酥妃皇后 (侯王道)

Open Now

Now Closed

由旺角那邊行過來，然之後再回帶看看「X吱的美食家」介紹的是哪一間餅店，才發現原來要過多幾條街，是侯王道這一間小店。都算幾好，即使你站着外望了窗口一會兒，她都沒有追問你要什麼。後來就簡單買了一個軟心原味芝士、一個蘋果金寶試一試先。蘋果金寶微甜，粒粒精緻，不太甜，蘋果味香濃。後來再嚐榴槤味以及綠茶味，才發現為何都沒有嚐到所示的味道，這就是因為，芝士味比起其他味更加濃郁，因此你都很難品嚐到綠茶或是濃郁的榴槤味。雖然綠茶看起上來很綠，但是用匙羹盛載一羹，吃落還是芝士味道比較濃郁。🤔而且，兩次吃到的，都覺得酥皮一層層，與本人所喜歡曲奇蛋撻那種曲奇底，有所分別，因此，不算是本人會常常喜愛吃到的那種甜點。

酥妃皇后係小仙子其中一間至愛既芝士撻專門店，每次經開九龍城都會幫襯下架😜而今次就試左期間限定既芝麻芝士撻同咖啡軟心芝士撻($1x)芝麻芝士撻: 竟然有驚喜wo，芝士同芝麻真係好match，而芝麻味又好香濃！酥皮果然無介紹錯，好脆👍🏻咖啡軟心芝士撻: 比起芝麻芝士撻，比較上有啲遜色左😅咖啡同芝士比例不太夾，不過招牌酥皮底都係好好食要留意，如果夜晚過黎，有時會有優惠架，買二送一，仲更加抵食💪🏻

專誠黎朝聖好多款好吸引，但仲要留肚食晚餐。最後選擇了基本既蛋撻同檸檬撻望落好靚檸檬撻個饀酸甜剛好，質地唔lim口都唔錯。但個撻皮真係一d 牛油香都無。蛋滑，皮薄，但都係個皮完完唔香，好失望。

呢間咁出名所以我地之前已經試過哂啲凍撻😂撻皮係屬於硬身實淨既質感。最中意栗子🌰，同埋果仁撻🥜今日臨收工做買二送一優惠，一於試埋芝士撻。。🐒咖啡軟心芝士撻💰$18咖啡味濃，但同芝士一齊就搞到好似啲好酸既咖啡味咁，無左咖啡個種苦澀味道，反而唔太夾。🐒榴連軟心芝士撻💰$18一切個下已經好濃郁既榴連味，都係三個入面最甜，但個人認為係同芝士最match，因為個甜中和左個芝士酸味，令2樣野都岩岩好。🐒流心芝麻芝士撻(限定)💰$18佢係一半一半既，中間有啲芝麻醬，個芝麻味都係俾芝士個面搶左，如果淨係得芝麻我覺得會更加好，因為啲個芝麻味其實係唔錯，但放埋一齊就浪費左

I got a few flavours including the matcha tart. The tarts were okay.The service, though, is horrid. The cashier pretended not to notice me. She actually made eye contact with me then looked away. She looked so angry that a customer dare walk in during business hours that I just stood there for a while, not daring to call her over a second time. Then when she finally decided to address my presence, she messed up my small order in several ways. It took several rounds of explaination for her to fix

Bookmark左呢間好出名既酥皮蛋撻好耐，出面啲撻排到好靚係令人食慾大增既1️⃣原味酥皮蛋撻（$10）先講佢唯一既優點，就係佢個酥皮真係非常酥脆鬆化，但係佢唔係新鮮出爐，又冇烘番熱/烘住個撻所以拎上手已經唔暖。中間既蛋係滑，但係完全唔甜，因為仲買左個黑糖牛角包窩夫，所以特登食左個蛋撻先之後先食感覺較甜既黑糖窩夫，我個人平時都少食甜野都覺得完全唔甜，真心以為佢冇落糖，後來知道佢呢度標榜少甜，但少糖少到冇味真係唔好食。雖然個酥皮真係唔錯，但整體味道令人失望，唔會回頭2️⃣黑糖抹茶牛角包窩夫（$21）牛角包窩夫反而好食過蛋撻，鬆化帶脆，又有點牛角包麵團既煙韌口感，雖然都係唔暖，味道方面黑糖夠甜又有黑糖香味，略嫌抹茶味唔夠濃，整體味道尚可，經過都可以一試

