霸嗎拉麵 (屯門市廣場1期)

Open Now

Now Closed

熱辣辣又想食拉麵，又唔想食太油膩太濃味嘅湯底有乜好選擇？ 霸嗎拉麵 Ramen Bari-Uma最近推出咗兩款清爽口味嘅拉麵，分別有檸檬炙燒雞叉燒拉麵和酸辣檸檬雞叉燒拉麵，咁創新嘅口味梗係要即刻去試吓😋🍜▪️檸檬炙燒雞叉燒拉麵 $ 93 加味玉和栗米粒 $ 24湯底使用雞湯，加上三大片檸檬和瀨戶內海檸檬汁，非常清新嘅檸檬清香味道，而且湯底一啲都唔油膩，燒雞叉燒口感嫩滑，重配有木耳、櫻花蝦、西蘭花，和拉麵和湯底非常夾，亦可自行添加配料，為食既我就加咗溏心蛋同粟米，份量超級多，大滿足🥟▪️羽根燒餃子 $35最愛吃嘅日式餃子，呢度煎到底部有一大塊薄脆，餃子皮薄肉餡滿滿蔬菜和豬肉，口感又脆又軟，沾上餃子醋汁，超好食🍹▪️信州蘋果梳打 $28 / 🍨紅茶雪糕 $ 28 有多款日本直送嘅飲品同埋雪糕，咁吸引點可以唔食，這款信州蘋果梳打蘋果味清香唔太甜，紅茶雪糕亦係店員推介，超香濃的紅茶香，好味道

今日好開心同一班朋友去咗屯門嘅一間餐廳食日本嘢，第一次去呢一間日本餐廳，食拉麵，估唔到呢一間食物質素咁高，而且呢度服務態度非常好，真係食得好開心，又可以同班朋友相聚，真係一個聚腳點，如果住喺屯門嘅朋友唔知食咩嘅話，一定要嚟啊，我10分推介呢一間餐廳，頭先呢一間餐廳嘅裝修好靚，坐得好舒服，空間感好大，而且呢度嘅食物都好多選擇，唔同嘅叉燒拉麵，有濃郁嘅湯底，全部嘅湯底都好夠味，好好飲，而且佢哋嘅叉燒肥大獄口，好抵食呀，出面市區食到嘅拉麵都未必及上呢一間，而且呢一間小食都好多，我哋叫咗個餃子，雞肉，都係好好食呀，仲有佢哋近排宣傳緊嘅檸檬叉燒拉麵，我估唔到檸檬同拉麵都可以咁配搭得到，好清新，好好食，完全唔會覺得奇怪，所以如果嚟到屯門食拉麵嘅話，我一定會推薦呢一間，一定要泥試呀

今日好開心，同屋企人去咗屯門嘅一間日本餐廳食拉麵，真係好好食，好高質素的餐廳👍👍👍真係好抵去呀，住喺屯門嘅朋友，一定要去試呀，夜間服務質素好高，而且食物好好食，我叫咗一個鰻魚飯，全部好新鮮，我哋叫咗個叉燒拉麵，湯底濃郁，餐廳仲好貼心，有得揀下面適中，仲有軟面，所以可以符合晒唔同客人嘅口味，仲有呢度嘅小食，餃子，一定要叫呀，外脆內軟，外脆內軟，裏面全部都係肉，啖啖肉，好好食，熱辣辣，即叫即整，廚師好有心機，而且餐廳裝修有風味，全部都係好似置身於日本一樣，私人空間較大，仲有呢間服務好好呀，全部侍應都好有笑容，有親切咁，呢度有賓至如歸的感覺，所以呢度食嘢好舒服，好適合一大班朋友嚟食飯，仲有佢哋近排最出名嘅係檸檬叉燒拉麵，好有新鮮感，原來檸檬配搭拉麵，都係好好食，好友清新的感覺，如果想試清新啲嘅感覺，一定要泥試下呀！

