旦王花 - 泰越鍾情

Open Now

Now Closed

食物好, 食左魚鬆沙律(一定要食), 燒大頭蝦(唔算貴, 街賣都有五十蚊隻成本, 只收160蚊, 佢都要賺錢, ok喇), 蝦刺身, Pat Thai Kun等等. 三條友食左2000蚊, 都可謂物有所值. 不過千其唔好叫咖哩蟹, 個殼硬個鬼, 廚房又唔幫手"扑"開, 攪到個個做gym咁, 真係冇腦.最衰最衰就係門口果兩個女侍應, 冇禮貌, 係果種對客人等待完全漠視果種. 用機械人都可能有heart D. 果種態度就好似"等丫你, 等丫笨... 唔知幾時有架, 唔順超咪唔好黎囉", 依幾隻字簡直就係刻左係佢地塊面度. 絶對係趕客o既完美組合.生意好到爆, 個個侍應都好似有白事咁樣, 黑口黑面. 個場鬼咁嘈, 因為環境靚, d友係咁影相, d閃燈閃來閃去, 直頭去左fashion show. 如果你有羊癇症就千其唔好去.一句講晒, 食物好好, 裝潢好好, 服務黑口黑面. 如果你真係好鍾意泰國環境同想食好d o既泰國野, 又唔介意一d好生意得滯唔在乎你的態度, 就去喇!

一行十人去食埋單只係每人一百二十蚊.抵到爛不過我地冇叫海鮮bbq. 可能咁樣比較平上網見到其他人如果有叫都會200蚊一個人左右食十幾樣野但咖喱蟹唔好味.因為d咖喱原全冇味冬陰功則可以再辣多少少其他食物沒什麼大分別. 都幾好味黎呢度食飯.最主要都係環境

香港有過百間的泰國菜館, 但有幾多間可令人有置身於泰國的感覺呢? "旦王花"一定是其中一間令人忘記自己身處香港這大都市~一踏入"旦王花", 就像去了布吉!椰林樹影, 噴水小象, 一萬多平方呎的露天花園, 花上了數百萬元裝修, 若蒙著我雙眼帶我來這裡, 一定以為去了布吉!晚上來旦王花, 燈光較暗, 十分浪漫! 餐\廳的左手邊有一個酒吧區, 有調酒師即場調製雞尾酒. 若坐在噴水小象旁, 聽著淙淙水聲, 呷著凍飲, Wooooo! So relaxing!至於食物方面, 旦王花的廚房班底全來自泰國. 我覺得質素都算不錯, 雖然沒有很amazing的味道, 但都是美味的泰國菜. 我們點了即叫即燒的大蝦, 以燒過後來說, 肉質算是不錯, 但調味不夠. 另外還有泰式沙律, 田螺, 菠蘿炒飯, 通菜... 飽飽!!看到不太清楚的餐牌, 侍應很有禮貌和耐性講解. 加水亦會自動自覺. 服務方面真的不像其他食評般不濟.溫馨小提示: 星期五,六,日人客較多, 一定要預早訂位. 最好訂早一點時間, 例如7點. 7時多8時後人很多, 就算訂了位都可能要等.如果想浪漫一點, 建議平日到來, 因週末人較多

尋日突然之間想晚餐食泰國野，聽講呢間餐廳都幾出名...所以就走咗試。一去到門口，就見到好多人喺到等...好彩，我預先book咗枱。所以唔駛等好內，入到去見到張酒吧枱，張枱都幾型。我覺得好似去咗蘭桂芳。佢地ｄ野食都ｏｋ啦～不過不失...佢地嘅咖哩蟹好好食，ｄ咖哩唔係好辣，啱哂ｄ唔係好食得辣嘅人。炸春卷：外皮都幾脆，入面熱辣辣～炸蝦餅：外皮ｏｋ脆，入面熱辣辣～～串燒：麻麻地，唔係好熱，雞串燒唔係好好食，因為ｄ雞有ｄ肥。冬陰功：ｏｋ好飲，我覺得辣咗ｄ...椰青：好好飲，ｄ椰肉好好食！！

