酥妃皇后 (侯王道)

Open Now

Now Closed

/ 屋企人經過九龍城，買左「酥妃皇后」既原味酥皮蛋撻返黎食🤩！聽個名聽左好多次，但係就一直都無食過，今次有屋企人買返黎一齊食，正啊🤤🤤🤤！📍原味酥皮蛋撻 $10/個💬個蛋撻都好重手，而個酥皮真係幾正，好脆！蛋撻個蛋香味好重，好好食😋👍🏻決定下次要去試埋佢個鮮奶撻👀！

小編很喜歡吃酥皮，無論係酥皮湯、蝴蝶酥又或者酥皮蛋撻都超鍾意。這間酥皮皇后出名有368層酥皮蛋撻，更係要試試。店舖除咗有酥皮蛋撻，原來仲有好多選擇，半熟芝士撻、生果凍撻、曲奇等。酥皮蛋撻有原味同蛋白味，小編喜歡蛋味，當然要揀原味啦。另外，抹茶控又想試埋抹茶軟心芝士撻。📍酥皮蛋撻$10 - 蛋味濃，蛋汁夠滑，368層酥皮但唔會覺得好厚，幾鬆化。👍🏻👍🏻👍🏻👍🏻/5📍抹茶軟心芝士撻$12 - 有野太甜，抹茶味不濃，口感還可以。👍🏻👍🏻/5

👧🏻Wodafoodie in Kowloon City九龍城除左泰國菜好食，其實我每次都會食呢間既蛋撻，雖然我個人鍾意食牛油皮，但係試過呢間既酥皮之後，每次都忍唔住買返半打返屋企食🥰🥰✨原味蛋撻 $10佢既酥皮係有368層全人手製作！勁鬆脆但又唔會食到成口油，呢個好緊要因為我好怕好油膩，蛋撻比一般為大隻同重身，蛋香味濃，真心好鍾意！❤️❤️❤️✨鮮奶撻 $12鮮奶撻比蛋撻無咁香濃，但都食到鮮奶嫩滑既口感，我心目中以性價比黎講一定係原味蛋撻排第一位😝其實佢仲有好多特別口味既撻，例如唔同味既軟心芝士撻、凍撻、麻糬撻⋯⋯全部賣相都好精緻好吸引，真心鍾意同推介呢間既酥皮撻☺️☺️📍 酥妃皇后 (侯王道) (九龍城)九龍城侯王道24號地舖

第一次試 朋友有介紹所以買左幾款唔同 買既時候剛開鋪 ～10點 但撻全部都常溫唔熱 工場交貨係咁1）普通蛋撻 真係比較普通 而且超～級～甜酥皮凍左都脆 但唔算超酥化 2）奶撻 比較好 同pie and xxxx 一樣半凝固 正常偏甜 酥皮一樣評3）果仁撻 失望 甜到爆炸但又唔係脆焦糖 好似撈左糖漿咁 4）士多啤梨撻 好普通 反而佢士多啤梨酸 反而平衡佢太甜-.- 變左好事嚴格來講 不要浪費卡路里 想試既買一個試先 .. 另外 7個都無紙盒

酥妃皇后主打每日新鮮製造368層酥皮，最初經過都好多人，依家大概熱潮已過。撻款選擇好多，冷熱款式都有，熱撻主要係芝士類。坊間的甜品愈賣愈貴，這裡的酥皮撻價錢相對相宜，$20以下可買一件。之前食過出爐蛋撻，覺得幾唔錯，熱食酥皮香脆，但368層都冇話好厚身的感覺。今次買左凍的士多啤梨撻，個人諗為撻盒有好大的進步空間，因為有不少撻款(栗子和水果)比較高身，但撻盒較矮，必先壓扁酥皮撻。凍撻比較失色，雪凍的酥皮比較硬，雖有牛油香，但沒有什麼特別。

