旦王花 - 泰越鍾情

Open Now

Now Closed

上星期睇完無線套單戀雙城，見到馬來西亞間餐廳環境好靚好舒服！朋友話間餐廳其實响香港取景！於是趁今日情人節，同一家人去感受一吓氣紛！我晚上6點正去到！4個人安排我哋坐6人檯，非常舒適！我哋點咗: 原隻菠蘿炒飯 ~ 料多，好菠蘿香味！炭燒豬頸肉 ~ 爽脆可口！炸蝦餅 ~ 皮脆，好多蝦肉！沙嗲串燒雞肉 ~ 非常好味，雞肉有肉汁！馬拉盞通菜 ~ Ok！印度咖哩牛腩 ~ 椰青 ~ 青甜！所有餸菜非常美味！我最愛推介印度咖哩、蒜蓉薄餅！環境靚！食物正！

早一星期預祝情人節真好，唔駛同人迫。星期日未到6:30已經去到餐廳，鋪頭無乜 人，我同虾子餅4圍影相，侍應都好主動幫我影合照，服務態度非常好。胡椒中虾，蝦肉脆又夠乾身，正。👍馬拉盞桶豪煲，好香，蠔好入。👍馬沙拉燴雞，加薄餅，絕配😍，唯一挑剔是雞肉太老。😞全單$400+$20泊車，絕對是假日好去處

今年生日多得好朋友細意安排帶我去一間頗有特色餐廳慶祝 ， 餐廳位於元朗錦上路，都唔係好難搵啫，仲有代客泊車服務，非常方便。 落車望一望四周環境，有置身於東南亞resort餐廳一樣，隨即感覺到似曾相識......噢！古天樂、高圓圓 - 「單身男女」！ 之後幾晚睇「單戀雙城」𠲖！！乜陳茵微喺檳城做嘢間酒店餐廳又 ......， 原來呢度係取景勝地 ！ 餐廳環境確實一流簡直係石屎森林之中嘅綠洲。 從停車場入用餐地點沿路有特色露天擺設，有好多餐枱於帳篷下面; 再走入就會見到正中有一玻璃屋，作為室內用餐位置、類似泰國海鮮檔、印度薄餅烤爐、燒烤爐等。客人可一邊睇海鮮一邊睇啱就落order，店員耐心介紹不同煮法、配搭。馬拉棧桶蠔： 桶蠔size較細隻，表面撲得太多粉，食落有一層粉漿，配料有好多包括青、黃、紅椒、洋蔥、大葱等，馬拉棧有粒粒蝦米碎，可味道太重完全蓋過蠔嘅味道，呢個配搭麻麻地咋。蒜蓉牛油燒大蜆: 蜆燒過後味道鮮甜，連埋蒜蓉牛油汁一齊食更香濃，再加埋泰式汁食非常惹味。紅咖喱雞: 紅咖喱汁顏色好深酸酸地，裡面有泰式小茄子，而雞比較特別係類似白切雞，同其他餐廳做法不一樣。烤薄餅: 一客份量都

年初三同朋友去完林村, 一行6人順道入元朗搵食~之前同事推介呢間"旦王花",話係"單身男女"古天樂同高圓圓約會既餐廳~而且價錢大眾化,環境一流~一於去試試~!我地book左6點, 不過塞車遲左6:30先到, 果度要搭開車或的士入去,又或者巴士64k(大埔墟開出,八鄉東邊路落, 一落車對面就到), 環境一流!食物味道整體來說都好食!但服務態度就一般..開頭6:30到d野食都好快上菜, 但之後可能太多人, 我地第2round 再叫d野食成45mins都未到, 中間催左1次,都未到...最後決定取消果2碟...-___-", 另外想講d侍應態度麻麻, 個女侍應D語氣係好似唔想同你講野咁,拿口拿面... 不過試過一次就算, 始終個位置對我黎講都太遠了。 

