酥妃皇后 (侯王道)

Open Now

Now Closed

下午路過九龍城 見到呢間店無咩人 就買左個原味芝士撻 呢間既芝士撻之前食過 覺得味道幾好 今次幫襯返個芝士撻 結果水準大不如前 又凍又硬又難食 唔會再有下次 終於明白點解少咗咁多人幫襯

自問係個瘋狂芝士控香港好多名店小店連鎖店大大小小既芝士撻我都試過晒但呢間......枉你自稱皇后...xyzPie and Tart 都一定好食過佢一陣油益味店員態度又差我本身都好禮貌笑容 點都會唔該前多謝後想問可唔可以比d燶d既？但姐姐仔答多句好似會死？少少請求都做唔到、話唔得又或者因為我強迫症啦入袋入盒既時候係唔可以輕手少少？既然你聲稱自己既酥皮係咁“脆” 咁“鬆化”真係唔怪得執淨2間臨收舖都好多撻賣唔去

今日外賣咗四個撻有士多啤梨吉士，nuts， 朱古力米通仲有一個唔記得係咩nuts 係最好味既佢有焦糖，d果位都幾香，脆脆地甜甜地士多啤梨吉士布普通通啦朱古力米通就唔係好好食上面有可可粉，下面係米通我本來以為啲米通會係脆點知粒粒都係林。。。。d朱古力不太濃郁但唔太甜至於嗰撻皮都ok嘅tart 係硬硬地，都有少鬆化不過其實我覺得唔係好抵食如果買嚟當手信畀人睇落去都靚嘅影到好似蘋果照妖鏡咁添be honest本來係靚啲嘅

每次路過都要買番幾個黎吃因為我個人不是很喜歡吃太甜，所以比較鐘意鮮奶味個皮真的很酥，個蛋好嫩滑好似布甸咁亞次次都係要吃兩個先夠喉店內仲有提供檸檬水，用黎解下膩剛剛好舒服😌😌

今日行過九龍城見到有人買蛋撻，本身諗住無乜特別，但見門面好靚就望多兩眼，見到行過既人都會買佢既鮮蛋撻，於是我買左個試下。個鮮奶撻係酥皮，原本我唔鍾意酥皮，只鍾意牛油皮，但呢個酥係好好食，好鬆脆好香牛油味，而且個牛奶味勁濃，仲要價錢一啲都唔貴！ 間舖仲要好窩心有得堂食，堂食雖然係企，但係有埋水俾你自助飲用。佢有好多不同既味既蛋撻，不過我就覺得有啲貴，所以我無試，但我見佢有賣一個芝士蛋糕，店員都熱烈推薦，下次有機會我會試下。

酥妃皇后．蛋撻達人昨日在九龍城經過酥妃，被佢櫥窗既各式各樣撻吸引左！我好鐘意食蛋撻，見到佢又圓又大，好似呼喚緊我入去試試佢咁😂（其實就為食👅）於是揀左兩個撻試下😋🌟原味蛋撻（$10）👉🏻咁貴一個蛋撻真係唔同d。蛋漿好香，中間既蛋係滑的，絕對無over baked 👍🏻酥皮一層一層又唔會好膩！呢個價錢沒有令我失望😋🌟香檸奶油酥撻（$18）👉🏻反而呢個有一點失望，因為甜味好像蓋過了檸檬的香氣，一點檸檬酸的味道都食唔到。我本來期待的是酸中帶甜的感覺，可惜呢款沒有拿捏到這點。🙊希望下次有進步☺️不過值得一提，酥妃既撻皮真係做得好出色！做到香脆同酥脆的口感👍🏻經過不妨一試過下口癮😉📍酥妃皇后地址：九龍城侯王道24號地舖

係朋友介紹之下，知道九龍城有家專賣蛋撻、酥皮糕點、牛角包🥐嘅餅店，咁啱同男朋友係附近食飯，就打包個返屋企食。😏除左蛋撻，其他口味嘅酥點，有鹹有甜，好吸引喎！不過定價比一般餅店較高。我地買左鮮奶撻($12)，返到屋企用光波爐整返熱，熱辣辣好正！好似新鮮出爐咁！😂奶味都幾重，又香又滑，入口即溶～蛋撻酥皮好鬆化！唔會因為外賣所以腍左，好！👍🏻而且有半個手掌咁大，咁價格上都合理嘅，係值得一試嘅！

假期嘅時候同小妹去開九龍城hangout， 見到「酥妃皇后」從開業至今仲係屹立不倒（因為小編對上一次幫襯已經係剛開業，都有兩三年啦！😂😂）， 就買個同小妹回味下～😂嘩，原來兩年以來都無加過價！ 原味蛋撻都仲係$10一件，都算有人情味！👏🏻 我地係外賣，拎到返屋企先食， 蛋撻酥皮依然鬆化！ 蛋撻尺寸有半個手掌大， 酥皮層次分明，食落香脆鬆化， 中間有着色澤金黃、滑溜香甜嘅蛋心， 蛋味濃郁，值得一試！😋

