霸嗎拉麵 (屯門市廣場1期)

Open Now

Now Closed

老公放工，隨便來這間吃個麵，質素很好👍🏻📍炙燒豚肉味玉拉麵🍜（$88），特濃湯底搭配上頂級豬肉，油花肥瘦適中👍🏻，叉燒霸氣厚切，並以炙燒帶出豬肉油脂香氣，豐腴中又帶爽口焦香，好味😋！麵質輕易掛湯，正！📍 羽根燒餃子🥟（$35），招牌餃子，冰花薄脆，餡料鮮爽👍🏻😋！📍 唐揚雞塊🍗（$35），外層炸漿甘香鬆脆，雞肉嫩滑多汁，䤁上檸檬汁🍋，解膩清新好味道😋😋。📍沙律豚肉丼🍲（$35），絕對係超爆抵食之選！完全沒有想過今時今日$35可以買到這麼高質的丼飯😱，香濃骰子炙燒豬肉，配上蛋黃醬和蔥花，味道濃郁獨特🤓！📍蘋果梳打酒🍹（$18），蘋果味好清新，仲有梅味/提子味可以選。📍白米雪糕🍚🍦（$28），食過好多次啦😝，一田超市都有賣，不過霸嗎竟然仲平過一田，所以一定要點🤭！雲呢拿味，口感有一粒粒白米，好味😋！店舖：霸嗎拉麵 （有好多分店）地址：屯門屯順街1號屯門市廣場1期3樓3233號舖

第一次黎食，真係估唔到咁好食!行行商場見肚餓但又唔想食得咁heavy，由於1個人食lunch，於是最後黎食拉麵，舒服自助! 拉麵我選擇店舖推介的 焰燒叉燒溏心蛋豬骨湯拉麵! 自助寫紙點餐，可選麵軟硬度，有軟、適中、硬麵，我選了硬麵，我鐘意食硬啲;亦可選少油，但我冇選到;最後可選走蔥、走筍， 我選走蔥。ok食啦！嘩! 一飲湯底，真係好濃郁，好好味! 又有啲油喺面，好正!! 麵又好味，叉燒又一大片，最正係粒溏心蛋，咬一口，流心的! 唔講得少，正呀！而且環境好有日本feel!好舒服! 一碗88港元，不加一，去日本食都要啦！

今天來到屯門市中心，見到這間拉麵店， 見到它的裝橫，很有日式風， 就試一試它的拉麵。我們叫了炙燒豚肉味玉拉麵和雞叉燒味玉雞白湯拉麵，我們也叫了燒汁唐揚炸雞。首先豚肉拉麵，湯底煮得很濃郁，味道很濃， 拉麵的硬度適中，豚肉煮得很入味，而且也有流心蛋，很好味道。而雞白湯拉麵，因為剔了少油，而且是白湯，所以湯底會比較清淡，但味道也是十分好味的，雞叉燒也很入味。拉麵的份量十分足夠。而炸雞方面， 因為是即叫即炸的，所以是熱辣辣的，很香脆，而且炸雞也不會炸得很乾，很有肉汁。很好滿意的一餐。

想食拉麵唔一定要去得遠，其實屯門都有好選擇。炙燒豚肉味玉拉麵一上枱已經聞到好香嘅豬骨濃湯味，拉麵上嘅炙燒豚肉份量十足，既係厚切又大塊，而且食落入味又唔會好乾。拉麵硬度揀咗適中，其實幾啱食，爽口得來又唔會太硬。 雞叉燒味玉雞白湯拉麵如果怕豬骨濃湯太濃味，咁雞白湯拉麵就係另一個好選擇。清淡得來又食到陣陣嘅雞香味，而且上面雞叉燒嘅份量十足，仲要第一次食到有雞皮嘅雞叉燒。唐揚炸雞炸粉比例啱啱好，食落夠脆又夠熱，入邊嘅肉都好鮮嫩。流心蛋

