霸嗎拉麵 (Moved) New Location

由於女友聽完佢班八婆fd話「唉啊！呢間好食呀！果間都好食啊！」逼於無奈地，今日被佢拉左去呢間叫霸嗎拉麵食dinner。 因為係佢班哂命fd推薦既關係，本身都唔抱太大期望，不過當第一份小食黎到之後就唔同講法，完全想法變曬首當其衝既係一份餃子，第一啖咬落去，佢個皮脆到呢，紙咁薄佢d肉都唔差，份量唔少，主菜黎之前都飽左2成。另外，佢有分辣味、原味同照燒，唔食辣既朋友都唔驚! 望到都流哂口水，塊豚肉大塊到手掌咁大，不枉此行。個湯底我就覺得唔錯，味唔算濃，麵既硬度、多少油同蔥都有得揀，再有塊高質既肉係幾抵既。去到咁上下就揀係飲返枝野，見到懷舊既波子汽水就試下，同以前一樣既味道，好懷念。因為留左成日肚既原故，想黎多份炸雞，一份辣一份唔辣。辣就夠辣，不過係麻辣，我就唔太鐘意麻既感覺，同我一樣既朋友可以食原味！放落口差d燙親，即叫即炸，唔錯唔錯。肉汁鮮嫩，值得推薦，不過如果可以比埋一d秘制醬汁比我地點，咁就更加一流啦臨走前黎多枝蜜瓜梳打，日本直送！唔掛得唔似糖漿溝梳打水，飲品認真高質，抵讚！  

噢嗨喐！早兩日同女友想食下日本野，去到銅鑼灣梗係喺燈籠街食好西啦！係燈籠街搵左間最少人排的霸嗎拉麵試下，本住我不入地獄...的精神=p入到去霸嗎，係一個好日本居酒屋style的裝修，感覺上好似真係去左日本咁！霸嗎的餐牌花多眼亂，揀到你傻！不過主菜都係豚肉、雞肉同叉燒拉麵。同一直蘭好相似的係佢地都有得俾你揀要蔥走油軟硬麵呢啲基本野，但同佢地唔同的係呢度有啤酒汽水小食撈麵，最正的係佢有得俾你同你的另一半見到面咁食野丫嘛！仲可以餵埋入口添！今次我地叫左個特盛炙燒豚肉拉麵、豚角蔥油撈麵、辛口燒餃子、辣汁唐場炸雞同綠茶雪糕！首先上場的係我既特盛炙燒豚肉拉麵！佢用左4塊手掌加手指咁大大大塊既豚肉，配料係味筍同另加的溫泉蛋。4塊手掌咁大既豚肉丫！一啖咬落去，豚肉的油香、脂肪的口感、炙燒的燶味混合埋一齊，係鐵三角的融合丫！如果我無估錯，呢個豚肉應該係被炆煮七七四十九小時而成的！(逃)味筍的多汁同爽甜，拉麵與湯的極配，豚肉的香濃，流心溫泉蛋的組合，簡直就是在細說日本的歷史與文化！接住上場的係豚角蔥油撈麵！豚肉、青瓜、蔥油同肉碎，是要將蔥油呢樣燒味必備良品帶到更高的陳次！食物黎到的時候我同女友一齊撈起佢，

又係星期三搵食時間繼續銅鑼灣區覓食今日來到登龍街，以前只係一條不起身嘅街近年搖身一轉，變成潮流食街，有拉麵店，火鍋店，西餐，真係想食咩都有！今次已經係第二次食霸嗎拉麵8點9左右去到都有4，5人排隊店面當然好日本風仲有個窗俾途人睇佢地自家製拉麵過程！入到去侍應哥哥俾左個三人單邊位我地坐其實我鍾意單邊位，傾密計唔會俾人聽到😂男友叫左個特盛灸燒豚肉拉麵（豚骨湯）加味玉(溏心蛋)一上枱已經有陣陣豚骨湯香味試一試啖湯，好濃又好香，岩哂我地哩啲重口味人士再試一啖豚肉，果然好灸燒！原本一睇以為望落去都多肥膏入口會好油膩點知連埋啲瘦肉一啖咬落去，balance返！岩岩好！灸燒更加帶出豚肉嘅香味拉麵揀左硬身，夠彈牙我自己今次就叫左期間限定產品豚角蔥油撈麵拉麵食得多，係拉麵店食撈麵都係第一次拉麵係應底，豚角，青瓜，葱，紫菜，溏心蛋鋪面賣相已經夠加分一啖有多種口感加上蔥油香味我食到見碗底😂小食叫左照燒餃子辣汁唐揚炸雞店員推介日本抹茶雪糕抹茶味好濃厚！配上紅豆紅豆甜得黎又唔會搶到抹茶雪糕嘅味！好想encore 多個！信州蘋果梳打之前係日本飲過係香港遇到，梗係要回一回味！2個人食到抱住個肚走

