霸嗎拉麵 (Closed)

假日去銅鑼灣逛街，一走出地鐵站C出口就看到霸嗎拉麵那充滿日式風味裝修的店舖，紅紅的燈籠掛在門口很吸睛，我與友人決定先進內午餐。我們點了期間限定極上原隻龍蝦味玉拉麵、雞叉燒味玉雞白湯拉麵和辛口燒餃子，食到超飽。原隻龍蝦味玉拉麵一上枱已香氣四溢，蝦湯非常濃郁，好似用左海量蝦頭煲成的，有濃濃的蝦膏，所以湯頭有點兒厚身。原隻龍蝦絕不欺場，一大隻鋪在麵上，蝦身連同兩大隻拑肉質紥實爽口，不梅。配料仲有爽口木耳絲、西蘭花、流心蛋，好豐富。雞叉燒味玉雞白湯拉麵個人常吃豚骨湯拉麵，雞湯第一吃，濃濃的雞味加上雞油脂的香，再加入大量香蔥幼粒和炸蒜粒，意想不到很濃郁。兩大塊雞叉燒分量十足，雞肉爽口不粗嚡，加上有少量滑雞皮令整個口感很好。流心蛋亦有水準，蛋白嫰滑，橙黃色的流心蛋黃好香。辛口燒餃子賣相好吸引，上面薄脆金黃焦香，餃子就是常吃的菜肉餡，特別在於淋上的辣汁，加入香蔥，惹味非常。

由佢之前係登龍街既時候我已經成日去食。搬左去駱克道一樣咁好食❗️❗️🔸呢排限定係龍蝦拉麵🦂🍜，不過我個人就對要剝殼既東西覺得麻煩，加上對龍蝦敏感，最後都係點左海苔炙燒豚肉味玉拉麵。🔸豚肉呢係用低溫慢火浸煮超過10小時，真焾。有一層厚厚既脂肪，係舊肉上面用火槍燒過作為finishing，好樣之外鎖住肉汁！重點係原隻上既半熟蛋‼️一咬開啲蛋醬流哂出黎，連最裡面既蛋白都係半熟狀。淨係呢隻蛋都值100分！

辛辣炙燒豚肉拉麵湯底得個辣字 食唔到無何豬骨湯的味道 上一次食豚肉會散發一陣炙燒過既的香味 入口有種即溶既感覺 但今次失敗於湯底外 豚肉亦燒得唔夠香 入口是肥肉跟肉分開感覺會油膩左 食左幾口就覺得夠了

同男朋友大出血完 行到好攰 就想是但食間平平地既野就算本身話食譚仔 但男朋友最近先食完 咁就經過依間 之前係尖沙咀見佢成日排隊琴日又唔洗等 又見到個龍蝦好似幾吸引 咁就入去試下啦！男朋友就叫左依個特盛豚肉佢勁鍾意食豬都食唔哂 你就知佢個特盛真係唔少野佢最後都要俾左一塊我食個湯底濃郁 唔口渴 都係好味既 仲有得簡少油 唔錯！而我係個海鮮控 所以我就叫左期間限定既龍蝦佢個湯底比上面個個明顯油好多不過我諗佢係需要依層油 先有咁濃郁既龍蝦味肉 你話會唔會好彈牙 就唔會架喇但我欣賞佢係有調味既特別係食到個頭既部位 明顯有黑椒味膏都多既 所以都值回票價。不過因為見好似無咩菜 咪叫左野菜食點知 佢上到黎係咁 俾我男朋友鬧😂咁就廿蚊同埋佢叫鹽味野菜 我地都覺得好鹽好咸呀大佬做咩唔俾番龍蝦拉麵既西蘭花我地呢？不過總的來說，都係幾好味既！同埋本身想叫埋餃子好彩佢賣哂 如果唔係一定食唔哂！

