大排擋都會有嘅小菜，仲有好多新派自創菜式，好似豉汁帶子蒸滑豆腐、欖角蜜棧一字骨、好搞嘢啫啫通菜煲，都係喺常見的菜式入面改個配搭，但效果非常好，欣賞餐廳嘅創意同嘗試！除咗新菜式，傳統嘅就如金蒜銀絲蒜大元貝都做得好惹味，係我食過最好味嘅蒸元貝，而翧諗起仲回味緊！可能因爲環境比較好，又喺正旺角市中心，所以價錢都比較貴，好彩份量夠多，除返開都算抵食，而且服務態度都好好，性價比高之款選擇都好多，係一個適合朋友同親人聚餐嘅好地方。椒鹽脆鮮魷（$98）銀絲蒜大元貝（$48/隻）豉汁帶子蒸滑豆腐（$128）欖角蜜棧一字骨（$128）好搞嘢啫啫通菜煲（$118）辣酒煮螺（$188）薏米水（$68）

甘多菜式黎講，中菜係最食唔厭又最多變化既。今日試下食呢間上樓中菜，一黎到已經感覺良好，因為佢卡位為主，仲要有曬簾、私隱度高，另外仲有幾間房，不過應該係要book定先有。一坐低叫左個冰鎮涼瓜片，夠曬消暑。涼瓜片大大碟，跟埋一個酸酸地既汁，好開胃醒神。墨魚片頭爽口彈牙，比普通片頭有咬口。咸魚茸馬蹄肉餅煎到好香口，又唔會太咸，加埋爽口馬蹄粒，送飯食一流。生炒骨其實無骨，其實應該叫咕嚕肉？望落去普通，但食落發覺同平時食既有少少唔同，肉質好爽口彈牙，肥瘦適中，好有驚喜👍🏼淮山雲耳少藕片清清地，淮山唔係粉個隻，而係清甜爽口既，感覺好清新。總括環境同食物都唔錯，臨尾仲送左碟冰鎮菠蘿添！為呢餐飯畫上完美既句號😋😋

同朋友出去旺角食野最怕去人多擠迫既地方。今個夏天又鬼死甘熱，我地4條友岩岩收工係旺角行左陣就身水身汗，淨係想快D坐低食野，HEA下吹下水。我地就決定去食中菜，就比我地搵到依間「私家廚房」沿住彌敦道大馬路行，好快就搵到譽發大廈，一睇就睇到「私家廚房」D廣告。我地一出LIFE門，都唔知餐廳哥仔係咪有千里耳，好快就出來招待我地，仲安排我地坐卡位。成間餐廳都以白色同木系餐枱為主，仲有幾個小包廂仔，卡位就會有窗簾，環境真係幾好一坐落去哥仔就拿拿聲比茶 (飲落去有點普洱 + 另一種茶，好特別) 厚厚既餐牌睇都睇到眼花，鋪仔細細多菜式多多，仲要唔係平時食開既中菜名哥仔可能見到我地睇到眼朦朦，就介紹左我地幾味，好似 避風塘炒蟹、豉汁蒸蟠龍鱔、好搞嘢啫啫通菜煲。依餐真係好誇張4個女人仔，碟碟餸食到見晒底🥢薑蔥鮑魚雞煲 $198  (令我地最癲既菜)唔會好多油，又唔會鬼死甘咸同重味精。我地第一啖梗係食左隻鮑魚，食完我地都拍爛手掌，個鮑魚仲好鮮甜，仲要有4大隻。再食佢個雞，個雞夠嫩，又索到味，仲要個醬個味道岩岩好 加埋少少蔥食，一流！🥢好搞嘢啫啫通菜煲 $118原來依道餸係蝦醬通菜，再加埋韓國年糕落去，所以