我超鐘意食拉麵，同朋友行完街之後就去左登龍街。呢到拉麵雲集，絕對稱得上為拉麵既天堂，我地今次一於就排隊食霸嗎拉麵！雖然係一間拉麵鋪，聽聞佢地既餃子同炸雞相當唔錯，一場黎到當然要試啦先講餃子，餃子煎得好香口，配搭醬汁食簡直一流，而且上菜既時候熱辣辣，直頭有專門店既水準！炸雞既味道都唔錯，可惜同餃子比冇話咁熱，稍為扣左D分 如果下次食既時候熱辣辣既話就絕對值得推薦呢到既主菜，炙燒豚肉拉麵終於上了！果然名不虛傳 先講個湯底，味道相當濃郁之餘亦都唔會好油膩。麵質佢選用左粗小小既麵，好有口感亦都符合我鐘意食既硬麵（軟硬程度可自選）最後，就當然唔小得塊勁大塊勁厚既豚肉啦簡直冇得輸！！！

今日同女朋友喺銅鑼灣行完街，兩個人心血來潮想食拉麵，於是就去咗拉麵勝地登龍街覓食。由於我同女朋友都唔係好熟悉呢度嘅拉麵鋪頭，所以就揀咗間都幾多人排隊嘅拉麵，質素一定有保證。雖然好多人排隊,但等候嘅時間都唔算好長。今日係閒日，但鋪頭內都坐滿曬，令我同女朋友都好有信心，好期待因間嘅嘢食。呢度環境唔錯，唔似其他拉麵鋪頭要坐得好迫，都幾啱情侶兩個嚟食。我叫左個炙燒豚肉味玉拉麵，賣相十分之吸引。幾時都話半肥瘦嘅肉係最好食，有咬口得嚟又唔會太過肥膩。塊肉分量亦都好足，胃口都算大嘅我食完都覺得飽。而湯底亦都要讚下，濃郁得來同出面啲味精湯底一啲都唔同，不愧係鋪頭最推介嘅拉麵。女朋友叫左雞叉燒味玉雞白湯拉麵。由於我哋冇見過拉麵鋪售賣雞叉燒拉麵，所以我哋一開始都驚雞叉燒會同拉麵唔夾。但事實證明，雞叉燒一啲都唔輸蝕比豚肉呀！雞上面啲炸蒜同雞配合得天衣無縫，咬落脆脆地，十分之特別。呢個湯底就冇咁濃郁，比較清，但都非常之入味，啱晒啲怕油膩嘅女仔食。我哋仲叫左羽根燒餃子。佢嘅外型十分之有趣吸引，好似片片雪花咁。由於係即叫即煎嘅關係，上枱嘅時候熱辣辣即刻食，脆啵啵咁好得意，比起一般餃子好味，口感亦豐富啲。我哋食完之

呢間野求其揀的, 因為果條街有好多拉面店, 最後係因為個名奇怪所以入左去HAHA個湯底真係好好味, 我男朋友飲哂, 我都飲左一大半, 味道好濃郁, 如果我食得落, 會加碗飯落去..但呢, 唔好彩咁岩我果舊肉係超肥的, 加埋個湯真係超勁肥, HAHA餃子揀左最普通果款, 不過不失, 煎得幾靚

霸嗎拉麵和富士山555, 係銅鑼灣既拉麵店中有不少好評，由於想試新餐廳，二話不說擇了前者。平日的午飯時間，數位食客在門外排隊，我等了5分鐘便能入座。如日式拉麵店一樣，你可以選麵的軟硬度和配料（不喜歡蔥、芽菜的食客，記得剔走）。是日點了炙燒豚肉味玉拉麵，和羽根燒餃子，（跟麵優惠加$12， 原價$35）。每次吃拉麵必選半熟蛋，我點既拉麵正好包一隻全蛋。拉麵湯底很濃，有點糊狀和鹹。麵我選了軟身，對胃口大一點的女生分量也足夠。豚肉有淡淡燒過的香味，肉質滑不老，但有點肥肉。如果不想吃淡味的叉燒，建議大家一試炙燒豚肉。半熟蛋如果可以再流心一點就更好。餃子比平常吃的不同，背面有一片薄脆，忍不住影了相，餃子涵味道清淡，皮薄沒有粉感。值得一讚是老闆的心思，第一隻豉油小碟是不用的，用保鮮紙包著「提醒你用下一隻碟子」（但是提示是用英文寫的，沒繁體字），不怕碟子用起來沾有塵。

