寬巷子 (Closed)

經常經過這家古色古香裝潢的店門面之窄卻有點令人卻步彷彿踏進去會踏進另一世界 說真的是因為那火鍋三層架的海報很矚目心想午餐吃火鍋也ok跟午餐吃燒肉一樣吧 連餐牌都沒有翻就進去2位這樣 果然是完全不一樣的裝潢滿中國風的又加入了現代的裝置我還滿喜歡的 原來是台式的餐廳由台灣來的過江龍太大意了哈哈第一件事是發現了檯跟座位是超。級。寬。敞我們2人座了6人檯 左右都有古典的屏風隔開左右檯私隱度up也很舒服 打開餐牌沒有想吃的火鍋倒是我們想要的簡餐湯麵跟便當簡單的美味 原味牛筋濃湯麵牛坑腩濃湯麵 牛筋非常入味沒有味精的濃湯濃之餘是清澈的湯頭大量的配菜 白蘿蔔 白菜 流心蛋 冬菇麵條是波浪紋麵條是麵條對我來講有點太軟腍 牛坑腩濃湯麵的份量好多配菜也是差不多牛坑腩軟腍有嚼勁反而因為自己還是有點飽沒有吃完想坐得舒適慢吃一個午餐價錢也很經濟覺得這裡不錯 看到下午茶的promotion 反而更有興趣呢已約好朋友再來☺

難得平日放半天假要好好待自己，找到一片樂土好好享受一個獨食的午餐。於台北旅行時早已聽過於士林起家的「寬巷子鍋品」，店內環境結合視覺、嗅覺、聽覺、觸覺、味覺五官的享受，將傳統麻辣鍋與藝術結合。雖然不想一個人以麻辣火鍋這樣大份量為午餐，選了台式炒米粉確實感到驚喜。上桌時有點像日式定食的設計。茶碗蛋最特別是凍食來的，入口很滑很清新，是理想為味蕾準備的前菜。跟中式茶樓的排骨很不同，這裡的排骨很入味而且肉很腍。米粉配合大量的蔬菜，而且入口絕對不會感到油膩，不會太乾亦不會太濕。這是顯示廚師的功架。用料特多，L 一個成年男子都幾乎吃不完整份午餐。太久未喝住家湯，看到可以配燉湯有優惠於是選了淮山枸杞燉鮑魚螺頭湯。湯底很清，每口都很清潤。燉湯裡的鮑魚有湯匙般大！雞腳嫩滑螺頭有滋陰作用火鍋區可以欣賞美麗的維港景緻，三五知己或一家人邊吃邊賞景是一件樂事。大門是有過百年歷史來自台灣鹿港大戶人家的百年老宅門，據說整道門原件由台灣運送到香港裝嵌。另外室內裝潢由地磚、古玩及老牌匾都彰顯餐廳對整體用餐體驗的執著及堅持。門口及包廂牆上的手繪芍藥花圖案及店內燈罩上的手繪黑面琵鷺都是很精緻的意境表達

Happy Friday group gathering 提議打邊爐🍲，順手派/收炸彈🥳🥰但係又冇人唸食邊間，呢啲情況我就會忍唔住俾主意，因為再拖只會更難book 位，我私心又唔想食任食放題果d。🤪唸起細佬有朋友開食肆，行中高檔路線，膽粗粗提議下如果大家ok 再揾佢試吓靠關係book lar 🤨先試另一間響將軍澳同尖沙咀有分店，可惜只有將軍澳有位，奈何住荃灣朋友嫌太遠。終於呢間響尖沙咀，地理ok，不過就得8:30 先有位，大家唔介意放工去happy hour 先再食飯，所以 confirm ! 點知到當日上晝，收到通知可以俾到7:00枱我地，重有間房𠻹，簡直perfect. 一到步個環境朋友話好似去左Halloween 鬼屋🤪有精心設計，懷舊味濃其實呢間之前細佬已經through外賣🥡返屋企俾我哋一家人試過，（因為當時係限聚得幾嚴重下）不過始終冇現場食咁好氣氛。結果發版又交埋俾我，（絕對係我嘅弱項😪原來好多野真係可以迫出嚟）😌唯有憑我上次食過嘅經驗同埋自己嘅私心🤪湯底揀左最推介既兩款做鴛鴦窩，根本大家都將專注力放喺麻辣果邊😁，特別係中間既麻辣湯乾料，比個湯底更加刺激🔥🥵其中有服務員推

