PURADAK CHICKEN (將軍澳中心)

Open Now

Now Closed

去將軍澳中心食新開炸雞店，非常失望，冇下一次，首先我哋三個人同職員講我哋三位，佢竟然想俾二人枱我哋，我哋前邊等待多名的三個人也不願意入去, 有多張二人枱，我哋建議可以將兩張楊枱拍埋咪變四人枱囉，但職員同我哋講我哋唔會咁做，呢度係公司規矩，竟然比後面四人先入去先、有冇搞錯咁三人枱同四人枱有何分別啊？直至有幾個人同佢哋理論，佢哋才張二人枱拍埋一齊，2. 有部份職員服務態度非常惡劣，3.叫咗一碟炸雞食竟然有啲唔熟，跟住求其搵個講韓文人過來同我講話，解釋話熟喎！雞同鴨講，睇相便知真相！！

去將軍澳探朋友，朋友推介呢間炸雞好好食，排隊排咗大概九個字左右終於可以入座。粟米味炸雞好正，無骨雞都大大嚿👍🏻魚高湯超級大碗，足料好味。食之前都知道係排隊店，所以我哋都耐心等候。美中不足，餐廳門口掛住關門時是9:30pm，我哋8:00PM入座時餐廳亦冇提last order時間。8:30左右只是上了炸雞，年糕湯都未到，餐廳職員就開始吹我哋快啲食完問使唔使打包（？！），然後8:45開始拖地同吸塵話9:00要關門，這樣的服務態度是有待改善。

very yummy chicken from Korea with generous portion 👍Good place for young family - three of us had a very full meal with one chicken 🤗

星期五的晚上本來想同朋友好好聚一聚可惜被急促的服務不停暗示吹趕，最後一個鐘多小小落單連埋單搞掂。甘嘅價錢食快餐，都唔洗有下次仲要上餐唔算快，19：28落單大約15min先黎第一樣炸雞，先論味道講唔上好食，亦無吹捧得甘勁咁好食，只屬於普通級數。炸雞與醬汁／調味粉未見得有好夾，連收工後好肚餓都無覺得好正嘅感覺，如果單純為填肚可以接受，但如果追求味道，就唔好有期望。又過咗15mins店員見我地炸雞都食得7788，先發現落漏單，原來無落魚糕湯，先即刻落返，言語之間會發現其實佢地要確認食物係咪已經到齊，讓客人盡快離開，半小時後先落第二道菜，過咗一陣都上菜，但食咗一陣店員以詢問餐點有否到齊，來試探用餐的速度。中間的過程員工不斷的想再前來試探，之後眼見員工的眼神續漸有點打量。最後因有飽感，開始減慢速度，放下餐具不久，員工即刻前來問可以收未？但其實我朋友仲食緊另一樣，當我朋友都放下餐具，員工係極速收拾枱面，什至飲品未飲完都問仲要唔要？感覺極之唔良好用餐前後40分鐘，餐廳20分鐘就開始施壓，19：28點餐 - 20：36離開餐廳要確保出運作順暢我明白，但過快令人感覺好差好趕客，同埋員工質素需注意，店細難

晏就2點幾食，排左幾個鐘就入得今次第一次食青陽辣椒MAYO炸雞本人覺得好好食，佢既醬料食落應該係有蜜糖芥末醬+青陽辣椒味，覺得好match，而個辣度係可以接受原味紫菜飯卷普通拉，味道淡左少少，覺得擺款都一般飲品方面左：梅子梳打 /右：西柚梳打吾會太甜👍🏻整體對炸雞好滿意，會再訪試試其他款式既炸雞

人氣韓國炸雞🐯 半半炸雞 $253 1. corn-so amazing炸雞🌟🌟🌟🌟🌟超重粟米湯味，超多粟米湯粉，每件雞都沾滿的，肥老虎選擇了有骨的，有雞下脾、雞全翼、雞胸、雞肋骨，每件雞都入晒味，真係吃不停口呀！還有三舊燒粟米呀！ 2.秘製黑炸雞 🌟🌟🌟🌟🌟超重黑蒜頭味，有幾片蒜頭，每件雞沾滿濃郁黑醬汁，真係好惹味，肥老虎同樣選擇了有骨的，雖然有雞胸，不都唔會太嚡口，同埋超入味！🐯芝士大棒（爆粟口味）$60 🌟🌟🌟🌟🌟有兩大枝，好滿足既芝士棒，鐘意食芝士必吃的，同埋加埋爆多粟米湯粉，真係有唔同層次既口感呀！⚫️⚪️⚫️⚪️⚫️⚪️詳情⚫️⚪️⚫️⚪️⚫️⚪️Puradak Chicken (將軍澳)將軍澳將軍澳唐德街9號將軍澳中心1樓167-169號鋪⚫️⚪️⚫️⚪️⚫️⚪️⚫️⚪️⚫️⚪️⚫️⚪️⚫️⚪️#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #肥老虎吃貨 #相機食先 #將軍澳好去處 #半半炸雞 #cornsoamazing炸雞 #秘製黑炸雞 #芝士大棒#puradakchicken #過江龍 #韓國炸雞

