Puzzle Dining & Cafe (Closed)

高質素的小店，有心思及有趣的配搭！.🥢龍蝦汁蟹肉意大利飯配天婦羅蝦店員特別介紹，意大利飯是特意保留傳統的煙韌口感，而不是煮唔熟~好多人以為煮唔熟？😂😂好濃的龍蝦汁加上炸得脆脆的蝦，是一個有水準的海鮮飯👍🥢黃油春雞配荔枝冇睇錯~你荔枝😆好有趣，所以要試下！兩個大欖都拉唔埋嘅食料，放埋一齊都出奇地夾☺️menu話清香荔枝，又真係幾清同fresh, 配埋重味的黃油雞，幾平衡及有層次~大膽的配搭✴️✨🥢黑松露薯條好大方嘅黑松露~😉 加上一大碗我以為係南瓜湯嘅芝士汁，邪惡指數爆哂燈😆✨不過愈邪惡愈好食！ 加埋啤酒就perfect 😋😋

難得今晚有時間去和你晚餐，識揀梗係揀呢間！唔需要數二維碼，填紙仔就可以入去，環境光猛寬敞。叫咗個北海道吞拿魚沙律（ $108 ），除咗沙律菜，仲有蜜柚和吞拿魚幾件（非刺身），個醬汁好好味，吞拿魚肉質都唔錯，份量較大。另外叫咗一個龍蝦汁蟹肉意大利飯配天婦羅蝦（$148），餐牌寫明啲飯質感比較煙銀，都係既，同平時食嘅意大利飯有少少不同，蟹肉份量都唔少，最正係天婦羅蝦大大隻，乾身脆口，感覺唔錯。喜歡飲咖啡嘅人，可以試吓呢度唔同嘅特色咖啡，今晚有少少雅興，叫咗一杯Latte和一杯House Wine來撐枱腳。拎住杯紅酒，透過落地玻璃望住街外，真係好有mood！紅酒都算易入口，酒味芳香。另外我都試咗一口latte，偏重奶味，幾啱我飲。

星期日約左女朋友去馬鞍山行街睇戲。睇完戲5點半行左一個圈，女朋友話肚餓，咁就係附近話間良心店食。🤣比較多人推介既就係呢間puzzle dining！入到去，職員安排左個window sit俾我地。😍我地都好鍾意坐window sit，雖然望出去係行人路同馬路，但因為果度人唔多，所以都唔會覺得d人行黎行去會唔舒服。🤣食物方面，就真係非常好食，價錢絕對合理，而且服務都好好！我地叫左2個小食，一個risotto，一杯啤酒，一個甜品。全部都正。🤩鹹蛋黃單骨雞翼 8件 （$68）鹹蛋黃味超重，超好食！！！😋而且個皮炸得好脆，D肉又滑。絕對係高質之作。煙肉芝士焗薯皮 （$68）芝士味都幾濃，而且好香。配上小小既煙肉，唔會覺得鹹，份量調配得幾好，令個味道恰到好處！😋龍蝦汁意大利飯配天婦羅蝦 （$148）龍蝦汁個味都好突出，個飯好煙韌！😋再配上三隻蝦味十足既天婦羅蝦， 將成個飯昇華左。呢個真係十分推介！🤩和你sweet （$158）佢地甜品既名全部都改得好正🤣一上枱覺得擺得好靚，好吸引。呢個係甜品拼盤，有3件泡芙，3件迷利Mango Cake, 香蕉，1件窩夫同一個雪糕筒😋每樣都不錯！1664 （$7

台式肉燥彩椒菌片意大利麵$62 台式mix西式，完全無遺和感之餘仲覺得幾合拍wow肉燥份量比得足，食到底都仲夠撈脆炸薯條+$15薯條一致得到高度評價，真係十分yummy n crunchy強烈建議大家一定要比呢15蚊去加一份薯條Puzzle 秘製胡椒叉燒配煎蛋伴珍珠米 $82叉燒厚切得嚟仲keep到多汁加埋隻脆邊煎蛋，扒飯一流另外睇到餐廳有相當多嘅精品咖啡豆，相信一定可以滿足到一眾coffee lover 最後我想同脆炸薯條講，I’ll be back你真係太正啦