第一次忍唔住寫食評。喺OpenRice見到呢間拉麵店有二百幾個😋所以去試下。先唔講食物質素，一坐底有位長頭髮口黑面黑嘅長髮女員工放底水，我舉手想叫嘢食，長髮員工無行過嚟無講嘢，只係黑口黑面離遠用手指示我自己填紙。我問佢攞個杯(先)，佢無應我，然後有兩位新客人入來(後)，我見佢拎兩杯水俾客人，所以我以為佢頭先聽唔到，我再示意要隻杯，黑面員工極其晦氣回答：我宜家咪攞緊"囉"！⋯喂！妳唔應我我點知妳聽唔聽到呀？我十歲姨甥女都問我"點解佢咁無禮貌?"(當時係下午4點幾，得4枱客人一啲都唔忙) 走嘅時候見到位疑似老闆嘅男仔，我都有問佢：你位員工係唔係唔舒服，點解塊面可以黑成咁？⋯呢位疑似老闆就好有禮貌同笑容解釋佢可能係part-time。其實並唔係要求妳做侍應要賣笑，但基本禮貌同微笑一定要有囉，人哋嚟食嘢見到妳黑口黑面都唔開胃，再加上態度冇禮貌，就算有幾多好評，碗麵好食到飛天都扣哂分，浪費廚師一番心機。客觀講返碗麵，今日試咗個辛辣炙燒豚肉拉麵，湯底濃郁其實可以再試，但如果附送呢種服務態度就免了！

好耐無去銅鑼灣食嘢﹐今日專登去搵下有咩好食﹐行到時代廣場附近有間叫 Ramen Bari-Uma 門面裝修有D日本 feel, 引起我好懷念去日本時食的日本麵﹐於是入店試下﹐看看可5可以尋回當時食麵的味道。我比較喜歡食辣所以order 左辛辣炙燒豚肉味玉拉麵﹐而老公叫左個濃厚豬骨豚肉子拉麵﹐麵到了﹐塊豚肉好厚好大﹐口感好正﹐肥瘦比例岩岩好﹐豚肉又香又林﹐碗麵有隻雞蛋係且係流心的﹐湯底濃味十足﹐湯底有辣有唔辣﹐辛辣可分大/中/小 3個級別的﹐而且麵質還可選擇軟、適中、硬﹐配料可少油、少蒽、走蒽或走筍全由客人自行選擇﹐整體都好正﹐真係好似去左日本食甘正﹐呢餐食得好有滿足感。

霸嗎拉麵 銅鑼灣登龍街28號永光中心地下 港鐵銅鑼灣站 B 出口前段時間常常經過登龍街，發覺近年變化真大，好像已經變了一條食街，想打造成銅鑼灣的新地標吧。今天中午就想簡單吃個拉麵，光是拉麵店已經有三四家，心想日本拉麵店一般都不會太差，所以沒有特意去挑，這次就選擇了霸嗎拉麵。《焰燒豚肉海苔味玉拉麵 (軟麵 少油 走筍 青蔥 海苔) $98》豚肉好大一件，肉質嫩，半肥瘦的，吃得好香。溏心蛋好好吃，咬開還是流心，好重蛋香。紫菜超大一塊脆脆的，加上湯底泡一下更好吃。要說的是湯底沒有甚麼味道，拉麵的精華都沒有了。麵選了軟的，所以比較淋，但因為吃不到湯底的味道，面也感覺沒有味道了。《羽根燒餃子 $35》餡料比例正常，味道有些淡，吃不太出來有些甚麼。《檸檬薑梳打酒 $18》檸檬薑通常是熱飲，但這樣的配搭變成梳打酒，都幾特別。今天都算幾深刻，第一次吃到比清湯還要清的日本拉麵，其實如果不是看着吃的話，我不覺得在吃一個日本拉麵。豚肉和其他配菜都正常的，但湯底的話不是日本拉麵應有的水準。而餃子，我真的不知道在吃甚麼餃子，可以沒有味道的。

