R&Y's International Cuisine (大尾篤村)

Open Now

Now Closed

睇完食評 期待咗好耐今日終於有機會食喇🤩🤩🤩🤩🤩因為疫情關係 無開沙律吧但都有大大碗沙律 有菜 有生果 今日個餐湯係黑松露忌廉蘑菇湯 好香松露味 好滑😋前菜揀咗烤羊架同和牛羊架要咗7成熟 唔會太重騷味 西蘭花吸哂啲肉汁好香😌和牛係薄切牛扒唔鍾意食和牛嘅人好多都係唔鍾意佢會食到成口油但佢依隻嘅油脂相對無平時食開嘅和牛咁勁雖然menu話有薯餅 但唔知塊薯餅收咗喺邊和牛下面有一大片洋蔥 吸哂肉汁 好邪惡😆😆😆😆😆飲品揀咗一杯cappuccino 一杯latte

星期日約咗朋友去大尾篤行下，先去食個lunch ，一行三人去咗呢間小店食西餐。嚟之前已經決定去呢度食。估唔到已經full，冇book 位之下，好彩可以坐室外，室外都係得兩張二人枱可以坐，我哋三人都包咗室外了，其實食得仲安心過坐室內。提提大家嚟食，最好book 枱，因為枱數目小，地方都較細。個lunch set 包一個前菜，松露忌廉湯，一大盤麵包，自助沙律吧和飲品。前菜係蜜瓜火腿，個食物盤好別緻。個湯好濃菇味，幾好。自助沙律吧有幾款撈好嘅沙津，全部都係水準以上，仲有啲大路嘅沙律菜。我哋叫咗個走地雞餐，鴨胸配鵝肝，比目魚配帶子。個雞餐我叫嘅，唔記得影相😅，好好味，燒得剛剛好，隻雞都好肥美，比目魚同帶子都係煮得合到好處。係食物本質靚，廚師煮得啱啱好嘅情況下，呢啲西餐一定令人回味。

難得一日放假，就入下郊區行吓，見大埔大美督近近地，就搭75K巴士入去享受一個lunch之後，就去附近行吓睇吓影吓相。呢間餐廳位於斜路一間村屋嘅地下位置，一入村口靠右邊行就見到，紅色門面裝修都幾搶眼。之前見到朋友網上打卡影出嚟嘅走地燒春雞相片實在太吸引，雞迷點可以錯過，見到餐牌上lunch Menu有呢個套餐選擇，二話不說order先出面有一個自助沙律吧，仲有我最鍾意嘅鮮木瓜，加一點蔬菜認真開胃。先每人一份巴馬火腿配蜜瓜，一啖食落口咬幾啖，鍾意佢外層薄薄地嘅巴馬火腿，包住甜到漏嘅蜜瓜，好想再encore幾件。然後就是餐湯黑松露忌廉湯，雖然份量唔太多，但係黑松露味出色，唔會太鹹，味道剛剛好。本身已經好鍾意食雞煲，所以這一份蒜香慢燒走地雞配新鮮入口菠菜好啱我胃口，有滿滿的菠菜鋪底，一切開雞油及肉汁滲透晒出嚟，但油分就頗多，但係雞肉肉質非常鮮嫩，而且味道好新鮮好有口感，食落去唔似冰鮮雞嘅味道。而烤紐西蘭羊排外皮燒得好香好脆，不過就生咗少少，幸好可以再煮熟少少🤏，煮出嚟就啱啱好七成熟了，如果怕騷旁邊仲有醬汁可以點，不過我鍾意佢嘅羊味夠濃郁，而且口感好軟口。而且套餐仲有餐飲附送，我一杯凍檸茶、朋友

今日同朋友去大美督玩，見天氣麻麻哋又落雨，不如搵個地方坐低食餐飯。就咁睇間餐廳嘅格局，完全唔會估得到啲食物有返咁上下水準。凍冰冰，一坐低飲個湯先，洋蔥薯仔湯， 好creamy、好味。驚喜嘅位係緊湯嘅蒜蓉包，啲包好煙韌，蒜蓉味好香，烘得啱啱好，外脆內軟。完全唔似其他西餐廳啲蒜蓉包硬到牙血都出。我食咗牛扒，啲牛肉肉質本身靚，煎得啱啱好，調味又啱啱好，我朋友食咗帶子龍利柳，無論係調味，烹調，食材嘅選用都冇得投訴。如果食set lunch仲有自助沙律吧，不過今日天氣有啲凍，我哋就冇乜點食到啲沙律。

