普羅旺斯餐廳 (Closed)

同朋友去左觀塘OPC搵嘢食，門口侍應話佢哋呢間餐廳唔係成日開門，咁難得今日撞正佢開，所以決定試吓。因為價錢都幾貴，我同朋友叫咗一份dinner set再散叫一個餸。蛋香厚燒西班牙黑毛豬鞍，豬鞍厚肉又多汁，蛋香味濃仲有啲蜜糖喺面甜甜地幾好味，伴菜薯仔都好入味。紅蝦油天使麵，顏色鮮艷賣相好靚，因為連d油都係蝦油，所以蝦味超香，另外兩隻大蝦肉幾鮮甜。手搖檸檬茶唔使落糖水，見到佢臨尾加咗啲檸檬皮碎喺面令到杯飲品更香。

話說朋友推介呢間法餐就同佢去試.門面普通冇太多高級既設計.入到去地方唔算大.設計都算簡單.燈光略為熏暗..入到去waiter好主動招呼我地坐低後由廚師推介我地既用餐.之後都有解釋番菜式既特別之處.上菜時間唔算太急.由頭盤至甜品都一步一步嚟.整體氣氛都唔錯.唔會話食餐飯會太趕急.價錢方面2位埋單25xx左右.整體嚟講都有一個較高既水準.個人認為會比較適合約會或者重要日子去試下.

觀塘隱世法國餐廳😯連OpenRice都唔多資料，店內裝潢樸素，樓面得兩個人，但服務非常周到，每道菜式都會詳細介紹👍🏻——————————————————2人晚市套餐約$1500 (只收現金).🔶紅蝦天使麵(7.5/10)以海蝦油做汁，未食已經香氣撲鼻🥰海蝦肉細細粒，比較爽口但味道較淡而麵上2隻大紅蝦肉質雖然無咁彈，但就更為鮮甜👍🏻整體味道唔算驚艷，但卻越食越香😝———————————————.🔶西班牙香燒黑毛豬鞍配香蒜蜜糖汁(8/10)肉質非常鮮嫩！厚切多汁！相片影唔岀size🤪但絕對足夠二人分享配菜係比較少見嘅椰菜仔，同樣處理得很好———————————————.🔶一口荔枝蕃茄(8/10)酸酸甜甜清新開胃———————————————.🔶西西里蕃茄濃湯 (8/10)3款酸甜度不一的蕃茄熬成，非常香濃———————————————套餐另外附有沙律，蒜蓉包，餐飲總括，服務很好，味道不俗，但價錢略貴

食物質素係高既，但兩舊水一個lunch係觀塘泥講確實係貴，仲要無境睇！餐廳既seevice算係唔錯，樓面得兩個staff，如果full house就真係應接不暇！賣得咁賣，唔怪得要靠誠哥funding撐啦！要留意，雖然係貴價西餐，但只收cash！Pasta係好味既，羊就無貨試唔到，個魚有d油（西餐通病），沙律同湯都好有誠意，足料同食材新鮮，咖啡都好飲。

係 Openrice 見到呢間位於官塘區的法國菜，一於試下～裝修類似茶餐廳，比較失望.....食物方面：沙律同湯都係一般般，冇驚喜主菜點兩種刁魚，煎得好好，不過有啲腥，個檸檬汁都可以 cover 到個腥味，啲伴菜都做得好好～煎豬鞍，熟成度剛剛好，肉很嫩，蜜糖汁也很讚，配菜係我唔多喜歡嘅椰菜仔，但係處理得好好，我全部食晒 餐廳送上小食，蕃茄仔，都好味飲品我要咗佢推介嘅檸蜜茶，佢介紹到好勁咁，不過我覺得似某品牌嘅即沖檸蜜茶 其實整體有75分，不過環境有啲失望，刁魚亦比較失色，上菜時間超慢，兩個人一餐法國菜用咗1300蚊，係官塘區算唔算貴呢？