 酥妃皇后最出名既就係佢有368層級原味酥皮蛋撻！另外佢仲有好多款特色既芝士撻、牛角包、果撻，每款望落都好靚好值得試🤩同埋好好既係呢度係有位俾你企係度食！有齊紙巾、水、消毒酒精，唔洗驚買完之後唔知去邊度食好。1⃣️原味蛋撻（$10）件撻都幾大件幾重手下，撻皮幾酥脆唔油😍中間既蛋好厚，不過都唔算好滑好香，唔知係咪因為佢全部都係整定擺係度，攤凍曬。我諗如果撞正佢新鮮出爐既話應該正好多😌覺得佢最大既賣點都係佢既size夠大，同埋層酥皮係真係好酥脆。  2⃣️原味軟心芝士撻（$15）本身淨係諗住食件原味蛋撻，但係食完之後覺得呢度其他啲撻望落去都好吸引，忍唔住再買多件試🤤呢個真係好好食！雖然呢個比起原味蛋撻細件啲，但係唔知點解覺得呢款既酥皮係再酥啲再香啲，可能同佢出左爐擺左幾耐有關？  呢個中間既芝士餡好香好香🧀我勁鍾意❤️而且勁厚勁軟心，食落口係好濃好軟既芝士餡😋推薦呢個多過佢既原味酥皮蛋撻。不過呢款都係一樣，有少少攤凍左，如果啱啱出爐應該不得了😚

一向都鍾意酥酥，特別係蝴蝶酥，今早去開九龍城，試下酥妃皇后嘅蛋撻同牛角包，時間尚早，所以買返屋企等陣做下午茶，人唔多，得一個人買緊，蛋撻10蚊，牛角包竟然只需12蚊😍，從來無食過咁平嘅牛角包，真心抵，平時食開一般都要2x, 灣仔嗰間就20蚊。tea time 用焗爐heat 返熱，蛋撻酥皮係好有層次，不過唔夠脆同唔夠香，蛋都唔出色，好多茶記賣幾蚊都好味過佢🙄。牛角包夠脆👍，酥皮都整得好好💫，但同樣地唔夠香，係咪因為少牛油呢？不過12蚊嚟講性價比係好高🌟🌟🌟🌟

行行下九龍城聞到好香嘅餅味就比佢吸引左入去😆呢間酥妃皇后有好多款蛋撻買，我地買左8件返屋企食入面個榴槤撻好有驚喜！放落個盒到聞唔到榴槤味，但反而一咬落去啲味就開始飄出黎😆好香好正，入面真係有榴槤肉係到又滑又香，啱哂啲榴槤愛好者😋其他撻都好好味，不過可能住得遠，拎到返屋企已經凍凍地喇😅

係openrice買咗張卷，諗住買啲撻俾屋企人食，今日去攞撻，入間鋪個啊姐已經黑口黑面，佢裝完啲撻之後我問佢啲撻係咪一定要雪住，佢話係，我話如果我隔幾個鐘先雪得唔得(我住喺新界)，佢話唔得，我諗住問佢有冇雪袋嘅時候，未問晒佢已經話冇。其實你哋係咪諗住個個人一買完就一定即刻食呢？會唔會考慮吓提供埋雪袋俾人？最大問題係個阿姐，一個解決方法都唔俾我，一嚟就答我冇，我覺得你地嘅員工好需要training。就算你哋啲撻好食，但係員工咁嘅服務質素，我真係以後唔會再幫襯。

酥妃皇后雖然係名人店，但佢哋嘅酥皮都做得幾出色又充滿牛油香。鋪面唔大，但都可以有設企位。我自己就叫咗兩個撻外賣，係蛋撻同鮮奶撻。蛋撻 $10蛋撻係最基本嘅款式，可以比較到佢同其他麵包舖有啲咩唔同，一拎上手已經會感受到佢嘅酥皮嗰種鬆脆，會有少少嘅酥皮碎開。酥皮層次十分豐富，而且會有好香濃嘅牛油香味。而蛋味就係正常，唔會話焗得太老或者冇蛋味，配合酥皮，酥皮絕對成為主角。鮮奶撻 $12呢個都唔錯，鮮奶撻嘅酥皮同蛋撻一樣出色。鮮奶撻嘅味道唔會話過於甜，恰到好處。

