PURADAK CHICKEN (奧海城三期)

Open Now

Now Closed

原來佢哋奧海城分店已經開業一周年啦～今次就嗌左佢哋個Half-Half Chicken Ade set by glass！呢個set 包咗2隻味嘅炸雞、爆粟什錦炸薯同2杯梳打，其實呢個set 份量真係好多！好抵食！！同朋友兩個女仔真係食唔哂，而炸雞有得選擇有骨或無骨，同可以選擇2隻味，我就揀咗Corn-so Amazing同韓式甜醬～炸雞啖啖肉，同埋用咗先焗後炸嘅方法，令到肉質好juicy，而且有好多口味選擇，個人最鍾意Corn-so Amazing，面頭灑上咗粟米湯粉🌽，好濃郁 好出色～飲品方面揀咗檸檬梳打同西柚梳打，配炸雞飲一流！另外嗌多左個傳統辣炒年糕，好有驚喜！！年糕質感好QQ 比較軟糯，醬汁又唔會太辣，唔太食得辣嘅朋友都可以食到呢～

黑白大廚咁熱播搞到都想食下韓國菜今次就去左奧海城食炸雞餐廳位於三期轉角位真係睇唔到就會行過左🙃當日menu有好多野都賣曬無骨炸雞都沒有了所以叫左半半有骨雞揀左粟米同紫菜味炸雞粟米炸雞面頭灑滿蒜粉甜甜地配合埋充滿肉汁嘅雞肉滋味無窮🤤另一款紫菜炸雞同樣好juicy味道比較清爽但最後都係鐘意點個粉食🤣大醬湯都幾足料牛肉豆腐櫛瓜薯仔滿滿一碗隨湯連白飯一碗撈飯食真係好正最後搭個海鮮煎餅呢個配搭絕對無敵飽肚雖然已經好努力唔嘥野但最後都食淨一塊—————————————————————⦾ 粟米拼紫菜炸雞 $238⦾ 牛肉大醬湯 $138⦾ 海鮮煎餅 $128⦾ Mango ade $88

呢間炸雞店剛剛進駐香港嘅時候曾經引起一陣騷動，每逢食飯時間排隊嘅人龍長到不得了。估唔到時間飛快，原來佢哋奧海城呢間分店都已經開業一周年，終於搵到去食呢間韓國炸雞界嘅名牌店。呢度最出名食炸雞，雖然得兩個人，但係為咗試多啲味道，都嗌咗兩份半半炸雞，一次過試晒四款味道！🤣有醬汁嘅炸雞分別嗌咗秘製黑炸雞同埋辣卡邦尼年糕炸雞。黑醬油味係佢哋嘅招牌，鹹鹹甜甜嘅味道平衡得好好，而且仲配上咗香脆嘅炸蒜片，香脆嘅口感係口中爆發；辣卡邦尼年糕炸雞可以一次過滿足咗食年糕同埋炸雞嘅願望，而且韓國辣醬配卡邦尼汁不嬲係韓國食品嘅招牌醬汁，卡邦尼汁大大降低咗辣度，所以小小辣味但又夠惹味！乾身嘅炸雞就嗌咗Corn so amazing，呢款我覺得最好食，香甜嘅粟米粉令到炸雞同埋粟米嘅味道昇華到另外一個層次，而且因為係調味粉嘅關係，所以炸雞仲係keep住好香脆，唔會俾啲醬汁浸到腍咗；另外一款就嗌咗紫菜脆脆炸雞，呢一款仲有一片片韓國好出名嘅紫菜脆片，韓味十足。整體嚟講呢度嘅雞脂肪含量比較少，所以一啲都唔肥膩，而且用咗鮮焗後炸嘅方法，所以外皮係超級香脆，不過與此同時可能因為煮嘅工序多咗，就會偏乾少少，不過撈埋啲醬汁一齊食，

位於奧海城三期嘅Puradak Chicken，鋪位喺商場角落，環境開揚舒服。食飯範圍同行人路連住，唔會有阻隔，坐得好自在，加上店鋪係商場角位，唔會畀人圍觀，雖然開揚但又不失私隱度。店員主要用英文溝通，有啲係韓國人，服務好好，介紹菜單時又親切又專業。講返食物，除咗炸雞，仲有好多韓式選擇。韓式炒粉絲份量足夠，味道唔錯。炒年糕辣度調整過，唔會太辣，啱晒香港人口味。至於炸雞，真係不得了。可以雙拼，試多啲味道。蒜香味香甜惹味，外皮香脆，食完仲想食。Mayo辣椒味最深刻，Mayo醬同炸雞好夾，加埋綠色辣椒，幾辣下，辣得過癮。我仲叫多杯啤酒配住食，辣辣甜甜，停唔到口。Puradak Chicken係一個唔錯嘅選擇，無論環境定食物都值得推介！

