莆田 (Closed)

剛搭完長途機回港，沒什麼胃口，又見這不用排隊，就進去嘗嘗。一進去就有侍應招待菊花茶，花心紫菜，再給予時間看菜單，第一印象不錯。最後叫了上湯莧菜、招牌黃花魚、大腸包小腸，及煨麵。上茶時間極快，不用5分鐘時間，所有菜式接踵而來。第一味，大腸小腸。味道不錯，口感彈牙，溫度適中，非常易入口。第二味，煨麵。材料豐富，湯底濃郁，海鮮味重，麵條偏軟，不過不失。第三味，上湯莧菜。莧菜入味，加了咸蛋黃，幾開胃，一吃不停，但是唯一美中不足是吃到最後有點咸。第四味，黃花魚。魚肉鮮甜，味道適中，值得推薦。總括是次晚飯不錯。

我住馬鞍山二十年，這是我遇過最差的餐廳，還稱米芝蓮星級餐廳，簡直不知所謂。兩天前父親大人生日前夕，因為不想老人家走太遠路，就選了莆田，誰知食物水準一般，服務態度奇差。垃圾服務三宗罪：1.我們一家五口中二個七八十歲老人家加一個小孩，我們散叫，因套餐內有煎炸或辛辣，但餐廳hard sell 套餐，「一論咀」地說套餐食物很出名，很好吃...完全沒有理會客人。2.我們點了一客鹽局豬肝，上菜時豬肝如乾柴，又乾又硬，因為賣相太令人失望，所以平常沒拍照習慣的我也照了一張，猶豫之間仍吃了一塊，如吃紙皮。3.當侍應上第二度菜時，我們初時只反應一下，但對方卻質疑我們把食物放太久，但態度尚可，誰知來了個senior,就是點餐那位，又是質疑我們把食物放太久，我們要求取消，但對方竟拿著另一枱客人點的豬肝來爭論，未食己一肚氣。而且我們由order連食到離開只是四十分鐘，怎會把食物放久呢?還有百秒黃花魚，一條鲜味，一條霉味。上菜時即拍的，豬肝已發黑。埋單後一行人到別處再吃。

媽媽之前經過見到莆田門口推廣黃花魚燜飯嘅廣告就比佢深深咁吸引左，今日見到無乜人就去左食喇。由於時間尚早，大概6點鐘，所以唔洗等位就入得。必嗌嘅就一定係呢個一早睇中左嘅黃花魚燜飯！無論賣相同味道都相當唔錯，每一粒飯都沾上左黃花魚湯汁，飯嘅軟硬度拿捏得相當好。黃花魚就比較少，不過無乜骨，都幾好飯。然後呢個煎蠔餅都不錯，感覺似係即叫即煎，熱辣辣的。蠔嘅份量都唔少，唔會食落覺得成口粉。另外佢配左一個好特別嘅泰式醬汁，沾左汁食又另有一番風味，好似食緊泰菜咁。叫左兩個包黎試，好似炸饅頭咁，不過佢配左啲肉絲炒洋蔥用黎夾係包入面食，食落一啲都唔膩，好香脆好惹味。呢個腸都幾特別，有好多好多層，然後仲有個蠟燭仔熱住佢，都幾好食嘅。最後係爸爸一早睇中嘅芋芯，本身唔食芋頭嘅我都覺得好好食！佢外脆內鬆，外面似係煎脆左嘅焦糖，入面係好粉嘅芋頭，係十分好食！整體而言，莆田嘅食物都幾好食，雖然價錢會貴少少，不過都值得再去食！

