霸嗎拉麵 (屯門市廣場1期)

Open Now

Now Closed

$9x 個拉麵 本身Expect唔差冇諗過嚟到 份量少 湯底咸 重味精食完勁頸渴服務態度又差 收銀果個又唔熟個system本身話有折 點知又冇幫我哋入機事後話冇得重新入過 搞到蝕咗幾十蚊十分唔推薦

岩岩新開張嘅時候去過一次，記得係正常嘢黎，今次見到有個夏季期間限定，又好耐冇食過拉麵，就試試佢啦。叫左個二人套餐再加個期間限定檸檬燒雞叉燒拉麵，燒雞叉燒係唔錯，比一般豬肉叉燒更清新，感覺冇咁heavy，但湯底就麻麻啦，檸檬味唔夠出，冇我想像中咁酸，要篤爛晒啲檸檬先有少少感覺，同埋依款拉麵唔包隻蛋，感覺硬係爭緊啲嘢咁。另外叫多咗個二人套餐，都ok划算，兩碗拉麵，揀左個餃子同蛋，再多個毛豆，仲包兩罐嘢飲添，食到飽飽。欣賞佢嘢飲有冇汽既雀檸揀，滿足埋唔鍾意汽水嘅朋友仔。

黎啦黎啦，好抵食呀，呢間係連鎖式拉麵店，有好多分店！今日黎試試佢😋檸檬燒雞叉燒拉麵🍜$93呢款拉麵係期間限定，所以就試吓佢啦，檸檬配燒雞叉燒肉，拉麵湯底酸酸甜甜，檸檬清新嘅感覺，而且面底非常大碗🍜係大胃之選👍🏻另外揀咗兩個下午茶套餐食，套餐配有飲品同小食，非常抵食！價錢相對比較優惠！灸燒豚肉醬油拉麵配🥟羽根餃子3件連汽水 $83湯底醬油味濃郁，燒豚肉入味，相比起檸檬雞拉麵，呢個就比較重口味，羽根餃子外皮鬆脆，裡面軟林林，餃子餡飽滿，同埋彈牙嘅拉麵一齊食，口感同味道都好好👍🏻石鍋燒豚肉飯配鹽味野菜 連汽水$73豚肉飯嘅豚肉肉質鮮嫩，配上石鍋嘅香氣，石鍋底飯焦非常脆卜卜，有咬口。鹽味野菜清爽開胃，均衡配搭有菜有肉。霸嗎拉麵呢幾款套餐，無論係檸檬燒雞叉燒拉麵、石鍋燒豚肉飯配鹽味野菜，定係灸燒豚肉醬油拉麵配羽根餃子，都有佢哋獨特嘅風味同特色。餐廳員工服務亦好好都好有禮貌🫶🏻btw,下午茶真係好抵食！如果你係拉麵控，就要試試佢喇！拉麵控關注組·霸嗎拉麵 (屯門)📍屯門屯順街1號屯門市廣場1期3樓3233號舖

霸嗎拉麵經常聽人講好似好出名，難得見到有空位又冇人排隊，即刻去拎左飛先，不過估唔到有空位都需要等10分鐘左右，差啲打算即時離開店內環境充滿日本風，有吧枱也有卡位，好似真係去咗日本拉麵店的感覺今次我選了濃厚醬油豚角拉麵，拉麵滑身，唔會太淋湯底好失望同普通湯底一樣，沒有特別濃厚豚角有點硬另外我用左ALIPAY的優惠卷，送咗唐揚炸雞2件比我炸雞都大件，感覺唔油