🍴半半炸雞（有骨）$238半半炸雞岩晒三心兩意，咩味都想試既小編🤣Corn so Amazing係每次黎都必叫😆而且永遠唔會令我失望😙極多既粟米🌽粉，食落咸咸甜甜🤩另外叫左黑炸雞🍗姐係黑蒜味😝極多汁，就算雞胸都唔鞋口😚-🍴韓式烤豬肉拌飯 $88Lunch set黎講好抵食，仲有拌菜😝韓式烤肉軟嫩多汁，加埋翠玉瓜，冬菇，豆芽，紫菜，唔同口感😜唔會太鹹，恰到好處🥰-🍴蔘雞湯（半隻）$98蔘雞湯的湯底濃郁醇厚，入口順滑，好香人參藥材味，入口微甘，雞肉製到非常軟嫩，入口即化！糯米軟糯可口,感覺就似食緊人蔘味嘅米粒咁-🍴黑芝芝波 $58一客五件，外層有QQ口感，內裏芝士鹹鹹甜甜🧀，一定要襯熱食！

又有韓國炸雞係香港開店🍗有別於大路口味 佢地好多款我都係第一次見 好似basil🌿辣卡邦尼年糕炸雞😝平時食開嘅韓式飯同湯都有～炸雞方面 鐘意甜鹹嘅我地揀咗Corn-so amazing 面頭超多粟米湯芝士粉 配料仲有焗粟米🤩隻味超似日本果隻粟米濃湯薯片 雞肉再juicy d就好🤔韓式石鍋拌飯肉同菜都多夠足料 勁大pot 牛肉大醬湯有金菇 翠玉瓜 豆腐等 稍微鹹少少🍗Corn-so amazing輕量無骨炸雞 ($138) (+$30 special flavor)🥘牛肉大醬湯 ($138)🍳韓式烤豬肉石鍋拌飯 ($138)🍐梨汁 ($18)🍎蘋果梳打 ($18)

知道奧海城開左呢間韓國好出名既Puradak炸雞店，而且重有個全港首創既炸雞生日派對就一直想黎試吓，今日終於有機會黎試啦🥰果然黎到無失望，裝修格局偏文青風，炸雞超過10款口味可以選擇，包括招牌烤粟米芝士炸雞、秘製黑蒜炸雞、青陽辣椒炸雞等，推介香港店首度登場的魔蒜地獄炸雞，加入地獄級韓式辣醬、韓國炸蒜，辣勁十足又惹味，最鍾意佢地每款口味都可以揀有骨同無骨炸雞韓式烤牛肉蓋飯除咗烤牛肉重蘿蔔絲洋蔥絲同埋蘑菇，加上甜辣醬汁，鋪埋蛋同埋紫菜碎喺面一齊食，正呀辣炒年糕呢個係每次去韓國餐廳必食，唔食得辣唔好叫🤣食完辣嘢飲可樂最正，青蘋果梳打都唔錯

網上見到呢間分店做緊買一送一，捉緊優惠尾巴去試。$238有兩份全份無骨雞係好抵，包裝仲要好靚俾個環保袋裝。優惠係外賣先有，都要等一個鐘先有得攞，店員超好，主動叫我坐住等。未打開已經好香，打開直情不得了！份量都好大！一盒有十幾舊。帕布羅炸雞，係比較甜口嘅味，醬比較多，但唔影響脆度，唔辣。CORN-SO AMAZING 非常amazing！香甜！仲有幾舊粟米食下。比有醬嘅口味乾身脆口！兩個味嘅雞都大大舊，嫩滑有汁。原本仲以為無骨雞佢會俾啲鞋啲嘅雞件部分我，點知咁出色！要俾正價我都會再黎試其他味同回味下corn so amazing 。