坐outdoor環境一流, 超好feel, 又可以帶狗仔~叫了:小食拚盤($188拚盤包括咗：炸蝦餅，炸蝦片，沙爹牛同雞，春卷，南瓜天婦羅)柚子沙律 薄餅 咖喱牛 胡椒爆中蝦 [$108約6隻中蝦, 好味]馬拉炒菜苗 鐡板西冷 [$108一塊, 好味, 5成熟都燒得啱啱好]炒飯 食物價錢同質素OK, 5個人叫咁多野食連+ 10% & 拍車每人約$200~ 咁嘅環境情調, 值!!如果拍車時間(係張單到計)同代客拍車($20)唔收錢會好d, 因山長水遠黎捧場~

第2次去呢間餐廳，第一次去因為電影單身男女電影古天樂的關係。。所以比吸引左去原來環境靚，野食都一流因為通常會食物係被忽略的！哈哈代客泊車都幾有禮貌，$20泊車都底比啦，講真出面食個飯泊出面停車場都唔止搵餐飯食下ja!!!我個時係九龍城比人代泊都貴成倍所以我覺得幾合理！食物都幾多款選擇，最喜歡都係燒海鮮，勁新鮮拎上黎！問職員話係每日新鮮入貨所以好生猛岩哂我d胃食人燒魷魚都好正，配海洋汁，真係好似台灣夜士個d原汁原味咁上！燒烤部雖然係等得耐d.但都值得一等！始終即叫即燒！

開飯啦，今次影足哂所有餸菜，因為住得比較近，好似飯堂咁開飯燒烤真係好好味，所有的食物都預先調味過，鎖住肉汁！燒金沙滑，雞翼，牛油焗菇、燒茄子、燒牛仔骨都係去自己選擇材料叫員工燒，即叫即有個泰國人幫你燒牛尾煲一黎肉妏得好淋，送飯都送左2碗，自己屋企都無可能整到蝦醬飯好煙un，我成日去其他歺廳都唔夠呢間好味，印度薄餅必食，用石爐燒的，加一個咖喱叫MaSAla，我包保一定食過翻尋味！好正宗的泰國，印度廚師整，用心去做菜、服務又好，係我點都要第一次寫的食評！底讚

叫咗個拼盤，盛惠$188，都有D期望。炸南瓜，南瓜很薄，炸粉卻很厚！炸粟米是一粒如牛丸般大的粉團，裏面只有幾粒粟米。串燒豬很＂鞋＂兼有點變壞的酸味。蝦餅算正常，但其中一兩件亦有變壞的酸味。 黃咖哩雞，大部份是淨鷄皮，細細碗裏面已經有2隻鷄翼尖，鷄肉很困難才找到一兩件。 埋單時向職員"溫馨提示"關於食物變壞，回覆竟是一句"今晚好多人都有叫喎"...... 臨走詢問泊車事宜，知道是要收費$20，但居然打埋落張單，收埋加一！！！一次都嫌多！

友人特意訂了今天食飯,一入到黎就覺得呢到好有情調我地叫左野就已經好快到雜錦越泰式小食 推介程度❤❤❤❤❤(入面有炸蕃薯條,炸蝦餅,炬蝦片,沙爹串燒(牛,豬,雞),炸春卷,炸南瓜,好脆,又夠熱,真系即叫即炸,蝦餅又夠蝦味,好脆,沙爹串燒,牛雞豬都咁香同入味,炸蕃薯好甜,好脆卜卜,春卷入面粉絲,好特別)蒜溶蒸聖子 推介程度❤❤❤❤❤(呢個要一早訂定,無得就咁叫,個聖子好新鮮,好香既蒜溶味,好爽口)馬拉盞炒通菜 推介程度❤❤❤❤❤(好香馬拉盞味,D通菜又夠爽脆,吾會太林,好新鮮)蒜溶炒椰菜苗 推介程度❤❤❤❤❤(呢個炒得好脆身,又好入味,好重蒜溶味)青咖哩雞 推介程度❤❤❤❤❤(呢個會有少少辣,但OKAY既,可以接受到,好香香葉味,配埋薄餅一流!!)紅咖哩豬 推介程度❤❤❤❤❤(呢個少少甜,好正,又夠入味,配薄餅食都系一流)回頭指數❤❤❤❤❤❤❤❤❤ 9分 (10分滿)外表♛♛♛♛♛味道♛♛♛♛♛環境♛♛♛♛♛服務太態♛♛♛♛♛氣氛♛♛♛♛♛上菜速度♛♛♛♛♛衛生♛♛♛♛♛情侶必到處✓✓✓✓✓♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥

跟老公心情靚靚去遊車河, 先遊去元朗市掃下街, 之後放棄去食特長壽司, 改去旦王花, 為的是想去看看友人介紹的好FEEL餐廳。地點不難找....去到有代客泊車服務, 埋單時吸飛就可以免費, 如果唔係就盛惠$20。差不多7點去到, 餐廳不滿, 我見大多是一班人去的, 2人的台好似只有我們兩。所以去到都不用等台, 服務員問我們是吸煙或不吸煙的, 我們說不, 她就帶我們到入門的門口位, 我的坐位望出就是大門。 但我的位置看不到出面的噴水池!冬蔭公大蝦湯 - 味道好一般, 酸/辣味都不夠, 也沒有蝦的鮮味!生菜肉碎 - 肉碎過份的咸, 吃兩口不能再吃! 我老公說我煮的好吃得多! 這麼簡單的菜式也出現不能接受的錯, 可想廚房是沒心情做菜的!!牛油雞翼 - 中規中舉, 沒有特別, 炸得脆, 但沒有牛油味, 但已經算是最好吃的一碟了~咖哩牛腩 配蒜蓉烤餅 - 咖哩一般, 不夠香濃, 有點咸, 牛腩不錯, 炆得夠鬆軟, 可惜太大件, 要CUT開入口; 蒜蓉包一般, 蒜蓉味淡。

當還有座駕的時候，必然會開車四處找尋美食。這間餐廳方便在大帽山下來後找到，環境清幽，晚上代客泊車不用煩惱車位問題。說是正宗的泰菜確比不上九龍城，但質素尚算不錯。最重要是環境既浪漫亦舒服。肉碎生菜包，炒蜆，沙嗲串燒和青咖哩都值得推薦。濕炒河則是普通。肉碎生菜包辣味很足，生菜亦非梅爛，整體感覺新鮮回味炒蜆是一點驚喜，肉厚量足，十分惹味，而且有點中泰混合的風味。沙嗲串燒比比皆是，要做到肉不乾醬不膩確實不易，這裡是不錯的選擇。青咖哩是另一驚喜，做到色香味俱全。剛捧上來已經叫人垂涎三尺。相反我們點的濕炒河卻是普通，在一般餐廳已可嚐到。整體而言，若然有開車習慣，又剛巧會到大帽山欣賞美景，晚餐是十分建議在此訂位，不然這裡確實有點隔涉。

好友生日，好想黎呢間食野好耐，因為個view好靚，一黎到，又真係幾靚！我地一行九個人，坐係帳篷下面，但太暗了，完全影不到大合照，可以光一點會較好，今次我地總共叫左八樣野!泰式珍寶拼盤 - 有炸蝦餅、春卷、雞翼，可一試，夠大份，蝦餅夠脆，春卷一般，個味道怪怪地，雞翼唔夠味!牛油果軟殼蟹米紙卷 - 其實好普通，唔特別好食，軟殼蟹大凍，好硬，唔掂醬真係好難入口!咖哩吵蝦 - 個咖喱汁一讚，但隻蝦好普通，又唔大隻，我估叫咖喱蟹應該好食d，但咖哩汁加烤餅一齊食確係一流!泰國鮮蝦金柚沙律 -酸酸地好開胃，鍾意食柚子不妨叫呢個，其他配料都好新鮮!醃肉碎生菜飽 - 好好食，肉碎醃味夠，生菜夠新鮮!串燒 -普通，無乜特別! 叫左幾個椰青解渴，但冇乜椰青肉食！總結也可一試，去之前其實問過朋友，佢地話越來越差，但我又鍾意試新野，自己去下，始終不同，不論食物服務態度等也值一去!

