Video
4-min walk from Exit E2, Mong Kok MTR Station
continue reading
Opening Hours
Mon - Sun
12:00 - 22:30
Above information is for reference only. Please check details with the restaurant.
又一個星期四 8點要去太子上堂，收左工熟落旺角搵野食，今次黎到通菜街尋找平民餐，行左一陣，經過間拉麵店，門面都幾靚，望入去裝修又幾好，menu上既拉麵好似好勁，有赤雷/青麟/黑虎😂 就入左去試下。餐廳好colourful，令人有一種愉悅既心情，不過環境好細，有少少逼，大約只能容納25人。我地見bar枱無人坐就揀左呢便，兩個人傾計舒服d。叫左個黑虎，係墨魚汁底，湯底一望就覺得稀，試一啖味道真係好淡，無墨魚味，湯底係拉麵既靈魂，失望🤦🏻♀️ 紫菜尚算脆，叉燒切得好薄味道正常無特別。叫左個吉列豬扒蛋包飯，以為佢會係個d好人既日式牛乳蛋漿，但上到枱只係普通係屋企都煮到炒蛋🤔 個汁有d似麥記既泰式辣醬，豬扒份量都算多，但有少少薄味道正常唔算出色。總括而言，唔會話推介大家去食，但佢又唔係咁差既，性價比算高，咁既價錢有咁既份量，味道爭少少都好正常，經過女人街又想平平地hea食都可以試試🙂
continue reading
《橫浜丼》店面雖小，但卻有日本小店的感覺。相比起其他連鎖拉麵店，麵線的味道好像更溫暖。第一次到訪試吃蛋包飯，今趟就試吃雷拉麵😈除了普通叉燒拉麵($59)，還有赤雷($62)、青麟($68)、黑虎($65)。小編每次到拉麵店都鍾情於選黑色的，今次也不例外。／🔺黑虎 - $65👉🏻墨魚汁豚骨湯、叉燒、溏心玉子、蟹籽、鮮蟹肉黑色的湯可能大家都覺得說會重口味，但其實還好。雖然有點油油的，但卻有淡淡的墨魚汁味不會太濃。叉燒方面不像一般厚切，相反薄薄的有三至四片，半肥瘦適中剛好，口感像吃腩片。😂配上半隻冷的溏心玉子，剛好與熱的拉麵線作冷熱對比。一同放進口裡也很好吃，不覺膩。而一般拉麵沒有的是在最頂的蟹籽和鮮蟹肉，為整碗拉麵點睛一樣，蟹籽爽口、蟹肉又有鮮味。以這個價錢來說，這是一碗超水準的拉麵🍜👍🏻／環境: 6.5/10 (位子較窄)賣相: 7/10味道: 8/10價錢: 9/10整體: 8/10
continue reading
呢間位於旺角女人街入面嘅日式食肆，係閒日唔算多人，但一到假期就要排隊出門口等。吸引之處除左價錢合理，食物都係一個因素。我自己都係常客，【橫浜丼】點餐方式我一開始都唔習慣，自己望住張紙剔，要食咩就剔咩。雖然咁樣就少啲機會落錯單，但就冇左一種親切感？始終覺得去任何一間食肆，與食肆或餐廳員工溝通係一種必然的事。有陣時員工仲會向顧客介紹下餐廳入面最好食的菜式。但亦見某啲日式食肆用同樣方式點餐，可能係日式文化。🤔🤔如果你問我會推介啲咩，我一定答拉麵。我頗欣賞呢個青麟拉麵，以菠菜汁豚骨湯作為湯底。湯底呈綠色，有啲似湖水，飲落菠菜味唔會太強烈，配合豚骨湯，相輔相成。我自身對食蔬菜一般，但呢碗拉麵湯底我幾乎飲晒😂😂好似我唔多鍾意食菜嘅朋友都可一試！青麟拉麵由溏心玉子、黑魚籽、日式叉燒、大紫菜同帶子組成。溏心蛋好味拉麵唔算硬，係適中硬度，好容易咬開。黑魚籽加帶子一齊食😊好正，有一種明明食熟食但同時亦可以食到魚生嘅感覺。日式叉燒好味，我好鍾意食，薄切但同時有一定肉感。蔥花、拉麵、湯一齊食嘅時侯，個種口感豐富的滋味好難形容。啊！配菜入面仲有木耳絲，如果我冇錯的話😂😂蛋包飯都係呢間日式餐廳幾好賣的飯。今次我係食吉列豬排蛋包飯，蕃茄汁好稀好淡，但係郁來郁去木魚碎同剛炸好的豬排真係好好食，豬排重要程度比蛋包飯更高。🙄有冇喧賓奪主呢？飯一到，我就急不及待食豬排，一食😝熱到燙到舌頭。炸粉好薄，脆脆的，豬排肉熱辣辣，保持到肉質彈性和少許肉質的水份（非乾巴巴）。蛋包飯則由蛋包住炒飯而成，炒飯份量頗多，粉粒偏有咬口，乾身。加上外面蛋皮及茄汁，非常惹味。旁邊有少許青瓜、蕃茄仔和沙律菜配沙拉醬裝飾用配菜有時都幾好味。有點美中不足係今次熱柚子茶唔夠足料，飲落似好少柚子味的水。以呢個價錢，晚上係旺角食晚餐，我覺得算係抵食。總共2個人，146蚊☺。以價錢同食物味道，我會再去光顧。座位偏窄，若多人時段，都坐得有點迫。店舖裝潢還可以，但未至於令你有深刻印象。不過員工服務態度的確一般，聽到有食客想下單，店員只係從後叫食客自己填紙。但從沒有親自指示過食客如何填寫。當然，填紙好似係每個人都知點做，可是，作為食肆員工，理應服務顧客，解答問題。
continue reading
通菜街出名多野食🤘🏿呢間橫浜丼裝潢同食物都💯吉列豬扒蛋包飯 hkd56 😊佢個蛋包飯係超級有誠意！入面唔只係飯咁簡單，仲會有啲栗米粒，魷魚粒，飯蕉。⭕️食落口勁有層次勁好食des😏仲要有蛋！全部一齊食真係好滿足😈而且啲豬排都炸到香脆，份量又多，加埋啲蕃茄汁也是醉了😭好吃到哭！啲汁係調到好好食，酸酸甜甜好開胃😀真係會成盤食晒佢！順帶一提佢啲沙律都好新鮮👍🏿有肉食都會有啲菜，都幾健康👌🏽唔係一味食肉架～
continue reading
在女人街要選擇餐廳往往容易一個頭兩個大。唔想食茶記中式。想要平又想唔難食。不過始終還是會找到的。又被餐牌和門面吸引進去。日本餐廳設計。有吧檯和座餐檯午餐選項多。基本日式餐食類拉麵，定食，蛋包飯結果點了一個照燒雞扒蛋包飯賣相不錯。雞扒尚有肉汁。沒有燒乾身。可惜黑椒太重。每兩啖都會咬到黑椒。味道差了一點點。蛋包飯的飯。有個小驚喜，原來是海鮮炒飯。平常較常吃的可能白飯或者茄汁炒飯較多。碟的三分一還有一份蔬菜沙律。去點油膩所以都整體大致尚算不錯。
continue reading