今晚同朋友兩個人去食拉麵特登避開繁忙時間可以唔使排隊👍🏻同埋有卡位坐一入到去見到佢啲裝修都幾靚充滿日本風🏮店員都好醒目一入座比水我地係檸水😊有加分⭐️檸檬灸燒雞叉燒拉麵🍜拉麵店新推出的系列檸檬令到湯底酸酸甜甜好開胃😆裏面有細蝦仔做調味令湯底更惹味燒雞同埋叉燒都好入味口感一流必試❤️❤️❤️⭐️燒汁唐楊炸雞 加$18 有炸雞小食都幾抵😙炸雞新鮮出爐熱辣辣好脆口不怕單一人前套餐$108呢個套餐真係超值拉麵+小食+飲品⭐️灸燒豚肉拉麵湯底味道非常濃厚豚肉大大份夠入味拉麵煙煙韌韌夠彈牙😋個湯底真係太正所以我哋忍唔住叫咗白飯將白飯加落湯底一齊食簡直正👍🏻⭐️沙拉炸餃子餃子都係新鮮出爐炸得好脆口但唔會覺得好油膩加埋沙拉醬將口感昇華🤩⭐️飲品：雪碧、可樂拉麵配埋汽水簡直係非常滿足😉作為屯門牛好開心可以係屯門市中心都食到好食嘅拉麵🍜😍價錢合理環境舒服一定會再幫襯🫶🏻

行完屯門市廣場，於是搵個地方食下野夏天想感覺清爽d,所叫點了檸檬炙燒雞叉燒拉麵，拉麵的湯頭清爽而濃郁，帶有微妙的檸檬香氣，給整個湯底增添了一層新鮮感。雞叉燒肉質鮮嫩多汁，經過燒烤後，外皮呈現出美麗的焦糖化，帶有微微的炭烤香氣，厚度十足，配料方面，這碗拉麵搭配了豐富的蝦米和雲耳，增加了口感的層次和營養價值。另外都想試下飯類，就點了石燒鰻魚飯，石燒鍋中的熱氣蒸騰，將鰻魚片燒烤得剛剛好，外皮酥脆而內部鮮嫩。鰻魚肉質鮮美，帶有淡淡的炭燒香氣，飯粒蓬鬆且微甜。配料方面，搭配一些醬汁、海苔、雞蛋、蔥、蒜粒，以平衡鰻魚的油膩感。飲品有大量日式汽水，今次揀左信州蘋果蘇打&靜岡蜜瓜蘇打，個樽好靚，飲落都幾好味，清新甜甜地，適合夏天

見到霸嗎拉麵呢個夏天出新menu，推出咗兩款清爽拉麵：檸檬炙燒雞叉燒拉麵和酸辣檸檬雞叉燒檸檬灸燒雞叉燒拉麵拉麵湯底用咗白雞湯，拉麵鋪咗檸檬同加咗瀨戶內海檸檬汁，有種清新嘅檸檬清香味道，湯底做到唔油膩，燒雞叉燒非常軟淋，拉麵配料非常豐富配有木耳、櫻花蝦、西蘭花🥦不怕單一人前套餐，有幾款拉麵選擇加配飲品都係100內，朋友簡咗辛辣灸燒豚肉拉麵，拉麵湯鮮甜味道和濃郁嘅膠質，賦予湯底濃郁的口感和豐富的味道❣️霸嗎拉麵屯門屯順街1號屯門市廣場1期3樓3233號舖

