旦王花 - 泰越鍾情

Open Now

Now Closed

早幾日同一班朋友再去呢間成年前去過既旦王花一去到唔使講野就叫左個馬拉盞通菜先(因為要等埋其他朋友)跟住就出去揀野食成班朋友e wa鬼叫咁揀最後揀左一條班(唔記得乜名=0=)元貝,牛扒,仲有幾隻大蝦(不過有d貴.........)跟手叫左個冬陰功仲有幾個送(咖哩雞之類)等埋d朋友黎就開餐講環境就一定係一流d野食亦都keep到水準今日既元貝仲好似特別大隻咁但唯一要彈既就係烏蠅太多.....最後埋單一人都要200幾但呢個味道加呢個環境我覺得耐唔耐一餐都ok

冬蔭公好鹹,仲以為自己叫錯鹹魚頭湯,最值得推介係泰式無骨鳳爪,佢哋唔單止做到完全無骨而且特別加送D鳳爪完全冇味係一個技巧,BBQ燒得好濕上檯時凍晒,佢哋亦能夠做到唔似BBQ嗰下緊要,厨藝真係神乎其技.最跨係埋單五個人可以成$2321有嘜可能,侍應仲覺得冇問題,經我們仔細CHECK單後,發現所有BBQ食物都DOUBLE計算,結果重複VOID單四次先搞到正確O既銀碼,但都仲要$1212所以建議各位三思後行會好D,有勇氣就去試下囉

o係錦上路西鐵站搭的士去約$22.環境幾舒服,播住音樂,都幾浪漫,適合情侶慶祝~但價錢比起一般泰國菜貴左d~牛油雞翼~(好似6隻)~都幾香口~味道ok炸蝦餅~(4件)~ 一般咖喱牛腩~一般蒜蓉包~(4件)炒雜菜~好似炒唔熟咁~牛油燒扇貝(2大隻)~好大隻100/隻~好貴甜品:芒果棷汁黑糯米x2芒果西米露

係網上找食店,其實對我來說是有D難度,因為我有D朋食飯要有水準,環境唔差,有洒飲,最好係還可以(飯後XXX)快活過神仙.這處見評論好壞參半,但可以快活過神仙,那就同朋友來一試,心諗泰國茶都唔會差得去邊.去到原要比二十雞泊一晚,但這是不好的,因為來得這裏食既客人我諗九成都係自已駛車來的,情原你溶在其他收費內,若不是會被人覺得比搶既感覺,先扣一分.環境一流,有泰國風味,有著輕音樂,非常之Relax同Romentic ,情侶必到. 經理同我地講週未還有Live Band 添,下次都要來試下.到食物『東陰公』,一般水準,可以接受『燒大眼雞』,燒得剛剛好,好耐未試咁好,但唔排除係好彩,但非常鮮甜『燒老虎蝦』,夠新鮮,彈牙,又係燒得剛好,我諗唔會兩次都咁好彩瓜整體上服務可以接受,佢地D人既介位改善下就可以.而環境實在'正'最後朋友們若不駛車,可以搭西鐵去錦上路站再轉二十蚊的士就可以到(下次我可能要,因法律收緊了,隨時要吹波波

上星期六(29/11), 本來BOOK咗7點, 但早到, 6點多已經到咗, 都已經有幾枱客, 我地兩個人, 坐水池旁邊, 環境同裝修真係無話可說.出去海鮮檔點海鮮, 海鮮檔同餐牌既分別, 就係當你見到d海鮮, 本來唔想食,都會變得好想食, 須然唔係游水, 全部都係冰鮮, 但個樣都幾吸引, 點咗 :- 蒜茸燒大帶子2隻 : 帶子好鮮味, 不會燒得太乾身- 燒魔鬼魚 : ok, 不過我唔太喜歡個汁, 有蒜茸味, 如果配辣味既可能會好味d- 燒鮮冬菇+雞脾菇 : 唔知點解, 阿姐又係加咗蒜茸上去, 已經有3款菜係有蒜茸啦, 佢地仲要係落勁多蒜茸嗰種, 食到有d反胃 - 半只泰式燒雞 : 係最好味既一道菜, 燒得好入味, 又唔"鞋"- 青芒果魚鬆沙律 : 都幾大碟- 1杯青檸梳打, 1個椰青服務態度都唔錯.總括食物只是一般, 並非會令人想再返去食的那一種, 只是試過就可以了, 我還是覺得city golf club的Thai Mary比較好食.

