莆田 (Closed)

轉眼間結婚巳是第27個年頭了, 當晚以為老公要出差, 不會有空陪我晚飯, 我便自己訂了同朋友去莆田晚餐。 結果他推遲了出差至下星期, 我只有把老友推了後帶老公去食。幾年前早早已同2位老友去莆田在利舞台的分店食過ㄧ次, 朋友是特別推介及大讚食物質數高的。 不知怎的, 之後幾年幾乎天天到利舞台開餐,但竟未有再幫襯過, 所以今次算是特別去捧場的。 這店舖在商場內但不容易找, 因為沒有門牌。 問了商場護衛之後才知行了反方向, 到達舗門口時還好不用等位, 因為都8時多了, 巳有點餓。 立即打開餐牌看看它獲得了米之蓮ㄧ星級的菜色是什麼。我們兩人ㄧ共吃了四道菜, 起初覺得可能不夠, 結果份量也很足夠, 巳不用再追加。第ㄧ道菜是 "冰爽酒糟聖子", 賣相很好, 味道也很新鮮, 有着很香的酒味, 作為前菜份量是超多的, 感覺每人有六隻以上。跟着上的是"鐵板鹽焗聖子", 賣相非常吸引, 味道也是又鮮又入味。 真的沒想到可以把聖子排列得咁好睇。第三道菜就是"百秒黃花魚", 也是ㄧ大驚喜, 怎可把ㄧ條這麼細的魚做得又清又鮮又入味, 連平時怕吃清蒸魚類的老公也大讚煮得很好吃。最後食了ㄧ碟必食的"興化

一直得知莆田係一間可以品嚐新加坡菜色既餐廳但係一直未有機會一試 今日終於同屋企人同附近既分店享用午餐從餐牌得知最近餐廳新推出左兩款蟶子既新菜式一試之下真係好驚喜😍冰爽酒糟蟶子: 一入口爽口彈牙 蟶子吸盡濃濃既酒香 完全係食得出蟶子既鮮甜 一口一隻更加係食唔停😍百秒黃花:肉質鮮嫩 浸在濃濃魚湯完全鮮味無比 魚肉雪白完全食唔出雪味 亦都食唔到碎骨 真係令人一食難忘!興化炒米粉:麵質幼細有咬口 配料豐富 份量亦好足夠 建議可以2人share

享譽新加坡的福建菜的「莆田」, 是米芝蓮一星食店之一, 之前已食過兩次, 但每款的份量頗多, 兩個人就不能點太多款式的菜, 時間 6:00pm, 不用等位, 今次我們點了「阿元香草雞」、「椒鹽豬手」、「興化米粉」。 「阿元香草雞」    ~ 賣相不俗, 初時覺得好似醉雞, 原來沒有酒味, 並不是醉雞, 肉質不算嫩滑, 好在味道幾入味, 雞皮沒有多餘的脂肪, 是爽脆的 (雖然本人不食雞皮)。「椒鹽豬手」  ~ 豬手夠熱, 炸得非常金黃酥脆, 又惹味又入味, 一咬好腍鬆軟, 好多骨膠原, 入口即溶, 唯整隻豬手沒有瘦肉的。「興化米粉」     ~    米粉炒得好乾身, 上層舖上也好味, 興化米粉很幼亦爽口, 和新竹米粉的口感和粗幼好相似呢! 但對比略貴的價錢, 就覺得性價比低。食物菜式水準幾好, 味道不俗, 但食出味精不少, 菜式款式算多, 唯性價比並不高。 作為米芝蓮食肆, 服務水準應比外出的還要高, 但他們的服務水準好偏頗, 當晚雖然是街坊裝仍保持端莊, 但沒有得到殷勤或好禮貎的服務, 期間只是落order和結算時有互動, 反觀隔隣枱的一對白領客人, 估計剛放工穿著西裝和套裝, 侍應

始終閔菜不是我的口味，可能香港人未必會喜歡。感覺是在吃「家鄉」菜一樣。環境和服務都不錯，吃就不用再試了。你坐下之後他們會給你伴菜之類的東西，是要付費了，不要一定要跟他講，不然結賬的時候會收九元。要過一百元才可以刷卡。

這間餐廳是米芝蓮一星餐廳， 當初也知道馬鞍山有這間餐廳便很想來試試終於在佛誕當日來到莆田Potien(馬鞍山)享用午餐。當天大約是下午一時， 餐廳內仍有很多的空位，很快便能入座。餐牌有很豐富的食物相片及食物的介紹做得錯我們一行四人最後叫了一個午市四人套餐B餐包括了: 莆田滷麵大白菜燉軟豆腐莆田荔枝肉軟煎黃花魚精美四小拼炒荷蘭豆水果香芧杯(甜品)等味道整體來說也不錯！員工服務態度也良好除了那位經理有點串我們只是在下單前問他一些關於某菜色是否帶辣味的問題他便非常不耐煩及不溫柔的回答我們我認為那位經理應該改善一下他的態度。推薦大家來莆田餐廳