屋苑附近商場最近新裝修,加插咗好多新餐廳 ,一路都想去試下. 今日忽然即興一家三口決定去試下呢一間新餐廳“莆田“。服務員送上餐牌，由頭揭到尾都未能肯定屬於咩菜式餐廳， 因為餐牌包括上海、潮州、新加坡、馬來西亞……總之東南亞菜式就是。餐廳似乎重點推介嘅係黃花魚菜式，因為餐廳裡面有電視大螢幕不斷播出佢哋捕捉黃花魚 與及冰鮮保鮮嘅全部過程， 於是就點咗個沙碢魚湯煲。 一個小砂鍋煲，份量足夠 三至四人 食用，揭開煲蓋， 新鮮熱燙 ，上湯顏色濃稠奶白 味道鮮甜 ，還有一些煎香黄花魚肉非常鮮味 ，但這個湯絕對不適宜小朋友飲用，因為湯裏面 包含有魚骨 ，大人 飲用亦要特別小心。叫咗個九轉小腸做小食 ，味道 似台灣嘅滷水 食品， 味道一般 但賣相小巧 ，上桌時 有一個保溫盅以保持食物 溫熱。另外叫咗個 莆田鹵麵 ，上餐桌嘅時候有一種兒時嘅感覺 因為好似兒時食既狗仔粉 ，湯汁 略為濃稠， 並唔係清湯 ，麵條 軟冧 海鮮料亦非常豐富。還有做得好好嘅芋鴨，外皮有啲似芋角，裏面有鴨肉， 所以每啖都外脆內軟，非常好味。最後點了一個不大好吃嘅香煎蚝蠣 ，因為粉漿太多而蠔仔太細 唔係幾食得出蠔的鮮味。整體價錢屬於中

本身係福建人，所以對呢間莆田有d情意結😊星期二晚8點幾黎食，都可以直入，仲要坐4人檯添，飲食業生意不景還是我地已屬於夜食？2個人叫左：1. 蟹肉豆腐紫菜羹： 可以分到6-8碗。我中意食紫菜，所以覺得好好飲，但另一半話幾乎見唔到蟹肉喎⋯⋯2. 莆田荔枝肉： 睇個中文名以為係素食 ，但睇英文就見到pork, 荔枝是甜的，豬肉是脆的，都ok喎3. 黃花魚燜飯: 好似係季節限定，唔係全年有得食，畀介紹話湯汁包住每粒米飯所吸引。有去骨魚塊3-4塊，都幾好食4. 馬來風光：有d似馬拉盞炒通菜，另一半覺得好味，但個人就覺得正正常常除了價錢稍貴外（2個人食左$4xx)，其他一切很好！

We ordered food from the menu. The lady sitting next to us ordered additional items so we decided to as well. When the supervisor came over,  we were told that additional items could not be ordered. Nothing is mentioned on the menu, plus the menu was only in Chinese.  For a newly opened restaurant, not having menus printed in both Chinese and English is very uncommon. Anyway, the supervisor was EXTREMELY rude. I complained and reluctantly, we were allowed to order additional items. When she brou

星期日最好就係同屋企人打麻雀食大餐！今日都唔例外，係不停咁打左8圈後，最終表姐一條友大獲全勝，贏左成千蚊！咁大件事就梗係要老屈佢請食飯先得！諗左好一陣後就去左呢間有米芝蓮級數既中菜餐廳開飯去～識食梗要食前菜開吓個胃！所以姨媽就叫左個爆健康既冰浸苦瓜，初初驚好苦，但一食就覺得好清新，點埋蜜糖食就倍感滋味醒神跟住當然要飲個湯暖暖個胃呢個紫菜海蠣湯都滾得幾好，無沙既同時亦鮮味，蠔仔好鮮甜乾淨，食得放心又好味表弟就叫左個一品紫菜煎，咁我地都未食過，咁就試吓囉～原來係紫菜煎蛋，幾有趣，味道充滿蛋香同紫菜鮮，幾特別，幾OK整鬼阿媽又要食呢個湄洲島紫菜燜飯⋯⋯好多紫菜⋯⋯好多紫菜，但呢個飯又確係幾好食，唔乾身又有紫菜鮮香，唔會太咸，係煮得真係好既成餐飯食左好多紫菜，全部無沙又鮮甜又有營養，屋企又真係唔識煮，加上又有表姐俾錢，心理同肚都覺得好爽！

今日同男朋友去咗馬鞍山探險已經好多年無去過啦睇完戲之後就去咗食莆田係我老闆特別介紹知我鍾意食中菜我係餐牌見到興化米粉，懷念之情突然湧上心頭。記得中學嘅時候我嘅中學同學每逢返福建都會帶興化米粉俾我，口感鬆軟易吞，唔似得而家啲炒米粉好似橡筋一樣難以吞嚥。先來個四小拼佢有紫菜，九轉大腸，滷水豆腐，煙燻豬蹄凍紫菜夾雜蝦米鹹香冇沙好味滷水豆腐冇乜特別冇乜味九轉大腸好欣賞好香滷水同八角桂皮香味 煙燻豬蹄凍一般，鹹香但不帶煙燻味雲吞湯湯底清甜，雲吞肉粒粒彈呀，同男朋友嗌一窩好快已經飲晒芋香鴨，芋頭鬆軟，外面炸得薄，唔油但脆口鴨肉鬆化，好有誠意興化炒米粉配料有菜，蜆，蝦，花生，紫菜等等，每啖入口海鮮鹹香，米粉入口鬆化香軟！加埋辣醬，正啊服務都唔錯上台同落單都好快手今次同男朋友兩個來所以試得四個餸下次一定會帶更多朋友一齊是更多嘅菜式