相信係馬鞍山最出名嘅黃店，自從搬咗舖之後，一路未有時間嚟，今日終於可以嚟朝聖啦！餐廳位於角落頭位置， L型設計，玻璃窗可清楚望到外面嘅馬路，室內有少量黃店獨有裝飾，座位也不少的，有自助水吧。今晚食咗個龍蝦汁蟹肉意大利飯配天婦羅蝦，佢哋呢個用正宗意大利米，食落相對有煙韌感，並非只係好似生米既感覺，而d米索哂d龍蝦汁，更加味美。蟹肉拆碎夠鮮，還有些雜菇，天婦羅蝦有三隻都幾大隻，好味呀！另外叫咗個巴馬火腿配三重芝士pizza,雖然簡簡單單，但都好好食，cheese同巴馬火腿都好夾架，餅底薄而脆，值得一試。嚟過既人應該都知呢度有好多款咖啡，今日講開先知原來佢哋係自己炒豆，仲有得買豆走，唔同產地唔同炒法，今日我就試左杯「瓜地馬拉 薇薇特南果」，奶和糖也毋須落，佢既啡味唔算濃，反而帶點果香，回甘帶丁點兒酸味，唔錯既嘗試！佢仲有限量供應既音樂家系列，唔通飲完識作曲？😆在有良心餐廳吃一頓美味晚餐，就係good taste啦！

來到馬鞍山搵朋友 當然要來搵間cafe chill 下 係馬鞍山新港城附近既Puzzle dining cafe 地點方便，附近環境美觀。位於街道轉角，餐廳亦採用全落地玻璃設計，使室內光猛醒神，有少少似去左歐陸cafe咁我地點左兩個lunch set ，前茶有迷你沙律同餐湯，沙律既菜好Fresh餐湯香濃，材料頗豐富主菜之一煙鴨胸蘋果沙律青蘋果同鴨胸根本無得輸，蘋果好多汁，加上厚切鴨胸好正芝麻汁份量都剛好，唔會浸住d菜同太重味。整體 Fresh ，顏色豐富， 影相好靚！ 主菜之一韓式西冷牛肉配珍珠米飯2大塊大牛扒牛味濃郁，帶點脂肪位，口感好好，唔會好靭。 加上洋蔥汁好好送飯！配菜亦好重要，五顏六色，烚得剛好，保留口感，唔係放左好耐，凍冰冰那種。加埋軟綿香糯既珍珠米，好幸福飲品一號熱伯爵奶茶作為只係加五蚊既飲品，明顯誠意十足！我本身唔係好接受伯爵茶味，但想不到這奶茶會咁好飲睇顏色就知道，奶跟茶比例剛好，香氣撲鼻。飲落去好順滑，最後仲有花香餘韻 一定要試！飲品二號E18招牌虹吸咖啡 好靚既器皿 貼心設計，下層盛冰水冰住上層咖啡，唔會溝淡。杯仔下方杯墊係有餐廳招牌，用小方格組成的圖畫，十分過

呢排天氣都係暗天，實在太無MOOD，所以想對自己好D，去一間舒舒服服的小店，飲吓嘢，輕鬆吓。入到去睇menu, 見到好多酒類選擇，一共5頁，實在太意外喇～食物方面，先嚟個煙三文魚牛油果沙律開開胃，由於當中有牛油果，而煙三文魚份量都好多，所以都幾飽肚㗎！沙律菜仲好爽脆，證明仲好新鮮👍🏻主菜係法國黃油春雞配清香荔枝～充滿果香嘅一個item!! 荔枝既清香，解了肉類既油膩感，而春雞都比想像中厚肉，墊底既配菜都可以令我驚喜，有非常多款式，充滿新鮮感。最可以令我放輕鬆既house wine，一杯剛剛好，係略帶果香，啱女仔口味，下次可以試埋其他酒😜

馬鞍山泳池旁邊嘅餐廳搬咗去新港城之後我都未去過，今日食完晚餐發覺水準依然，以後就方便就腳好多。呢度嘅炸物最好食，叫左小食拼盤（薯絲蝦、拉絲芝士條、大蝦柚子沙律、忌廉芝士磨菇雞翼），呢個小食拼盤全部都好有特色。薯絲蝦顧名思義係薯絲包住炸蝦，出邊香脆嘅薯條加埋裏面爽脆嘅蝦肉，感覺好新鮮。大蝦柚子沙律酸酸甜甜夠晒開胃，中和左炸嘢嘅油膩。仲有忌廉芝士磨菇雞翼，呢個配搭原來係咁好味。想食意大利飯原來呢度都有得食，龍蝦汁意大利飯配天婦羅炸蝦，濕潤嘅半生熟米飯好香龍蝦汁味，又係創新菜式，配天婦羅蝦新奇有趣！😆食薯條永遠覺得沾嘅醬汁唔夠，呢個脆炸薯條配邪惡芝士醬啱晒我，一大兜芝士醬，想點幾多都得，超惹味外脆內軟薯條，勁正！咖啡都係餐廳主打，有好多人喺呢度飲完咖啡覺得好飲都會嚟呢度買咖啡豆，我都叫咗杯Latte回味下，不錯不錯！