立冬啦，天氣開始轉涼，係時候要好好補一補。響寬巷子食午餐嘅時候，點了滷蜂巢牛肚濃湯麵，見到menu上可以補錢配燉湯，梗係唔好錯過呢個機會進補啦！滷蜂巢牛肚濃湯麵 $108，牛肚軟腍入味，配上半隻糖心雞蛋，每一口麵條彈口有口感，至於湯底飲得出經長時間熬製，香濃而不膩，不是加配了燉湯，我諗會連湯飲光。姬松茸蟲草花燉花膠湯 $58 （原價$128），原盅燉湯真係好正👍🏻 而且材料毫不吝嗇，花膠是原隻花膠，每一口湯都是豐富膠質，認真滋補養顏。吃完呢個午餐，感覺自己皮膚都滋潤番曬黎啊☺️✨

比較鐘意食台式火鍋既我 今次尼到呢間位於尖咀 海港城既寬巷子 睇食評同賣相都唔錯 所以同朋友尼試下 地方十分寛倘 超美海景 一坐下我地就叫左個麻辣同養生煱先 湯都好飲 食物精緻 服務員態度都唔錯 小食都好多款式 由其鹵水牛肚真係好好食 好入味 好濃郁既鹵水八角香味 入口唔會過爛亦唔會韌 我一個人都差唔多食哂一碟 估唔到小食竟然有呢個水準 鐘意食鹵水既朋友一定要試下 牛肉既肉質都係中上 飄十里油而不膩 齒頰留香 炸豆付皮 酥脆可口 混入麻辣湯裡簡直係絕配 鐘意食辣又鐘意食炸物既朋友 一定要試呢個

今日lunch 想食好d, 係門口見到呢間餐廳時裝修都幾華麗，好有穿越既感覺，環境幾好。同埋都幾想食台灣菜，所以就揀左呢間！👍主食我揀左牛魔王 （$198），呢個係呢間店嘅熱門菜式，所以一定要叫黎試下！個麵既料有牛肚，牛筋，牛坑腩等！岩哂我呢個「牛精」🤣個麵底俾我想像中不同，似係手打麵😘麵比較軟熟，比較幼身，口感唔錯。呢個麵既湯底好濃郁，如果喜歡濃湯底，呢一款就啱晒！！☺️☺️另外叫左個滷水牛筋，比想像中腍，幾入味！而且非常多汁，連埋蔥花食，味道非常正🤗enjoy my lunch! yeah!❤️ 環境：

又同朋友去慶祝生日，今日特登揀一間外表好靚嘅麻辣火鍋餐廳，因為朋友好鍾意食台式嘅打邊爐同埋鴨血。呢一間啲湯底真係不得了，個麻辣鍋本身已經有鴨血，我哋再加左一份鴨血，我朋友食到勁滿足😋麻辣嗰邊又香又辣，另一邊係唔辣嘅菇湯，松茸菇嘅香味撲鼻而來真係令人口水都流晒🤤啲嘢食好新鮮，店員會好親切咁話俾你聽邊樣嘢要淥幾耐，唔會overcook❤️仲有個蔬菜拼盤，切到成個盆栽咁，一上枱已經好吸睛😍順帶一提，佢連啲特飲都好好飲，我哋點左百香果茶，唔會太甜，非常之夾打邊爐🍲

