霸嗎拉麵 (屯門市廣場1期)

Open Now

Now Closed

以前減肥，有段時間實施低碳飲食，唔可以食咁多澱粉質，外食成日食霸嗎拉麵，因為佢$58 就有得叫佢最出名嘅炙燒豚肉，塊塊2cm 咁厚，而且仲有成4塊咁多，就咁食豚肉都食到勁滿足勁飽。 .而家減肥成功，隔咗一段時間冇食了，今日心癢癢叫外賣食返，份量同水準依然keep 到，我仲叫咗個雞叉燒雞白湯拉麵同屋企人happy share😄👉 炙燒豚肉：必點！塊塊2cm 咁厚，肥瘦適中，入口即溶，食落又油膩、感覺超正！. 👉 雞叉燒雞白湯拉麵：第一次食，湯頭幾濃郁，拉麵有軟、中硬三款面選擇，我自己偏好軟硬適中嘅拉麵，食落口感掛汁效果感覺最佳。 而雞叉燒脂肪比較少，食落肚罪惡感冇咁高，如果想唔想肥肥，又可以食到好嘢，食呢款就比較適合

疫情下當然最好自己煮，不過日日食住家飯真係會厭🤭，所以今日決定吃外賣，久久都沒吃拉麵了，同老公專程走到屯門巿中心的霸嗎拉麵，想念了你的豬骨湯底同厚厚的豚肉唷🥺。由於外賣拉麵的拉麵及湯會分開二個外賣盛裝，所以拉麵質地依然可保持爽口，一條條，分明的，並無變淋。真的好喜歡霸嗎大大舊厚切豚肉，好有口感，好滿足，而且豬骨湯濃而不膩，真的好吃，我吃到就連一口湯都快沒有了😆！石鍋燒豚肉海老飯由於每次都是點拉麵，老公說沒新意🤭，不過不試不知，原來炒飯好惹味，竟然好有獲氣，而且用料多及新鮮，囡囡還搶住吃。看來又多一款美食可以選擇了😋。

今日搞掂晒手頭上啲工作，自己一個人又唔想喺出面食，係時候買個外賣返屋企孤獨食。一如以往孤獨食，肯定係食拉麵。好，睇吓有咩好食先，外賣自取仲有八五折，或者揀炸雞汽水，二揀一，正喎！雞叉燒雞白湯拉麵，有兩件大大件雞，雞肉夠滑，拉麵煮得啱啱好，返到屋企放咗落湯都唔會太腍。辣汁唐揚炸雞，炸得好好，外皮有少少脆，雞肉裏面唔會乾，加埋個辣汁舊惹味。信州蘋果梳打，天氣咁熱，飲過梳打嘆吓先，果汁含量仲有50%添架！

前幾天去了屯門霸嗎拉麵食野，在門口㩒了飛仔等位入座，等左好耐無人理，我就問左個好似阿叔的職員有位未，佢好串咁話：「你㩒左飛就等下啦！未有位都安排唔到比你架！」跟住我再等了一陣，見個阿叔職員帶了兩個無㩒飛的人出了出面商場的卡位，完全無視我，咁我就入了店找了另一位女職員幫我，嗰位姨姨女職員好有禮貌地招待我，她問我有否㩒飛，我說㩒了但無人理我，我見這位姨姨職員好好笑容又好有禮咁同我講唔好意思，並請我多等一會，我見佢好忙咁在收銀收緊錢，我同佢講我唔介意先坐下等你地轉頭先幫我執枱，個姨姨職員說可以，並幫我探了體温，再請我先入座。我坐下後，見個阿叔職員從門外行入，我聽見個姨姨職員請佢先幫我執枱，並且不止請了一次，但個阿叔當聽唔到，行來行去，最後係個女職員自己收完錢後急急腳來幫我執枱，並唔好意思前唔好意思後招待我及幫我落單，其實我唔明點解同一間店的職員，服務態度會差咁遠，雖然我好唔滿意個阿叔惡劣的服務態度，但最後我付錢時，剛好是剛才招待得好有禮貌的姨姨職員收錢，佢好有禮貌再講唔好意思，而且用雙手給我收據，講真，我好耐無見過咁敬業樂業的員工，因為這位姨姨職員的工作態度，我最終都給了少少貼士才離去...