今晚我們喺馬鞍山附近做完嘢之後去咗新港城中心睇吓有咩好食？行到去見到有間叫「莆田」嘅餐廳係食新加坡福建菜，而且仲獲得「米芝蓮一星」嘅殊榮，所以我們就決定入去食晚飯！一開始店員就攞咗餐前水果同餐前小食黑木耳畀我們！喺食完啲餐前小食之後，我們就叫咗阿元香草鷄係凍食，感覺好似食緊醉鷄咁，但肉質比較「粗嚡」！水晶豬蹄凍嘅質感相當爽滑彈牙，唔會好硬實實咁！包菜飯並唔係好似個名咁用椰菜包著啲飯，而係將啲椰菜切成絲，之後加入啲炒飯度，啲炒飯炒得比較濕，唔係好乾身，至於味道亦都係比較淡！莆田滷麵嘅味道都算鮮味，但麵質就比較腍身，所以要快啲食，如果唔係就變成麵糊咁！黃金荷葉包係將個包炸到好金黃香脆，表面就沾滿芳香嘅芝麻，再夾埋啲肉絲同洋蔥絲一齊食，真係好正呀！糖醋皮蛋嘅外層係薄薄嘅炸粉，入面就係煙韌軟滑嘅皮蛋，而且沾滿酸酸甜甜嘅醬汁，相當醒胃！百秒黃花魚係吸引我們入嚟食飯嘅主要原因，因呢個係獲得米芝蓮一星嘅殊榮菜色，百秒嘅意思即係唔可以煮超過百秒，肉質極之鮮甜嫩滑，而且唔會有好多骨，魚湯亦加咗薑同蔥，可以辟除咗啲腥味！傳統海蠣煎即蚵仔煎咁，不過就略嫌煎得過咗火！椒鹽豬手雖然炸得好香口鬆脆，但賣相就真係麻

I have been here a few times with family and on my own. beware one waiter who is male and has issues with his leg is super-rude. He asked customers to get to pay at the counter when there is less people at the restaurant. a michelin one star restaurant is no better than a self-help cafe..... food is average only - small portion

本來已經delete左openrice個app,因為成日彈app,都要download返落黎寫comment就知呢間野有幾吾掂。我從未寫過食評，因為好既吾想甘多人知（自私的香港人），衰既咪食一次以後吾食，佢都遲早會接埋。阿媽吾知點解鐘意食呢間，我寧願正正經經去酒樓叫隻龍蝦。食物吾好食都算，4大1小1千吾洗係好平，所以吾講蟶子吾新鮮呢d廢話。個service 真係同澳牛有得比。食完蟶子叫個部長換碟佢當聽吾到，再叫個待應，佢拿少左一隻新碟，係咪有鬼眼睇吾到我地其中一個？叫甜品，ok你覺得我cheap兩個人share一碟問你拿多隻dessert spoon,我認我cheap lor,叫左兩次。跟住我阿媽話想試一啖，我叫佢抹一抹我用過既dessert spoon,佢又叫部長俾多隻dessert spoon,個部長話：「吓，又要」俾左隻湯匙....吓我果舊係蕃薯蓉唧到雪糕甘shape,個湯匙甘厚實好易食到啦。真係十分耐無係一間正規餐廳甘俾人對待過，長知識。

今晚同阿媽去左新港城食飯 , 呢度開左咁耐都未試過, 一於試下.一開始先奉上菊花茶同餐前小食.之後我地每人叫左碗傳統扁肉湯，入面有D扁肉，係好似細粒既餃子咁。皮薄有餡，成碗湯有少少酸，飲完好開胃！之後黎個百味黃花魚，聽職員講係入咗米之蓮既一道菜。但個價錢係60幾蚊，一Ｄ都唔算貴。食魚時要配埋D 湯入的!魚湯既調味料有薑有葱，魚肉少骨，食落好滑，一定要試。另外, 叫左個九轉小腸，咬落好彈牙，味道甜鹹適中，又唔會有油膩感。最後叫左個興化米粉，份量超多，而且配料豐富，又蝦又蜆，米粉亦勁多。食落米粉爽口，彈牙，可以加辣醬食，不過由於我咳到死既關係我就冇加喇。OVERALL 埋單都只係$270到. 好抵食.           

