拉麵Jo (Closed)

成日經過都見一家大細食呢間拉麵JO，一般拉麵舖嘅感覺都唔太適合小朋友，但呢度唔同，仲有個兒童餐幾得意㗎😆是晚同朋友黎食，有二人餐，有啤酒買一送一，仲有個13周年記念祭特價餐牌，一時間真係唔知點咩好添，太多選擇😅⭐特製蒜油豚骨拉麵朋友叫左蒜油口味拉麵，湯底濃稠黏口，超強嘅豬骨味。⭐特製魚介豚骨拉麵自己嘅魚介豬骨湯都好濃味，但無朋友碗咁黏口，多左啲海鮮的鮮味，個人偏愛呢款湯底多點😍⭐蔥花牛舌咬落爽口，脆脆嘅口感好好味。⭐鐵板安格斯牛扒上枱時個鐵板滋滋響，散發出陣陣肉香，牛扒肉嫩美味😋⭐御好燒個人喜好鍾意食日式燒餅，呢度煎得香脆，椰菜下得多，最正係多醬🤤⭐炸八爪魚呢樣有啲失望，未炸透心啲魷魚仲好濕，唔夠脆身。⭐無糖可樂 & Sapporo 二人餐仲有飲品，啤酒杯有雪凍的，有誠意👍雖然叫左兩碗拉麵，但佢地各有各特式，叉燒、麵條都唔同㗎，連隻溏心蛋都係一隻味付一隻原味，食得出店家有用心配撘😘

拉麵Jo 位於Yoho 一期，以開放式木系設計，餐廳主打豬骨湯拉麵，座位寬敞坐得舒服，職員服務唔錯，出餐時間都快。————————————♥———————————- - - - - - - - - - - - - - - - - - - - - - - - - - - - -♥️ 特製蒜油豚骨拉麵 $98湯底淡淡蒜油香，豚骨肥瘦適中，好入味，一啖咬落去啲油脂出晒嚟，口感好好。♥️ 特製低溫叉燒沾麵 $118賣相幾吸引🤩，碗邊圍著4塊叉燒，麵條比較粗身，沾上濃郁既湯底，味道唔錯。♥️ 蝦餃子 $80蝦餃子一碟5隻，蝦肉結實彈牙，加埋蛋黃醬味道豐富。♥️ 蔥花牛舌 $30牛舌薄切爽口，而家做緊周年優惠，原價$78既牛舌，差唔多4折既價錢就食到，值得一試。♥️ 巨峰乳酸梳打 $28濃香巨峰提子味配上酸甜乳酸味，甜度岩岩好，解渴一流。♥️ 日本蜜桃汁 $32第一啖飲有驚喜🤩，入面竟然有果肉，清清甜甜幾好飲。- - - - - - - - - - - - - - - - - - - - - - - - - - - - -————————————♥———————————

嗌左份丼飯set，溫溫的唔熱。牛肉好少及乾身，食完面頭幾塊發現下面嘅飯完全冇淋到汁，純粹只係high到啲顏色，根本冇味。問可唔可以比啲牛丼汁，比左好鹹嘅豉油，都將就食完。中途有肚痛一次，但係冇唸多又繼續食。結算發現有加一，都唔緊要，但係好討厭加一仲要添零，咁自把自為嘅？幾毫子當跌左都唔緊要但憑乜嘢理所應當落你袋？食完番去中途又痛過幾次，但都冇唸過係呢間嘢嘅問題。之後就斷斷續續痛左成兩粒鐘......一開始都唔sure係咪腸胃問題，個肚又絞唔停，之後先發覺係食物未消化完痾唔出局住痛，兩個鐘消化完痾清就唔痛了。幾個鐘內都只食過呢餐，真係冇辦法有其他懷疑對象了。唔會再黎，都唔會叫身邊朋友黎，咁差真係遲早執笠！

拉麵Jo (元朗)元朗元龍街9號形點 I L1樓1072號舖今日嚟到元朗YOHO MALL呢度試吓呢度嘅拉麵同埋新出嘅壽喜燒日本和牛壽喜燒鍋$98壽喜燒嘅味道十分濃郁，日本嘅黃牛肉質鮮嫩牛尾非常之重，再加埋索晒汁嘅豆腐同冬菇😋😋令人食到停唔到口，牛嘅份量亦非常之多呢個價錢嚟講係性價比高😆特製蒜油豚骨拉麵$103湯底係濃郁嘅豬骨湯、再加上蒜油簡直係香味誘人😍😍豚肉非常之有咬口，再加埋溏心蛋一齊食，簡直係冇得彈😋

