旦王花 - 泰越鍾情

Open Now

Now Closed

上星期五 (27-06-2008), Thxdtsdd 及同事們去了錦田的旦王花吃泰國菜, 之前有同事 book 了位, 他說這兒是受歡迎的食店, 加上地方較偏僻, book 定位會穩陣點. 當日 7:00pm 前已經來到旦王花, 人客並不多, 我們先揀海鮮類食物, 雖然不算很多選擇, 但都算幾新鮮! 之後, 我們再加了一些小菜. 我們約 30 人, 分 3 檯坐.分別食左:炭燒豬頸肉 (燒得幾香, 肉味也不錯!)泰式拼盤 (香口食物都做得幾好, 其中炸南瓜比較特別!)蒸扇貝蒸蚌炭燒鱔片 (鱔片好肥美, 燒得也剛好, 差不多全檯的人都讚好吃!)泰式鳳爪 (一般水平, 而且都幾辣!)冬陰公翅 (比較辣, 如果唔吃辣的人一定頂唔順, 魚翅都算多, 不過無啥味道!)開邊大蝦 (幾彈牙, 但唔夠肉味!)炒蟶子 (炒得唔錯!)燒墨魚 (燒得很好, 墨魚夠!)辣椒膏煮螺 (只有辣味, 吃不到螺肉的鮮味, 不算好吃!)青咖哩牛肉 + 蒜溶包 (咖哩很香, 牛肉不鞋, 配埋香脆蒜溶包, 真係 very good!)牛仔骨 (都是做得不錯的菜!)甜品 + 生果盤其實旦王花既環境真係唔錯, 幾有泰國 fe

我今晚同屋企人去咗呢到食晚飯......不過一到門口嗰個reception嗰d態度呢.......真係以為唔知佢屋企發生乜嘢事.......塊面黑到呢.............之後我哋一坐低我第一個感覺就好似去咗泰國咁.........環境一流........嘢食方面.....本來我想叫燒海鮮食.....不過實在太貴喇.......$108一隻老虎蝦都夠膽死......所以我哋冇叫到.......唯有散叫其他嘢食啦.......我哋叫咗泰式拼盤、咖哩蟹、生菜包、青咖哩雞同埋鐵板蠔仔旦, 我最欣賞味鐵板蠔仔旦.........料足味濃........正!!!.....之不過我奉勸各位千其千其唔好落雨去.........我哋就係因為落雨去攪到我姐夫個背脊俾d雨滴到濕晒.........環境幾靚都係假

其實呢度d嘢食都OKo架.....我今晚同屋企人去.......本來想叫D燒海鮮....不過實在太貴喇.....$108一隻老虎蝦都夠膽死........所以我冇叫到.....唯有散叫其他嘢食啦.......我哋叫咗....泰式拼盤、鐵板蠔仔旦、咖哩蟹等等......我最欣賞就係蠔仔旦........足料味濃.....正!!!!之不過我奉勸各位千其千其唔好落雨去.........我姐夫今晚俾D雨滴到背脊濕晒, 環境幾靚都假.............

Few months ago first time visit quite good, very nice environment but a bit expensive. However, the second visit recently was very very very poor. Environment still good but service and food very poor. Most of the seafood were not fresh. Three out of four persons in our table feel sick after dinner. Especially the "Devil Fish", colour and texture were bad and we complained to the manager. However, he said "Devil Fish" is like this but we sure it's not fresh and then he said impolitely "not suit

出去開餐, 點都預o左比較貴, 不過貴得o黎而又抵o既, 一定冇呢間份.上星期六一早book o左8:00pm, 點知去到都仲要等40分鐘先有位, 喂, 我book位o黎做咩呀? 唔好walk-in? 算. 坐抵叫o野食, 打開menu發覺都o黎o個o的o野, 就叫o左冬蔭公, 海南雞, 炸蝦餅, 炒通菜, 蒜蓉飽, 鹽焗螺, 燒聖子, 2個椰青1杯紅豆冰, 埋單$7xx, 嘩, 直情嚇o左我一跳, 焗螺得6隻, 多謝$12x, 聖子得3隻, 多謝$13x, 講真最出色o既只係焗螺, 熟o既程度o岩o岩好, 其餘o的o野食就真係非常一般, 好多地方仲整得好食過佢, 冬蔭公o的蝦唔太新鮮, 湯o既味道偏酸. 炸蝦餅唔夠彈牙.泊車仲衰, 佢代客泊車丫嘛, 都唔知渣o左我架車去邊, 由停低俾佢到食完渣番架車走, 行o左我2公里囉. 仲要收人$20泊車費.值得一讚o既只係服務幾好, 環境唔錯.

