拉麵台風 (Moved) New Location

之前見到呢架拉麵店，成日好多人排隊，但今次星期日下午去，好彩都唔算多人，等左15mins左右就可以入座了👍🏽廚師係日本人嚟嘅，成個感覺夠哂地道～仲可以自選面嘅份量、醬料多少、有無蔥花今次試左魚介豬骨湯拉麵&伊台風（蕃茄湯底）兩個嘅味道都唔差，不過蕃茄湯底可以濃少少～每碗都有兩片叉燒+半隻流心蛋+荀～個人最鐘意拉面，夠粗夠彈牙，好好味😍拉面嘅份量好足，女仔應該食75%都夠，男仔一碗都夠哂飽！總括嚟講，值得一試😜

晚飯時段， 又係排隊排一個鐘嘅時候， 排隊期間已經可以選擇 食物 我就選了一個期間限定。 進店後坐在面向牆邊的桌子 拉麵有兩個公仔麵的分量 叉燒也有三塊， 唯獨是太多細蝦， 個人比較不喜歡， 但整體感覺也不錯。

睇過好多關於荃灣拉麵食評，其實荃灣咁細地方，已經有成6，7間拉麵店，真係只有一間可以日日都咁多人排隊，真係唔試唔得..我特登在他們關門前半小時入去，真係無需排隊，但限量的麵已經賣完，睇餐單，食物選擇只有4款，其實唔多，有個湯麵，有個撈麵，咁我地2個人，當然一人一款啦，有樣野值得一讚，就是侍應，有非常好服務，見到我地有點唔明，就立即過來講解約10分鐘，拉麵到賣相好正，味道湯底好濃厚，但拉麵我感到硬左小小，可能唔係我口味，其他配菜都好味，店內唔需加一，價錢抵食，難怪咁多人排隊。

屈指一算，2019年1月剛好是我blogger生涯十週年。從當初只在「開飯」寫文，到現在主要在Instagram發放美食照片，我不諱言寫文熱情已經大幅減退，但有些餐廳或食物我還是很想用文字記錄下來，就像每年都有限定拉麵的拉麵台風。 去年是拉麵台風六週年，每年十二月該店都會推出限定拉麵，引來大批粉絲排隊，而且一年比一年多。去年因事未能參與，應該是我在荃灣店第一次缺席。今年本想早點來排隊，但來到後竟發現人龍已經排至近大河道巴士站處，真的嚇了一跳！ 幸好，後來發現友人叮爺原來已在人龍的較前位置，而且也多拿了一張點餐紙，我就不客氣的一起等待了。 台風在香港有兩家分店，分別是荃灣和旺角。2018年回歸東京再開了東京crab台風，今年順理成章以「蟹」作為週年限定拉麵主題，那就是Miso★Crab拉麵了。 等了差不多一小時終於可以入座，也剛好看到兩位元祖師傅伊東さん和馬場さん並肩作戰。 和每一年一樣，週年限定拉麵不設特殊配搭。看著一碗又一碗的拉麵煮好，感覺十分治癒。 我的Miso★Crab拉麵終於來到！賣相一貫台風等色，中間小圓球卻不是骨膠原，而是特別為六週年製作的「特製軟綿綿蟹豆腐」。 以蟹肉製成

試過香港好多間拉麵終於都係呢間性價比最高同埋最好味!真係好好味！每個月都要食一次好似變左慣性咁，食夠3碗麵儲底收據下次再幫襯仲會送多你一隻糖心蛋添！今次就試左個期間限定既-蝦x味噌拉麵. 另外仲加左$10 蚊試埋辣味芽菜.湯底好濃郁，就算係味噌都唔會太咸再配上蝦乾，味道真係好夾好鮮味.辣味芽菜就正正常常不過不失，唔算太辣麵量方面仲有得揀小麵，唔洗驚食唔曬唔洗$90 一碗咁出色既拉麵🍜真係食幾多次都唔會厭！！

第一次試食沾麵，令人難忘😍平常很多人排隊，晚上6點半到達無人等候就去了試一試，無令人失望湯底非常濃郁，很濃的魚味不會有腥的味道而且很大碗，麵質根據個人喜好選擇叉燒非常厚，還有糖心蛋非常入味下次一定會再來吃😋

突然心血來潮好想試下呢間拉麵店，唔知點解係荃灣住左十幾年都冇食過！🤣每一次去到都見到好多人排隊，今次都唔例外😂等左十個到終於可以入去食啦😊我同我朋友都叫左個魚介豬骨湯拉麵🍜個湯底好濃，不過我略嫌啲拉麵有少少硬唔夠軟身🤔個人覺得個流心蛋好好味😋我同我朋友都係叫左普通麵底，但份量好多，好夠食😎同埋個拉麵入面係包有兩塊既肉，都係大大塊🤩整體黎講都覺得係物超所值的！咁既價錢竟然有咁高質既拉麵，不錯👍🏼