今次食拉麵Jo ❣︎ 好特別嘅名，寫review嘅時候搵咗陣先知佢叫咩名👀喺YOHO行咗陣都唔知食咩好，見到呢間有位，決定入去醫個肚🩺佢哋嘅套餐以YOHO啲餐廳價位嚟講算係抵食，一分錢一分貨，味道中規中矩，行過好肚餓嘅話可以一試💁🏻‍♀️✂︎-----㋖㋷㋣㋷線-----✂︎1️⃣ 低溫叉燒醬油豚骨拉麵呢個賣相幾有驚喜！成個碗俾一圈叉燒圍住，幾好睇👍🏼但啲叉燒太薄了吧，都透到見到碗邊啦😿呢碗味道正正常常，但冇咩出彩嘅點，可接受👌🏼2️⃣ 滑蛋豬扒飯呢個都係個正正常常嘅滑蛋豬扒飯，真係冇乜特點⋯⋯至少佢唔難食係好事？不過咁樣要求好似有啲低😂✂︎-----㋖㋷㋣㋷線-----✂︎佢哋嘅套餐包一款小食同嘢飲，算抵食嘅，只能話佢冇咩閃光點，有啲難令人記住佢/二訪😕可能下次午市行經YOHO，其他鋪都好多人嘅時候會再食呢間啦～

後悔 食完只有無盡既後悔 未食過咁難食既拉麵 價錢味道成反比！🤨係yoho 行下諗住食間正常拉麵 搵到呢間 奉勸各位未試既唔使試🤬第一次食 無好期待 諗住正常普通都ok叫左二人餐 蒜味 同 蟹 拉麵點知第一啖普通 食多兩啖已經食唔落🤢完全淡口無味麵質一般勁油第三啖開始想放‼️🤮小食除左炸雞正常 蝦餃子都係伏黎！🤯飲品可樂檸茶。。😮‍💨職員招呼就幾好 不過食品輸晒。。咁樣二人餐$3xx 真係去食個米線都重開心d.. 以後唔會再食。🤬🤬🤬🤬

在形點I行商場，下午茶時間肚餓，跟老婆入左Jo拉麵食野，人少少，但願來人少也可以漏單，趕頭趕命整好送到黎，但係原來係求求其其煮，沾麵水準太硬，簡直垃圾，太令人失望

💬好耐無食過拉麵丁〇，都真係有幾年嘅事，近期去到元朗見到有套餐，拉麵🍜連埋小食同飲品🥤，都算經濟同實惠，味道算係不錯🍜———————————————————————————🥢特製蒜油豚骨拉麵🍜配雞皮餃子🥟💬當然要試試蒜油豚骨湯，配上粗身麵會容易掛湯，仲有竹筍同紫菜，加上豚腩腍滑，感覺幾好🍜.🥢特製雞白湯拉麵🍜配炸雞🍗💬有白雞同豚肉鋪滿碗邊，非常豐富，雞白湯濃郁，配上幼麵，都好細滑，間中一試會無豚骨湯咁膩🍜

🍜麵食愛好者今日突然想食 #沾麵餐廳細細以全開放式木系設計，選擇唔太多主要係湯底唔同。好彩一早去遲少少都要等位🫣〰️〰️〰️〰️〰️〰️〰️〰️◽️特製沾麵麵質似幼身刀削麵+拉麵非常彈牙有咬口，份量有唔少薄切豚肉肥瘦適中又嫩腍肉味重又有點叉燒味幾好食~沾麵湯内有筍同洋蔥口感有層次味似味噌湯，非常濃厚但唔膩略嫌湯質唔夠厚實難以沾上麵整體唔錯，值得一試😉◾️雞皮餃子外脆內軟食落飽滿又juice咬落雞皮唔算厚又唔太油膩👍🏻◽️炸八爪魚球普通章魚丸，八爪魚有點細粒整體粉粉糯糯還可以~◾️巨峰乳酸梳打+HKD8可升級乳酸飲品🥤香甜巨峰味偏濃淡淡清香乳酸味配上梳打夏天飲爽！〰️〰️〰️〰️〰️〰️〰️〰️