今日約左朋友係屯門行街，次次黎到屯市呢個迷宮都一定盪失路今日行到又燥又餓想搵野食，見到呢間「霸嗎」，好似周圍都好多分店應該唔差，但又一次都未試過，就入左去坐低先算入面環境都唔差，似足日本啲居酒屋，主打木系裝飾，坐得好舒服，飲多幾杯佢啲凍檸水即刻無咁燥顧名思義呢到主打拉麵，見到有個檸檬拉麵即刻好想試下，平時都係日本先見得多用青檸/檸檬調味既拉麵，估唔到呢到都食到！檸檬拉麵賣相唔錯，同menu有8成相似，估佢唔到飲啖湯底先！檸檬味索晒入個湯底，唔會太酸，好清新，雞肉亦有炙燒過好香雞肉味，最值得一提係佢個拉麵，夠晒彈又掛湯辛辣炙燒豚肉味玉拉麵，唔好睇個湯底咁紅，其實唔係好辣，豚肉又係燒過黎，未價落口已經聞到陣肉味飲品方面呢到好多得日本先有既特色野飲，新鮮感爆棚！

試咗新品酸辣檸檬湯底，幾辣，唔建議唔太食得辣嘅朋友嘗試，我平時食開三哥二小。雞肉唔太好食，似中學飯盒d雞肉。另一碗就正常拉麵水準，冇乜特別，正正常常。湯好濃郁，我自己會覺得小小heavy，個人口味都係偏向台式中式嘅湯底。溏心蛋 永遠最好食嘅溏心蛋。不分舖頭）

霸嗎拉麵由尖沙咀開分店開到去屯門，實力有一定嘅保證~今次食咗幾樣野，果然唔錯！首先嗌左檸檬炙燒雞叉燒拉麵，呢個係期間限定特色味道，麵條夠彈牙，淥嘅時間剛剛好，湯底好香濃，仲有啲酸酸嘅檸檬味，非常開胃😋炙燒雞肉同叉燒都好正，叉燒肉夠香甜，雞肉燒得恰到好處唔會過咗火，啲肉保持嫩滑鎖住肉汁，真係令人食到欲罷不能！第二樣係辛辣炙燒豚肉拉麵，好夠辣味～豚肉都燒得好靚，火侯拿捏得好好，最後仲試咗佢哋嘅炸餃子，外脆內軟，餡料夠香，真係好好味！辣辣地嗌支波子汽水，又止渴又解辣，夏日飲一流！總括黎講，屯門霸嗎拉麵嘅食物質素真係幾高，服務亦都好好，環境舒適又乾淨。如果大家有機會去屯門，一定要試下佢哋嘅拉麵同炸餃子！

日本過江龍期間限定拉麵期間限定 檸檬炙燒雞叉燒拉麵 $93用咗瀨戶內海檸檬汁 仲有3塊檸檬 入面仲有櫻花蝦木耳絲西蘭花🥦 叉燒油脂分布好平均 湯底一啲都唔酸 有浸清香嘅檸檬味刺激味蕾 幾特別～不怕單一人前 $108炙燒豚肉拉麵秘製湯底味道香濃 咬落拉面都好彈口 枱上面仲有蒜粉同辣粉可以自己調味 豚肉勁厚！正！唐揚炸雞（兩粒）大大啖咬落好脆～雀巢檸檬茶羽根燒餃子 $35皮薄身煙韌 好香口 配埋餃子汁好開胃霸嗎拉麵 (屯門市廣場1期) (屯門)屯門屯順街1號屯門市廣場1期3樓3233號舖