🍴C.C. - 芝士焗薯條配黑松露醬 HK$78薯條本身連埋芝士焗過，充滿鹹香，黑松露醬添上幽香，若然鍾意超級重口味，仲有兜芝士醬任你點。🍴小食拼盤 HK$98先食大蝦柚子沙律，醒一醒胃。薯絲蝦好香脆。芝士條係水牛芝士，如果熱d會更好。忌廉芝士磨菇雞翼肉質幾滑，甜甜地幾滋味。🍴熔岩芝士原條鰻魚飯配蝦串 HK$148水牛芝士加上大量芝士醬，配菜又多又新鮮，飯都好大碗，蝦表面輕微煎香，我唔食鰻魚，家母話唔錯。🍴Kronenbourg 1664 Blanc HK$78唔止有多款精品咖啡，仲有生啤供應，配炸野一流。📍Puzzle Dining & Cafe馬鞍山鞍祿街18號MOSTown新港城中心(5期)地下G30號舖

Puzzle Dining & Cafe歎咖啡好地方馬鞍山身為美食沙漠，想搵好嘢食難，搵一杯有質素嘅咖啡更難。黎到puzzle dining & cafe見佢有好多咖啡選擇，當然要試下啦。E18招牌咖啡 $60咖啡用虹吸嘅方法沖煮，然後放有冰水冷卻，做出cold brew咖啡，咖啡花果風味特出，甜感充足，略帶微苦，非常易入口。香烤豬斧頭扒配扒鮮菠蘿 $258斧頭扒咬落好腍，好有肉汁，仲會散發陣陣菠蘿嘅清香，非常好食。另外菠蘿非常鮮甜，而且沒有渣。鹹蛋黃單骨雞翼(8件) $68將鹹蛋黃攪拌到好幼細，鹹蛋黃醬口感有啲似奶黃流沙包嘅口感，但就係鹹蛋黃版，雞翼炸得外脆內軟，非常嫩滑。姑姐 - 心太軟遇上ICE $65心太軟做到好流心，外皮好鬆軟，而且唔會太甜導致好漏，另外配雲尼拿雪糕同有棉花糖。Puzzle Dining & Cafe係馬鞍山係難得一見有高質咖啡飲嘅地方，另外仲有多款新鮮烘焙嘅咖啡豆供客人購買，食物質素都好好食。到馬鞍山值得一試。

馬鞍山其中一間黃店當然要支持下啦以前舊舖喺泳池嗰邊可惜一直冇機會試而家搬咗過嚟新鋪終於有機會試吓一入到去就已經感受到呢一間絕對係正宗黃店💛餐廳入面所有嘅裝飾都令到我十分之有共鳴芝士焗墨西哥粟米片 $88Nachos做小食真係相當唔錯溶左嘅芝士鋪滿左熱辣辣脆卜卜既墨西哥粟米片另外仲有四款醬可以點嚟食肉醬，牛油果醬，酸忌廉，番茄醬無論點邊一款都非常好味龍蝦汁大蝦海鮮意大利麵 $118龍蝦汁嘅味道唔算好濃郁味道啱啱好唔會蓋過咗其他海鮮嘅味道意粉亦都夠彈牙除咗蝦之外仲有八爪魚🐙都算足料巴西山度士咖啡 ☕️$40不得不試嘅就係咖啡呢度有好多來自唔同國家嘅咖啡豆今次揀咗來自巴西嘅咖啡豆同平時飲開嘅咖啡好唔同平時飲開嘅齋啡一定又苦又酸但呢杯清香微苦，冇刺激嘅酸味飲落甘滑順口，味道柔和有飲開咖啡嘅朋友仲可以喺度買咖啡豆可以試多幾款唔同嘅味道五人足球缺一不可 $68個名咁搞笑梗係要試下不過原來係同足球無關其實係5小件應該係芒果味既芝士蛋糕另外仲有一球雪糕雪糕可以揀雲呢拿，伯爵茶同朱古力我揀咗伯爵茶伯爵茶味道都算濃郁成個甜品嘅造型都幾搞笑用嚟打卡都唔錯