早兩日喺奧海城心行完街後就去咗有名店炸雞Prada之稱嘅韓國過江龍PURADAK CHICKEN🍗 食晚餐🍴半半炸雞（有骨)🍗 $238-瘋狂蒜香蒜頭🧄切到好細，蒜蓉份量一啲都唔少咁先夠瘋狂😝好夠蒜香味仲帶甜甜嘅蜜糖🍯-紫菜脆脆炸雞比剛才蒜香會乾身香脆得多，炸雞上面滿滿嘅紫菜味粉，仲唔少得炸得好脆嘅紫菜有選擇困難症嘅我三心兩意當然揀半半炸雞試哂兩個味，PURADAK炸雞採用「先焗後炸」方式炮製，將油份逼出再炸至酥脆，唔會好油膩令到口感更佳👍🏻🍴傳統炒年糕🍢 $78 年糕好煙韌，仲有平時去韓國街邊小食嘅韓式魚蛋，甜甜辣辣好惹味🤤🥄豬肉泡菜湯🍲 $138熱辣辣嘅泡菜湯材料十足，豬肉🐖、泡菜、豆腐、金菇、年糕等，酸酸辣辣，送飯一流🍚

- 雞翼雞槌（半份）份量好多，仲配煆片- 嫩豆腐湯嫩滑嘅豆腐加雜菜睇落顏色紅，以為會好辣，但食落唔算辣- 泡菜煎餅香脆可口，滿滿嘅泡菜鋪滿晒- 芝士大棒春卷皮包住非常邪惡濃厚嘅芝士- 西柚梳打西柚唔酸仲好清新，配搭梳打爽啊

好耐冇食韓式料理，同朋友去開大角咀附近，就去奧海城搵野食😬見尼間專係韓國菜既餐廳，主打多款韓國菜，有多款炸雞，飯卷，韓式料理…因為lunch time時段價錢親民，性價比高，職員話尼間分店岩岩開業一周年，亦主動介紹美食給我們，係回味韓國風味料理既地方😋✔️ 牛肉紫菜飯捲 〔真心推介😋〕 $68Beef Kimbop👍🏻 粒粒分明👍🏻 牛味濃🐂👍🏻 紫菜香😋👍🏻 量多✔️ 自選半半炸雞 CORN-SO AMAZING炸雞 - 無骨〔真心推介😋〕 $238👍🏻 大件👍🏻 香脆惹味👍🏻 特多香濃粟米粉👍🏻 juicy👍🏻 份量多配 酸蘿蔔👍🏻 清新解油膩✔️ 自選半半炸雞 瘋狂蒜香炸雞 - 無骨〔真心推介😋〕 👍🏻 微甜👍🏻 淋上醬汁和蒜蓉👍🏻 香脆惹味👍🏻 juicy ✔️ 韓式炒粉絲〔推介😋〕$88👍🏻 粉絲煙靭👍🏻 少少麻油香味✔️ 波蘿梳打 〔真心推介😋〕 $28👍🏻 正常👍🏻 酸甜清新👍🏻 解油膩感✔️ 檸檬梳打 〔推介😋〕 $28👍🏻 冰涼清新👍🏻 解膩

今次我地黎奧海城玩，呢個商場都好大，有成3期都有排行，2期過3期條橋一過就係呢間炸雞店，佢環境感覺似cafe，但其實係韓式餐廳黎😆半半炸雞（有骨）（$238）半半炸雞就係每半隻雞可以揀一隻味，有骨同冇骨係同價，我地鐘意食有骨多d，佢真係原隻炸雞，有齊所有部位，可以砌得番一隻雞出黎，另外仲配有酸蘿蔔🐥青陽辣椒MAYO炸雞呢款係佢地既招牌味道，餐牌都寫住Best，唔好睇咁多辣椒會好辣，其實d醬唔係好辣，綠色辣椒帶有微微既泡椒味，個MAYO醬超級正，又夠曬多，唔怪得係Best既口味🌶️原味經典炸雞炸雞我都鐘意食原味，炸得夠乾身，肉質嫩口，皮夠脆，原味我都覺得好食食，但MAYO雞比較起黎真係冇得輸🤪乾式烤豬肉定食（$88）定食係lunch先有，星期一至五仲有買3送1優惠，佢有齊前菜，湯，同主菜，個烤肉煮得幾惹味，唔會太乾身，撈飯食都冇問題👍🏻韓式烤牛肉石鍋拌飯（$88）呢個係另一個lunch set，同樣都有前菜同湯，石鍋飯材料豐富，入面好多菜料，肉既份量都唔少，我最鐘意就係個底d隻焦，係石鍋飯既精髓🤤Lemonade（跟餐+$12）Plum Ade （跟餐+$12）Ade係一種韓式既飲品，係水