今日放工突然很想吃拉麵，所以就跟朋友到了屯門食霸嗎拉麵。入到店舖看見店內的裝修很有在日本吃拉麵的感覺，有圍著拉麵師傅的吧台。今日點了一個炸軟殼蟹櫻花蝦湯拉麵，加了兩碟餃子和野菜特盛。平常的櫻花蝦湯都會很鹹，這裏的湯底沒有想像中那麼鹹，味道適中。軟殼蟹大隻，如配上沙律醬就會更好！拉麵底軟硬適中，值得一讚。然後我們將野菜放進湯裏，浸一浸湯汁再吃，十分配合。至於餃子，日式餃子一向都是我喜歡的食物，上菜時看到煎得脆脆的，配上特製的餃子醬汁，令人吃完一隻再吃一隻呢！總括而言，這次的拉麵癮要多謝霸嗎拉麵幫我止了！

今日自己來食拉麵，想食ｄ刺激嘅味道就點咗辛辣炙燒豚肉味玉拉麵，揀咗中辣。送過來是整碗都喺紅色嘅辣油，豚骨湯為有香一下就激起咗食慾，流嗮口水。裡邊有個溫泉蛋，一大塊厚切叉燒。湯底香濃又辛辣，溫泉蛋煮得好好，可以流心，加埋湯底一齊食好正。拉麵軟硬適中，口感好正。只喺塊叉燒唔對我胃口，肥咗ｄ，有少少食肥豬肉嘅感覺，唔係幾中意呢塊叉燒，其他方面都好好味。

係門口拎左飛，要等兩張枱，咪叫老公帶小朋友去個廁所同洗手囉。點知佢開埋外面個d位，就叫我no.同帶我去坐，一坐低話我唔係三位咩？我話小朋友去左廁所同洗手，個女侍應竟然話我未齊人出返去等。咁叫飛時又唔問我齊人未，我自己一個咁都睇唔到，到坐低就趕人。好激氣呀！

老公得知佢地新出了新款拉麵，而今次期間限定拉麵仲要係佢酷愛的天婦羅軟殼蟹，叫佢怎能抗拒呢，所以一早已相約今晚霸嗎拉麵見👋🏻！由於分店眾多，總有一間在附近，而今次我地相約屯門呢間還設有室外座位，感覺更寛闊、更舒適。天婦羅軟殼蟹天婦羅要即炸，所以要有心理準備，較一般拉麵需時較久，不過無論要等多久，老公都心甘情願。軟殼蟹炸得熱烘烘上枱，油份不多，所以乾脆，另外，粉漿都只是薄薄的一層，同個櫻花蝦湯都好夾，鮮味十足！至於我當然係點佢地嘅鎮店拉麵濃厚豬骨豚肉玉子拉麵最愛此店的豚肉，厚厚的，啖啖肉，真的好滿足，雖然我不好辣，但整碗拉麵正正配上一點兒的辣醬，變得更惹味，真的太好吃了，叫人吃了又想吃！

開開心心星期日, 當然要去行街食嘢啦! 放假一定會去屯門市廣場行街、睇戲、食飯地點非常方便。今次我選擇了位於三樓的霸嗎拉麵，這店是我從未吃過的; 每次都只是路過見到店內店外也人頭湧湧我都免得過排隊，證明了霸嗎拉麵非常人氣。今次我選擇下午兩點後去，情況順暢很多，取了票不用5分鐘已可以入座。整間店的裝修很日本地道，大部分也用上木做主題座位闊落，可以看到廚師用心烹調每一碗麵。拉麵種類也有幾種，主要用上豬骨湯做湯底，另點餐紙上也提供拉麵熟成度及配料（走蔥丶走荀）給客人選擇，這點非常貼心值得一讚。濃厚豬骨豚肉玉子拉麵$88拉麵送上來的時候已傳來陣陣豬骨湯香味，溫泉流心蛋加一大片厚切豚肉再配上香蔥荀絲看到已經流口水，第一囗當然要飲一啖湯，湯頭非常濃郁拉麵彈牙，厚切豚肉不肥不瘦，入口即化。辛辣炙燒豚肉味玉拉麵$93仔仔鍾意食辣所以點了辛辣味豚肉拉麵，他說之前和同學仔也來過吃過這一款覺得很美味，所以今次再encore，喜歡吃辣的朋友可以嘗試一下。日式炸雞🍗$38炸雞一碟有五粒，外脆內軟有肉汁不會炸得太過火，炸雞表面塗上少許辣椒油，令味蕾及口感提昇了許多。