good service, high quality!已經有幾年無食過老闆手勢，非常懷念，睇新聞先知佢係觀塘新開張。今日下晝去食，間店靚左又多左人手，好舒服。煎雞排都係咁拿手，塊皮好脆，肉好juicy。覺得份量岩岩好，而且好均真。因為今日來貨ge 雞扒比平時細塊，專登補多左半塊比我。黑毛豬胺厚而不老，肉都係好juicy，有唔同既汁點，配搭都很好。主菜好正，配菜都好好食，頭盤沙律同磨菇湯有驚喜。甜品蘋果批一定要試下，非常懷念以前老闆親自出黎切，不過今次都冇見到佢lu。野飲有「蜜月」（即係檸蜜？）同凍檸茶。侍應好似話d 檸檬係有d 特別～ haha 佢地都幾nice。蜜月係好飲ge。檸茶d 茶都好香。唔錯。overall 係正ge，不過出菜要等幾耐，所以如果好趕時間就唔建議來啦。

收工出到黎已經就黎10點，諗住睇下附近有咩食啦，誤打誤撞黎左呢道。因為唔算太餓我地2個人淨係叫左一個主菜豬柳炒扁意粉，加左128蚊轉set就包埋沙律，湯同飲品，再加個巴馬火腿芝士烤三文治。沙律份量都好多，湯👍🏻之後黎左三文治，麵包搽左牛油再烤非常香脆，芝士拉絲，影相打咭一流。意粉酸酸地幾開胃又煙煙韌韌，停唔到口中間黎左冰鎮荔枝蕃茄，唔食蕃茄既我覺得佢口感好似唔似蕃茄，反而似係荔枝，呢個有驚喜。飲品叫左檸檬茶，特別在於係手搖檸檬茶冇左出面餐廳飲個種糖水味，味道清甜👍🏻👍🏻最後我地意猶未盡又叫左2個甜品焦糖燉蛋同埋蘋果批，2個都不錯值得一讚店員服務非常周到，因為我地淨係加左一份set, 佢地幫我地分左2set上，方便我地share。食三文治既時候又會勁貼心幫我地開埋濕紙巾俾我地抹手。上每份菜都會同我地介紹番同平時出面有咩唔同同食法。唯一缺點就係價錢算偏貴，同埋只收現金，希望有多幾個付款方法啦payme or alipay都唔錯既選擇，而家真係好小帶現金出街🙈有機會如果係慶祝特別節日都會再過黎食😌

食物味道OK, 但份量少得超級可憐, 法國菜二人餐主菜係牛肋骨, 上到台牛肋骨原來係4條手指尾長度加粗度的牛, 仲要兩個人Share 食, 好波埋單加埋要過千, 仲要建議叫你比現金, 各位唔知驚的可以去試下, 我就食度O左嘴, 完

難得休息一日放下假決定晏晝食番好少少，去咗公司附近嘅普羅旺斯餐廳到食好嘢😛估唔到觀塘會有咁好食嘅法國餐，而且服務好好，每一樣食物都會詳細介紹👍全部嘢都好好味， 前菜鴨肉沙律，用咗兩種 唔同嘅醋，菜冇苦澀味，好少沙律會食得曬😆個蕃茄湯店員話用三種番茄整，雖然我食唔出但係好鮮味，又唔會太酸。有最鍾意嘅檸檬茶，入係冇檸檬嘅，用咗兩種檸檬汁，茶味唔會太濃酸酸甜甜幾好飲。食咗主菜之前有一個荔枝味嘅蕃茄小食，食完之後真係開胃，覺得荔枝嘅甜同蕃茄嘅都幾夾，不過只係得一啖😅主菜份量唔多，個雞扒係店員推介嘅，調味同個汁唔算好特別但皮好脆， 跌落去有乳豬嘅感覺，而且肉唔會鞋，勁👍配菜唔多但係有牛油嘅香味整體而言食物好食材料新鮮，服務好分量少咗啲，不過都夠食嘅， 價錢方面算係觀塘比較貴， 特別係晚餐無set更加貴，不過好食午餐感覺好似食到晚餐咁，其實都差唔多啦😂

A hidden gem in Ngau tak Kwok. Yummy. Wonderful service and excellent food at reasonable price. Highly recommend.The soup is very delicious. The beef rib is served with sauce and tomato prepared in an excellent way of cooking. The environment is good as it’s not busy with a lot of patron customer. Music is good.