今天中午跟同事想吃拉麵，就到了近期很旺的登龍街試試，原來這裡也有四家那麼多，最後選了霸嗎拉麵。店裡不算太擠，坐得挺舒服的。《特盛焰燒豚肉拉麵 (適中 少油 走筍 青蔥) $118》店員端上桌時，我真的嚇一跳，豚肉鋪滿整個碗，而且好大一件，足足四件，份量真多，肉質嫩滑，一半肥一半瘦，喜歡肉的朋友一定不可以錯過，但湯底部分本人覺得真的好淡，跟其他拉麵店比起來的話，湯底真的差得比較遠，弄得拉面也沒甚麼味，超能吃的我，也因為沒有甚麼味道而吃不下去了。《沙拉唐揚炸雞 $38》炸粉一點不厚又很薄，不會很油膩，肉質好嫩，加上沙拉醬很夾很配，很不錯。《靜岡蜜瓜梳打 $28》喜愛蜜瓜的朋友真的要試一試，蜜瓜味好濃。香港深受日本拉麵文化影響，有太多不同特色的拉麵店，大部分都有日本的本土味道，但今天吃的這家，一點日本拉麵的感覺也沒有，只是豚肉大些，最大問題在於湯底，希望店家再試試，是否用這個味道來招呼客人。但餐廳職員有禮，除了湯底問題其餘還算不錯，所以我還會給一笑面。

好耐無去銅鑼灣食嘢﹐今日專登去搵下有咩好食﹐行到時代廣場附近有間叫 Ramen Bari-Uma 門面裝修有D日本 feel, 引起我好懷念去日本時食的日本麵﹐於是入店試下﹐看看可5可以尋回當時食麵的味道。我比較喜歡食辣所以order 左辛辣炙燒豚肉味玉拉麵﹐而老公叫左個濃厚豬骨豚肉子拉麵﹐麵到了﹐塊豚肉好厚好大﹐口感好正﹐肥瘦比例岩岩好﹐豚肉又香又林﹐碗麵有隻雞蛋係且係流心的﹐湯底濃味十足﹐湯底有辣有唔辣﹐辛辣可分大/中/小 3個級別的﹐而且麵質還可選擇軟、適中、硬﹐配料可少油、少蒽、走蒽或走筍全由客人自行選擇﹐整體都好正﹐真係好似去左日本食甘正﹐呢餐食得好有滿足感。

店面位子夠多。豚骨湯頭偏濃偏鹹，好像有加醬油，鹹味蓋過豚骨味。肉很軟嫩且大塊，是拉麵店中算大塊的。炸雞塊還可以，但不用特別點。整體是好吃的，但服務員態度差，好像久他錢一樣，影響吃飯心情，下次不會來了

我同我男朋友終於都可以一齊放假啦，我哋今日就決定咗去銅鑼灣睇戲，睇戲前，我哋去咗食一個下午茶先，最後決定去食日本拉麵！間餐廳都幾方便，喺登龍街，門口有個師傅喺度整麵，見到佢咁專業，就吸引左我地入去食啦雖然而家係下午茶時間，但係都坐滿人！因為我哋兩個都食咗早餐，所以我哋就決定叫少少嘢食算啦！我們就叫左：炙燒豚肉味玉拉麵$88湯底好濃味，豚肉比較淋，食落口味道都好夾，麵質都比較彈牙，同埋隻雞蛋仲要係流心添，配料都好充足！羽根燒餃子$35餃子煎法好特別，餃子餡料好足，九菜加豬肉👍🏻沙拉唐揚炸雞$38炸雞好脆，好香口，配上沙拉醬，簡直係yummy 😋信州蘋果梳打$28好甜好濃蘋果味，我都係第一次飲，好好味，我之後仲特登去超市搵下有冇得買😂另外，因為我好中意食粟米，所以特登加左十蚊，估佢唔到咁多😂總括而言，間餐廳食物同味道都唔錯，一去到員工都好有禮貌地歡迎我地入去，間餐廳除咗拉麵外，仲有好多小食選擇，所以整體都好好

這次在霸嗎食左碗濃厚豬骨豚肉玉子拉麵及唐揚炸雞。濃厚豬骨豚肉玉子拉麵: 拉麵質素一般。湯底不錯，飲了半碗，再飲下去會覺得膩和咸。最正的是塊豚肉，夠厚身，一塊豚肉有肥瘦，肥既入口即溶，瘦既有咬口，啖啖肉咁。唐揚炸雞：放上枱已經香氣十足，雞件大粒，不過味道就一般了。lunch時間我食左108蚊。貴左少少，不過都值既。