R&Y international cuisine 📍大埔汀角路大尾篤村145號地舖今日同朋友諗住踩單車去大尾篤 上一次嚟先至食完燒嘢食 今次唔想咁heavy我哋揀咗一間 比較私房菜感覺嘅西餐廳 餐廳唔係大路 但反而旺中帶靜 食得好舒服😊一入到餐廳就畀個沙律吧吸引咗🤩 有好多少見 高成本嘅沙律 例如西芹青蘋果青瓜雞柳沙律 青蘋果超級鮮甜 仲有紅菜頭 清甜木瓜 鷹嘴豆等等 淨係個沙律bar 已5成飽🤣另外侍應送上一個好精緻嘅頭盤 巴拿馬火腿配蜜瓜 淨係個籠已經好打卡 而火腿亦都好美味 😊跟住送上熱辣辣嘅蒜蓉包同蔥油餅 分量好而且蒜味同蔥油味都好夠我嚟蘸湯就正😁是日餐湯係黑松露蘑菇湯 超級香濃 每一啖都好享受 好夠黑松露味 真係上等之作😍來到主菜部分 我叫咗一個清酒味淋煮比目魚配帶子個汁真係冇得頂 🤩🤩🤩好帶出比目魚同帶子嘅鮮味 而魚同帶子都煎得啱啱好外脆內軟 如果份量多啲就仲好 或者配埋個飯可以撈個汁😆朋友叫咗個紅酒和牛牛面豬同牛脷原來牛面豬登嗰個口咁係咁高級 炆得好林好有牛味 連埋個汁真係好正😋Lunch set仲包餐飲 可以飲佢哋沖嘅咖啡😄 總括成個lunch set都好固執係一間有

難得平日放假，又加上第5波，入大尾篤吸下清新空氣。行下行下，想食嘅執左🤣🤣但發現新勝地。遠處見到有餐牌，好奇心下去試試。其實距離巴士站唔算遠，都易搵呀。外面佈置好歐陸，入面唔係話好豪華但好親民。一睇餐牌要百幾蚊一個餐，係有一下考慮嘅，但心諗山長水遠黎到，就當比個借口慶祝食好點。但食完都真心唔失望嘅，而且偷聽到老闆同客人對話，老闆應該本身在飲食界有點行頭嘅😂😂同埋佢地嘅菠菜雞係幾出名。但我地食完先知😁😁下次要試埋

郊遊似乎已經成為香港人假日必去地方。想小人啲，平日去大尾篤逛逛，大埔朋友介紹下，試下呢間大尾篤村的西餐廳。田園風的裝修， 室外有兩張檯，歡迎寵物。室内空間感十足，有自助沙律吧角落，食物都用保鮮紙蓋上，非常衛生。午餐有多款選擇 前菜~青瓜吞拿魚簡單的前菜代表了一份誠意蔥油脆餅蒜蓉包驚喜，唔係普通一件蒜蓉包, 係幾件蒜蓉包再加兩大塊蔥油餅，蔥油餅好脆，仲散發陣陣香蔥味, 唔使配湯都已經非常好食。黑松露牛肝菌湯色澤濃厚，牛肝菌味道濃郁又滑溜。紅酒燴和牛面珠和牛脷紅酒味濃烈，主角牛面珠軟淋，入味，牛脷雖然厚切粒狀，但一啲都唔硬，差唔多一咬即溶；連配角紅蘿蔔都係煮得剛剛好，一咬即溶。香茶的烤鴨胸和 脆煎鵝肝 燴紅椰菜 及焦糖無花果脆煎鵝肝爆邊，烤鴨胸厚切，兩者都帶點油膩感，而配上大量蔬菜能平衡返， 最欣賞係橙皮切絲， 陣陣橙香散發出來，份外清新。一個價錢已經包括前菜，自助沙律吧，主菜和飲品，性價比極高。

因為朋友住大埔，所以耐唔耐，都會入嚟大美督食飯，今次就比兩個朋友帶咗嚟食呢一間餐廳，呢一間餐廳，真係好隱世，除咗佢間餐廳唔係喺大馬路出邊之外，其實完全係自家餐廳咁樣，我覺得直頭係西餐私房菜黎添！唔好講咁多，即刻同大家介紹吓我今晚食咗啲乜嘢，呢個係頭盤，如果以頭盤來講，絕對有驚喜，因為淨係個擺盤，都已經加分，雖然唔係啲乜嘢，但係就令人感覺好有誠意佢係巴馬火腿包哈密瓜，呢個作為頭盤，真係好唔錯，因為可以令口腔更加清新，同時食起上嚟感覺又唔膩，確實係一個幾好嘅設置之後再嚟第二個頭盤，就係煙三文魚，再配上巴馬火腿，除咗有擺盆，佢嘅味道都好好，食起上嚟，成個感覺，真係好正宗西餐嘅感覺及質素，同時配上法包給蔥油脆片，呢啲就可以配合埋餐湯一齊食呢個湯亦都係自家製嘅，佢係蕃茄甘荀濃湯，雖然佢個顏色偏向橙色，飲起上嚟，味道比較酸，但係因為完全有真材實料，完全冇添加其他配料去做，所以味道比較天然，整體口感比較強開始正式進入欺辱，呢一個係香煎鵝肝，完全冇估到今晚有鵝肝食，因為呢一個並非普通嘅食材，而且唔係所有地方都煮得好，除咗有擺盤，鵝肝嘅份量都幾大，大大件，而且香氣撲鼻，望到已經覺得好吸引鵝肝嘅時間控制得

