中華滙館 (Closed)

難得有朋友從外國回來，當然想搵個靜靜地的地方食餐飯啦。喺「China Club」、「China Tang」、「Duddell's」等等知名中菜廳通通被佢ban左之後，秘書小姐提議不如試下呢個「中華滙館」啦，我才恍然大悟，醒起原來這個位於中環士丹利街的新同樂舊址已經變成一個專食新派中菜的隱世私竇！餐廳位於中環士丹利街「陸羽茶室」對面，交通十級方便，的士可以喺正餐廳門口停車！聽店員講開，餐廳背後的神秘老闆是第一次經營食肆，難怪內裏裝修非常落足本，雖然滿有身處金碧煇煌的那種感受，但一點「強國味」也找不到，彷彿在這繁囂鬧市中體現香港人不屈不撓、默默耕耘的精神，明顯係想target中環好幾間以請客食飯為主的中菜廳，以奪取「米芝蓮」為終極目標！餐廳坐位唔多，基本上一眼睇晒，除左十多張四人枱的散座外，亦有好幾間適合請客食飯用的en-suite包房，每人最低消費都只係一千蚊多少少，喺寸金尺土的中環尚算合理。餐酒的選擇非常多，由中式烈酒以至紅、白餐酒，甚麼日本whisky都有，價錢方面由幾百蚊一支至幾十萬一支都有，適合不同budget的朋友。非常喜歡這個把盛載茶葉的器皿放在茶壺旁邊的idea。雖然實用性

This is our 3rd time to the restaurant.  Food is consistently good and service attentive.   We went early on a holiday so place was not crowded though there were a few large parties in private rooms (cannot hear noise from them).  Will definitely go back.

環境普通高級中餐廳格局，但唔算特別高貴優雅。服務正常Okay, 無咩大錯。味道算唔錯，對比米芝蓮應有推介至一星。但問題是食午餐唔連酒水都為$2000 一個人就嫌貴啦，因為e個價位大家都知有更多更好既選擇。

由門面深黑色的新同樂，轉化成白色大理石和翠綠色的裝潢，為中環士丹利街帶來一番新風象的「The Chin’s中華𣿬館」。室內的裝修寬敝舒適，以前淺藍的紙皮石砌成感覺光亮，而且枱與枱之間有一定的距離，無論上菜還是走動也不會發生碰撞，實在非常不俗。還有外置充電器可以借，實在是非常貼心！仲有最靚嘅豬腩肉！「鹿兒島茶美豚叉燒」原來豬由出生以來只吃鹿兒島茶葉和無基因的飼料餵養。用上豚肉最好的位置梅肉製作，較為瘦而肉的中間帶少許肥，咬下去鬆化，肉質軟腍。不能抗拒的「黑魚子流心蛋」 ，細心用鐵羹放，咬下去後蛋白嫩滑，流心蛋黃湧泉而出，剛好配黑魚子帶丁點的鹹味。擺盤像花般的「話梅南瓜」，比起南瓜的味道，反而覺得橙汁味更為突出。對於現在潮濕的天氣來說，實屬開胃佳餚！冷盤中的「花雕醉乳鴿」，乳鴿煙靭得來帶有濃郁的滷水味，因為師傅先將乳鴿放在滷水中浸泡兩天，而酒糟和花雕的香味撲鼻。香口的頭盤有「椒鹽田雞腿」及「脆炸九肚魚」前者田雞腿腥而完全沒有，外表香脆，肉嫩滑甜美。後者九肚魚用上輕巧且薄的炸粉，魚肉完全入口即融! 「蟲草花燉豬𦟌湯」應該是女生最愛的湯水吧！透徹見底但卻非常濃郁的豬𦟌湯，還有足料的用蟲草花非常

一頓美味的中菜，會令KsMeow樂上好幾天。早陣子，小妹到過《The Chin's「中華𣿬館」》用膳，她家的中菜令我一吃難忘，聽說這里限量發售的桑寄生蛋茶、點心也做得不錯，有機會要再吃呢！ ． ． ． 蛋黃既流心又濃香的「黑魚子流心蛋」 面層的黑魚子，增強了不少鹹香度，吃後齒頰留香。 擺盤細緻的「花雕醉乳鴿」陣陣酒香彌漫於空氣間， 嫩滑鮮味的肉質， 伴著讓人迷戀的花雕香，那有挑剔可言？！ 坊間大部份餐廳的「杏汁白肺湯」 以雞腳豬骨湯做湯底，奉客之前再倒進杏汁與急凍豬肺就是了； 這里則非常重視品質，並沒有以上的情況， 湯頭是純正的奶白色，杏味亦夠濃香，豬肺更是軟綿綿呢！ 工序複雜的「八寶鴨」 內里釀了蓮子、栗子、金華火腿、白合、咸蛋等， 吃來無羶味，亦不油膩， 層次極高！ 「四川麻香烤老虎斑」 跟常吃到的水煮魚有些不同，這款是少辣油更多香料。 愈食，辣度會慢慢轉強！ 當中的薯粉、豆卜及清脆萵筍盡吸辣汁， 吃得過癮！感謝欣賞 KsMeow 小分享！