6:45p.m 到達，唔駛等位，泊左架車係停車場度有個人俾左張野我。兩個人點左青檸梳打，龍眼冰，紅咖喱雞，炒通菜，沙爹。咁旣環境，梗係想飲杯野，點知無wine無cocktail (Drink List 上面明明有寫)，淨係有啤酒。通菜半熱，雞沙爹好味，牛沙爹硬，沙爹醬好少唔夠點。最差係個紅咖喱雞，咖喱汁就幾多幾好味，但係得六舊雞，四舊係得皮同骨，淨番其中一舊好似手指甲咁大最最離譜係埋單個時先發覺泊車係要俾淺，20蚊，張單係寫代客泊車，但係我地係自己泊旣。埋單問佢地佢地話自泊都要俾。泊全日。有無人係個度泊全日呀？係錦田咁大個parking食飯要俾車位錢張泊車單寫明係“代客泊車”，重話背面有英文條文，背面係空白旣。

是日與友人到下白泥影日落，心情差極了，因為天空烏雲密佈，根本連太陽都看不見。然後友人再駕車到旦王花食晚飯，心情才好轉起來。這是星期五，幸好我們7時便來到了，否則不但不能於旦王花的停車場泊車，可能連飯都吃不到了。一來到便要求友人幫我拍照，因為這裡真的是環境一流並且很泰式風情，服務員全都是約二十來歲的男孩女孩，一開始便想這些年輕一輩的工作態度應該不會太好，可他們令我刮目相看了，不但有禮親切，而且很主動的。晚飯點了香辣魔鬼魚煲、紅咖哩豬、蒜蓉薄餅、沙嗲串燒雞，大話七、生薑蜜及香芒黑糯米。來了香辣魔鬼魚煲，香、辣、配料夠，而且魔鬼魚非常彈牙入味，正呀！紅咖哩豬，充滿泰式地道菜的惹味，點蒜蓉薄餅可謂一絕，我們連洋蔥、泰國茄子都吃光啊。可惜豬是普通豬肉並不是豬頸肉，否則可以再度加分呢！沙嗲串燒雞，雞肉沒有太過乾身而變得「鞋」口，但沙嗲醬就是普通的沙嗲醬…我們發現點咖哩汁後味道更好。飲品是大話七、生薑蜜，大話七即華梅加七喜，友人說：「我一向都飲華梅加可樂，未試過梅加七喜，很特別啊！」我說：「華梅一向都加七喜，你飲華梅加可樂才特別！」生薑蜜的薑味很濃，喝下有一種暖胃的感覺，加蜜糖後中和了辣味，配泰式小

這店我多次光顧，今天晚上再開車過來，但是我對今晚的食物質素和服務都不太滿意。2位點了以下菜式：1）馬拉炒通菜：落單後不用5分鐘即到，賣相不差，但是碟是熱的，菜不是熱是暖的。頓時感到很失望2）青咖喱雞：賣相一般，咖喱汁太淡味，像蒲汁。窩是熱的，但青咖喱雞是暖的，太失望，立即通知店員要求更換（1、2）大約5分鐘左右再送回翻熱的（1、2），但碟及窩是很熱，我估計只是出入了微波爐一次罷了！3）濕炒牛肉河粉：賣相及味道不錯及是熱的4）原味薄餅：賣相及味道也不錯，只不過咖喱汁太淡與薄餅不太夾味整體服務尚可，作為食客基本要求是熱食夠熱，但我今次真是傷心極了，令今晚的慶祝增添了很多關於這菜館的話題！很難會再去！