一行三人難得見莆田不是太多人輪候，便試試「米芝蓮」一星的功架。剛坐下，已經發現碗沒有洗乾淨了，唯有請侍應換另一隻。餐牌的價錢不算太貴，但也不是特別化算，我們點了半隻脆皮雞、一個大白菜豆腐湯、兩件椒鹽豬手和一條黃花魚。脆皮雞炸蒜夠多，略不夠咸，雞肉質感尚可，部份地方不夠熟。大白菜豆腐湯有點像砂鍋雲吞雞的味道，豆腐其實是長條形的豆卜，有少量蝦跟肉碎，湯夠熱，在只有11度的寒冷晚上，增添美味。椒鹽豬手豬皮夠脆，香口，但不夠咸，最特別的是，裡面完全沒有肉，只有皮跟膠質，應該是特別的煮法，好吃，但非常膩。黃花魚湯底不錯，魚也還好。在馬鞍山一向用餐都要降低味道的要求，因此，莆田不特別好吃，也在意料之中。但作為「米芝蓮」一星的餐廳，服務態度如此惡劣，實在令人氣結。無視食客我們要求加水，一位阿姐聽到了後，叫另一位阿姐去做，但另一位阿姐完全沒有意欲幫忙，第一位阿姐明知第二位阿姐沒有協助我們，仍然回廚房送餐，最後明明聽到我們的要求，都沒有人幫我們加水。上湯態度一間稍有服務的餐廳，上湯就算不協助裝盛，也會打開煲蓋，放下幾隻碗供飲湯用。但這間餐廳作為「米芝蓮」一星的餐廳，竟然是放下就走，我們等了五分鐘都不見有

馬鞍山有米芝連餐廳，點都試下啦一星。款式好似有好多，但係其實減落手呢冇乜嘢可以揀。我哋揀咗一個扁肉湯，煎馬交魚同埋椒鹽豬手。首先扁肉湯係一個福建菜，加左少少醋。湯呢有好多，味道唔算濃帶醋味。扁肉湯入邊有小雲吞，皮係豬肉，入面都係豬肉做。細粒同皮薄，但無乜口感。馬交魚抵食既，99蚊2件。肉質都脆，少少黑啦。椒鹽豬手大件，肉唔多正常，皮唔脆但又唔係林，野味但味道普通。環境幾靚，白金色配綠藍色，坐sofa好舒服。

上個星期同爸媽去馬鞍山同婆婆拜年於是中午搵間餐廳跟爸媽午膳啦雖然馬鞍山位處較為偏僻，但估不到餐廳亦開了不少爸爸提議吃莆田，姐與媽當然絕無異議啦適時紫菜當造，於是點了一個「2人頭水紫菜套餐」冰鎭苦瓜，咬下去爽脆，帶微微的清甜蝦苗拌頭水紫菜餐前的涼菜，小蝦苗伴紫菜紫菜入口爽滑無砂，爸爸話汕頭的紫菜品質就最佳啦九轉小腸外皮炸得香脆，入口甘香酸甜的口感彌補豬腸的微膩度一品紫菜煎樣子似韓國的煎餅，紫菜切得幼細混合蛋漿煎至外表金黃，平時吃媽煎的韭菜蛋餅多紫菜煎蛋，的確第一次，有趣的一味菜興化炒米粉粉條炒的爽滑，加點辣醬，特別釣味亦有幾隻彈牙大蝦，肉質很飽滿的雖則話是2人套餐，但麵湯有齊，加上幾個小食姐三人亦夠吃呢！