#搞串個pantry#拉麵 🍜真係一種好神奇嘅食物，每隔一排📆都會好掛住佢嘅濃郁嘅味道，配埋掛汁嘅麵底😋，講起都想去食多一次😝。今次嚟到一間喺 #尖沙咀 、 #屯門 、 #中環 、 #機場 禁區都有分店嘅 #日本菜 🇯🇵拉麵店，過下口癮先😆。我哋嗌咗霸嗎二人前($248)，包括有🔴炙燒豚肉味玉拉麵、🔵雞叉燒味玉雞白湯拉麵、拉麵配料⚫️海苔、小食🟠枝豆、同埋🟡羽根燒餃子(5件)。炙燒豚肉味玉拉麵🌟🌟🌟湯底有煮過嘅醬油香😚、豬骨湯味、仲有豬嘅油脂香味🐷，濃度適中，唔會太過鹹，係預期之內嘅豬骨湯底🦴，唔錯😋。拉麵🍜嘅軟硬度揀咗腍啲，真係感受到廚師有特登煮耐啲⏱️。豚肉嘅油脂入口即溶🤤，喺口裏面爆發出油脂香味，不過肉質🥩部份就有啲老、有啲鞋，總括嚟講唔錯😗。雞叉燒味玉雞白湯拉麵🌟🌟🌟雞白湯🐔相較豬骨湯就比較淡味，飲到濃郁嘅肉味🍗，配合埋掛汁嘅拉麵🍜一齊食，味道都唔錯😋。雞肉係用咗雞髀肉，唔會黐牙🦷，不過都唔算好嫩滑，正正常常😎。另外，將大大塊嘅配料海苔🍙浸入去湯底，紫菜味好濃🤤，再索埋湯汁嘅味道一齊食，真係好正😋！小食枝豆🌟🌟煮得比較硬身同乾身😣。即使灑咗黑椒碎粒🌶️調味，食落仍然冇乜味，呢個比較麻

哥哥快要移民，近來我常常約他食飯，想珍惜多些相聚的日子。今日走入他住的地方，在屯門巿廣場揀了一間紅彤彤的拉麵店，門口幾個紅燈籠都好吸晴，令人覺得好精神。內有吧枱座的 “小屋”、多張二至四人枱，還有座位。牆身有色彩繽紛大圖畫和巨型的菜式海報，很搶眼啊!枱上放齊餐具、紙巾、檸檬水、調味料、餐牌和點菜紙，都幾齊備。餐店除供應拉麵外，還有餃子、揚物、石燒飯、豚飯、追加配料、甜品和飲品，另有期間限定系列、二人前和一人前，選擇不少。***************************夏日炎炎最好就係食啲酸咪咪，可以胃口大開。我要期間限定系列的檸檬炙燒雞叉燒拉麵 ($93)。拉麵有兩塊炙燒雞叉燒、兩棵清爽翠綠的西蘭花、一些櫻花蝦和爽脆的木耳，仲有三大片鮮檸檬。湯有檸檬香和雞香，感覺清新，美味!  幼身的麵條唔會太硬又唔會過腍，有些鹹鮮的櫻花蝦，配搭不錯! 連皮的雞叉燒厚度中等，雞肉腍嫩，有啲肥膏，肉味中食到啲檸檬酸香，酸咪咪可減卻油膩感，歡喜!******************************哥哥揀了不怕單一人前($108)，包一碗拉麵、一款小食和一罐汽水。小食點了一客唐揚炸雞(2件)，

霸嗎拉麵 屯門屯順街1號屯門市廣場1期3樓3233號舖檸檬酸辣雞叉燒拉麵+ 味玉 青蔥 紫菜三塊厚切檸檬 以酸辣口味搭配嫩滑雞肉叉燒酸爽的檸檬味道 唔夠酸？ 可以再加檸檬！櫻花蝦 木耳絲 西蘭花點綴選用了彈牙十足的中細麵一試難忘 的確幾特別燒汁唐揚炸雞以鹽、黑胡椒、醬油、味噌、蒜頭、辣椒、蜂蜜等調味料製成的燒汁口感方面，燒汁唐揚炸雞外皮炸得酥脆，內裡肉質多汁啖啖肉紅茶雪糕質地輕盈柔滑，口感順滑細膩，且不會太甜紅茶味道濃郁香醇，帶有淡淡的茶香，非常清爽怡人

