酥妃皇后 (侯王道)

Open Now

Now Closed

好似每一星期都有散水餅食咁，唔知邊個升職、調職、離職，都會派餅，新意都幾重要！今日有同事last day，買左好多盒呢間墶，好似total有6款，我揀左呢個朱古力脆米，諗住朱古力會冇咁甜，個墶好大件，如果拎住咬，會跌到成身都係朱古力粉or脆米，所以我都係拎張紙舖枱，再用叉食。入面係好杰既mousse，面頭既脆米已經林左，變到好難咬，好韌，唔知如果即買即食，係咪會脆d，個墶皮都幾鬆化既，幾好食。朱古力脆米酥墶

行過想食撻 未見撻先聞到香氣忍唔住口去買咗一個抺茶味撻成個撻都幾大塊 都有3cm過 相信都好厚料雖然撻唔夠熱 有點凍左 但入口撻底鬆脆料夠香滑 帶有少少抹茶及奶油味中間無其他料 只有抹茶cream不過味道帶勁唔算好濃 都唔會甜得好假外貌雖然普通 但味道唔錯 脆滑軟三種口感都體驗到十分建議 一邊飲淡味茶一邊食個人好喜歡撻中間軟心的感覺口感好好 外脆內軟 如果係心流撻應該會更好食同時價錢都唔貴 $15已經咁大塊件抵食～行過聞都香氣 一定再戰！

🤤酥妃皇后嘅酥皮底真係實至名歸！擁有368層的港式酥皮盞💯九龍城呢間總店亦係佢地嘅第一間店，小妹當時已經係佢地嘅忠粉♥️除了酥皮蛋撻，其他酥皮撻款都十分出色⭐️其他推介🚩蜜汁叉燒酥、楓糖雜果仁蛋糕酥撻、軟心芝士酥撻👌🏻⭐️以前仲有新鮮果撻出爐，可惜依家已經冇做果撻，佢地既果撻都令小妹非常回味🤤⭐️環境：另外非常鍾意嘅地方 就係呢度嘅堂食設備非常細心♥️ 提供水💧紙巾同紙杯可以免費享用 👍🏻 值得一讚

難得去九龍城辦點事，突然靈光一閃，想起有一間未試過的Queen Sophie, 聽聞該店的蛋撻好出名，於是便順道尋訪。店舖不難找，透明玻璃窗一看便知我找對了，除了蛋撻，還有各式各樣的芝士撻、果茸撻，顏色鮮豔，非常吸睛😍我至愛食酥皮蛋撻，雖則當天消委會公佈酥皮類食物的反式脂肪含量大多超標，但我仍是抵抗不住那股誘惑，立刻買下一個試試。蛋撻大大個，盛惠$10，尚算合理。蛋撻之酥皮每層分明，牛油味濃且香脆，甜度適中，蛋味香濃香滑，食完一個很想食多一個，但當然要自制啦！因為我除了蛋撻，對其他也很感興趣。細心一看，樣樣都想試，最終買了草莓撻，朱古力熱情果撻及朱古力脆米撻回家試。當晚我便食了朱古力熱情果撻，超好味😋熱情果酸酸甜甜，配上面層的朱古力也不會膩口。內裡的吉士也混合熱情果，好出色，臨訓前很是滿足😆但其餘兩隻味道我就沒有試因爲第二天回家已經被家人K.O.了，他們異口同聲說好味。下次一定要再試其他味道😊

路過行過唔好錯過..........約了朋友在九龍城食泰國菜，早到左，四圍行下買下泰國手信，行行下發現呢個餅店，店面好多撻撻撻，幾吸引。酥妃皇后主打係自製386層的全人手製作酥皮。由於外貌太吸引，所以就試食一件先。店內有企位提供，而且貼心地安排暖水給客人自取。香檸奶油手藝酥撻切開內里分為三層面是滑滑的香檸奶油中間是類似牛油蛋糕的撻皮鬆脆不油，386層名不虛傳，值得一試！食後感ok! 我地就買了幾件拎走。外賣的要放焗爐翻熱，香脆感能保持👍🏻

Mother day 飲茶後，行過見到好多人排隊啵，原來係蛋撻舖，岩哂我呀，雖然我鐘意食曲奇多啲既不過熱辣辣出爐就唔同既「原味蛋撻」「鮮奶蛋撻」各買半打新鮮出爐熱辣辣真係抵抗唔到，番上屋企即刻食番件先，我就覺得鮮奶撻好味啲，好滑既奶味呢

九龍城店是比較少人的分店，可以安靜的品嚐他們店的撻，店內有企位，客人們可以即買即吃。這家店也很細心，有提供水、紙杯、及紙巾予客人。大家吃完後記得要清理好枱面，以及把木碟還予店員喔！好了，先跟大家介紹今天吃的這個雲石紫薯芝士撻它除了樣子討好外，味道也令人回味紫薯和芝士的份量控制得很好，不會蓋過對方的味道!但是吃芝士撻會很快膩，與朋友一起去吃可以試到更多款式!與蛋撻和奶撻相比，個人比較喜歡味道豐富的紫著芝薯撻。