朋友話比我知，係錦田有間環境幾好既餐廳，以為係金壘餐廳。原來仲有間新既旦王花。一入到去，居然唔係免費泊車，要比$20大元，特登咁遠水路黎到，就係貪呢度D餐廳任泊唔嬲，最緊要係有位都唔比我泊!!算啦，D泊車仔態度唔好就算啦，果個RECEPTATION 塊面黑到好似包青天咁，又無禮貌，都算，見一入黎果個環境都幾好~~唸住揀番個靚位坐，帶位小姐又唔比我揀.....傻嫁!!打開個餐牌，都係D普普通通既泰國野，都唔知點解要賣咁貴，又係蝦餅，冬陰公果D，我樓下間泰國野都好過佢。。最攪笑係D樓面，D野食已經黎齊哂，我地又食完，D牙簽紙巾都放哂係食剩既野食度，即係唔要啦，點知佢收哂D野之後，仲幫我地換碟law.....= = .....有個中年經理，我地同佢講，我地冇野食喇，收左d碟佢啦.....佢居然黑面，又無禮貌....話 :等等啦！總結，食物一般，招呼9流，環境係幾好，不過都冇用，我係黎食野，消費者，出糧比你地果個係我地，點解要比氣我受呢~~我下次一定唔會再黎。!!!!

中秋節放假就同屋企人去食,好country side feel,入到去環境係唔錯,好似真係去左泰國咁...我地叫左好多野食...1. 小食拼盤,佢有春卷,蝦餅呀,南瓜粟米餅,同串燒咁,每一樣野都麻麻地,個拼盤好貴...但四樣野食冇一樣我想讚,特別係個串燒牛,好似食緊牛肉乾咁...2. 冬陰公湯,冇咩特別,可能係特別酸啦...3. 柚子沙律,好酸,好多炸蒜片,唔覺得特別好味...冇開胃o既感覺...4, 咖哩牛尾煲,我冇食牛尾,但d咖哩好似冇咩味,薯仔都係熟左先放入去,唔入味...5. 咖哩炒蟹,隻蟹就大隻,但個汁好似咸左d...6. 蒜茸包,都厚...冇咩特別...7. 蠔仔蛋, 好失望,炒得好濕,好咸呀...8. 燒牛仔骨, 正常,好厚...有味o既...9. 炒金邊粉, 我覺得唔掂,d粉有陣味咁...10. 蝦醬炒飯, 勁失望,我feel唔到有蝦醬味...over all黎講,佢只係得個環境可以呃得下人,野食真係有好多進步空間...我覺得要食返類似環境o既泰國菜,可以去元朗泰屋食,人地起碼有簿餅食...我諗我都唔會再去了...

第一次在openrice寫食評，不吐不快，環境的確１００分，但論食物，九道菜中找不出代表作，先叫了蟶子，蠔，大帶子，牛扒，炒雜菜，菠蘿炒飯，雞腳，生菜包，蝦餅．最吸引不外乎排列得井井有條的海鮮．黑板上寫明＄１０８一份蟶子，中途白紙黑字都可以變成海鮮價，結賬時竟變＄１２８，回頭一看黑板亦已改為＄１２８，如遇上不查單的客人，＄２２元不翼而飛．好在我們拍到一張黑板上寫明＄１０８的照，不至於「口同鼻拗」．他們亦原意更正單價．大大份＄２８０元的牛扒，竟變成碎上．．．怎樣給信心客人，証明你真的整份牛扒呈上？炒雜菜，挑選露筍要另加＄１９元，只有兩小條，不是大數目，加錢亦不是問題，為何一個普通的雜菜會為一丁點的配菜加錢，而不直接標價＄７９而為兩條小露筍標＄５８？明白這類餐館食氣氛，多於味道．其實他的蝦餅，燒帶子，蟶子都可以一試，其他屬不過不失，蠔不試也吧．肯定對我們而言，是一家「ＯＮＥ　ＯＦＦ」餐館．