今日和太太往馬鞍山莆田食lunch, 我們點了莆田扁肉湯和興化炒米粉。這裡的菊花茶口感清新, 味道有陣陣菊花芳香；莆田扁肉湯湯底酸酸甜甜, 酸甜度適中,味道開胃, 配上蔥花令湯底飲落去口感豐富, 扁肉賣相精緻, 扁肉晶瑩通透, 扁肉內的是朱腿肉, 食落肉質鮮甜味美；興化炒米粉賣相一流, 米粉炒得乾身, 食落味道爽口, 配上辣媽醬能帶出米粉的爽口,興花炒米粉材料豐富有蝦仁, 蜆、西芹、紫菜、花生和蔥花等, 蝦仁和蜆食落鮮甜彈匯, 西芹食落爽脆、紫菜香脆, 食落惹味；花生和蔥花的惹味能帶出整碟炒米粉豐富口感, 食落惹味。餐廳座位舒適, 食物份量十足, 食物美味, 價錢合理, 我和太太食了一客美味午餐。

馬鞍山新港城裝修左所以有好多唔同嘅食肆都入咗鋪頭相對地可以試都唔同種類嘅餐廳❤️❤️今次係是中國菜因為係同媽媽一齊食唔駛等好耐就可以入座喺餸來之前會有小食俾我哋😉九轉小腸九轉小腸肉好入味而且甜甜地鹹鹹地咬落去仲好彈牙同埋好香食落去一啲都唔油膩同埋佢嘅汁都係好香完全係唔似食緊小腸為咗保持溫度下面會有一個小蠟燭一直開着百味黃花魚係呢度最出名嘅一道餸而且入咗米之蓮價錢亦都唔算貴重點係佢個湯同埋🐟生魚肉非常之滑魚湯有唔同嘅調味料有薑有葱同埋魚肉係又滑又甜我都明白到點解咁出名傳統扁肉湯 (每客上)酸酸地同埋啲扁肉就好似餃子咁入邊有餡只不過皮比較薄所以好吸到湯嘅味道完全係好開胃好好飲輕化米粉 份量好大嘅米粉而且米粉係佢哋自己製造所以食落我會覺得比較爽口彈牙同埋亦都可以點一啲辣醬食食落就會更加刺激好味

新年和爸爸媽媽到馬鞍山米芝蓮一星的莆田吃晚飯！本來懷著滿心期望，但最後卻是滿心失望。無論食物或服務都未及我預期。撈喜 $188/小 - 我們三個人，所以叫了一個小的撈喜，所有材料送到枱上，的確很少，材料種類亦很少。魚生亦不是三文魚刺身，而是煙三文魚，那又何來撈生魚片呢？再說服務，撈喜是店員一邊說吉利說話，一邊撈入材料。但店員黑囗黑面，一點喜悅的感覺都無，真是大煞風景！百秒黃花魚 $69 - 條魚真是很細條，上到枱時，仲好似唔見咗一忽。而且條魚的魚鱗真是多到無倫，本身條魚已經極細，加埋咁多魚鱗，唔知點食！莆田滷麵 $82-食到嬲嬲地，唔記得影相，這個滷麵味道一般，但個獻汁好杰。

我倆，女兒及女婿齊齊放假，決定提早吃團年飯。上年曾經幫襯過覺得水準頗佳，於是在這裡吃飯。原先只考慮點幾款小菜，但見到這個四人套餐菜式不錯(推廣期有88折)，決定食豪少少。鴻運發財撈起 - “撈起”聽得多但未吃過，上枱 時由侍應講一些吉利語句後， 加麻油，麻醬等其他醬料撈勻 後進食，配料有生三文魚，薄 脆，蟶子乾及菜蔬絲，不錯。蘭花扒南日鮑魚 - 每人一隻，入味有咬口。莆田海參大蝦聚寶盆 - 有大蝦，蘿蔔，冬菇， 紫菜，荷蘭豆等配菜。 清蒸老虎斑 - 雖然細條一點，但肉多蒸得 恰好。脆皮蒜香雞 - 上次幫襯時已試過，今次再吃依 然皮脆肉滑及不肥膩，不俗。其他如家常燜筍乾，滷水自製豆腐，上湯時蔬，媽祖麵線及紅豆沙芋圓等雖然較為普通，但整體來說是

平日午餐有雙人和四人套餐，既沒有服務費也沒有茶位費☺。菜品都還蠻有滋味的，頭盤小菜的拌紫菜好好吃😋，魚也非常鮮，雞的做法略膩，苦瓜和河粉無功無過，甜品點的糖水，套餐人均不到100太劃算啦😁，會再光顧的

食兩個下午茶套餐 炸嘢全部凍既主食係湯面同炒米粉 隻碗仲熱過d面 真心灰根本講唔上味道 連最基本既食物溫度都無希望唔好再有人中伏 2018年第一餐 就俾左呢間垃圾餐廳 浪費左人生三十分鐘