肉類菜式幾乎每一家中菜館都大同小異，來來去去都不過係炸子雞、蜜汁叉燒。想要從簡單平凡菜式中顯出不平凡？咁就要加d誠意同心思啦。其實有啲將啲經典菜式改改配搭，都已經可以俾人耳目一新嘅感覺。就好似中華滙館嘅花雕醉乳鴿！醉雞就吃得多，醉乳鴿真的未吃過，原來肉質細嫩得多。聽嗰度啲人講醉乳鴿足足要醃兩日，睇黎係真，因為乳鴿肉真係好香好香。最令我驚喜係是賣相、真係好似一隻飛舞緊既雀仔，令成餐飯添上動感。呢度嘅叉燒都好出眾，用左日本豬茶美豚，聽都未聽過，但就咁聽都覺得係好高級嘅豬。肉既切法都好重要，將叉燒切到啱嘅厚度都唔係容易既事，萬一塊肉唔靚又或者燒得唔好就會好「孩口」同咬唔開、無曬肉汁。同樣啦，燒腩仔亦都一樣，要皮脆肉嫩係唔簡單，呢度就做到啦。其實素食風氣盛行，餐單上應該多加素食，頭盤餐單上面得一樣係素食者可以食既話梅南瓜。我認為頭盤餐單可以加多d青瓜、雲耳，而且都比肉食前菜醒胃得多。另外呢味菜既話梅都可以俾多少少，或者可以將話梅肉切碎、均勻撒喺南瓜上面。一來口感會好d、二來又酸酸甜甜同靚d!

中環區有不少富豪飯堂，大多都身處在隱蔽的商廈內，有的也會在當眼的大街上，兩者都有一個共通點，就是門面已給人一種威攝力，往往令人不敢隨便進內。就在士丹利街的寂靜的街道上，有一間名店於上年靜悄悄地結業，換上了一間新店，門面堂煌，有著富豪飯堂的影子，友人經過大感興趣，於是便相約一聚要好在此攪了一小局。店內環境優雅，簡約得來不失氣派，座位亦編排得相當整齊，旁邊更設有幾間貴賓房，私隱度甚高，的確很適合作為富豪飯堂。 打開餐牌一看，是主打中菜的，當中更有不少是手功菜。先以幾道頭盤開開胃，【黑魚子流心蛋】做得很流心，蛋汁蠢蠢欲滴，配上咸鮮的黑魚子，味道得以提升。另一款是小弟至愛的【花雕醉乳鴿】，賣相靚是必然的，酒香怡人，恰到好處，肉質吃來很嫩口，先有淡淡的白滷水香，酒香慢慢再滲出來，令人欲罷不能。 中菜廳的叉燒已不再是平民貨色，大多都採用了西班牙伊比利亞豬或其他國家的高級豚肉來做，而這兒卻採用了日本鹿兒島的茶美豚。這碟【鹿兒島茶美豚叉燒】看似普通，實際是蜜味濃郁之餘，肉味亦濃，加上質感軟腍得來帶點點爽口，值得一試。 有人說頭盤不怕多，所以再來多兩個香口的炸物，先是【椒鹽田雞腿】，後是【脆炸

下奏最好就係飲啖茶、食個包，同三五知己一齊去飲茶。去完中環行街、俾我發現左一個飲茶既好地方！其實一個點心閒閒地都六十幾七十蚊，但我又覺得值，因為環境呀、服務都幾好。好鐘意門口棵金色樹，金光閃閃有氣氛。今日叫左d點心想同大家分享！首先想講個松露鮮菇包，其實好多地方都有，點解我要介紹呢？係因為個松露味真係好香，而且上枱時熱辣辣。一間餐廳識注重食物熱度非常好！另外小籠包又係令我大開眼界，好耐無食過入面咁juicy嘅小籠包。小籠包個湯好鮮香，相信個湯係重料同花左好多時間淆製。一用筷子夾起見到個皮好薄，用少少力整開個皮就流湯出黎啦，正。葡汁鮮竹卷我就食得多，但係腐竹咁靚咁新鮮都係第一次，個豆香好重入面既餡亦相對入味同葡汁好配合。唯一我麻麻既係個XO醬炒腸粉，唔係話唔好食亦唔係話唔足料(見到一絲絲瑤柱，肯定係靚XO醬)唔好誤會)，我係講緊個份量太少，而且賣80真係有少少貴呀。聽講我食既係新出假日menu,下次有機會我都會黎嘆靚茶!