天氣悶熱，又落雨又有陽光，反覆無常。連食嘅心情都冇，所以轉轉口味食碗拉麵做晚餐，腦海首先諗起屯門“霸嗎拉麵”，因為佢哋出名湯濃而麵爽滑彈牙；所以去到，我就點咗個招牌拉麵，即濃厚豬骨豚肉玉子拉麵，而朋友就點咗個石鍋燒豚海老飯，再加個辛辣味嘅餃子和兩杯飲品。拉麵嚟到真係同張相一樣，如果玉子可以幫我切開一半就更加理想呀！首先飲兩啖濃厚嘅豬骨湯，真係成個人都醒曬，胃口都開曬，食落啲面一如既往爽口彈牙；豚肉入口即溶，玉子係半熟蛋當然美味無窮啦；而石鍋飯竟然有脆脆嘅飯焦，再加埋煮到剛剛好嘅豚肉同埋少少嘅蝦肉，一口食落去好有層次感，如果再多啲汁嘅話呢，就變得完美啦；餃子嘅肉有肉汁表面亦都煎得脆脆，再加上上面嘅辛辣醬，果然係相當之辣！食落十分之唔錯！至於和梨梳打酒和菠蘿酒加冰之後，特別清爽；真係消暑解熱，為呢個晚餐增添樂趣！

近排每一次食嘅拉麵都係偏重口味，拉麵嘅湯底每次食完都覺得好口渴！搞到要飲勁多水先搞得掂🤓呢一間拉麵店雖然係連鎖店但湯底係唔會太鹹甚至我有少少覺得佢有少少淡🤏🏻整體嚟講拉麵嘅口感再加上配料都是不錯的☺️

拉麵很多時候都係叉燒，但係比起叉燒我更加鍾意係食豬腩肉個款豚肉！但真係少之又少，而且要整得好食唔會覺得油膩真係幾罕見🥲原來呢一間連鎖店拉麵店，嘅豚肉就係我鍾意食嗰款唔想拉麵口感好，湯底都好啱我食🥰

好日都唔入屯門，但係入到黎又想食拉麵，之前喺尖沙咀食過一次霸嗎，見到附近有分店就再戰。 主打雞叉燒（好似係）於是就叫左雞叉燒辛辣雞白湯拉麵，加隻味玉（溏心蛋）同半杯啤酒（無錯，午餐都要啤一啤先似樣）。 辣度方面我覺得唔係幾夠，可能我本身鍾意食辣。雞叉燒都幾香，外層少少焦香，肉質結實多汁。比起傳統叉燒，我覺得雞叉燒都另有一番風味，有過之而無不及，而且食落仲無咁肥。麵質方面我通常揀中等偏硬（唔係最硬嗰隻）好似咬落會爽口啲。 味玉都係咁上下啦，基本操作不過不失，溏心嘅地方應流則流，唔會流到好似倒瀉咁，我知有人會鍾意流到好似水咁，我就鍾意流得黎有少少漿糊feel。

霸嗎拉麵 (屯門市廣場) Ramen Bari-Uma (Tuen Mun Town Plaza)地址 :屯門屯順街1號屯門市廣場1期3樓3233號舖味道指數：⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐食物推介：子供灸燒豚肉拉麵 (配橙汁)供12歲以下小童選擇；送免費玩具一件 $55灸燒豚肉味玉拉麵 $88等候時間：0分鐘屯門霸嗎的環境非常有日本特色，彷如置身日本的拉麵店，所以不用飛到日本也可以嘗到日本正宗的拉麵，霸嗎是非常好的選擇。客務員的態度非常友善。今次點了兒童餐給囡囡，兒童餐有一碗細燒肉拉麵，加一杯橙汁，另外再送一件日本玩具，只需要55元，非常之抵吃又好味，真是值得推介給小朋友。另外，我點了炙燒豚肉味玉拉麵，湯底團味非常濃厚，用料十足，炙燒肉大大塊又夠厚，肥瘦分明，口感念香軟彈。另外，麵可以選擇軟身、一般、和比較硬身，適合不同人的喜愛。