黎過給幾次都食唔到，唔係太夜，就係大多人。年三十，慕名再去，諗住食個開開心心團年飯，點知…當日大約下午5/6點到，見到冇咩人，於是問一問會唔會早收，職員話年三十，都係收正常時間，9點last order，10點清場。大約7點，見到仲有好多位，可能係大部分人都留係屋企食團年飯。見仲未太肚餓，諗住晏少少先食啦，8點去到，竟然放個“ALL SOLD OUT”嘅牌係門口，之後職員話今日唔再入人，之後問有冇外賣，另一個男職員經過，好大聲喝叱：「冇呀，賣晒啦，咩都冇啦!」但另一方面，我見仲有人排隊比錢拎外賣…———————————————————————失望：1. 職員態度極度惡劣2. 不是預好當日份量再開鋪？5點、6點、7點，都見到唔係多人，咁到底係預嘅份量錯左，定其實當日係會提早收鋪？3. 座位太少，目測大約只有不足20枱，可容納人數有限———————————————————————總結：虛有其表，誇大宣傳；相當失望，不再考慮。

最難食既炸雞＃一上碟，雞係凍既＃仲係酸😅＃半半炸雞（秘炸黑炸雞＋帕泊羅炸雞）＃無水＃無手套＃無蘿蔔＃食水好深＃埋單278＃可一不可再＃貴族雞 垃圾＃#PURADAK CHICKEN

新開張韓國炸雞店話響高麗好出名，於是慕名而至，點知中伏。叫咗兩款雞，上枱其中一款竟然唔熱，咬落去乾爭爭一啲汁都冇，另一款稍好，都係拜粟米粉所賜，最伏係杯梳打，賣相差味道仲差，似飲咳水！可能怕我熱氣卦！埋單三舊幾水唔知食咗乜，比較上嚟，反而同係韓國，G字頭炸雞好食好多！

將軍澳新開的炸雞店，聽講係炸雞界P字頭名牌，開張初期，每次經過都見好多人排隊，有一日四五點經過見冇乜人喎，諗住入去食啦，原來貼住炸雞巳全部售罄，嘩咁早賣晒，真係咁好食嗎？今日6點左右，見有位即刻入去，點咗 Best seller 嘅兩款組合，而且佢係可以揀有骨同埋冇骨嘅，雖然她們推薦話無骨啖啖肉，但係我梗係揀有骨啦，因為有骨先至會有雞髀同雞翼呀嘛。如果怕肥嘅你哋就揀冇骨啦，因為應該會係雞胸肉。粟米濃湯味：灑上一啲粟米濃湯味嘅粉，有燒粟米，同埋炸薯片。味道帶少少甜，啲雞肉唔乾身，好味，味道都少見。青陽辣椒美奶滋口味：雖然係得一隻辣椒，但係食落都幾辣，味道幾特別。另外每台都有一碟醃蘿蔔，我另外叫咗一個牛肉飯卷，味道偏淡，可以唔試。飲品選擇就比較少，紙包嘅飲品，或者係呢一啲梳打水，感覺係用糖精溝出嚟。整體啲炸雞口味都幾特別，雞肉都幾好，唔乾身，好食。價錢就少少偏貴，我呢個組合食咗400多元。