一般泰國野食既味啦, 唔算特別~主打燒海鮮果d都算新鮮~但400蚊一個人就貴左d勒...環境就真係好靚既, 所以影左好多環境既相~大家都可以帶定相機去, 又食又影!!沙律 - 少辣白雲鳳爪 - 辣, 都幾好味冬陰公 - 酸辣, 幾好味!!燒扇貝 - 唔錯, 鮮甜燒大蝦 - 有膏咖哩蟹 - 我地食唔辣, 都OK, 但食蟹就麻煩D蒜蓉包 - 麻麻, 太大個, 唔夠蒜蓉, 唔夠"趣", 皮un芒果炒牛肉 - 麻麻, 牛無牛味, 芒果又無芒果味...燒牛仔骨 - 一般燒羊架 - 推介, 但可以再燒香d, 同埋再加一個好味d既汁甜品 - 麻麻Drink - 藍色果杯唔好飲啤酒

每年必定去一次泰國～而呢到個VIEW，泰正講真，係香港好難搵到Ｄ咁既VIEW！但因為地點偏僻，揸車搵左好耐先搵到！去到人地都差唔多收工！WAITER係咁傾計，講Ｄ野好似俾說話我地聽咁！可能太晏，海鮮檔收左而冬陰公一般啦，但個米粉炆蠏確係幾好味！不過埋單都幾貴...間唔中去下都可以！但係如果同另一半去就係一個好好選擇，對女仔黎講，淨係個景都SWEET都爆！不過記住要BOOK位同埋早Ｄ去！

地方有點偏僻, 友人駕車, 所以我選了這個地方, 嘿... 環境很好, 今日天氣很好, 不焗促, 還有圓大的月亮, 選擇室外用餐, 不過要等一下, 呵, 安排到酒吧附近等候, 主意不錯, 很自然的每人先點啤酒一杯, 約十五分鐘便有卓子了點 了 : 1. 我好喜歡的冬陰公 : 酸味辣味很合我胃口, 也沒見到表面有一層油 2. 札肉沙律, 汁很美味 : 不過如果比冬陰公先來比較好 3. 炒雜菌菜 : 不油, 菜也爽脆 4. 黑椒牛柳粒 : 肉很腍, 又有黑椒香味 5. 泰式肉碎炒飯 : 這個一般, 合格 6. 青咖哩雞 : 咖哩很香, 雞肉還可以, 沒有 "鞋拾拾" 的感覺 海鮮實在太貴, 一樣也沒點, 不曉是否心情影響, 雖然有點貴(部份是環境收貴吧), 這一頓晚餐還很滿足 服務可接受, 沒有很殷勤的服務, 也沒有 "黑口黑面" 的態度

一行九男女....又地鐵又的士...千里迢迢走入八鄉......一入門口已感興奮.....成班人低低能能地影左D扮旅遊相.....完全唔理其他人奇怪的眼光 (之後咪大把人跟風)......去到海鮮檔.....兩眼發光....係咁點...呢樣要...果樣又做....幾個人笑到痴左線....美食包括:長腳蟹腳 - 要黎燒.....一D調味都冇落....鮮甜味美...呢個係全晚最貴的...兩條蟹腳要成 $560...老虎蝦 - 咖喱煮...好大隻....啖啖肉....早知燒黎食....應該會好正.....但係咖喱又唔錯...另外叫左蒜蓉飽 (但係個飽太硬..又唔夠蒜香...早知要白飯算).....蟶子皇 - 豉椒煮....肉質好爽....有朋友話有沙...好彩我食唔到日本扇貝 - 勁大隻....蒜蓉燒....我覺得OK...但朋友話一般....雜菜 - 係海鮮檔自己揀...係一D比較特別的泰國菜...如: 泰國茄子 (圓碌碌果D)...椰菜苗....白茄子....等等....我地夾左一袋...亞姐話會用馬拉盞炒....可惜上到台...變左疑似茄汁物體....味道怪怪...(埋單至知呢碟菜要成