行過九龍城，突然又想起雜誌介紹過的《酥妃皇后》，去到如果你聽過《酒杯敲鋼琴》合唱歌，你一定識她……前藝人黃寶欣在九龍城開了第一間《酥妃皇后》賣蛋撻及蛋糕，主打當然酥皮蛋撻，每個賣$10，店員會詢問客人在堂食或是帶走，在堂食的話，店員會用木製器皿盛載蛋撻，夠晒環保又優雅。大大個看落酥皮分明有層次，雞蛋味超濃郁， 蛋漿豐滿又十分軟滑，蛋的比例夠晒多，香滑酥脆又鬆化，酥皮散發啖啖的牛油甘香，吃起來又晤會太甜膩，店內都設有企位堂食區，設有紙巾及暖水供應，非常細心。除了酥皮蛋撻之外，還有供應鮮奶撻、草莓撻、芝士蛋糕等....下次可以再來試下其他

下午茶同男朋友落九龍城食串燒，食到飽飽之際先見到呢間餅撻店😍唔知係咪太耐冇落九龍城，幾時開咗呢間酥妃皇后都唔知，我哋喺櫥窗望咗好耐😂個肚已經飽但望到啲甜品又覺得好吸引，掙扎完一輪都係走咗入去🙈🙈🙈由於睇落每款都好吸引！我地明明好飽但係唔知點解都會叫咗三個撻嚟試😂雖然鋪頭細細，但都有張吧枱可以提供堂食，仲有自助清水。👉🏻原味蛋撻蛋撻皮酥脆，入口鬆化好香牛油味，蛋漿滑溜，而且好厚身！👉🏻紅莓椰蓉酥撻賣相好靚，莓紅中間一片小金箔😍紅莓醬酸酸地，椰蓉幼細，甜度適中，味道清新。👉🏻蘋果金寶撻清甜，蘋果果蓉好鮮味，口感香脆。

路經九龍城，記得屋企人講過有間靚餅店食蛋撻既～特登去試一試門店好新淨，裝修簡單舒服大大塊玻璃入面放面晒各式各類唔同口味蛋撻，好吸睛諗緊食咩撻既時候，職員有禮貌地請我地試食芝士蛋糕個芝士蛋糕又幾好食 口感滑流唔甜亦好重芝士味 最後我買左一個酥皮蛋撻試下因為我愛好食酥皮蛋撻多過牛油皮但個人覺得食落又無乜話咁特別酥皮都鬆化既，個蛋漿亦唔會好甜算好食，但又未至於想特登排隊買或者返去食第二次值得一讚既係，店內有立食位置之餘仲有水壺紙杯放係度，等你食完撻之後可飲啖水，非常細心

九龍城,雖然未有地鐵線,但係都值得專誠坐車入去搵食最近同朋友去九龍城開飯搵食半天遊有朋友介紹去食酥皮蛋撻原來有一間開了2年的人氣麵包店店鋪既師傅係老師傅,用傳統手藝製作麵包,蛋撻其中招牌之作係3百層既酥皮蛋撻號稱有368層的確,肉眼可見到薄如紙一樣的層層酥皮拿上手每一隻都好飽滿好有份量手工製作才會有如此質感$10一隻原味現場另有芝士,鮮奶,牛頭麵包價位都係由$12至18相當抵食仲有蘋果批同中式叉燒酥另有多款凍撻不過今次就先試蛋撻用上高質素牛油,食起來酥鬆脆口不油膩又香氣十足蛋心滑而甜香

今日有同事突然即興請部門吃蘇妃皇后蛋撻，我咁耐都未試過因為貴同一向唔喜歡肥膩野。不過今日同事請就一於試吓啦。我order了芝士撻，唔平都成$12個。第一口當然是舔下面頭的芝士，超香濃，邪惡感極大！再吃下酥皮，係好重牛油味，係好味但好肥。喜歡吃清淡的我試過就算了，未必有下次。

呢間餅店經常人山人海，要光顧都需要D耐性，櫉窗陳設著藝術品嘅餅食，具質感嘅酥皮蛋撻亦頗吸引，價錢略貴，排隊都要買嚟食吓。酥皮薄蛋饀勁厚，真正皮薄蛋厚，熱辣辣蛋香甜美，超级好味!

不知從何時起愛上到九龍城覓食，而每次必到這店吃蛋撻，堂食一個，然後另買一個回家再吃。蛋撻的酥皮非常非常好，不油，咬下去很鬆化，蛋味很香，很好味道。果撻也非常不錯👍🏻九龍城必食次選～

“It is my pleasure to have a good friend that will spoil me and comfort me when I am sad 💓... by feeding me with nice food😂🙈”朋友知我尋日唔開心🙈又知道我好鍾意食蛋撻😍所以今朝專登排隊買 #酥妃皇后 蛋撻俾我食😭.傳聞要排好耐隊先買到如果係靠我去買應該呢世都食唔到了😂因爲我係不折不扣嘅懶蟲🐛要等要排隊我最憎🙈所以朋友真係對我好好💓.為左唔好辜負朋友嘅愛💋我即刻趁熱試試佢😳嘩佢令我對酥皮蛋撻改觀▶️睇下圖2個酥皮薄到紙咁😮我食果陣都唔敢相信自己要放低睇清楚用「皮薄餡靚」黎形容係冇誇張個酥皮薄得黎夠脆好香油酥味但一啲都唔漏個蛋餡甜度適中帶點奶香味第一次食蛋撻會有咁多餡好Amazing🤩終於明點解要排隊先買到💓#祈求下次再有朋友為我排隊買😂....#酥妃皇后 #蛋撻 #foodie