自從去完日本🇯🇵旅行兩隻化骨龍就愛上左食拉麵🤭今次帶佢哋嚟試吓呢間日本拉麵品牌 廣島過江龍拉麵🍜餐牌仲有兒童餐拉麵選擇唔使share 一人一份 仲有朱古力同橙汁佢兩個食得特別開心😂辛辣炙燒豚肉味玉拉麵🍜 $98炙燒豚肉每咬一啖都滲透油脂香味玉子流心蛋好好味 湯底豬骨湯 濃而不膩拉麵可以自行選擇 軟硬適中度我揀咗適中 食落爽口彈牙而且拉麵都好掛湯 唔錯👍🏻子供炙燒豚肉湯拉麵🍜 $58濃底係濃郁嘅豬骨湯 濃而不膩配上紫菜 粟米 炙燒豚肉 （其他配料可自行選擇要唔要）拉麵份量啱哂小朋友 仲跟杯橙汁同朱古力🍫小朋友食得好滿足 連湯底都比佢飲哂就知😅🤣子供醬炆雞叉燒拉麵🍜 $58相比炙燒豚肉 呢碗炆雞叉燒拉麵無咁肥膩可惜雞肉比較遜色 如果再揀都係嗌返豚肉拉麵好啲🫠唐揚炸雞(5件）$35炸到外脆內軟 肉汁鮮嫩 配啤酒一流🍻霸嗎拉麵 @bariumahk 📍 屯門屯順街1號屯門市廣場1期3樓3233號舖📍 尖沙咀金巴利道26號地舖📍 中環德己立街22號地舖📍 赤鱲角暢達路1號香港國際機場機場一號客運大樓 (禁區)東大堂7樓7E162號舖#霸嗎拉麵 #屯門市廣場 #屯門拉麵 #日本過江龍 #拉麵 #兒

昨日放假休息，帶了阿晴去屯門玩具反斗城，玩一玩，看一看，摸一摸，很快就過了一小時，不過最後都沒有收獲，沒有買玩具。反而肚子餓了，隨即到附近的餐廳食午餐。霸嗎拉麵，位置屯市三樓，十分近，而且是日本正宗拉麵，一於拖着阿晴入去食午餐。人均消費$123。炙燒豚肉味肉拉麵 $95湯底濃郁，豚味豐富濃厚。炙燒豚肉片厚度有份量，肥瘦橫膈分佈，口感鬆化軟嫩。糖心蛋內裡流心美味可口。麵條彈性有咬口。沙拉唐揚炸雞 $38外脆肉多。肥大飽滿。一碟6件左右，襯熱食，脆口滋味。沙拉野菜炸餃子 $38皮薄如紙，乾脆微硬，一兩口就食完一件，大小適中，配有沙律醬，開胃小食。米雪糕 $28第一次食米味雪糕，當中帶有微量米粒，頗為特別。雪白如雪，冰凍幼滑。柚子雪糕$28有點像雪芭口感，清甜可口，食個不停。粒粒橙汁 $20

之前經過尖沙嘴分店 已經好想試試霸嗎拉麵但太多人 所以放棄左今日係屯門市中心覓食 見到霸嗎拉麵就好開心唸著終於可以試到味啦當時冇人排隊 我同男友就拎左一張二人飛都等左十分鐘啦 都唔見有叫飛啦 後面有位客人冇拎飛就直接入左去等位而裡面既職員都直接帶左佢入座我地o曬嘴 後到先入？打尖？可能個位客人唔知要拎飛啦或者見唔到我地等緊啦但店內同事唔係應該要叫飛先再帶冇飛既客人入去嗎？！好無言 但都見到開始有客人走有台可以入 我地都向前面位客人咁 行入去話「兩位」佢地就同我地講「出去拎飛等..」🙂🙂🙂 各位之後想食霸嗎拉麵既朋友仔記得唔好咁乖拎飛等啦 💪直接衝入去會快過拎飛架🙂🙂