呢間野我都可以話係睇住佢大，從佢簡陋既裝潢到現在有埋分店，好感動。最好既係佢地到依家都keep住日本人嚴謹既態度，店長仍然係日本人，會落手落腳自己整麵，四個麵我都食過，最鍾意食佢個塊炙燒芝士叉燒，厚得黎又夠炙燒，好好味！佢最出名既魚介湯都好正正子！

以前到依家已經食過無數次都仲係咁好食，每次去都係食骨膠原撈麵自問都食過好多間拉麵店，但其他食完都唔會重複食咁多次，不過每次都覺得台風好食d麵既份量好多，相對黎講一碗麵既價錢其實算平如果胃口細既又可以選擇份量少d，醬油、配菜又可以揀份量，不過以前未裝修前係可以揀麵既硬度，唯一可惜既係依家無得揀同埋服務一向都幾好，不過以前仲更加好，如果你長頭髮會比橡膠你綁頭髮。

一直都想食呢間 但之前成日都見到好長龍 就放棄左但因為今日落雨 所以好好彩冇人排 一去到就有兩個位位既前面會有啲拉麵介紹同食法 啲畫得好得意🤣我地分別叫左魚介豬骨湯拉麵同沾麵 麵既份量都揀左正常黎到就發現原來拉麵分量好多 如果唔係好肚餓或者本身細食既 其實要輕量應該就夠👍魚介拉麵個湯底都好濃 一開始會覺得好鮮 但食食下就有啲咸 佢既蛋都好好食👧🏻沾麵個湯就要留意返 係有啲辣既 但我覺得都幾好味 但沾麵既肉比較碎 唔似拉麵既肉咁一大塊 有肥有瘦👦🏻

荃灣-拉麵台風：沾麵（hk$83)一個人的午餐，出事啦😂見到menu紙上，麵量有得揀50%/75%同成場都係男人多，都唔醒水，照揀左普通麵量，一上枱就比個份量嚇親，勁勁勁大碗😯，連肉碎都係巨量，塊叉燒就巨型，仲有半隻溏心蛋、筍、紫菜、蔥同沙律菜!!! 但不諱言賣相真係好吸引🤩！-飲一口熱到出煙的沾麵湯，非常濃郁，是偏杰的湯，而麵條據說是依正宗沾麵做法，是凍的，把冷麵條沾上湯，掛湯能力不錯，粗麵條非常非常有口感，粗身偏硬彈牙，完全是我的愛，於是我的戰鬥力立刻升至100，仲要難得d麵條由頭到尾都無痴埋一注，讚！-塊叉燒同肉碎睇落有點乾和鞋，點知食落都好淋，原來叉燒不可以貌相。食到一半我加了檸檬汁，解解膩，而且個湯會變了另一番風味😃然後店員又幫我加了熱湯。最後，我食哂、食哂、食哂😱😱😱😱😱我覺得正常女仔都好難食得哂囉...可能我真是foodie的料☺️食完又要用意念減肥法減肥了。-PS 睇門口介紹的報導，呢度由日本拉麵師傅主理PS 個麵條原來都大有來頭，難怪深得我心PS 午餐送野飲+半份配料超抵（好彩無加😂）PS 同場仲有拉麵同撈麵選擇

因為中午食飯的關係，所以都等左陣先有位。點餐紙可根據自己的口味來點餐，例如：麵的份量，口感和醬汁的份量等。魚介豬骨拉麵：有半隻雞蛋，紫菜和叉燒等。份量都不少，絕對飽肚。

對食拉麪一向興趣不大，嚟到荃湾見呢間麪店大排長龍，試吓有乜特别。叫了魚介豬骨湯拉麪，湯味濃郁，义燒相當腍滑，鷄蛋味美流心，拉麪彈牙軟滑，豬骨味香浸入麪內，水準相當高，份量十足，的確非一般拉麪，令人回味。

未試過台風既沾麵，今次試就試下佢！沾麵每日限量得30碗咋。份量一樣咁大，正呀！🤩岸哂大胃口既人🤩但今次個溏心蛋熟左啲呀😕幾鍾意台風既叉燒👍🏻湯方面，因為沾麵既關係湯係會比較濃。同湯拉麵既味道差不多，不過係比較濃味。麵條夠粗，掛海👍🏻👍🏻🤩個人比較喜歡海拉麵，下次食返海拉麵lu

若果係荃灣又好想食拉麵，唔洗諗我一定係揀佢😋因爲住係新界西區，返工係荃灣，又好喜歡拉麵！😻所以成日都會食台風。如果新界西我個人認為元朗既一間小鋪拉麵最好食🤩不過我幾鍾意台風既湯幾結，係濃既豬骨🤩最讚係佢既叉燒，厚，但好鬆化！👍🏻仲有溏心蛋，我每次都一定追加多一隻！😻麵條粗身，較掛湯而且有小小彈牙😋整體唔差，價錢唔貴！仲好大份！不過好似差咁啲野，冇咩特別就唔會專登去喇🤨