呢碗拉麵絕對啱我個人口味，湯底味濃郁但不會太油膩，麵條軟硬適中，如果拉麵配料可以多d就更好，雞球鬆軟香脆，巨峰提子梳打甜度啱啱好，坐位也坐得舒服，整體都算滿意。

平時次次路過都見到滿座要等位難得今日早咗啲 唔洗等仲有位揀即刻要試一試～主動俾小朋友餐具好抵讚蟹湯真係有蟹肉麵底特別彈牙好食啲麵沾起啲黏嘴嘅蟹湯 值！相反白湯同埋跟餐炸豬扒飯就比較失色白湯嘅麵底同蟹湯唔同蟹湯係跟彈牙真拉麵而白湯似跟即食麵 淋身無口感炸豬扒面頭啲蛋好乾 唔食都唔可惜見到日式煎餃做週年優惠點知中伏 同我認知嘅日本煎餃好大出入唔薄皮窄身幼長juicy嗰種而係似鍋貼 皮厚大件嘅煎韮菜餃真係估佢唔到！

拉麵Jo，經過yoho唔知食咩又想過下拉麵癮，就去咗呢間鋪試下。兩人去，咁啱見佢有個兩人餐，就一於試下，$298+10%，可以揀佢餐牌上兩款拉麵+兩款小食+兩個野飲，睇過如果單獨嗌嘅話，個餐真係相對上會平好多，就試下佢個餐。首先叫咗佢個魚介豚骨拉麵+特製豚骨湯拉麵，湯底正常，但食得出佢並唔係出邊拉麵舖咁樣純天然材料熬製，特別係魚介湯，應該係用好多粉溝出黎，不過黎得食就預咗，所以都okay。佢啲配料都幾普通，唯獨係啲叉燒都幾好食，蛋就好垃圾。小食叫咗蔥花牛舌同煎餃，好普通，不過不失，其實可以唔叫都得。整體黎講好普通，唔需要俾呢個價錢食呢個質素嘅拉麵，完！

成日喺yoho蒲 每次晚餐都真係覺得揀無可揀前幾日要食晚餐 見到大部份餐廳都要排隊拉麵𝗷𝗼無乜人 諗起好耐之前食過一次無乜特別就再試下有無變啦一入到去俾人安排咗側邊嘅座位 點知舉極手都冇人發現 等左一陣先落到單-_-🍂晚市二人套餐- 特製蒜油豚骨拉麵 正常味味嘅拉麵 個人覺得偏咸 除左有叉燒 仲有一塊煮到幾腍嘅豚肉 其實幾 好食可惜只得一塊- 特製沾麵 普普通通 無記憶點- 明太子煎蛋個樣似玉子燒 但蛋層分離 味道不過不失- 蔥花牛舌同menu入面嘅相都幾不符真實好薄 食唔出牛舌嘅味道 反而似普通蔥花炒牛肉💡應該唔會再去 味道真係好普通 質素同服務似快餐店 但價錢偏貴

叉燒幾薄幾嫩，筷子夾起會斷。睇個人喜好，鍾意厚切嘅未必啱。雖然薄切，但係份量OK，唔會太少。蛋係正常流心。湯底夠熱，雞白湯味道幾濃厚，拉麵都掛到湯。唯一係食到最後，無晒拉麵得返湯，覺得好多蔥。如果唔食蔥可能要走蔥/少蔥。夜晚8點左右去到唔洗等位，不過9點後得返外賣，無堂食。唔知係咪上一枱走嗰陣已經抹咗枱，唔會特登坐低前再幫你抹枱。又可能平日樓面人手比較少，落單/搵人都要等得比較耐，不過坐低會有杯水，而上菜速度都正常。

香港拉麵多，但要食日本人煮理既先夠正宗好食😋又可以掛住思鄉情RamenJo❤️連續獲得米芝蓮推介既拉麵店Yoho mall 第三分店 提供更多種類的美食，例如: 沙律，小食，不同囗味的拉麵🍜不定期推出限定❤️食拉麵我一定係要食豬骨湯底😋味道濃厚剛剛好，一試愛上啊另外叫左章魚小丸子🧆，一碟六件同埋蔥花牛舌，牛舌，好欣賞好嫩一啲都唔老✌🏻除左今次食呢拉麵，仲有好多款口味的拉麵及沾麵選擇，而豬骨湯底花了10多小時熬製，濃而不膩。必試推介特製低溫叉燒麵❤️喜歡推介記得幫我按⬇️Follow & like & share