皇后飯店 (Closed)

一話去又一城，我第一時間只諗到多人。為食既朋友第一時間係諗起呢間既蝦多士，因為佢之前同其他人去過食下午茶，見過人食蝦多士覺得好吸引。今次一到九龍塘站即捉我去食下午餐，下午茶套餐有13款，佢唔使諗就話不如叫兩款分黎食，即叫"黑椒牛柳絲炒意粉"同"蝦多士"。蝦多士要熱食先脆，唔可以等（好熱氣）,不過好味，連個醬都好味。

因為有公務，與一大伙兒到了皇后，因為人數多，點了不少款式的SET LUNCH，有牛扒餐、魚餐、豬扒餐、沙律餐等。與一般西餐廳一樣，紅白餐湯任選，沒有太特別。在坐當中最多人叫了牛扒餐，可惜牛扒是眾多食物中最不可靠！Order七成熟的牛扒居然生得很，中間紅得很還有血流出來，對不能吃太生的女士來說，她只吃了三分之一，其餘的就由侍應生收起，這實有點浪費！相反，全熟的牛扒反而好食，不太生也不太熟！所以這裏的廚師對牛扒幾多成熟的理解與客人有點不同。如果要食少熟少生的牛扒最好叫「全熟」了！其他餐沒太多驚喜，只是環境良好，談公事也比較方便。以又一城來說，皇后不用等太久又有訂座服務，趕時間但又唔想同人逼吃LUNCH這裏也不錯！

星期日，中午十二時，當又一城其他餐廳已經有一條人龍在門外等候入座時，唯獨皇后門口無人，唔喜歡等的家人決定選擇這間餐廳。我們三人入了餐廳內的等候區諗住安排入座（因為已經看見幾張空抬），等了一分鐘才有人看見我們，怎料侍應叫我們出門外等...心想，如果我們出門外等你怎會看得見我們？好我們又出去等，等的期間，已有一種「乞求他給我一個午餐」的感覺！數分鐘後（因為我們真係見到𥚃面有枱），再次入內，侍應又叫我們出去等🙄這次，不用一分鐘就叫我們入去，其實唔知之前等乜😔。獲安排的卡座尚算舒適，我們三人點了兩個午餐，一個散叫再加$70轉餐。怎料，一上餐包及湯，只有兩份...原來落單的大叔落錯單，又唔覆單🙁然後再加回那個餐。湯都未飲完，三個餐已經到，那麼快？可想而知那三個餐的質素。家人說，「大xx 」都好過佢。到餐茶，家人叫熱鴛鴦，熱檸水，我叫了泡沬咖啡（+$15）。熱鴛鴦同熱檸水冇乜特別，我個泡沫咖啡，就只係喺一杯即沖咖啡上邊加啲泡沫而已。結帳時收我五百幾蚊，我們三人一致決定以後唔再幫襯呢間野。

今日下午來這裡食lunch食物係好食，但其中一位女侍應的服務態度連大排檔都不如我：「唔該寫餐飲....」她：「講！」嘩，乜事呀，食澳x 餐廳呀？！埋單找數比卡，我放了張卡，本簿上面無筆她：「上面簽名... 」然後將一支筆「扔」係我本簿上面，我無形容錯，係「扔」唔係「放」對話沒有一隻：「唔該」、「多謝」都無不知道這位姐姐是否跟老闆有過節，想同你倒米？不過我都同情她，以佢既服務熊度可能再無佢容身的地方，定還是我誤會了這餐廳是參與社企計劃，我應多加包容。總結食物一流，服務九流

約了保險經紀的一晚，想去座位寬趟而又坐得舒服的餐廳，這裏起碼檯與檯之間有基本距離，你明白的，香港甚多餐廳也無私隱度的朋友點了這味番茄湯配上銀鱈魚和青口朋友說味道不俗，可惜銀鱈魚份量偏小，青口肉質也是偏向細粒小肉，待改善喔另外會跟上薯條，較爲乾身，只有薯菜無薯蓉提供自己是牛魔女所以叫了紅酒汁配牛牛紅酒汁其實是嚐不到紅酒汁的，個人認為只是蒜蓉汁，份牛牛卻是烤得剛好我喜歡的5成熟，最愛那半熟帶血的滋味居然有雪糕蘇打當然要一杯啦，這是兒時回憶呢，還有3種雪糕味道選擇以平均價錢每人大約200加上這個環境，過得去啦！

原先去開利舞臺間皇后, 但執左, 所以試吓去又一城間lunch, 12点無乜人, 一入去, 兩個waitress指住張枱, 我同佢哋講想找張舒服啲, 點知兩個黑面迫人坐, 根本大把空位。於是我走左, 望番轉頭, 有個類似女經理出嚟, 同兩個waitress仲指指点点講緊。話過以後不幫襯! 😡