如果有睇過蠟筆小新，知道妮妮有個鍾意打兔仔嘅媽媽，就知道佢每次煮嘢，小新都會話係「難纏嘅味道」：可能就係呢間嘢炸雞嘅味道。-佢賣相okay，你唔會直覺佢難食，但等你放入口，咀嚼完，吞埋，就有種難纏的味道出嚟：-似醃咗一個月調味料嘅雞件，-4度雪出雪味，再-18度保存，再溶雪，高溫焗完再炸，確保雞嘅肉汁減少，再攤凍放喺保溫箱，再喺你order後撈入一pat 杰杰的你選取的暖暖醬料，再俾你食。-我由佢裝修，宣傳出稿，試業數十人排隊逼爆商場走道，我病完好返，調理好身體，買嚟食⋯唧⋯⋯早知食其他韓國炸雞啦！真心大家都覺KxC好食好多囉。-我食過多年前出名嘅李x、附近嘅Goxxx、唔記得咩名嘅各間炸雞、全部都無韓國橋x咁好食，但全部我都可以食晒嘅，都幾好嘅。-但今日我真係食唔晒，好失望、好唔開心。

係puradak炸雞，超級好吃!!😍😍😍之前看韓國youtuber對他們好評如潮，已經超想試😍所以見他們來香港開分店，馬上跟朋友來試試看😝一共點了三種口味🤤🤤🍗首先炸雞的外皮很香脆，厚薄適中，完全不會皮肉分離，雞肉每一口都很juicy嫩滑，原本已有適量的調味，所以我覺得原味應該都會很好吃🥺❤️❤️青陽辣椒mayo炸雞真是必點!!!🌶️炸雞裹上了蛋黃醬， 帶有青陽辣椒的微辣，口味新鮮，吃了很多隻都完全不膩🥹🥹🍗蒜香炸雞的醬油和蒜香味完美混合，咸味跟甜味互相平衡，不會過於重口味，同樣十分好吃💯栗米粉那一款有點像粟米脆果零食的味道🌽調味粉偏甜，雖然這一款用的調味是粉狀，但咬下去依然是肉汁豐富🤓.一直都覺得很多韓國炸雞店開到HK都有點變質，沒有韓國當地做得那麼好吃，但這一家炸雞真的很驚豔，超好吃，絕對會encore!!😍😍😍

又細、服務－般、露天、座位窄、味道麻麻、水都冇、又要加－、埋單都要你等、唔明點解叫貴族、普通過唔普通、座位又窄、鷄又麻麻、浪費quota. 蛋卷又唔好食、附近Red Chicken好好多，無下次。

🇰🇷韓國NO.1 高級烤焗炸雞韓國過江龍 PURADARK CHICKEN 雞肉嫩滑，用先焗後炸方式製作，再用210度火喉高溫焗製，能夠鎖住肉汁同時可減少油膩感，所以等候時間大約30分鐘倒， 建議番係平日下就食，會比較少人🤤半半炸雞🍗$198 (可選兩種口味) 2人份量🍽青陽辣椒MAYO炸雞🌶 (另外加$30)❤️推介 唔同普通死辣嘅炸雞 有韓國青椒既配搭 辣得來好開胃 再加上蛋黃醬 中和左青椒既辣味🍽CORN-SO AMAZING炸雞🌽(另外加$30)❤️極推介 有濃郁嘅粟米粉 粟米粉同雞既比例剛好 配上烤粟米 有粟米既配搭食完都吾會覺得太滯 🤤半半炸雞🍗$198 (可選兩種口味) 2人份量🍽秘製黑炸雞🧂(另外加$20)黑炸雞味道出奇好食，甜甜地又唔鹹，外脆內軟，加埋蒜片真係好好食🤤🍽辣卡邦尼年糕炸雞🌶 (另外加$30)食呢個可以同時食曬兩款食物，唔想單一食年糕或者炸雞既可以叫呢個！ 👀

話曬都被稱呼“炸雞界的Prada,點都要去朝聖下。夜晚去要注意多人，要排最少半小時。⏱⏱⏱啲雞好嫩滑 🍗🍗🍗青椒有啲辣辣地 佢係嗰啲泡菜青椒 係酸酸地辣辣地好開胃 😋😋😋 仲有粟米芝士粉🌽🌽🌽，入面有啲類似杏仁粒、定係花生粒嘅嘢所以就好有咬口，佢連前菜嗰個泡菜蘿蔔都係酸酸甜甜好好味～ 個醬呢啱啱好唔會太稀，唔會太濃。唔會張住個口，炸雞又炸得好脆，其實兩個人叫一碟雞都夠飽。梅汁就唔好飲，好似藥水🤢🤢🤢。因為太飽所以叫唔到咁多，但見到隔離枱叫咗啲炒年糕、墨魚圈，聽見啲人話好好食 炸得好脆。👂🏻👂🏻👂🏻