環境好靚! 食物OK好味! 但服務勁差!!!我先後受過佢\哋兩次氣1) 我預先一星期前打去book位7:00, confirm好曬... 點知當日落大雨. 到了4點我見佢\哋無打俾我,我就打去check check. 點知佢\話: 我哋D booking 到9:30. 我話我一早book咗枱, 佢\話: book咗都無用, 我哋indoor無咁多枱!你原本張枱係outdoor(態度勁差!!!) 小姐呀!你無枱就應早D打俾D客啦! 如果我入咗元朗咁點算呀?2)我再book好位, 今次食到嘞!但去到門口, 我哋話要坐outdoor. 帶位小姐話我哋有咩枱就俾咩枱. book都無話坐indoor or outdoor!(態度又係勁差) 我諗諗吓上次落雨無枱, 你就話我book outdoor, 今次又話無得book! 都唔知佢\想點...叫嘢食時, 你唔叫貴嘢, 佢\会有面色你睇!價錢: 餐\牌食物就ok, BBQ就貴---大蝦百幾蚊一隻, 元貝48一隻..代客泊車: 因佢\有兩個停車埸, 我見佢\哋去停車埸攞車時, 兩個泊車仔會先用其它客人D車, 車去攞車. 如你唔好彩...你架車成晚

喲嘢貴, 態度差!黃昏5:00 到, 十幾人, 坐木"dun", 叫佢換枱, 足足30分鐘至肯換張有"pan"椅. 因為我訂位16個, 即使中午主動打電話去加人都唔得! 因為張枱要俾第D人!重話呢度食feel, 唸住我哋好快走! 我話你賣漢堡飽咩! 山長水遠去到會好快走!!埋單每位330, 共計約$6,000 高級酒店價錢, canteen嘅服務！問佢燒牛肉點計, 佢話熟咗照称,$80/100g. 我話真係無咁重! 點知佢話連汁称!!　吹脹！環境係好，但是食物水準同服務都重要㗎！　唉！我都唔識講！留番你哋品評！！以上所講，千真萬確！！

我不算一名食家,但也想為這一家食府抱不平!這一家旦王花是朋友介紹我去的,我去之前在這裡看過一些食評,有好有唔好,好的就說食物好環境好,唔好的就說服務差。今天我同家人就去試一試,首先去到門口泊車的已經好有禮貌,入到去環境ok,全程伺應都好有質數的服務,和我上網看的完全是兩回事,因我是一家大細去,那裡的人看到我媽唔夠力開蟹她立即上前幫手，連我媽也說這裡服務好,如果常去泰國的人都知泰國的餐館服務一向好,過裡真的不比泰國差.連最後我連找錢都有留意,食了$887,我比一千,正常都變成幾張二十,但竟然是一張一百,意思就是不用多給小費,就這已值得一讚,最後的就是說這裡真的值得一去。

上個星期同朋去呢間餐廳食晚飯, 我地泊好車行入去, 個環境真係幾好, 有一個令人心情舒暢的感覺, 可能因為天仲未黑人又唔多, 睇到周圍的環境佈置都唔錯, 好有泰國Feel, 我最鐘意佢入面個酒吧區, 靚得黎唔會好俗氣。話口未完個天就開始黑, 唔駛十五分鐘就全部黑晒, 入黑之後, 個環境就變到好暗, 連睇餐牌都有d難度, 我地就只可以靠枱面果兩支小蠟燭去照明...最後我地點左好九樣食物生蝦: 只要蝦夠新鮮就一定唔會差得去邊, 我只係嫌佢個醬汁唔係好夠辣炒菜: 正常之作海南雞: 全部去骨, 味道不錯但係好肥燒魔鬼魚: 幾好, 但係有d費, 差唔多要二佰蚊一份鱸魚: 一個不錯的選擇咖喱炒蟹: 超好味, 自已去街市買咁大隻蟹都要幾十蚊啦, 而家煮到咁好食先收158蚊, 真係抵到爛南瓜咖喱雞: 餐牌上寫應該係咖喱海鮮, 但係我有個朋友唔食得海鮮, 所以我地要求改為雞肉, 煮出黎都幾好味, 呢度同出面唔同既地方係, 呢度煮咖喱會有好多好多雞蛋, 唔會好辣波蘿炒飯: 好味, 甜甜地咁樣甜品: 西米糕同千層糕, $8一件有d貴, 味道只屬一般總括黎講, 呢間餐廳的食物水準幾好, 環境一流, 只係有某幾

有時吃也得看環境：若坐得辛苦還要受烏氣，幾出名好食都係假，此等食肆不光顧也罷。看到之前對此店較負面之評價，但我覺得此店又唔錯喎。上月尾和友人於閒日到此午膳。裝修清雅，甚有度假的感覺。惟獨那佛首像置於中央，比例過大顯得有點不自然。坐外面的位子，以玻璃作簷蓬，悠閒地享受冬日的陽光。誠意推介炭燒豬頸肉，份量足，極爽口，配以那酸辣好味的泰汁，吃不停口。拼盤尚可，其中蝦餅只温熱及嫌未夠彈口。炒通菜用足配料，香葉與蝦米仔令味蕾得到充份照顧，有點驚喜。甜品南瓜布甸也有水準。得承認價錢稍貴，尤其酒水類。細支庒啤酒每支$45至$55，比較之下開了支Rosemount shiraz 還化算，雖然比超市價貴約三百元。幾位侍應，及獨自替整個花園澆水的老闆態度好，常掛笑容。到結賬時，先後三次仍計錯數，最終作罷…只因仍然「計少咗」!