為咗迎合香港熱辣辣嘅天氣，霸嗎拉麵推出咗最新款嘅檸檬清爽系拉麵。貪新鮮嘅我梗係要放工約埋啲friend去試下啦！今次嘅主打有酸辣檸檬同檸檬原味拉麵，我自己係食辣嘅弱雞就揀咗原味檸檬拉麵。檸檬炙燒雞叉燒拉麵 93湯底用咗濃厚嘅雞湯加咗瀨戶內海嘅檸檬汁，湯上面有三大片檸檬，望落都感覺好清爽好fresh。飲落真係好正，鹹味同檸檬嘅酸味balance得好好，一啲都唔油膩，飲落酸酸地咁真係好上癮。炙燒雞叉燒勁厚啖啖肉，炙燒外皮有陣焦香。配菜都係d好夾嘅清爽系蔬菜，成碗感覺好fresh 又飽肚0負擔。辛辣炙燒豚肉味玉拉麵 98另外朋友係重口味星人，就叫左佢嘅至愛元袓豚骨拉麵，唔好睇佢紅卜卜以為好辣，其實食落同10小辣差唔多，有辣味得來又唔會食到流鼻水咁好辛苦。另外炙燒豚肉太厚又燒得好焦香，糖心蛋又太好食。炙燒厚切叉燒 58因為叉燒實在太出色，忍唔住要再encore。單叫炙燒厚切叉燒的話，佢仲會配上味噌醬，唔洗單吃甘dry。

好耐無食拉麵，今日黎左呢間好多分店但我一次都無食過既「霸嗎」試下估唔到入面都幾日本風，上星期先去完日本黎，返到黎香港都仲有日本feelmenu全部都有圖片睇，一眼就睇到邊啲最吸引最岩自己食，飲品方面都比較特別，唔係一般常見既烏龍茶/樽裝飲品，而係日本地道特色野似，有啲新意限間限定檸檬酸辣雞叉燒拉麵，食拉麵都有酸辣食真係勁有新意。一放低即刻聞到勁香，第一時間緊係要飲下佢個湯底先啦，好濃郁油脂好厚身，酸酸地唔會太辣，叉燒用左雞肉取代豬肉，食落好軟身濃厚豬骨豚肉玉子拉麵湯底同樣係好香油脂好濃豬骨味，飲到停唔到口豚肉灸燒過好香口，半肥瘦食落無得彈唐揚炸雞外脆內軟，炸粉唔會好厚好硬，入面雞肉勁多汁日本先飲到既三矢梳打水同綠茶可樂，勁好飲，最中意支綠茶可樂！大家想試下就快啲黎啦

Bari-Uma ramen霸嗎拉麵由佢最初喺香港開店已經試過，難忘的雞叉燒。屯門市廣場呢間分店我成日都會經過不過附近有太多嘢食次次都食唔到佢今次經過見到佢有款新湯底檸檬酸辣拉麵，鍾意食酸辣嘅我一定要試一試湯底酸酸地，平時食開四川辣呢種辣度簡直係小兒科😂我諗唔食得辣嘅人都食到！酸酸地好啱夏天。雞叉燒質素還是一樣好，雞肉又嫩又滑。另外試咗豬骨湯底，味道濃郁得來又唔會太油鍾意食豬骨湯嘅人都可以試吓但肉類方面就必點雞叉燒，超正🫶🏻

my favourite ramen in Tuen Mun Popular as usualMany different ramen to choose from and have seasonal ones alsoEdamame (a Japanese Green) $22A healthy starterFried chicken $18/2Special offer, super valueCokeSeasonal ramenLemon ramen with chicken cha siu Rare ramen with lemon in it, can try if you are lemon fans Spicy chicken ramen, a more traditional onesSpicy with tender chicken 地址: 屯門屯順街1號屯門市廣場1期3樓3233號舖

點會有人話好食啊？$88原味唔要蛋，我碗麵湯少到連碗邊條紅色帶線都差一大截，好似已經被人飲完一大啖，成碗沾麵咁，點解其他人咁多湯可以滿到上紅邊？所謂湯鹹到苦食完要搏命飲水，豉油鹹味完全蓋過湯味，後邊上個檸檬拉麵雖然都麻麻地起碼個湯有到碗邊條紅色線中間位，而且係正常鹹度。你想要服務就更加唔好嘗試，門口貼咁L多優惠單張問一句都唔耐煩，出餐求其就算，食完麵個碗仲有D湯都未夠幾秒就趕住收碗趕客，成間鋪都冇幾個人。