枉稱米芝蓮，年初四不單唔做下午茶市，上座後茶水前菜冇人遞，菜未上齊唔跟不單止，仲催客埋單，基本嘢都未做好，上下一心hea做，個個執枱仲念念有詞，喺銅鑼灣，鑽石山同荃灣分店都未試過咁。紅糟雞三催四請下上菜燶底，包菜飯零零落落仲有鹽未溶晒，侍應上菜毫無禮貌，大力放餐具，催菜你推我讓，個個掛住落場寧願啲客即走，甚至問完啲客幾位先講下午Las order已完，咁問嚟做咩呢？雖然馬鞍山係美食沙漠，但如果呢班員工態度不變，一定做爛莆田嘅招牌。

公司最近生意好，賺咗唔少錢，分到落每個部門都有少少甜頭~~我地部門boss話既然有資金啦，一齊出嚟聚個餐，地點我地自己定於是最後就去左我同事屋企附近既有米芝連級別既福建菜餐廳食飯慶祝去嚕坐底後我地就叫左好幾樣野，第一樣送黎既就係蝦苗伴頭水紫菜，單睇個樣就覺得好精緻，味道就帶點酸，更食到紫菜的香，作為頭盤而言甚是開胃之後出場就係呢道紫菜煎餅，講真咁大個人都未食過淺嚐一啖就食出原來係紫菜同煎蛋嘅完美結合！！就好似食緊紫菜味嘅炒雞蛋咁，雞蛋好香口感好好~跟住仲有呢個有超多紫菜嘅紫菜海蠣湯，紫菜處理得好乾淨，一啲都食唔到有沙，而啲蠔仲洗得好乾淨好白雪雪，又好鮮甜，食得安心又好味道再黎就係飽肚野出場嚕呢碟興化炒米粉啲米粉係幼身個隻！口感極佳，絕唔你便宜貨而入面仲放咗花生、青菜、雞蛋、菇…好豐富吖！！！仲一啲都唔油膩，廚師功力真係有返咁上吓由於我地太大食既關係，所以仲叫埋餐廳既招牌莆田鹵麵，係湯麵黎，個湯底味道好濃，材料多多，味道鮮夾甜，麵質亦煮得剛好，彈牙又爽口呢餐雖然唔係咩名貴菜式，但營養價值高，仲無咩味精，味道又好，我同我都同事都大滿意呀

放假做咩好！梗係同屋企人出去食餐好喇！我地今日就去左食新派福建菜未入去就係門口見到超大嘅宣傳單張，原來最近係紫菜最好收成既季節，所以餐廳都因而推出一系列紫菜菜式！於是我哋入座後就叫咗幾款~先嚟就係家鄉燜紫菜，啱啱見到呢個菜嘅時候，覺得黑矇矇唔係好吸引，但係細味段就發覺好好味！鍋入面除咗有滿滿既新鮮紫菜外，仲有少少肉碎一齊燜，燜出嚟嘅汁特別好味，唔單止有肉汁味，仲食到紫菜嘅鮮味。緊接嘅有紫菜煎，係將紫菜同雞蛋一齊煎，搭配好新穎，唔油膩之餘，仲有好香嘅雞蛋同濃濃嘅紫菜味吖！！而呢個蝦苗伴頭水紫菜亦很好味道！涼涼地既口感又帶點微酸，極開胃，同時紫菜入邊仲有好多細蝦苗，口感爽口又鮮甜，確是食得出廚師既用心我就覺得呢款九轉小腸係最好食既！口感爽彈，而且廚師以一層包一層的方式包出層層相扣的豬大腸菜式，實屬是心機手工菜式！不是隨處可以食到，而且烹調的湯汁更是極之美味，食得我食完一粒再想食一粒！！另外我地仲叫咗百秒黃花魚，來到時熱辣辣，魚肉又極嫩滑，好食得我地都不停食呀食呀~呢餐好食之外，菜式又無咩味精，完全食出食材的鮮味，難得難得

6個人食左超過＄1700，每人夾唔夠一啖，已經唔夠分，最離譜係度苦瓜，個碟好大但得6片苦瓜，份量少到離譜，餐牌款式選擇又唔多，食物味道未達米芝蓮級數，同普通高級餐廳水準差不多，落單之後原來售罄既菜式，服務員未有即時通知，令客人呆等到天光，唔問都唔知原來已經取消左。超失望，從來未試過食完正餐好似冇野食過咁，豬肝咩味都無同自己係屋企白湁一樣，黑胡椒蟹個汁過份甜，領到隻蟹冇曬鮮味，一睇賣相已經知道唔好食，果然食咁耐真係難以置信係米芝蓮