好多人都話九龍城買餸平靚正專程過嚟九龍城街市買靚牛肉，龍躉，龍蝦，超甜粟米🌽打邊爐🍲 咁啱經過呢間出名嘅蛋撻店！聞到好香店面又好靚 即刻入去買兩個原味蛋撻做早餐！佢嘅酥皮做得好鬆脆但系會邊食邊跌啲酥皮蛋撻中間嘅部份味道比較淡 除咗酥皮值得讚之外內餡比一般連鎖店冇咁出色 唔會有下次啦

其實佢新開嘅時候都幫襯過好幾次，嗰陣老闆娘Bobo都成日喺度，之後仲越開越多分店。本身好鍾意食撻的我，特別欣賞酥妃的鬆脆口感，這是很多層撻皮做出來的口感。聞說這是70年代大同老師傅的食譜。酥皮用本地麵粉加上法國牛油製造，全人手製作酥皮盞，蛋撻大大一個，盛惠$10，撻皮一點都不油膩。最近經過，又多了其他款式，如焦糖杏仁條和蜜汁叉燒酥撻等，之前試過抹茶芝士撻，感覺抹茶和芝士味道不太夾，雖然撻皮依然有水準這次又忍不住試了他們的Apple crumble tart。但撻皮好像沒以前鬆脆，而且crumble單獨吃略甜，配搭撻皮吃才平衡，但整體味道不俗，而且份量足

店員態度勁差, 買個蛋撻要睇你面色? 再好食都無用啦, 基本要尊重人都唔識🤦🏻‍♀️ 落住毛毛雨去買蛋撻, 叫我放低把遮, 我把雨當時無滴水, 因為係毛毛雨, 請問我把遮可以有幾濕? 之後勁無禮貌咁連續叫咗我3次放低把遮, 唔知仲以為我拎住支槍😂 其實你快啲比蛋撻我, 我馬上走架啦, 你都唔洗咁驚吖, 你大可以唔賣比我直接叫我走架, 你啤我 我又唔會痛既, 日日都咁樣對啲客 你唔攰既咩😂😂😂

相信唔少香港人都一定食過蛋撻。係附近既麵包舖一定搵到蛋撻既蹤影，但好味到會回頭幫襯既蛋撻🤤，你又試過未？呢間位於九龍城既蛋撻店非常出名，早前嚟幫襯短短15分鐘，就已經有好多客人買外賣，而且每個都係半打一打咁買，非常受觀迎！呢度主打港式酥皮蛋撻，師傅遵循70年代手工做法而製，而且呢個蛋撻號稱擁有368層酥皮盞😋，聽落去都覺得酥脆！雖然我個人喜歡食曲奇🍪皮蛋撻，但從外觀可以睇到，的確外層酥皮層次分明，咬落去非常香脆又唔太油膩，配合埋中間誘人既蛋🍳漿，香氣十足，又甜又滑，雖然係賣得比平時貴少少，但真好好味，值得去試！鮮奶撻同樣唔錯，出面採用左牛油曲奇🍪皮，比酥皮硬少少，但依然鬆脆！而中間既牛奶🥛餡就非常香滑，都幾吸引！簡單一句，食落真唔錯，岩哂大家呢排外賣返屋企👍🏻。同埋，大家呢排乖乖地，星期六日出少D街，減低病毒🦠傳播📣風險同埋保障自己健康！

一向都係曲奇皮既fans，呢到既酥皮係我唯一會食既酥皮，因為食過好多次都真係甜而不膩。食左blueberry tart and 軟心芝士奶黃撻。blueberry tart既blueberry唔太新鮮，有少少淋pat pat既感覺。有啲失望。個軟心芝士奶黃撻咸咸地，其實味道okay! 不過可能我都係expect係甜食，所以怪怪地下次我都係食返普通蛋撻算了。