環境好靚, 食野同飲野地方好舒服好似去左泰國咁^^食物味道同服務都幾好, 價錢都唔算貴(除左海鮮同燒物)門口有得泊車唔駛煩

星期六同朋友一行6人, 原本BOOK咗8:30p.m , 不過去到都要等. 因為之前嚟過,都知道佢哋假日好full. Actually, 等位唔係問題,but 門口2位小姐很不友善 , 禮貌欠奉, 我好想講今時今日咁嘅服務態度係唔得架. 大約等咗40分鐘先有位. 講真,個環境真係好靚,好有resort feel ,如果唔係貪佢環境,我唔會再嚟. Anyway,我哋 order如下: 泰式拼盤 ( 味道ok,特別係個蝦餅,可能呢個係我至愛,哈哈..) 豬頸肉 ( 比較失望,味道很一般 ) 咖喱牛腩 ( 還可以,不過記得要order一客蒜茸飽,因為連咖哩汁食好正,一定要試 ) 炒野菜 ( 我諗馬拉盞炒通菜會好好多 ) 辣椒膏炒蟶子 ( 很野味,正 ) 燒老虎蝦 ( 好鮮甜, 好好味 ) 燒帶子 ( 我本人覺得普通,不過啲fd就話好食 ) 炒金邊粉 ( 上次嚟食好味,所以再叫 ) 菠蘿海鮮飯 ( 味道ok ) 飯後我哋仲order咗啲dessert , keep到上次嚟食嘅水準啦 . 我覺得嚟呢度真係食個view, 因為

同女女慶祝生日, 一行13人book咗8:30pm,我地都唔知有咁多人山長水遠黎，雖然book咗位，都要等咗４０分鐘先有位．環境都幾靚，不過今日有d落雨，d枱要痴得好埋同有d嘈!服務方面，人多時侍應笑容真係冇乜，但其實都算有求必應!食物我地叫左:1. 魚鬆沙律 ($98) : 十分好味,一定要食2. 炭燒豬頸肉 ($68) x 2 : 一般，可以不吃3. 小食併盤 ($168) : 幾大盆, 味道一般4. 燒蟶子 ($128) : 好大隻，好鮮甜5. 燒雞 ($108) : 幾好味6. 酸辣鱸魚 ($138) : 是先炸再放在熱火鍋上, 正！！7. 咖哩蟹 ($198) x 2 - 十分好味, 雖然得一隻蟹, 但是很大隻的，一定要食!8. 南瓜咖喱鮮 ($98) : 幾大個, 味道不錯9. 辣肉碎茄子 ($68) : 一般，可以不吃　10. 炒芥蘭 ($68) : 正常之作11. 炒通菜 ($68) : 正常之作12. 椰青焗海鮮飯 ($98) : 好有椰味13. 菠蘿炒飯( $88) : 好味14. 蒜蓉包 ($18) x 3： 好味，配咖哩蟹一流15. 白飯 ($8) x 6

第一次去,亦係最後一次........ 我哋一行三人去食晚飯,全晚除咗有個捧菜阿姐有禮貌外,啲侍應同嗰個唔知係咪老細、成日叉起條腰嘅肥佬都無咩禮貌,又唔細心(食完蟹連濕紙巾都要問佢攞两次先俾),點咗一個椰芯沙律:味道ok、一碟炒椰菜苗:生粉獻太勁,一pat pat,一碟米粉炆蟹:味道可以,份量過大(侍應無提我哋,份量足夠五人食!),三隻燒虎蝦:燒得唔夠惹味、味道普通,一條燒馬友。埋單$1070。 味道一般 ,咁嘅價錢、差嘅服務!

都係bf諗得周到佢話要早d黎唔係天都黑齊就冇野睇，結果未夠6點就到，先點2杯野飲再加個salad, 之後先慢慢點菜，由好陽光食到日落兼天黑，感覺賺晒! 我地都唔知有咁多人山長水遠黎，6點幾開始就好多人喇~ 環境固然係靚啦，不過d樹唔知係咪格硬種，開始有d枯lu~ 希望餐廳搵花王黎打理下等佢地回覆生氣! 同埋有d落雨既時候，d台要痴得好埋，咁就有d嘈lu，唔及岩岩黎果陣咁清清靜靜真係似渡假咁relax!服務方面，人多時侍應笑容真係冇乜，但其實都算有求必應!食物我地叫左:柚子沙律 - 同平時食開果d好唔同，不過都算幾好~燒雞 - 呢個非常好味~ 燒完一d都唔孩，呢晚最精彩既一味!燒虎蝦 - 燒既工夫真係唔錯, 唔係乾爭爭，不過鮮味爭少少仍屬可接受程度! 不過下次可能會揀其他蝦既菜式!法汁牛腩 - 呢個就唔係好得，因為個主角牛腩偏un，有d真係趙唔開! 但係d蔬菜同個汁就幾好味~Overall黎講，野食都算有點水準，但當然俾既錢絕大部份係pay for個靚境啦~ 下次都想黎飲野 ^_^