估唔到行錯路入左大尾篤村，竟然發現左一間隱世高質西餐廳: R&Y's International Cuisine 🍽 適逢聖誕節，餐廳外圍佈置仲得好靚🤩 介紹下食左咩先： Parma ham配哈密瓜香甜既哈密瓜🍈同香氣撲鼻既巴馬火腿，真係一流既appetizer😻蒜蓉法包配黑松露油蘑菇湯即烤即焗既蒜蓉法包真係勁香口，又脆又充滿香濃既牛油香🧈蔥花薄脆都好好食!!黑松露油蘑菇湯拎上枱已經聞到好濃郁既黑松露香氣，蘑菇湯口感仲好幼滑😋 飲完馬上暖立立😊巴馬火腿烤鵝肝沙律🥗配烤鵝肝，感覺好奢侈，但真係超級正‼️ 鵝肝煎得恰到好處，表面微微焦香內裏嫩滑，同蒜蓉法包一齊食，勁正🤤 沙律份量都好多，2至3人分享都足夠👍烤走地雞表面烤到金黃色，睇見到流曬口水啦🤤 走地雞既肉質好結實，但唔代表會乾爭爭，反而十分juicy😋 酸酸甜甜既醬汁同燒雞都十分夾💪🏻燒澳洲羊架我好怕羊羶味，所以好少食羊🥶 但依個燒羊架一啲都唔羶，即使近肥膏既部位都完全唔羶👍 肉質鮮嫩又juicy，好有驚喜😻PS 餐廳外有得免費泊車，無位既話附近都有咪錶場，都算幾方便👍

自從冇得去旅行之後，就捐窿捐罅去搵可以令人感覺彷如外地的地方！今日就入大尾篤走走， 除左可以踩車，仲可以釣下魚！仲上左水壩談談情說說愛！最後當然以美食作結！想食西餐當然要做足功課，找來呢間主廚曾是中環五星級餐廳的大廚，已經很吸引！餐廳位置不算易搵，因為要從路口轉入村，在村公所附近，不過有google map是無問題的！門口亦都可以泊車，如果無位的話泊翻去大錶位停車場都只係5分鐘 👍🏻呢個前菜 係蜜瓜火腿 生果好甜啊吾好小看這沙律，當中有鵝肝架！入口即溶，令這平平無奇的沙律多一個層次👏🏻麵包籃(蒜蓉法包、香蔥薄脆) 法包香脆充滿牛油同蒜香味，薄脆蔥味超香 餐湯(蘑菇湯) 超香超濃厚，加埋麵包食仲滋味😋焗鱸魚配香煎北海道帶子，大大粒又鮮味的帶子一口一啖好滋味呢!!慢煮烤雞，有兩隻雞髀，雞肉超級亂滑🐥🍗

🌸意大利巴馬火腿，肉質柔軟，脂肪分佈均勻，含濃郁的香味😍配以密瓜真係好美味，豐富而獨特。🌸沙律菜非常之新鮮🥗加上意大利巴馬火腿，辣肉腸，爽口甜蝦，真係特別醒胃😋🌸松露油，加上四種菇打成嘅黑松露雜菌湯🌸自家製嘅麵包，鬆軟度一流👍🏻homemade 真係果然唔同啲，另外有香葱餅，薄薄的而且好脆口，真係食到停唔到口😊yummy 🌸香煎雞腿🍗，酒香撲鼻，雞肉嫩滑而且豐富嘅肉汁，真係好考大廚嘅功夫🌸牛扒肉嫩光澤，用料講究，真係食過會回味