有朋友想話到這裡一試,雖然略遠,姑且試一次吧.沒失望,給她的包裝吸了,同時嗅到一陣陣花香味,原來門的兩旁種了旦王花,怪不得這舖子有這個名字了.我們被安排坐於外面,外面有一隻盛著生果的木船,有藤椅,有個水池,還有會嘖水的小苯象雕塑,很有泰國度假感覺.坐下來,沒有碟,只有蕉葉一片,原來這裡是用蕉葉當作碟的(記得很久以前在一間叫”蕉葉”的泰國餐廳就會用到,現在的泰國餐廳則甚少見到)很肚餓,先來個快食,便點了兩個沙律,一個三文魚沙律(加了泰汁,另魚味更見突出),再加了一個椰心沙律(很得意,驟眼看以為是炸薯條,原來是椰心,口感很爽,加了微辣的沙律辣汁,很開胃).開始來正餐了.我們要了個冬陰公蝦湯(都幾冬陰公味),馬拉棧炒通菜(味道ok,頗惹味),青咖喱石斑魚頭石斑魚(味道不太辣,送白飯一流), 辣椒膏炒蟶子(勁惹味),黃咖哩雞(都不太辣,但很香咖哩,而雞肉質地也還可以),還要了些BBQ,有虎蝦,牛扒.茄子和好大隻的長腳蟹腳(因為有專人即場燒的,所以燒得有水準,很好味).最後叫了我最喜愛的甜品椰汁芒果黑糯米(椰汁不是太但很香,芒果都甜呀)埋單計數,我們一行8人,每人都是百多元.處身這個優閒的環境進

泰風情此店位於元朗錦上路, 周圍的環境甚具東南亞風情, 而餐廳擁有過萬呎的花園, 以泰國度假式酒店設計為籃本, 刻意營造了優閒寫意的resort風情, 讓客人置身於渡假氣氛的環境中. 泰好味這裡的食物是沒有使用味精的, 取而代之是用由泰國入口的天然香料, 以迎合食得健康之道. 泰型格而餐廳亦設有酒吧區, 有調酒師即場調製雞尾酒, 此情此景, 更覺型格, 更可以吸引時下的年青一族, 打破傳統的飲食框框, 注入新的飲食元素. 享受泰式風情, 置身渡假之中, 暫時忘卻煩憂, 是與愛侶同往的好地方.

環境--唔錯,格調好好, 除左門口有三個福祿壽。味道--十分普通, 是但一間泰國餐廳都食到。服務--唔得,侍應態度甚差,成日送錯食物, 埋單又計錯數。抵食--絕對唔抵食,以食物質素而論,比普通泰國餐廳起碼貴3-4成。乾淨--無問題, ok。總體上--絕對唔會再去。

睇相己覺得環境不錯, 所以山長水遠都要入去試一試, 己預先早一日訂位, 但都安排不到近暖爐既枱. 個日天氣比較凍, 枱面既食物要盡快食, 因為好快就會凍晒. 五個人點了六個餸, 但份量都比較細, 整體黎講係食環境多過食物, 個人推介個鮮爐魚, 因有火爐保暖, 同埋佢\會跟多碗上湯, 成晚唯一真正既熱野.

1.1.2008 來晚飯，車停在門口，環境不錯，食物及格，但太貴，我們只點了最普通的泰越食品，買單每人$140！還有，有一名中年架眼鏡的女仕應像有精神病，對答嚇人，招呼不周。不會再來。

第一次: 環境好靚，好多客人週圍影相，好似真係去旅行咁，好有feel…燒烤個counter好多人等，排晒長龍，我叫燒蠔、燒大虎蝦、燒磨菇、燒牛仔骨、燒雞翼、燒魚…可能係師傅應接不暇，水準不合格~~唔係太鹹就係唔香…失望！但其餘餐\牌上叫食就唔錯，算力保不失啦！第二次：唔知點解週圍多好多擺\設，有點格格不入，略嫌有畫蛇添足，冇之前咁靚！經過上次經驗，今次叫少燒乜燒物，主攻餐\牌上食物。以下我個人推介：1. 辣肉碎茄子(好香濃，用我最鍾意金不換o黎炒，正！)2. 燒蟶子(好大隻，好鮮甜)3. 椰青焗海鮮飯(好有椰味)4. 甜品：椰汁西米糕(純粹個人鍾意食呢樣)