疫情關係又限聚令之下，好感恩可以約到3位好耐無見既朋友。今日黎試呢間海港城sell 精緻既火鍋- 寬巷子。首先係個湯底，我地叫鴛鴦鍋，一辣一唔辣。唔辣既係烏雞湯叫養生白鳳，辣既叫紅泥小染。齋飲白湯的話係ok 既。無試齋飲辣湯。菠菠糖 - 其實係搵塊菜葉包住腐皮仲有d 芝麻餡，唔會話好味（搵幾支樹枝插住係靚既）综合牛肉盛合 - 牛係相對 ok 既， 朵花靚靚地話係牛既橫隔膜，煮完好似肥牛d 膏但係口感都爽 黑毛肚 （左上）- 店員建議我地煮幾秒，但講真，幾多秒我都覺得係韌鳳梨酥 - 簡單d 形容就係魚腐包貢丸裡面仲有d 柚子既嘢， 一般咯鴨血 - 唯一我覺得還好既一味，如果鴨血都可以出事 ，就真係.....墨條牛軋 - 墨魚丸➕雞軟骨既組合，就係整到牛軋糖咁樣黑毛豬肉 - 肉的話相對係比較出色既菜色手握壽司滑 - 賣相ok 特別，其實就係用蝦，牛肉，鮑魚等等➕魚滑。食完之後既感想：我究竟食左d 咩？手工蛋餃 - 蛋皮包肉咯我地book 左6:30pm， 用餐時間2小時。7:45pm開始叫我地last order ➕埋單。有d 比人催既感覺，最後都要開turbo 食。可能係我期望過高，或者

同朋友經過見到佢嘅火鍋menu 非常吸引，決定一試！完全沒有令我們失望！整晚都是滿滿的驚喜！玫瑰枝香:玫瑰枝香係師父用薄片豬肉巧手製成既玫瑰花 同樣地 唔可以過度烹調 每一塊放入口係意想唔到既彈牙爽口 肉味非常新鮮 令原本唔中意食豬肉既我地都食到讚不絕口壽司滑盛合:呢道菜色彩繽紛 賣相滿分 其實每一件都係一塊肉蓋住一舊魚滑 落鍋四分鐘撈上嚟 真係好有創意啊 壽司食得多 煮得既壽司真係第一次試手工蛋餃/凰梨酥: 呢度既食物每一樣都係精心手工製作 手工蛋餃運用新鮮雞蛋製成餃子皮 充滿蛋香夠哂彈牙 而凰梨酥入面真係有新鮮菠蘿肉 酸酸甜甜食到人胃口大開 出面果層就等大家自己試啦 邊個會估到打邊爐都可以運用水果做材料 認真神奇!

❤️創意高質台式火鍋 打邊爐打得多 食得咁講究真係第一次 店舖坐落係尖沙咀海旁 望住咁靚既維港夜景食火鍋真係一試難忘！湯底: 食物方面 佢既湯底全部都係台灣空運到港 夠哂質素保證 原汁原味 我地叫既兩種都係藥膳湯底 奶白色貢布豬肚湯陣陣飄香胡椒味但係一啲都唔辣 岩哂怕熱氣既我地 養生白凰用左杞子同竹絲雞 護眼之餘仲滋陰清熱 補肝益腎 岩哂成日捱夜 日日OT長時間對住手機電腦既香港人温體牛:不得不提温體牛 每塊厚薄適中 時間掌控好重要 剛熟既Moment撈上嚟 肉質嫩滑 肉味濃郁 同以往打邊爐既所謂高質牛完全冇得比!

好耐無打過邊爐，口痕痕拉咗友人一齊去食返餐好嘢。先點咗一壺玫瑰水果茶，水果有奇異果、青蘋果、檸檬、香橙，飲落甜中帶酸好解渴。湯底揀咗鴛鴦湯底，一邊係東方美人豬骨湯，主要以豬手、豬骨熬製，味道清甜。另一邊係紅泥小染特製四川式激辛鍋，湯底用多種材料煮成，味道好香辣得好過癮。兩邊湯底都有綿綢豆腐同鴨血，味道唔錯。先揀咗一份綜合牛肉盛合，一盤有三款牛肉。美國牛小排有五片，油脂均勻好嫩滑。溫體牛有四片，肉質好鮮嫩食落好juicy。牛胸油擺盤砌成一朵玫瑰花咁好特別。食落爽脆如有口感。五頭南非鮑魚大概有三份一手掌大，咬落口感彈牙，味道新鮮清甜啖啖肉好好食。鮮蝦雲吞一份有六粒，雲吞皮薄柔滑，餡料蝦肉新鮮爽口好足料。