我覺得呢間係食環境,好舒服,不過d嘢食就麻麻喇,有待改善啦,d價錢唔值比d食物,只可比環境囉,不過我都去過4次,吹吹水,摸吓酒杯底都幾好架

以前嚟過一次, 但係唔係叫旦王花. 今次適逄有事慶祝, 同男友一家一行5人去食. 揸車到餐廳時落梗雨, 服務生即刻攞遮, 可以表揚.進入餐廳後(我們坐露天位), 已經比環境吸引. 相信設計同金錢上花了不小心血.我們叫了冬蔭功湯, Pad Thai, 咖哩, 菜等..燒烤方面叫了牛仔骨, 魔鬼魚, 大頭蝦, 老虎蝦. 食物方面尚算不錯, 服務亦有5星級水準. 唯獨是燒大頭蝦, 我們只是叫了一隻來試試, 肉質好"霉". 當我們意論紛紛之時, 已有一名服務生(相信是老闆)站在我們身邊, 最後他還主動替我們換掉一隻大頭蝦(當時已吃掉一半). 可見餐廳服務一流.

昨晚與奶奶補慶祝母親節, 一行五人, 雖然是星期一, 但餐廳都算幾full, 好彩之前訂了台. 餐廳環境不錯, 很有泰國feel, 環境不逼, 招呼亦不俗, 個老闆都幾有型的!我們選擇了坐室外, 一坐底, 老闆介紹可以到門口自選燒海鮮, 我們選了1打酒煮花螺(不用100元), 應該不是用爐煮的, 而是用錫紙燒的, 雖然不夠spicy, 但都很鮮甜. 另外在餐牌叫了:1. 小食併盤 - 幾大盆, 味道不錯, 2. 東陰公湯(例), 每人 都有一碗 - 很多料, but蝦不新鮮, 及不夠spicy,3. 蠔炒蛋 - 類似台灣的蚵仔煎, ok, but無mug特別,4. 酸辣鳳"找" - 好味, 但份量小佐d,5. 炒辣蟹 - 十分好味, 雖然得一隻蟹, 又差唔多200元, 但是很大隻的!6. 雜菇炒椰菜 - 與一般酒樓差不多, 不錯!7. 酸辣鱸魚 - 是先炸再放在熱火鍋上, 夠spicy, 我們全條清晒.最後有泰式甜品同生果送! 是次消費約1,200元 (以上8樣菜, 再加5杯飲品), 雖然比kowloon city d 泰式餐廳貴小小, 味道並差不多, but環境咁好

08.5.17 日慶祝 GIN 哥哥生日，一行十人遠征般黎到錦田食泰菜，真開心。步入旦王花猶如置身於泰國土地上，濃厚的泰國風情令人身心舒泰。點菜有 活蝦刺生﹑咖哩蟹﹑泰式拚盤﹑木瓜沙津﹑金柚沙津﹑雞肉生菜包﹑紅咖哩(豬)﹑蒜蓉包﹑馬拉盞炒芥蘭﹑泰式炒通菜﹑泰象啤﹑青檸梳打﹑石榴子冰。解說︰活蝦刺生...老公話"立"口 金寶好味D 咖哩蟹...蛋花﹑色澤﹑香料等等賣相一流，可惜冇咖哩香味 木瓜沙津...木瓜絲硬咗D，味道一般冇特別金柚沙津...金柚好甜但冇柚味其他全部一般不過不失總結...食物﹑味道係其次，泰式風情呢種感觀享受先係主菜

尋晚同男友心血來潮咁渣左車去, 去到見到勁多人, 因為冇去過, 唔知道到要book位.. 服務態度: 一去到門口, 個reception 態度超差, 一野隊張咭片埋黎, 以命令口吻話下次黎要先book定位, 跟住就安排左我地去酒吧果邊等, 等既期間都算ok, 有位坐... 之後有兩個待應都埋過黎問我地係咪等位之類, 介唔介意坐梳化位咁...果兩個態度就好好多...環境: 個環境就好靚, 好有特色, 周圍都好暗, 好浪漫, 好似去左泰國咁, 坐落都好舒服~ 不過唔知如果落雨和勁熱去到又係點, 因為好多位都是路天的食物: d 野都好好味, 我地兩個人叫了 紅豆冰($25), 珍多冰($25), 菠蘿炒飯, 炸蝦餅, 燒老虎蝦($108/1隻), 大扇貝($88/1隻), 蒜蓉包($15), 椰汁西米糕 ($8/1件), 南瓜布甸($12/1件), 兩個人埋單加埋泊車$483~ 其實如果叫一般野食都唔算太貴, 係叫BBQ野食會貴一點, 但個蝦和扇貝就好大隻, 好好味, 其他野食的味道都很好, 賣相很美~