韓國好出名既炸雞店Puradak Chicken初嚟到香港時，見到大家形容佢係炸雞界嘅Prada🤣，心諗係咪真係咁勁啊？今次👧🏻同朋友喺奧海城睇完戲，終於有機會一試！🌟半半炸雞（有骨）炸雞口味眾多，今次就揀咗兩款口味，秘製黑醬同紫菜脆脆。用上原隻雞切件，先焗後炸，雞肉🍗嫩滑多汁，即使係雞胸位都唔會覺得太乾。秘製黑醬係用上蒜香醬油烤焗炸雞，醬油均勻地裹上雞件，唔會太熱氣又唔會太鹹。至於紫菜脆脆味就除咗有炸紫菜，略帶少少甜味，👧🏻嘅朋友就好鐘意呢款口味！🌟韓式烤牛肉拌飯Weekend Lunch都有套餐，韓式烤牛肉拌飯用石頭鍋上，份量頗多，熱辣辣送上仲有啲飯焦。配料除咗有牛肉片，仲有銀芽冬菇絲、蘿蔔絲、翠玉瓜、雞蛋，配上拌飯醬，係唔錯嘅選擇！小菜仲有銀魚乾、泡菜、豆角。🌟黑芝芝波一客有五件炸芝士球，外層有QQ口感，有啲似台式炸地瓜球嘅質感，內裏芝士鹹鹹甜甜🧀，估唔到有幾好食又唔會太Heavy！🌟炸紫菜粉絲卷出面都有得食嘅炸紫菜粉絲卷表現亦不錯，粉絲軟身，配上香脆紫菜，層次豐富。如果有額外醬汁點嚟食就更好！🌟青蘋果梳打午市套餐有得跟飲品，👧🏻就額外加$10選配梳打，解渴一流！

有「炸雞界貴族」美譽嘅韓國炸雞店特別派員工到韓國受訓👨‍🍳將11款炸雞口味帶到嚟香港😃炸雞都係先焗後炸，逼出多餘油分🔥加上唔同醬汁同配料🧂炮製出唔同Fusion同經典口味🤤紫菜炸得脆脆，和炸雞味道好夾🙌還灑上大量紫菜粉，味道創新😙辣味卡邦尼醬汁配搭炸雞同韓式年糕🥘醬汁Creamy中帶辣味，相當香口🌶️炸雞外脆juicy，年糕口感煙韌😋秘製黑醬炸雞是韓國最熱賣口味🏅黑色係嚟自餐廳嘅秘製蒜香醬油，醬油味突出，帶點甜味，配上生蒜片，大大昇華炸雞的味道😍蒜頭+炸雞也是另一個無敵組合🤗香脆蒜粒，充滿蒜頭香味🧄炸雞肉質非常嫩滑，雞皮香脆🤩

週末經過大角咀，想搵個地方坐低同朋友傾下計，行到黎奧海城，發現有間韓國炸雞店，非常寬落，有成三個舖位咁多，上網查一查，原來係韓國好出名，係奧海城開業已經一年。呢度非常適合坐低傾下計，每樣份量都超多，性價比高，坐得又舒服。❤️雞翼雞槌COMBO (半份） $138我地點左原味，估唔到半份都咁多，成份應該超級大份。雞翼雞槌炸得外脆內軟，非常可口，仲有蝦片做伴碟，非常香口。❤️芝士大棒 $ 48脆bok bok 芝士濃厚，好味道❤️泡菜煎餅 $118辣度岩岩好，唔食得辣既我地都好適合，泡菜好多，煎餅夠脆，好惹味。❤️嫰豆腐湯 $98微辣，豆腐香滑，仲有海鮮同雞蛋，配埋白飯一流。❤️西柚梳打 Lunch Set 跟餐 $12梳打十分夠氣，清涼爽口，十分解渴。餐廳：Puradak Chicken-奧海城店 @puradakhk_official地址： 大角咀海泓道1號奧海城3期UG樓UG68, UG71-73號舖#奧海城 #大角咀 #大角咀美食 #旺角美食 #韓國餐廳 #韓食 #韓式炸雞 #香港旅行 #香港美食推薦 #香港美食