喺九龍城嘅酥妃皇后喺2017年開業，雖然冇同區豪華餅家嘅舊式香港味，但有據稱368層酥皮、100g重、直徑8cm嘅重量級蛋撻，喺區內都幾出名。另外店內仲有十幾款撻、麵包同餅乾等，如果唔想食蛋撻都可以試下。————————————————🥚 原味酥皮蛋撻, $10（3/5）蛋撻較一般為大，聞落有牛油同蛋香。入口撻皮鬆脆，有牛油香味，但較易碎，可能因為好多層酥皮嘅關係。蛋漿嫩滑，有蛋香味但略嫌過甜，食完之後要係咁食飲水。🥛 鮮奶撻, $12（3.5/5）酥皮同蛋撻一樣酥脆，鮮奶餡較蛋撻滑，有香濃奶味，但亦稍甜。————————————————🛎 如果想一次過睇晒成個系列，就記住Follow @whattoeat.hk啦。

去開九龍城 行過見到呢間出名蛋撻，無咩人等決定買個試試原味蛋撻 $111. 就算即買即食，但都凍左，唔夠熱，無左即刻出爐蛋撻既感覺2. 蛋黃唔夠算細滑，蛋味都唔重老實食左一啖就唔想食，好失望！好彩唔洗排隊..見到仲有其他撻，個樣其實幾好…

之前都已經有試過呢間有食過果仁同栗子撻今次試埋個朱古力脆米同藍莓撻4個入面個人認為果仁最好食 因為佢個撻皮都仲keep到好脆，但凍撻既話個皮就會有少少淋左 朱古力都好濃郁嘅 不過d脆米就一d都唔脆評分：4/5好味：4/5性價比：3/5

👩🏼‍🍳每日新鮮368層酥皮👩🏼‍🍳推介指數 ❤️❤️❤️❣️🤍蛋撻大家鍾意食曲奇皮定酥皮？本人鍾意食懷舊曲奇皮多啲，除咗口感同質地，感覺無咁油膩。曾經見到酥皮托底牛油紙變透明同豬油味太重，自此有份陰影～🥲响九龍城食完brunch後經過標榜全人手製368層古法酥皮蛋撻烘焙店，除咗蛋撻、鮮奶撻、仲有手工藝撻、凍撻、芝士流心撻等等，幾十種款式且外觀都精緻～ #手信時間🤲🏻手工藝撻系列🔥焦糖果仁酥撻 HKD18 - 焦糖甜度唔算甜，鄰杏仁腰果等鬆脆。🍎蘋果金寶酥撻 HKD18 - 蘋果腍中帶爽，味道清甜。🥚原味酥皮蛋撻 HKD10 - 份量比坊間嘅大同重，質地滑溜，食落蛋味濃郁點更好。🥛鮮奶酥皮蛋撻 HKD12 - 大細重量同蛋撻相若，餡料軟滑，奶味更creamy 更濃就好啦。4款撻均用上同樣酥皮，食落鬆化且外觀到口感且油膩。整體餡料甜度較輕，罪惡感減低～ .··🔖 #酥妃皇后 (侯王道) (九龍城) 🪑九龍城侯王道24號地舖