上年在尖沙咀分店吃過辛辣炙燒豚肉味玉拉麵，很喜歡它的辛辣湯底與拉麵，但豚肉硬得我好失望，所以這次改吃雞叉燒。我以為雞叉燒辛辣雞白湯拉麵的湯底跟我在尖沙咀分店吃到的辛辣湯底是一樣，但原來非常不同，這個湯底稀薄多了，完全沒有濃稠感，而且麻油味很重，吃起來像即食麵湯底，真掃興。此外，我喜歡尖沙咀分店的湯底是因為十分難得中辣的拉麵湯底能滿足我一顆吃辣的心，但這次的中辣湯底輕多了，怕是選大辣都未能觸動我。第一次吃雞叉燒，又是另一令人失望之作，所謂的叉燒只是把雞肉做成圓形厚片狀，口感跟平常吃的白切雞沒明顯差別，而且它有調過味吧，吃起來帶微甜，雖然甜不重，但感覺特別做作。我個人是絕對不喜歡，但也不敢說它做得差，也許雞叉燒本來就只是把雞肉卷起來切厚片，並不是要給它做大改動，而且我本來就對很多甜味容易反感，說不定其他人覺得它甜得正好。拉麵依舊選了硬麵，口感卻是開始要糊了的感覺， 一點都不硬，煮過頭了吧，差! 拉麵質感比較像車仔麵的油麵，鹼性偏重，麵條沒有扎實感，貌似跟尖沙咀分店用的不是同一種麵。這碗拉麵全名是叉燒辛辣雞白湯拉麵，我不知道是否因為這是"雞白湯"，所以它跟我之前吃到的辛辣湯底理應不同，然而我

炙燒豚肉濃厚豚骨湯拉麵 💲83雞叉燒味玉雞白湯拉麵 💲88羽根餃子💲12（午市優惠）唐揚炸雞 💲12（午市優惠）✅ 味玉做到溏心效果🥚✅ 炸雞大大舊而且肉質唔錯🍗❔ 兩個湯底都好濃厚🍜 雞湯仲帶有微微牛油味🤭 但寫左少油都仲係好多油🙀🙀❌ 叉燒好多肥肉😾❌ 餃子可以煎耐dd 唔夠脆 而且入面全部都係韭菜🤡👅Taste：3.25/5💰CP值：3/5🙋🏻‍♀️Service：3.25/5👁‍🗨Stylishness：3/5

放假突然好想食拉麵，甘岩今日岀銅鑼灣，就一於決定同男朋友去食個拉麵。本身都冇諗住食邊間好，但依間拉麵店開正銅鑼灣地鐵站岀面，而且”紅當當”既店面十分 eyes catching， 我地決定試試佢！我地一共叫左兩碗拉麵。 1. 辛辣炙燒豚肉味玉拉麵個辣味吾會太重而掩蓋左個骨湯味，肉比較淋身，整體不錯。我地係蛋控，每人都加左隻流心蛋。啲蛋都大大隻，中間咬落去都做到流心效果，不錯的！2. 雞叉燒味玉雞白湯拉麵雞湯味吾係好重，有啲似豬骨湯甘。雞叉燒太肥，仲諗住嗌雞冇普通叉燒甘肥，點知都係一樣，少少瘦肉連埋一大舊肥肉。女士們同我一樣吾中意食肥肉既話就要考慮下叫其他。

今日係銅鑼灣做啲野見到肚餓，係搭返地鐵返屋企之前，反正見佢就腳方便，就一於入去食碗靚麵同埋小食先。辛辣炙燒豚肉味玉拉麵作為食肉獸嘅我哋，麵上面既豚肉梗係要大大片呢，佢既豚肉係十分之大塊厚切，就係咁正！另外湯底夠熱夠入味，拉麵夠晒彈牙夠香口，加多一隻玉子就正上正了！羽根燒餃子由於我朋友係餃子控，佢對啲一味餃子讚不絕口，夠晒香口同惹味，餃子皮不錯，𥚃面都足料的。除了拉麵之外係另一樣不錯嘅好選擇。唐揚炸雞日本嘅味道返來啦，同喺日本食嘅味道一樣炸得一樣咁香，咁有雞味，同沙律醬加埋一齊，完全係一味絕配。信州蘋果酒最後還叫了一支由日本直送嘅蘋果酒，裡面有一半係鮮果汁嚟㗎，為美味嘅一餐錦上添花！

