紅爵御宴

Open Now

Now Closed

今晚我們去咗元朗西菁街嘅「紅爵御宴」食晚飯！我們叫咗個優惠套餐！有蝦禾米有米豬、燉水鴨湯、蒜蓉粉絲蒸元貝、翡翠炒龍躉球、薑蔥炒龍躉頭骨腩、彩芹花姿炒蝦仁、釀蠔豉豬肉同豉油鷄！蝦禾米有米豬嘅乳豬脆皮燒得非常香脆，肉質相當香滑鬆軟，炒飯吸收晒乳豬肉汁精華，令到味道更加甘香惹味！燉水鴨湯嘅火候十足，湯底非常濃郁，味道香甜，湯料亦好豐富！蒜蓉粉絲蒸元貝嘅肉質相當鮮甜彈牙，蒸嘅時間亦控制得啱啱好！翡翠炒龍躉球嘅肉質非常爽滑彈牙，味道好鮮甜！薑蔥炆龍躉頭骨腩炆得味道好入味，肉質鮮味嫩滑！彩芹花姿炒蝦仁嘅蝦仁好爽口彈牙，花姿亦好軟滑！釀蠔豉豬肉嘅豬肉比較腍身，而蠔豉都幾軟滑甘香！豉油鷄嘅肉質好嫩滑，豉油嘅味道唔會好鹹！

我相信這間酒樓在元朗算最大了，聽聞可以筵開120席，環境可算富麗堂皇，氣派非凡。我前幾天來過，因為有人包場，沒有開下午茶，所以今天再來試試看，結果是有開的。不過只是下午二時，人丁已稀少，不知是否個場太大，所以才有這感覺。約有一半場地已間作跳茶舞之用。以上為餐牌下午茶的優惠很小選擇，問過侍應姐姐，她説下午茶不時常常開的，所以不時那麼注重，我們只好選了午市超值三寶$68。第一寳是百份百海斑炒河，海斑是酥炸過的，約有6件，都算有鮮美，味道不錯，可惜枝竹太硬未稔，荳腐算滑。第二寶海苔海鮮荳腐湯，豆腐粒、蝦粒、魚肉粒、海苔和鹹蛋白湯，味道鮮美，不太鹹，應沒有味精添加。第三寶是白灼娃娃菜，普普通通。再來碟义燒餐包$9.8，只是微暖，外硬內乾，差勁！總括來說坐得舒服寬敞，價錢尚算合理，食物中規中矩。茗茶每位$8，兩人共$103。

呢間酒樓因為好近奶奶屋企,又算唔洗等好耐就有位,加上姑仔揍住個BB同小朋友行唔到咁遠,所以習慣去呢間酒樓飲茶,但食物唔好食,我都冇影低相了流沙包完全唔流沙,我老公話食到唔似平時食開既味道,話假假地,我第一次見佢食咗唔夠半個就放低咗唔食,我見到個包都唔想食冇試,义燒酥我同奶奶同老公都食到有油益味,八珍海鮮炒麵食咗半碗已經覺得味精好重,蛋白蟹肉炒飯,D米係未熟,冇蟹肉,味精又重,其他食物我地都冇食,講真,我飲過好多間酒樓,呢間係最難食,以前陪奶奶去喜上加喜,我都覺得喜上加喜唔掂,我知佢地係同一個老闆開,真係好失望我依然會去幫襯,因為奶奶鐘意去,但我唔會食佢D野,希望間酒樓有誠意改進一下點心質素,如果能改善,我都會再食D點心

一次聚會後，幾家大小共十多人來了這間新開的紅爵御宴用餐，環境寬敞是最大原因。原來，除了環境寬敞、位與位之間擺得夠開，很方便擺放BB車，店內裝修還十分富麗堂煌，明顯努力吸納婚宴客源。據知它也是喜尚加喜（也即與季季紅同集團）的酒樓，但食物質素卻差很多，份量也顯得很小家。首先是兩款例湯，一款是甚麼豬肺湯，媽媽沒試；另一款是魚雲豆腐湯，媽媽飲了一碗沒甚麼鮮味，是煲得不夠火候，轉吃湯料更好。又點了兩個套餐及散點很多小菜，包括菜甫蛋，水準平平；金黃蝦，外層的蛋黃很單薄，中間的蝦不熱也不鮮，很乏味。鼔汁蒸魚腩沒多少肉吃，味道也不鮮，不吃也罷。蜜餞骨的調味OK，可惜肉質很硬很乾很柴，拉勻仍是不濟。士多啤梨骨比蜜餞骨多了一點酸味，但也有肉質死實的問題，用料不佳是死症。之後的炸子雞曾引起一陣興奮，但不是因為雞隻皮脆肉香，而是因為大家都久違了面層的炸蝦片。相比強差人意的葷菜，清淡的銀勾竹笙雜湯煲會來得更討好，雖然用上的蝦乾也沒甚麼鮮味。海鮮粉絲煲也是款較出色的作品，粉絲吸收海鮮的鮮味後，變得美味吸引。來到冬瓜炒三絲媽媽沒有多吃了，因為又是時間要餵寶寶! 不過冬瓜太涼，本來媽媽興趣就不大。腊肉炒油麥菜也是送飯