喺馬鞍山覓食，路過呢間餐廳，睇落幾吸引，再上網Google一下，發覺係香港人嘅良心餐廳，咁就決定入去開餐😆要咗$82嘅「韓式西冷牛肉 伴珍珠米飯 配日式前菜」，午餐包「是日餐湯」或「田園沙律」，揀咗「是日餐湯」，再加$28要「巴西 山度士 」咖啡☕️「是日餐湯」係「蕃茄湯」，簡單幾好味😋。「韓式西冷牛肉飯」好快上埋，牛肉幾軟熟，醬汁少少鹹兼少少甜，幾開胃😋。「巴西 山度士 」咖啡就清香、柔和、甘口又微苦、有淡淡嘅層次、仲有頗長嘅After Taste😋

今日專登入馬鞍山接仔仔放學，因為農曆年假啱啱完咗開始復課。咁耐冇返學再加上考咗成個星期試，始終怕有啲吾慣。所以，今日趁著Happy Friday 又元宵佳節，加上又有番晩市堂食，一於同仔仔出街撐吓枱腳 relax 吓，順便支持一下小店。見5:30pm 時間早早地，未太餓於是周圍行吓睇吓有乜好嘢食。阿仔吾想又係茶記、米線咁悶，咁啱見到呢間餐廳門口個牌，比佢引咗，乜原來馬鞍山有都有虹吸咖啡嘅餐廳。真心少去馬鞍山食嘢。餐廳坐位算多，顏色又紅又綠五顏綠色，十分colourful ，我哋選了窗邊位置坐低。打開餐牌，發現呢間餐廳有不同款式嘅多國菜選擇，以高質西餐為主，再加上中、日、泰、韓菜，選擇十分多元化。另外，也有啤酒、紅白酒和清酒可供選擇。我對咖啡特別感興趣，餐廳虹吸咖啡方面，竟然多達三十種豆可以選擇，要試足咁多款都真係有排試。至於意式咖啡方面，除了常見latte 、cappuccino 之外 ，仲有一啲特色咖啡，好似cold brew 、 whisky latte 都有。愛啡人士，相信緊有一款啱你心水。阿仔鍾意食蔬菜又鍾意食香口嘢，所以我哋點了一個「煙三文魚牛油果沙律」同「咸蛋黃單骨雞翼」。

難得入到黎馬鞍山就等我試吓呢間搬咗舖位嘅高質西餐廳搬咗鋪位後 人氣依然高企～店內可愛嘅裝修晚市暫時唔算好多人 大家可以放心約朋友嚟傾吓計食下野放鬆吓難得出嚟食飯梗係要啤啤佢！1664絕對係冇錯嘅選擇同朋友叫咗幾道餸分享～特別推薦佢哋嘅鹹蛋黃雞翼！仲有呢個薯蓉配帆立貝都好食～底下嘅薯蓉吸晒海鮮嘅鮮味同埋蒜香 講講下又想再食濃濃嘅海鮮龍蝦醬意粉～食完正餐就梗係要食下甜品啦～五人足球缺一不可佢哋個伯爵茶雪糕好特別！不妨試吓佢哋嘅精品咖啡～比平時嘅店舖多好多選擇

之前舊店喺游泳池附近，但後來因為租約問題而結業，好彩而家搵到新地址開返，如果唔係馬鞍山又少一間高質餐廳😢今次同朋友黎呢到叫左 煙肉芝士焗薯皮($68)、雙重滋味大扇貝(蒜蓉牛油及咸蛋黃醬)($78)、香烤豬斧頭扒配扒鮮菠蘿($258)、E18招牌咖啡($50)、1664 啤酒($78)內裡環境簡約得黎都幾有特色👍🏻煙肉芝士焗薯皮：焗出黎熱辣辣，煙肉芝士比例幾好，味道唔會太鹹同膩，食落幾香口，伴碟仲有D沙律菜食下😋雙重滋味大扇貝：大大隻扇貝，食落有本身帶子嘅鮮味之外，加上分別用蒜蓉牛油同埋咸蛋黃醬作調味，2隻口味都幾惹味，而且仲有D薯蓉做底，口感幾軟滑😍香烤豬斧頭扒配扒鮮菠蘿：賣相靚仔吸引，淨係睇見豬斧頭扒表層D烤紋已經流晒口水🤤食落真係不得了，豬味特別香濃，而且D肉質非常之嫩滑，外層燒香內裡JUICY，超正🥰而一大條菠蘿同樣夠FRESH，味道夠香甜唔會太酸，燒一燒過之後更加好味👍🏻加埋伴碟配菜同薯蓉，食完都幾滿足🥰E18招牌咖啡：今次就叫左E18招牌，因為個名叫得招牌一定有返咁上下水準😜睇介紹有寫「帶有強烈的香氣和甘味而帶少許的苦味，最適合怕酸的人」，因為我飲咖啡都中意咖啡當中D苦澀香