抗役嘅日子，已經超過一個月啦😅😅日日都喺屋企煮 ，心思思今晚叫外賣😝😝喺市廣場入完貨，見到霸嗎拉麵 🍜好掛住日本拉麵🤩🤩頂住檔先啦 ，外賣仲有85折 或者送炸雞加汽水 ！我哋就揀咗85折，屋企食自己有汽水吖嘛！哈哈 😄我就揀咗炙燒豚叉燒味玉拉麵 老公揀咗 雞叉燒拉麵 好有心機 湯同食物分開，返到屋企先擺落去👍👍拉麵就唔會過林啦 ，叉燒厚切，肥瘦適中 😋😋好香口呀 🥰🥰配埋流心蛋就一流啦 🤪🤪最喜歡佢嘅湯底 非常濃郁 份量好夠呀 ！做晚餐啱啱好 老公就鍾意食雞叉燒佢話佢嘅湯底特別清甜喎 😏😏而且雞叉燒嫩滑得來一啲都唔肥膩 😛兩款都好正我哋連湯都清曬呀😍😍

這陣子多在家中煮，突然想吃拉麵，然後就選了霸嗎拉麵的外賣。它現時也有做外賣優惠，主餐牌有85折或正價拉麵送2件炸雞配汽水，十分抵食。外賣自取速度蠻快，店家用了保溫力較強的外賣盒，保持溫度。😍雞叉燒味玉雞白湯拉麵拉麵分湯上，麵身依舊韌勁，即食剛剛好，味道沒有受影響，湯底香濃。蔥花及木耳絲等配料十足，味玉更煮得洽到好處，流心非常。最出色的都是雞叉燒，厚切連皮，肉質嫩滑，有兩大塊。🤤原味唐揚炸雞和原味羽根燒餃子拉麵配小食，常選炸雞和餃子。雞塊外脆肉嫩，外賣會有一點影響，但味道搭夠，份量亦十足。餃子煎得通透，薑絲豬肉饀料肉汁豐富，油脂不會過多。😋😋😋始終堂食滋味不同，希望下次可以堂食試另一種口味。😊

照片的豚肉有碗那麼闊，實際只有一半！而且薄切！但沒收半價！湯底兩個字，勁咸，比出前一丁味精更咸。麵，這是绝配，選適中，明顯還沒煮好，還硬身。糖心蛋，應該是雪櫃刚拿出來，冰凍的！只有葱花可取！

依間拉麵譜經常性見到好多好多人排隊，終於拎起心肝試吓究竟好唔好食，喺平日嘅兩點幾終於唔使等位之下入到去食嘢值得一讚嘅係座位同座位之間嘅空間非常之夠，喺疫情期間最好就係依啲位置啦唔使同人迫同埋同啲陌生人咁接近😂拉麵嘅餐單，非常之簡單一係就豬骨湯一係就雞白湯有辣有唔辣有玉子冇玉子就係咁簡單我哋今次叫咗個雞白湯玉子唔辣嘅拉麵另外仲叫咗個餃子一上到嚟，個雞白湯個面偏油，因為之前喺其他餐廳食過嘅時候個雞白湯可能係比較白色，呢個就好似雞湯咁，飲落去淨係得個鹹味，個人應為個湯底完全冇特別不過個雞肉個面係有烤過，麵都係唔係非常之特別，我哋一個叫咗硬一個叫咗正常，食落去個質感差唔多成碗面我覺得值回票價同呢個價錢嘅係隻蛋本身隻蛋都有醃嘅味道非常之清甜加上流心，幾好食餃子味道一般般同樣地冇咩特別可惜嘅係食到差唔多最後呢舊嘅時候見到有疑似頭髮嘅物體非常之核突😅結論就係個人認為依間拉麵譜非常之普通，我就唔會再回頭啦

次次行過見好多人等 今日行過好出奇地見無咩人等於是入去食 真心，無d食評寫得「咁」好食 「咁誇張」可能每個人嘅口味唔同啦 不過不失啦唔值呢個價錢但d小食係好食嘅 ， 炸雞同埋餃子🥟係好好食拉麵同石窩飯就一般般了。個拉麵個湯底係幾好濃味 但係塊豚肉真係好肥好肥 同埋唔值咁貴 $93蚊得一塊豚肉 石鍋飯就更加一般般 因為完全冇汁醬 乾爭爭 啲豚肉非常之硬 但份量還可以 枝豆$20超級唔值 個雪糕就更加唔值 總括嚟講唔會食下一次 不過不失 一般般

食拉麵我最享受濃郁嘅湯底，但又怕佢太油膩。今次霸嗎嘅拉麵冇令我失望呢！同大部分拉麵舖一樣，舖頭落單採用寫紙仔形式，可自行選擇麵身嘅軟硬度，亦好貼心地可以少油，注重健康嘅朋友可以一試。炙燒豚肉海苔味玉拉麵呢個可以話係舖頭嘅主打，豚肉以慢火浸煮約10個鐘，再用明火炙燒，表面香脆，內裡鬆軟入味。味付糖心蛋嘅蛋白質地軟熟，亦醃得好香。蛋黃企身唔會太生，唔會篤穿咗就流哂落湯底到。雞叉燒味玉雞白湯拉麵雞白湯湯頭厚身，可以包實拉麵麵條。雞肉都好味但明顯比豚肉遜色，如果只可以揀一樣嘅朋友建議試咗豚肉先。照燒餃子照燒醬汁份量適中唔會太鹹。餃子煎得香口，而且皮唔厚，有好濃韮菜香味，韮菜控記得叫呀！整體嚟講味道唔錯，舖頭裝修有和風味道。推介俾想食好嘢又鍾意嘆環境嘅朋友呢！