今日見客經過銅鑼灣這間霸嗎拉麵， 比其新推出嘅食物海報吸引住， 極上原隻龍蝦味玉拉麵， 是期間限定，衹是$148/碗， 由原隻加大龍蝦配上櫻花蝦豬骨龍蝦湯。咁吸引，當然是流曬口水，非入去食一碗不可。整碗湯拉麵有隻大龍蝦喺面，真是非常吸引，未食已嗅得鮮濃湯味。 原隻龍蝦開了兩邊，方便進食，味道確實鮮甜， 加上龍蝦頭嘅膏， 淡淡味美，肉質更彈牙爽口。 湯底濃郁，又鮮甜又惹味，有著黏口嘅感覺，證明有勁豐富嘅骨膠原素，不禁多喝幾口。配上半流心的蛋， 蛋香味美。 好滿足的一碗拉麵。羽根燒餃子， 賣相精美 ，煎得薄如絲的餃子皮，口感非常香脆。 新出的水蜜桃果汁清酒， 酒精成分比較少， 清甜嘅水蜜桃，更易入喉，不錯。

一個人食飯, 有要求少少, 唔想揀連鎖快餐, 於是選擇食日式拉麵! 原來霸嗎係銅鑼灣都開左分店, 地點仲超方便、易搵, 地鐵C出口出直望對面就係!店內裝修環境跟其他分店的格調相同,自行CLICK Order紙落單食過好幾次霸嗎拉麵, 今次就一嘗期間限定既【極上原隻龍蝦味玉拉麵】HK$148MENU上圖片賣相確實好吸引! 亦可再自選額外配料...不過呢款拉麵製作時間比起一般叉燒拉麵長, 要耐心等待....終於上檯喇!! 果然實物跟MENU上圖片是一樣啊! 沒有偷功減料~原隻龍蝦開邊, 入面既膏都唔少啊! 龍蝦肉彈牙, 以櫻花蝦豬骨濃蝦做湯底, 味道濃郁杰身, 容易掛湯, 濃郁湯底沒有完全覆蓋龍蝦鮮味, 依然可以食到龍蝦既原汁原味; 麵質可以自選軟硬度, 加上了木耳絲增加層次感, 仲有隻蛋真係流心ga!!!  【唐揚炸雞】HK$35炸雞即炸, 外皮稍為有d油, 不過夠脆, 內裡keep到些少肉汁~【蜜瓜梳打】HK$28呢支梳打係香港比較少有得賣, 所以每次黎都會order蜜瓜味很出, 而且非常夠汽霸嗎拉麵全日不設加一, 拉麵好食又抵食!

見佢係新開分店又有新野出就放左工去食！男友點左個普通招牌拉麵，我點左呢個龍蝦拉麵😋 我本身都以為咁大個會食唔晒但我食下食下就食完😅 湯都清埋😂😂😂個湯真係好濃郁，食到好似有啲蝦子碎係個湯裏面咁，成件事變得好有質感。龍蝦唔算大隻但好有肉地，一個人食半邊都夠晒，所以我分咗半邊比男朋友食😆 我諗除咗日本當地啲拉麵，呢碗係我唯一一碗會喺香港食到見底嘅拉麵👏 仲要所有配料都食晒😅不過戴返頭盔，嗰日我係餓住個肚去食🤪 所以一個人食晒成碗都唔出奇嘅見到碗底個字原來好有成功感😂