咁至啱食 : 肉香皮脆骨軟幼嫰BB豬 , 相比別家以 乳豬做主打招徠實有過之而無不及用料認真的殿堂酒家 (件計: $35 )仲有一碟炒菜勁大碟唔油 ( 是日日間映相太多= 相機無電!)湯水 一般因為是" 例" 樓底高但唯一要改善是有蒼蠅 (似乎鄰近有垃圾站?!)超鍾意佢架運送車: 對員工和客人兩方面都 Win-win : 衛生又健康! 事關中式碟勁具份量, 而該場地方確唔細, 走多幾轉都會氣咳咕嚕蝦比咗咕嚕肉 (幸好食得快的我先試了一件 正) , 客氣經理即換上, 火候及汁醬出色 ,貴D 都值($138) 脆皮燒雞好古典 : 回到幼時飲宴feel洗手間凍到震~經理殷勤招待 ,員工亦唔敢怠慢家人少有户外活動日,而"愚人節" 對其中一位別有意義,故 玩得倦了就打算在附近晚膳, 因泊唔到車誤打誤撞看見有傳統大燈牌, 吸引到了這新的殿堂食府 (及後看見報章才知其規模)

「紅爵御宴」為喜尚集團的中式酒樓之一，其他品牌包括「季季紅風味酒家」以及「喜尚嘉喜宴會廳」等。原本想去位於屯門藍地的「季季紅風味酒家」。可惜，訂位已滿。及後，經朋友介紹這間同一集團的中式酒樓「紅爵御宴」，遂今次來試一下。這裡開業不足一年，裝修豪華高雅，環境不錯，感覺乾淨舒適。冷氣就頗冷，建議帶備外套，以備不時之需。重點美食：蝦禾米乳豬侍應會把乳豬從廚房推出來在客人面前剪開乳豬乳豬皮脆有肉，豬內釀有炒飯炒飯香口，味道不錯相片所示，乳豬剪開後的樣子，但侍應看來剪得較大件。建議大家在侍應剪乳豬時，吩咐剪細件一些。其他餸菜味道也不錯。餸菜享用完畢，有紅豆沙贈送。紅豆沙很多豆，味道香濃，但就較甜。整體食物水準不錯。

是日去食滿月宴~該酒樓lobby寛濶 乾淨~ 搭電梯上1樓時可見到2旁既貴賓房, 因為係落地玻璃~1望無際~ 環境真的不錯 乳豬仔入面係炒飯~ 炒飯油咗少少~乳豬仔賣相不夠好, 但味道不錯, 夠脆~左1: 炸子雞,雞好入味, 好滑~左2: "象拔螃" 同花枝片都好爽~左3: 魚, 煮得老咗D~直1: 節瓜榣柱, 榣柱大粒, 節瓜夠"林", 好味~直2: 蟹鉗, 彈牙~直3: 鴨掌冬菇鮑片, 好濃好入味~翅就ma ma地~湯多, 料少~小籠包太厚皮, D汁太油~馬拉糕就幾正, 好香~ d柑都幾甜~ 芽菜E麵, 唔乾身, 但食落唔係好油, 好味~

星期日周圍都人山人海.連餐廳也滿座.唯獨呢間酒樓.因為環境大.同開舖時間是11點鍾.只要準時11點排隊.只等候三至五分鍾左右就可入座.而全場不設榙枱.私人空間也足夠.點心紙選擇不多.呢間店是季季紅,喜尚加喜同集團.不過計食物種類.這間是最少咸魚肉餅飯:飯乾身.熱辣辣煮出來.如果只計飯粒肯定合格.但料肉質味道欠決.菜黃黃的.差...魚片粥:粥底夠綿.魚是生魚片.不腥也夠甜.可惜料比較少.蝦餃:好吸引,皮好厚.大大粒.蝦肉爆滿帶少少肥膏.好香...而蝦餃亦乾身.是本餐最值得推介的食物.長春卷:新鮮炸起.等一下才拿上手.蝦肉新鮮爽口.好味還有決點.服務效率不高...食物有些水準還差一步.只評ok