難得放假一天，便去屯門走一趙，順度探望一下老朋友。屯門市廣場，特別多餐廳食肆選擇。老朋友選擇了吃日本拉麵，可能是平日，下午時段，人也少些。裝潢設計，採用紅色和木材配搭，充滿日本氣息。侍應招呼好殷勤有禮。我倆點了兩碗拉麵，炙熱豚肉味玉拉麵，是濃厚豬骨湯底，充滿厚厚質感，豚肉份量十足，已佔碗大部份面積，肉質當筷子夾的時候，已經想溶化，真的用心烹調。味玉，即是雞蛋，口感爽甜，好香蛋味。雞叉燒味玉雞白湯拉麵，湯底濃郁得來好清甜，雞肉滑溜，同豬骨豚肉拉麵，口味不相似的，但又令人食齒大動。燒汁唐揚炸雞，難忘炸雞的口味，怕會炸得好乾身。但入口嫩滑多汁，不乾身，廚師功夫真的了得。啖啖雞肉，食唔停口。

早上在屯門工作，雖然有阻滯，錯過午餐時間，還好下午的預約取消了，可以到市中心找吃，再逛街。同事介紹去霸嗎吃拉面。我們點了炙燒豚肉味玉拉面，湯很香濃，味玉是溫泉蛋口感，豚肉有點肥，吃著有點膩。雞叉燒雞白湯拉面，雞叉燒不會膩，很厚，白湯也很香濃。

去開屯門市中心行街,今次好彩, 見到個個星期六日大排長龍既霸嗎拉麵,今次只有有幾個人排, 排左五分鐘, 就成功入到去食面門好有日本FEEL, 會令人以為去左日本咁裝修都好有日本台屋FEEL, 個環境令人幾舒服雞叉燒辛辣雞白湯拉麵-$88即使叫辣, 都唔會阻到你品嚐雞湯既鮮味, 反而辣更能吊起鮮味, 而雞叉燒幾嫩口, 麵質都好好, 讚!軟殼蟹濃蝦湯拉麵-$93D個個湯係濃濃既蝦湯, 好惹味, 同雞湯可以平分秋色, 值得一讚, 而軟殼蟹都好香口, 正温泉蛋-$10最後加單要多粒温泉蛋, 完美呀總結食物唔錯, 但係等食物上枱真係有D耐, 可以改善, 但整體黎講, 值得再黎試其他拉麵

今天在屯門行街，突然想吃拉麵，所以選了霸嗎拉麵試試。 我們3點多來到，幸好不用等位。我點了一份特盛炙燒豚肉拉麵。我選了這款拉麵的原因是實在太肚餓，而這份拉麵有4塊豚肉。 等了一陣，拉麵就到。湯底十分濃郁，而且有點點的辣，十分惹味。 特盛燒豚肉十分厚身，而且大塊，真的很足料。肉質不肥也不瘦，剛剛好。豚肉而且吸收了湯底，十分入味。 拉麵也十分彈牙，份量也足夠。 吃完十分飽肚，很滿足。下次一定會再來試試其他拉麵。

拉麵是個間中會想吃的東西，濃郁的湯底總是會讓人記掛著。那天晚上一人來到店前，門口很熱鬧多人，不知是好是壞，又要等很久了吧。結果1個小時後終於可以慰撫胃子了。小編要了一碗灸燒豚肉海苔味肉拉麵($98)，等了10分鐘才上。湯底濃，但沒特別；麵質正常；豚肉香而有適當的份量，有點太肥。整體而言都是較肥膩，與其他的拉麵店相比都是差不多，沒什麼特色，如果下次要排隊超過10分鐘的話就未必會吃了。

屯門巿廣埸購物完畢，順便坐坐吃個午餐，突然想吃拉麵，舖位都幾大，座位闊落舒適。點了灸燒豚肉拉麵，因為係即製，所以 製作需時，熱辣辣豚肉拉麵送到，厚厚嘅豚肉肉質腍滑多汁，入口鬆化。特别調製嘅濃厚湯底非常惹味，完全渗入豚肉，拉麵麵質彈牙爽滑，很有質感，比一般麵店嘅拉麵優勝，味筍亦很美味，有水準，食完再加多一碟。原隻 龍蝦味玉拉麵🍜第一次試很濃郁的龍蝦湯，正！唐揚炸鷄有五件，大大件新鲜熱辣，脆漿薄而香脆，惹味香口，鷄肉嫩滑，肉汁豐富，好好味，完全唔覺肥腻。