R&Y's International Cuisine (大埔)放假入左去大尾篤行下，好舒服❤️❤️再食左個高水準晚餐👍👍前菜parma ham+柿😋😋賣相好靚好吸引😚餐湯 蘑菇湯蘑菇湯好足料😍😍 好香蘑菇味，喜歡食蘑菇嘅朋友一定要飲呢個湯😁麵包籃麵包有蒜蓉包、蔥油餅😋😋麵包熱辣辣，配埋蘑菇湯好好食🥰🥰沙律🥗份量十足😆😆入面有好多料有parma ham，三文魚，仲有鵝肝同新鮮蔬菜，配埋沙律醬汁好惹味💕💕慢煮走地雞雞肉嫩滑，入邊嘅肉汁多，非常美味，下面仲有啲蔬菜，吸哂雞汁，正😍😍帶子鱸魚帶子鱸魚都煎到香香脆脆，帶子大大粒，鮮味十足，鱸魚都係好好味，肉質正😝😝甜品蛋糕意大利芝士蛋糕同布朗尼蛋糕，兩樣都好好味，芝士蛋糕好濃芝士味😋😚😚布朗尼蛋糕好好重朱古力味😘😘地址：大埔汀角路大尾篤村145號地舖整體評分：5/5味道：5/5環境：4/5抵食：5/5

今日去左大尾篤玩完，諗住搵西餐食，行行下就見到呢間家庭式餐廳幾得意，就決定試下佢。點完菜，侍應先送上一件巴馬火腿包哈密瓜開開胃先，火腿夠咸香。🦞龍蝦湯湯頭好重蝦味，湯體都好濃稠，配烤法包同薄餅食就一流。🥗巴馬火腿烤鵝肝沙律Parma ham沙律好常見，但卡好少會有鵝肝咁落本，而且鵝肝烤到啱啱好外脆內軟，好有水準，而沙律份量都真係好大，3個人都夠食。🐓烤走地雞雞顏色烤得好靚，而且因為係free range關係，雞肉實得嚟但仍然好多汁。面頭醬汁似係梨或蘋果，酸酸甜甜非常夾。🥩烤肉眼牛扒Medium熟度啱啱好，牛味濃郁，驚喜嘅係除左有芥末醬外，仲有辣根蓉，好多專食牛扒嘅地方都未必有呀。💁🏻‍♀️雖然店面唔大，但水準絕對比市區同價西餐高出唔少，如果咁啱嚟大尾篤都一定會再試。

自搬入大埔後開始在大埔覓食，有次來到大尾篤喝咖啡因而發現這家隱世西餐廳，在大尾篤大部分餐廳都是村屋地下層為餐廳，這家餐廳也類近所以提供的餐桌不算很多，但完全足夠以及空間寬敞！最欣賞的是餐廳有戶外室內餐桌，不過今晚天氣十分寒冷所以我們還是進餐廳內晚膳！ 餐牌方面，內容精簡但十分精要，據店員所描述餐牌食物會經常更換，這樣對西餐有要求的客戶便可以經常嘗試到不同的食物！ 雖然已過了聖誕節但我和女朋友還是想以一個full set西餐嚟慶祝，因為我們聖誕節當晚沒有在外晚飯，這還便補回我們的聖誕晚餐！看看我們頭上的飾物便知道我們還在慶祝聖誕節！全套食物當然不少得頭盤，餐湯，主菜，及甜品！是日餐湯為龍蝦湯，龍蝦湯龍蝦味濃度十足，鮮味再喝一啖後慢慢地滲出，回味萬分！ 店家還送上小食Parma Ham配柿子，這個小食很有特色，平時parma ham是配哈密瓜，配柿子有不一樣的口味！餐廳暫時沒有酒牌所以飲品選擇不多，但據店家所說他們未來會申請，同時間沒有酒牌的時候客人當然可以 bring your own wine!

放大假入大尾篤走轉，發現呢間細細間既西餐，上網見comment 幾好，一於試下Christmas 🎄 lunch menu 🍴自助沙律bar唔算多選擇，但樣樣都好新鮮，有沙律🥗菜，沙律🥗類水果，沙律🥗薯仔🥔，有木瓜真心驚喜🍴廚師👨‍🍳前菜（無在menu)放在一個好中式既小竹籃內，是一件Parma ham 蜜瓜，好鮮甜🍴麵包籃+龍蝦🦞湯非常好食😋既包，法包塗滿牛油🧈再烘熱，加埋香蔥脆片，好少見有餐廳整呢啲脆脆，非常有心，襯埋好鮮味既龍蝦🦞湯，未食主菜已經好滿足🍴金香三文魚餅配自家製蛋黃醬三文魚餅煎得好香口，真係好配合佢個名，裡面啲三文魚唔鞋口，仲好滑，值得一讚🍴慢燒紐西蘭羊扒配燴時蔬我點左5成熟，有三件羊架，每件都好嫩，生熟度掌握得好好，配埋薄荷醬，真心一流, 配菜既時蔬有椰菜花🥦西蘭花同豆角，唔係白烚，係有炒過，又係好好味😋整體成餐飯都好滿意，食得出廚師每道菜都好有心機煮，呢間店雖然唔係在大路邊，但其實上幾步斜路就到, 入開大尾篤真係值得一試