聽聞哩間酥妃皇后超好食，作為食貨噶我肯定要去踩踩點。話說哩間店噶蛋撻多達368層噶！！！我就點左個招牌蛋撻試試味，哇！滴蛋撻皮好酥啊，咬落去好有層次感，雞蛋味超香濃，甜度剛剛好！一個字：正！大家一定要試試啊！

行過九龍城，俾我見到呢間幾出名既‘’酥妃皇后‘’，之前聽講過佢地既蛋撻係有成368層酥皮！好似好堅咁，除左蛋撻之外，係門口外有一塊大既玻璃窗，可以見到林林總總既款式。其他如水果撻、芝士撻、抺茶撻等等都幾的骰，好吸晴不過價錢都略貴...我就叫左兩款分別係鮮奶撻（$12）同埋招牌酥皮蛋撻（$10）黎試下 佢有得堂食架，不過我拎走。食後感：雖然凍左，但個酥皮依然好鬆脆，吾會好快就淋，而且食落有陣陣好香既牛油味，而個內餡就同平時無咩大分別，個蛋心好甜好滑，好好味至於另外個鮮奶撻，奶味吾會話好濃厚，食落吾會覺得假，淡淡既奶香味令到我想再食第二個！

好食啊！！！聽過呢間嘢嘅大名好耐，已經久仰大名！今次經過見到忍唔住買一個招牌試下，果然冇失望！睇到佢有好多層酥皮，食落勁香勁有口感，超級鬆化，仲要蛋香味都好重好出，酥皮同蛋都整得非常好食同出色！

每次經過都覺得好吸引！有好多唔同款式的酥皮撻生果/nuts/芝士⋯ （都有十幾款選擇）今次試咗黑糖麻糬芝士黑糖味幾濃 少少甜甜的再加埋少少咸的酥皮 第一口的味道很特別但算不上很夾的組合再加上芝士 一小件也覺得有少少漏芝士控可能會很喜歡但不用二十元的價錢 可以一試！小貼心位：小小的企位枱上有自助的檸檬水 可中和一下甜漏的味蕾👍🏼

士多啤梨果撻 $18一開始幫襯酥菲皇后，佢地係主打做酥皮蛋撻同酥皮水果撻。佢地既水果撻有藍莓撻、士多啤梨撻、芒果撻等。之後佢地就發展多款不同口味既撻款，好似香蕉拖肥撻、果仁撻、芝士撻等。其中我最鐘意既水果撻就被蛋糕系列取代咗😭好傷心呀。直到前幾日再黎酥菲皇后既時間，水果撻竟然出現返😍😍😍職員話水果撻有返兩個星期架啦之後會繼續有🥰個酥皮底好味就唔使講最鐘意係好紮實既吉士！佢地係最底層仲加咗好似yogurt咁既吉士令成個撻食落唔會得個甜字有層次咁帶返少少酸🤤

每月月初既生日gathering都會好頭痕，因此每次都要揀唔同款式既cake俾每月之星，唔係又會話點解個cake同上個月一樣既？！oh 我唔要同佢個款一樣呀......又係美X，點解唔買東XX wor......為左滿足每月之星對 birthday Cake 既 unlimited expectation，今次就搵黎 Queen Sophie 呢款 ice cheese cake 幫幫手la！嘩，好正呀！呢款 ice cheese cake 全身上上下下都係酥皮碎topping，而內餡就分上下兩層，上層係 cream，下次係 cheese。由於買既時候個 cake 係雪到好似石頭咁硬，本身既冰冷程度已夠撐3小時，所以唔會提供乾冰，如果買完好快就食，直接放室溫回軟。If 唔係即日食就要放返入冰箱，冰返硬，食之前預時間返回雪櫃或室溫回軟👍🏻👍🏻👍🏻

今日約咗朋友在九龍城攞東西，途經這家「酥妃皇后」，門面廚窗好大，能ㄧ目了然睇到店內消受什麼產品。走進店內見到有不同款式的撻和芝士蛋糕，心思思都想試下。店內雖然只有企位檯，但對於我這個為食貓是阻止唔到的。所以便買下了蛋撻和芝士撻來試試。蛋撻ㄧ拿出來，見鮮黃色滿滿的蛋漿已很吸引，還飄出濃濃的牛油香味，真係忍唔住要馬上食。咬下去撻皮好鬆化，蛋漿又甜又香，真係後悔唔多買ㄧ個。好彩還、買了ㄧ個芝士撻，撻皮同樣鬆化，焗熱了的芝士漿，好有咸香，應該不只用ㄧ種芝士來製作，好有水準。我下次來ㄧ定要多買兩件才可啦！