同友人慶生，佢鍾意打邊爐，又鍾意台式火鍋，識食一定食寬巷子。一早book定位，都book唔到靠窗位置，飲恨。好在個位都望到少少海景。點咗個麻辣美人鴛鴦鍋，有辣有唔辣，任君選擇。麻辣湯底好香五香八角味，美人鍋就奶香濃郁豬骨味，兩個湯底都有綿綢豆腐同鴨血，好入味。淥野之前梗係要飲返啖美人湯，正！不得不提呢個醬，係餐廳預先調好。好香麻油同蒜味，點咩都好食，係成餐嘅靈魂。綜合牛肉盛合溫體牛同牛小排最好食同最有牛味。啲牛係台灣直送，不經雪藏，唔會有雪味。特大蟶子，好爽口鮮甜。響鈴好香脆，用麻辣湯淥別有一番辣味。食麻辣火鍋點少得凍飲，呢款水果茶唔係好甜，仲好夠凍，過癮。

食物賣相有如藝術品，固然之吸引，是否物有所值，真係見仁見智。今日係兒子生日便帶他試寛巷子，皆因年紀少少嘅佢跟我一樣至愛麻辣火鍋。我們點了麻辣鍋併一個全是菌類的鍋，湯底味道ok, 但麻辣鍋裡的鴨血跟豆腐未能入味，稍遜。阿仔打邊爐最愛食牛肉，所以點了一個綜合牛肉盛合給他，$580份量少得嚇人！食藝術，無辦法。怕阿仔唔夠喉，點多一個手握壽司牛肉滑，賣相靚，但口感鞋。反而手握鮑魚壽司滑比較出色，口感爽枝仔冰口感跟味道都麻麻，好似食緊肥豬肉般😖最後點多一個鹵牛腱，好鞋，味道亦麻麻。總體而言，呢餐兩個人食咗大概$1,6xx, 真心唔值得。食物質素並非如想像般高，頗失望😞

限聚令終於放寬左😍可以4個人一齊食飯☺️即刻約朋友打邊爐😂.呢間係朋友想試下，食飯前一晚先醒起要book枱因為當日係星期五，又放寬左，一定會好多人！點知最早都要2030先有位😩食飯當日上佢地個社交平台先發現原來佢地可以網上預約，本身㩒左1830，但朋友1800先係港島收工，驚會嚟唔切，佢哋有限用餐時間，最後都係取消再㩒過，諗住約20:00，點知再㩒入去已經冇20:00，只能㩒番2030後尾發現原來佢哋個網頁預約既時間，係會轉嚟轉去！所以建議網上預約既朋友，㩒完之後都係打去confirm下先，因為我地最後㩒到20:00，但果個人打番嚟話其實20:00都係冇枱🤷🏻‍♀️.我哋係準時2030到，當時去到門口真係都幾多人，所以我哋大概等左15分鐘左右先入得去。不過一入去，佢哋俾咗間包廂房我哋😍我哋4個人，包廂大概可以坐6-8個左右。.我哋一坐低就即刻同服務生講嗌得嘢，但佢哋好忙，所以都等左陣先有得嗌嘢食。不過佢哋服務真係好好！只要經過都會入嚟望一望👍🏻👍🏻.嘢食既部分，我覺得湯底係幾岀色既！d肉類都好食😋但其他火鍋配料雖然個樣好靚，但真係麻麻！尤其係個月餅，真心難食😂個冰糖葫蘆都好奇怪，可能小女子

好耐冇去台灣忽然好想食火鍋，記得呢間台北食過好坐又好味，即晚book位好順利，去到坐低，waiter溫馨提示叫定鍋底先慢慢揀其他，於是order鴛鴦鍋一邊紅泥小染一邊姬松茸茶樹菇清湯鍋底，滾起飲碗清湯先好甜，之後order牛小排，海鮮拼盤和菠菠糖，食材好新鮮擺得好靚，又影又食忙一輪飽嗮喇，大致算滿意，不過我記得台北每次上食材時會交代需要煮幾分鐘而且有沙漏⏳計時非常體貼，唔知點解呢邊冇左呢部份服務...