次次經過<霸嗎拉麵>無論邊一間分店門口都一定排曬長龍，所以一直都冇機會試。今日喺附近整完野，接近十點鐘都未食飯，經過見到門口竟然冇人，就二話不說沖入去！！！估唔到依然有好多顧客仲喺店內食緊！！〈羽根燒餃子〉正宗嘅日本煎餃子，底層有由麵糊煎成的簿脆脆連住餃子，又薄又脆夠乾身，享受。餃子入面有豐富嘅菜肉餡，感覺清新，唔洗點餃子醬油都好好味〈辛辣灸燒豚肉味玉拉麵〉想來點刺激的，不妨嘗嘗這個，紅彤彤的湯底還加了一隻辣椒在面，未食都已經感受到辣度既霸氣！！抱著勇者無懼的心態喝下一口濃湯，卻沒有想像中的霸氣，噴火，跳制般的辣度，感覺就是帶小小辛口，慢慢回辣但不會令人麻痹的那種香辣，即使像我不太嚐辣的都值得一試。〈濃厚豬骨豚肉玉子拉麵〉食完個刺激嘅，就食返濃厚嘅豬骨湯底拉麵~~一看湯底的顏色就知道非常濃郁香醇。豬骨湯底質感濃厚，喝下去嘴巴有黏著黏著的感覺，正正就是豐富骨膠原的證明！！口感香醇，真係會令人飲曬成碗嘅美味湯底。兩碗拉麵同樣有厚厚嘅火灸豚肉。豚肉嘅外層燒得有得微微嘅香脆，帶點焦香獨有的味道。但咬下去的豚肉肉質夠嫩滑，非常香軟可口，豚味亦十分濃郁，加上是厚切的關係，一口咬落去

經過霸嗎拉麵，好有日本feel，就同朋友仔即興試試啦😆😆😆😆😆餐紙都多選擇。小食亦叫多款😁😁😁女友點了辛辣灸燒豚肉味玉拉麵。我試了湯底。小辣。小小微辣感覺。豚肉試了都覺得肉身好淋，豚味不錯喎👍🏻👍🏻👍🏻👍🏻👍🏻👍🏻👍🏻配上流心蛋、蔥及笋片，麵質同女友都話不錯。讚另外點了醬燜雞叉燒辛辣雞湯拉麵。中辣。中辣又真係岩愛吃辣朋友們。同小辣分別都差小小😁咬了口雞肉。但外觀似叉燒咁外型，都好厚身，不肥膩。麵質有咬口。88蚊價錢合理

平時行銅鑼灣不時看到排長龍，今日中午預早到銅鑼灣終於有機會吃，想不到店內空間大，不像一般拉麵店般小。做下侍應送上餐牌，每款拉麵都很吸引，真難選擇，最後我選了辛辣拉麵，和特盛拉麵。麵的軟硬程度可以選擇，我選了適中。不消一會拉麵就已經送上，兩款拉麵的湯底也很香濃，辛辣湯底我選了中辣，吃辣人士一定十分喜歡，拉麵附上一件很厚的叉燒還有很多筍、蔥、一隻流心蛋。特盛拉麵把我嚇到了，想不到有四大件如豬扒一樣厚的叉燒，叉燒的脂肪分佈梅花間竹的，咬下去時，口腔裏肉汁流出十分香口，完全是大滿足啊～～拉麵的粗幼度是幼的那一款，所以每條麵條也滲有香濃的湯汁，很入味。我朋友吃完都認為這是香港最好吃的一間拉麵店。

我點左原隻龍蝦拉麵，真係好大隻🦞！店員一早已經將隻龍蝦整開幾舊所以食落都算幾方便。龍蝦d肉咬落去幾硬，應該係因為雪得太耐。食龍蝦身的時候可能因為已經開左邊容易煮所以都無咩雪藏味，只係覺得無咩鮮味，但係到食其他部份既時候，就好明顯地食到強烈的雪藏味，真係唔多OK囉。反而朋友果個豚肉拉麵就幾好食，舊肉夠大舊之餘又唔會整到好乾，反而有種炭燒過的香味。連個湯底都幾好，好濃郁但係唔鹹，飲多兩啖都唔怕。睇黎下次真係點返d普通款最穩陣。