初到中環，食晏處處多人又貴，路經中華滙館裝修好靚已經好想試下！收到外賣傳單，三款外賣價位只係大約$70，立即要試下！同同事每人叫左一份海南雞飯加$10有竹蔗茅根，兩盒外賣用紙盒裝好，連靚靚餐具，仲有個硬淨大紙袋(少少唔環保，不過可以重用呀)賣相100分！無骨雞肉，冇多餘肥膏又夠滑，油飯又夠味，仲有少少酸菜！另外分開上嘅三種醬汁非常足料，汁王如我都用唔晒啲汁。聽講每個星期都會轉外賣食品。下次試下堂食先～

新開張的高級中菜館原來都有平民化既外賣飯盒賣：）而且仲係大眾化價錢添！！！對於中環返工既朋友仔都真係幾驚喜其實有時出街食又多人，又要俾加一，寧願買個外賣靜靜地返公司食。呢度有三款外賣飯都好合胃口。一，係海車雞，二係咖喱雞三係北菇蒸雞真係雞全部都係雞。一䏲盒海南雞發覺全部雞脾位，細心既地方係pickle 酸味剛剛好，唔會太酸，面且條條爽口，真係想叫佢再俾多d我送飯一流。另外咖喱雞仲另外俾多盒咖喱薯仔汁，唔怕無汁送飯，一盒有成八舊雞認真抵！抵！抵！咖啡辣辣地，椰香味重超惹味，可以叫多碗白飯唔該今次未食北菇雞住，下次有機會一定試埋佢；）！

食物水準一般/中上, 並不是非常之美味, 餐枱過於密集, 環境嘈吵, 服務員沒有精心的服務, 唔會幫你斟茶換碟, 完全沒有高級食府的感覺, 價錢收費卻是6星級, 相比之前同位置的新同樂更加貴到離譜. 新同樂我幫襯過好多次, 其實都好好. 乾瑤柱炒飯, 逐位計120蚊, 份量只得一小碗, 五位加埋都冇一碟正常炒飯 size, 收費600 !! 叉燒280蚊一碟十塊, 海鮮餃子逐粒計,每粒58, 6粒348蚊, 普通一碟菜120蚊, 加埋琳琳嬸嬸點心六條友要3200蚊. 咁嘅價錢去四季酒店都唔使! 點知第二日我另一個朋友以為我去過好介紹, 帶客人去開貴賓房, 一個午餐5條友食咗7200蚊

這是農曆年底的團年飯我和同事二人吃了個＄380一位的午飯見到枱面的擺設、碗碟的乾淨程度令人期待非常餐廳佈置格局賣相一流只是職員非常不專業純粹可以斟茶，完全介紹唔到菜色午飯只係一個餐，很多內容，職員完全唔清楚對於＄380，加埋一係＄400一位嘅午餐這個質素嘅服務，很令人驚訝食物方面點心賣相非常一般魚湯浸菜唔錯，魚湯好滑不過食到最後發現有蟲叫職員過嚟，職員非常緊張要把我的碗收去我和朋友立即將碗中蟲拍下然後叫他請經理過來其實我哋中環返工，食午飯時間非常緊張大家斯文人，純粹想反映有關的潔淨程度希望管理層可以好好關注點知樓面職員好似茶餐廳質素一樣只希望盡快收起蟲蟲湯最後經理來了起初沒有認錯只係話可能蟲蟲係自己飛落去這點我當然明白難怪你們廚房職員會特登加料嗎？最後我覺得佢哋處理方法有問題我亦冇特別繼續爭拗始終新年流流經理我亦唔係搞事我買單的時候，佢唔使我俾錢雖然今次食飯有蟲最後唔駛比錢但原本呢餐飯係應該要比＄800多一點坦白講呢一餐樣樣都麻麻地最後嗰個鮑汁伊面仲衰過平時去飲嗰個伊面而且所有菜式都唔夠熱明顯係擺左一輪先攞出黎或者一早已經整好曬有客人點就好似自助餐咁夾出嚟不過我覺得食之前可以pre h

每道菜式都很精緻，好好味！話梅豬手 - 皮爽口，蹄筋軟腍，膠質感重而不膩，必試！話梅南瓜 - 酸酸甜甜，開胃醒神。鹿兒島茶美豚叉燒 - 多汁，蜜味剛好，入口鬆化，推介！杏汁豬肺湯 - 杏仁味香濃，入口清甜，養顏潤肺，秋冬首選湯水。香檳石榴粿 - 外觀精緻，入口散發清純香檳酒香是日菜式：-洛神花凍糕👍🏼話梅豬手👍🏼金貝雞米炒粉絲芝士白汁帶子撻灌湯小籠包話梅南瓜👍🏼鹿兒島茶美豚叉燒👍🏼香檳石榴粿👍🏼松露鮮菌冬菇包