見尖沙咀嗰間次次行過都排哂長龍，諗住同分店都應該有返咁上下，仲有openrice又多好評，男朋友又中意食拉麵，諗住情人節就去食餐好食嘅拉麵。結論係唔難食，唔好食，但唔會再去食！炙燒豚肉味玉拉麵一上枱，碗麵完全唔吸引，仲衰過超級市場入面嗰啲拉麵檔。湯底啖味，溏心蛋冇味，嚿肉柴到...啲麵算正常，唯一好食少少嘅係啲筍。雞叉燒味玉雞拉麵雞叉燒拉麵啲湯底，蛋麵都差不多，唔同嘅係塊雞肉嫩啲。另外我地叫咗煎餃子，唐楊雞，同炒野菜。炸雞又油又乾，野菜得芽菜同冇味，煎餃子算係正正常常。

今日同女朋友去左良景行菠蘿山，行完沿路行返落良景，之後坐輕鐵來到市中心搵野食醫肚。咁行到市川心3樓，見到呢間拉麵店，睇價錢同食品都ok，又唔洗排隊，就入去一試。我收友叫左個炙燒豚味玉拉麵，我就叫左個辛辣炙燒豚肉味肉拉麵，同沙拉炸餃子加多枝綠茶可樂，埋單2百幾蚊。先講我碗辛辣豚肉拉麵，我叫左中辣同軟麵，辣味ok，而且湯味冇比辣味蓋住，幾濃，我喜歡👍麵真係幾軟，可惜冇得選粗拉麵，我個人比較鍾意粗小小。味玉（蛋）係比原隻糖心蛋你，冇切開，咬落一流（小心蛋黃汁必左出黎）豚肉好淋，咬落口有小小入唔即溶既感覺，成碗我覺得中上。我女友嗰碗豚肉味肉拉麵就要普通硬度，佢覺得麵豚肉蛋等都好好，不過湯就嫌咸左啲，佢覺得以前apm嗰間神山既味道好一點。餃子唔錯，可惜係炸既，如果係煎餃子會更好。綠茶可樂係就咁一枝上，可能我之前眼大睇過龍，去日本旅遊時冇印象見過呢款飲品。飲落唔錯，有小小小小茶味同小小可樂味，感覺似多汽既百事可樂再加 梳打咁。整體唔錯，值得再去，如果下次我仲黎屯門又想食既話😜

近排呢個時勢都好少出街， 近近哋入完貨好耐冇食街嘢食碗拉麵先霸嗎呢間拉麵平時都要等位～依家梗係唔使啦…… 叫咗一碗 炙燒豚肉拉麵湯底濃郁嘅叉燒就肥咗啲雞叉燒拉麵湯底都幾清不過拉麵份量就 唔係好夠大男人食真係唔夠飽所以叫多個小食 唐揚炸雞又唔錯喎 入味又夠嫩

Home office 左幾日，真係忍不住要出去走走，順便入貨，逛完Aeon，一袋二袋，見霸嗎拉麵有位，快食🤣🤣一入店感覺很安心，全店店員都帶齊口罩，廚房是玻璃窗，可以清晰看見店員的每一個煮食步驟，全程戴上口罩，手套！特別感覺衛生，這個時候衛生正是最重要的👍👍👍店員好細心，安排不搭枱😊😊食物保持水準，點了我最愛的 濃厚豬骨豚肉拉麵🍜湯底濃而不稠，一口湯一口麵，冬天吃最適合不過🤭🤭厚豚肉超大塊，肥瘦適中，入味又juicy，加埋筍和香蔥中和一下，很不錯😋😋醬燜雞叉燒味玉拉麵🍜湯底清甜，一點都不油膩，反而多了一份雞的香味味玉一夾開，蛋液慢慢漏出來，正😝😝點多份小食，唐揚炸雞 $35 5大件，粉薄脆，肉鮮嫩，抵食😁😁飲埋日本空運的波子汽水就最好不過價錢合理，食物水準高，最緊要 看得到的衛生👍👍

近排天氣凍，最岩就係食返碗拉麵暖下胃，所以行開屯市就黎左霸嗎，因為霸嗎係連鎖式拉麵所以質素都好穩定辛辣炙燒豚肉味玉拉麵係女朋友叫的，湯底帶有一陣陣的辛辣味，佢話可以再辣D，而炙燒豚肉雖然只有一塊，但厚厚的一塊份量十足，我就簡左炙燒豚肉味玉拉麵拉麵，而且選擇了較硬身的拉麵（呢度的拉麵可以自由選擇硬度），除了多一粒溏心味玉之外，其他都與辛辣炙燒豚肉味玉拉麵大相逕庭溏心味玉一咬開就爆汁！唐揚炸雞炸得金黃鬆脆，脆漿很薄，內裏雞肉熱辣辣，食落油香而不肥膩