星期六又一城真係人山人海,本身想食既simply life 同dan ryan's 都爆左,唯有周圍搵下其他餐廳,呢間皇后飯店都聽過,但係一直都冇試,加上係角落頭,平時都唔會點留意,見冇乜人排隊等位,好肚餓既情況下,等左10分鐘左右就有檯。叫左一個set + 一個散叫豬扒意粉,牛柳不過一失,叫左7成熟,黎到都係7成,青口味道不錯,酒味唔會好搶,散叫扒餐佢會自動跟返意粉/飯/薯菜,黎到之後發現好大份,有3塊扒,最後係食唔晒,剩左約1/3意粉,唔算超級好食,同一個價錢,可能有更好選擇,不過如果係想靜靜地傾計,環境算係唔錯,

呢間皇后餐廳位於又一城高級大型商埸，諗住試下呢間望落去好似好高級既扒房餐廳，但入到去D侍應既服務感覺同旺角一般既扒房餐廳冇乜分別。個扒一個都要成三百蚊，我要既係除左食物質素之外，服務質素都好重要。食物都唔係覺得有乜特別，服務又差，我下次唔會再黎食。都講下D食物啦~~我地ORDER左3個餐，但個餐包同餐湯好耐都未到，等左10分鐘都仲未黎就問問個waiter，佢先至拎黎 特級肉眼扒: 唔要薯菜都可以轉飯或意粉，個Rib eye 味道一般鵝肝配牛扒: 鵝肝煎得唔錯，個扒就一般西冷扒: 叫左6成熟，都好似好生咁. 真係奇怪!  味道冇乜特別總括而言，如果你想要求有D service既扒房，呢間絕對不會滿足到你. 

其實呢餐同分手冇任何關係…  只係好自然會諗起！當晚叫咗兩個餐，我叫咗俄國凍魚肉眼扒餐； 佢叫咗田螺牛柳餐。ME： 俄國凍魚肉眼扒餐俄國凍魚係配啲salad 菜咁上，食落好清新。俄國凍魚唔會好乾，吸收咗帶少少甜酸嘅汁，開胃！肉眼扒我叫咗 medium well，熟度啱啱好！肉質都 very good，有牛味同都仲幾嫩。洋蔥汁味道比較淡，所以我會點下「佢」果碟嘅黑椒汁（但啲黑椒汁會有啲騷）。其實啲黑椒汁濃味咗少少，足以蓋過本身嘅牛味… 我揀咗薯菜，薯塊仲脆脆哋熱辣辣～其它都ok，係啲甜豆略熟，偏腍唔夠爽。HIM： 田螺牛柳餐sor， 雖然食緊呢餐飯嘅時候都仲未嗌交，但就淨係影咗佢叫嘅頭盤。我都有食到，幾好味呀。因為薯蓉加咗芝士同埋重牛油，好難唔好食！ 啲田螺就正常囉～講埋冇影到嘅牛柳餐，佢都係叫咗 medium well。但切開所見嘅就係熟過頭！ 應該係 well done…我話不如你同佢哋講，叫佢哋整過啦，因為well done 真係好難哽！嘥晒！ 但係佢話唔洗… 睇住佢當冇嘢照哽，有啲登佢難受…本來想同佢分享下我果塊肉眼，點知佢話唔食… （一舊都唔試！） 佢份牛柳係配咗黑椒汁，好濃味

幫阿女到城市大學交學費時，順便行又一城，剛好食午餐的時間，便找找看，看到皇后餐廳，想起很久都未試過，午餐不會太貴，120元左右。有品質的保證，叫了一個西冷牛扒配薯菜，忌廉湯很濃，還有少許火腿，餐包也軟軟的，牛扒香林，沒有筋的。黑椒汁就普通些，再加上一杯熱檸水，完美的一餐

進入皇后飯店，真的令人感覺是花樣年華的時代，可惜的事，空有懷舊的裝潢設計，沒有空間留給客人，一列靠牆而設的座位桌子，桌與桌之間的通道太狹窄及太靠近了，實在有壓迫的感覺，沒法給客人開懷自在地與朋友用餐相聚閒聊，食物方面……暖暖鬆軟的小麵包配上點點酸甜少少微辣沒太多配料及調味的羅宋湯，是一度不錯的餐前配搭，誘使出客人的食慾，最美中不足的主食，沒法令人持續留下美食的好滋味，兩款主餐食物給人太乾澀的口感，伴碟配菜比主菜口感更好，太失敗喇！伴菜軟硬度適中，滲出甜甜的味道，茄汁蝦球意粉……令人失望，蝦球確是爽脆彈口，但與乾澀的意粉一樣沒有一點味道，單靠蕃茄醬汁帶出好味道，真是不行的，因醬汁淡而無味，沒太濃的藩茄味道，加上醬汁不多，很難撈到全部意粉及蝦球，粟米燴魚飯……還好一點，煎魚柳的肉質不乾而外皮又帶點脆，粟米汁料味道還是淡一點，要自家調味，才可有較好的味，依然汁料太少，不夠調勻全部的飯，另外侍應們面上表情太嚴肅了，可否帶點笑容呢……😯，而新手的見習侍應生，每位都帶着戰戰兢兢的心情款侍客人，客人的些微提點，都令他們緊張不安的不斷道歉，其實小事一樁，見習生們真的沒必要那麼緊張呢，只想想對侍應生們說