今日去九龍城睇醫生睇完諗住走嗰陣經過見到呢店隔住塊玻璃見到好多五顏六色嘅物體好吸引😆其實勁多都想試如果食極都唔肥就好啦🙈最後忍口淨係買咗一件嘢食同埋一支嘢飲🥲👌🏻宇治金時牛角包窩夫($25)外型好吸引但係我覺得有啲甜得滯同埋抹茶味唔夠出👍🏻香滑奶茶仔（$22）相比較下支奶茶幾好飲可能同埋個窩夫一齊食所以支奶茶唔會太甜如果茶味再濃少少就好啦冇想像中咁好食可以試吓嘅下次有機會再試吓其他先😌

今天去九龍城跟朋友午餐，吃完之後發覺我們喜愛的餅店就在附近，「酥妃皇后」的蛋撻之前嘗試過非常好味，他們以全人手製作酥皮蛋撻作為主打，另外還有好多創新的果撻及包點。買了兩個撻回家，鮮奶撻($12)和榴槤軟心芝士撻($15) ，兩者都非常好味。鮮奶撻撻皮鬆化，每日新鮮製造，368層酥皮為基本再加上香濃的鮮奶，不會太甜。榴槤軟心芝士撻芝士味濃，軟心香滑有點鹹香反而榴槤味道不太重，下次還可以嘗試其他的選擇。

去九龍城食嘢路過呢間餅店覺得啲tarts外型好靚、好吸引，於是食完飯嚟買。我一連氣買咗三樣嘢，分開三個時段試。原味芝士tart （5星）有點芝士味、有點乳酪味。所以明明7分飽肚食都唔覺好膩。（註：我有將佢翻熱、同埋我食餅必須嘅大杯熱紅茶送口。）心也很流、流到隻手要shu埋手指. （我用焗爐150度翻熱五分鐘再等15分鐘稍為涼一啲先至食不過都要小心啲流出來嘅芝心非常之熱啊。）喜歡它的撻皮有點脆和稍為乾身，沒有傳統酥皮蛋撻嗰種非常重油份嘅感覺、所以都冇咁鬆化, 我個人覺得都好食嘅 。用傳統酥皮方法做tart,香港大有人在.我認為呢一種稍為乾身嘅酥皮會有佢存在嘅空間,大家可以因應自己嘅喜好去做選擇。原味牛角waffle（4星）見到舖頭有好幾款牛角waffle嘅口味,所以雖然我幻想唔到佢好唔好味,還是買來試一試. 結論係，佢哋做得好嘅，因為佢有牛角包嘅牛油香、同埋脆，甜度又剛好。但係，我下次都係會想食返一個傳統牛角包或者傳統嘅waffle。呢個產品令我意識到牛角包或者任何麵包，中間所謂空氣感嘅重要性。原來包中間嘅空氣就好似游水時候需要上水面吸氣一樣咁重要。食waffle我想得到除咗輕微鬆脆，另

夜晚7點左右去到，蛋撻賣完，好彩仲買到最後一個鮮奶撻試下，另外仲買左百香果朱古力同焦糖果仁。當日店員態度一般，想確認下凍果撻係咪有優惠，佢話你睇到係咩就係咩....下一組客人問個陣，佢就話做完😂鮮奶撻$12雖然唔係新鮮出爐即食，但係室溫下酥皮撻仍然保持酥脆，唔會油唔會變硬。整體甜度適中，不過鮮奶味比較淡，下次有機會試番原味蛋撻。百香果朱古力$18一啖食落去百香果酸酸地加微甜朱古力，都還可以，但係上面啲朱古力碎片已經淋哂！焦糖果仁$18之前食過台灣嘅果仁撻好好食，所以見到有呢款就揀左佢，點知食唔到焦糖味，成個撻都好乾，要邊食邊飲水🥲

買了四個蛋撻收多了1蚊，但店員說已打了單，不肯退回。店員態度也不客氣，黑口黑面，又串串貢。感覺比人呃左。味道方面，跟一般茶餐廳分別不大。凱斯麵包、敏華冰室麵會比這家好，但人家只是7蚊一個。可不值得再買。