黎之前睇過食評，都唔預d野好好食，所以喺無乜期望之下，覺得都ok。燒蟶子(3隻)$128，好鮮甜鹽燒花螺(6隻)$88，都幾新鮮清邁牛尾煲$98，味道好好，但牛尾如果再焾啲就好啲炒通菜$58，正常水準加埋白飯兩碗，啤酒兩枝及一杯青檸梳打，仲有$20泊車(入埋單變相要加埋一即係$22)，埋單要$540，的確係偏貴，不過久唔久一餐都ok嘅

朋友生日，山長水遠四個人係荃灣搭西鐵再加的士入去，開頭見個環境都唔錯，當然你隻眼要過濾左附近d 吉櫃先，講番野食，叫左呢樣，份量樣樣細細碟碟:1. 金柚沙律2. 蟹肉炒飯 (蟹肉份量少，又無鮮味)3. 馬拉盞炒通菜 (呢個ok)4. 燒魷魚 (乾爭爭，點個汁又唔得)5. 蝦餅 (最失敗係呢個，d蝦肉無起膠，個人覺得係雪藏蝦整既，因為肉好削)6. 香芋糕/南瓜糕/千層糕 (服務差，叫左2件香芋+南瓜&千層各1，總共4件野，但係送左3次黎都係錯，重複幾次，但係3個待應都唔寫底佢，換黎換去都錯，幾驚廚房以為你玩佢加料黎你嘆)埋單: 460 無一樣野係物有所值，我唔係要物超所抵/抵食。收費唔平，但好食無佢份，最令人激氣係收你咁既價錢都係食d咁既野... 好食既泰國菜真係大把， 唔係朋友生日，一定唔去咁遠，講真個view 又唔係好得咁緊要，平房前面空地中間有個水池，食view 貴既去洲際 harbour side，平既就北京道1號潮樓，望住維港好過望貨櫃場。 九龍城有質素的泰國菜真係隨便入一間都唔會差得過呢間。再唔係觀塘街市，環境差但係價錢&食物都唔錯。

上星期五 (27-06-2008), Thxdtsdd 及同事們去了錦田的旦王花吃泰國菜, 之前有同事 book 了位, 他說這兒是受歡迎的食店, 加上地方較偏僻, book 定位會穩陣點. 當日 7:00pm 前已經來到旦王花, 人客並不多, 我們先揀海鮮類食物, 雖然不算很多選擇, 但都算幾新鮮! 之後, 我們再加了一些小菜. 我們約 30 人, 分 3 檯坐.分別食左:炭燒豬頸肉 (燒得幾香, 肉味也不錯!)泰式拼盤 (香口食物都做得幾好, 其中炸南瓜比較特別!)蒸扇貝蒸蚌炭燒鱔片 (鱔片好肥美, 燒得也剛好, 差不多全檯的人都讚好吃!)泰式鳳爪 (一般水平, 而且都幾辣!)冬陰公翅 (比較辣, 如果唔吃辣的人一定頂唔順, 魚翅都算多, 不過無啥味道!)開邊大蝦 (幾彈牙, 但唔夠肉味!)炒蟶子 (炒得唔錯!)燒墨魚 (燒得很好, 墨魚夠!)辣椒膏煮螺 (只有辣味, 吃不到螺肉的鮮味, 不算好吃!)青咖哩牛肉 + 蒜溶包 (咖哩很香, 牛肉不鞋, 配埋香脆蒜溶包, 真係 very good!)牛仔骨 (都是做得不錯的菜!)甜品 + 生果盤其實旦王花既環境真係唔錯, 幾有泰國 fe