裝修完後，這是第一次光顧。待應比原來的後生了。沒有了往日的老臣子。少了那份老臣子對不是熟客冰泠的態度。多了一份親切服務的感覺。多了一些卡位及半卡位的放置，沒有太密的感覺。沒有了以往的舊規矩，不是下午茶時段不能叫蝦多士。新裝修後明顯蝦多士是細件了三份之一，餡料也沒有以前那樣是整塊舖滿的。一上枱已經覺得炸得太過火了。但是我每次介紹人到來吃這個，個個都十分滿意，這此也是。焗蟹蓋也和以往沒有分別，也是很美味。焗豬排飯是第一次叫，覺得不是預期的樣子。可能本是祈望是在客面前才上碟的，但來到時已經是玻璃碟上了。而且很一般，是過便算下之不用再點了。希雍蝦多士，有待改進。

一家三口黎左又一城行街，揀左好耐都唔知食乜好，最後去左皇后飯店食佢地既set lunch。daddy叫左A餐肉眼扒配意粉，冇要到set左既黑椒汁，改左洋蔥汁。肉眼扒5成熟岩岩好，大大塊夠哂飽肚。洋蔥汁連大量洋蔥上，洋蔥唔會太生或太淋，好味！我同mammy都要左C餐雜扒，一個要薯菜，一個要意粉，兩個都係燒汁。意粉係比較幼身個種，但硬度岩岩好，唔會太乾身。薯條就粗身既，但略嫌少少淋。條腸仔係好普通既雞肉腸，塊牛扒當然冇肉眼扒咁好食，肉質會粗糙少少，但都有牛肉味。豬扒同雞扒就相對好食d，好入味同嫩滑。以午餐黎講份量非常足夠，又一城黎講價錢都算合理，環境舒適，服務良好，諗唔到食咩都可以考慮去皇后飯店~

一直也很想試試這家餐廳，其實又一城選擇不算太多早前吃了SIMPLYLIFE 好吃度大不如前，我懷疑是被美心集團式收購後的結果所以就看看附近有沒有價錢相差不多的餐廳結果就看上這一家不用排隊的Queen's cafe因為看了一看餐牌竟有一道玫瑰燒雞 ，二話不說就入內看看。這裡的服務也算不錯，每次上餐的時候總會先說是什麼來的，我點了一個餐，這就是餐湯和餐包老實說，其實和花園餐廳的味道沒兩樣。餐包不算太熱，但有熱度也夠溶掉牛油，而且非常鬆軟羅宋湯也用料不少，加上配料胡椒粉也不容少覤，那實在是神來之筆餐廳大多忽視配料的質素，但這裡真的高質灑上少許胡椒粉已夠嘗到辣度。來了主菜------ 這道玫瑰汁配燒雞扒剛上餐的時候，真的有點我失望因為這和茶餐廳沒分別啊!  還給我來個燒汁... 我還以為是粉紅玫瑰色啊! 不過入口卻一點也沒令我失望燒汁每一口也充滿玫瑰味道，而且一點也不漏加上雞扒其實份量十足，而且燒得香口當然不要忽視薯菜們~ 除了西蘭花、紅蘿蔔、還有把粟米和切了片的粟米芯，看得出店家不是隨意把一些急凍的雜菜充當薯菜。薯條其實還灑上一些七味粉，這讓我有點意外，因為我很少看到店方有這心思。總括來說，

唉，又係因為看完戲，又係因剛剛到食飯時，又係因為冇人排隊，加上平安夜四圍都係人，我進去了一看餐牌，嘩，300大元一個牛排餐，平時餐牌的東西今天是沒有的，算了，平安夜你要人給多點錢不是問題，那給點好吃的。紅酒煨羊脾，300大元，一隻小脾，然後是最簡單的薯菜，賺到笑，羊脾雪藏貨唔洗講，沒有入味，汁還汁，肉還肉，幸好我不怕騷。肉眼扒，嘩，，5成熟變左全熟，唔好講，已經變黑炭了，而且肉質和肉味絕對係下下級，超市40蚊貨仔當300蚊賣，賺到笑老婆大人頂唔住投訴，換了一份給我們看圖見真相，新一份比較正常，肉質比較好，但肉味絕對係下級野，投訴下算係“補償”，但絕對不是300蚊的牛扒，唉！硬食算了，平安夜，平安一點，和諧和諧。最後想提提個菜湯，竟然用咸酸菜做成，都可謂高招老牌餐廳為求在大商場生存，只好無所不用其極，想起來我都為上一輩的心血感到可惜，此餐廳已成為歷史，新一富二代那有能力補上，可惜呀，可惜。