Video
8-min walk from Exit A, Mei Foo MTR Station
continue reading
Opening Hours
Mon - Sun
07:30 - 23:30
Above information is for reference only. Please check details with the restaurant.
下午茶，飲茶👍每籠點心都好大件，又熱辣辣咁送到嚟。絕對係回頭率高！🍵蝦餃🦐必點，D蝦係好彈牙爽口。🍵燒賣入面啲肉除咗嫩滑嘅豬肉之外仲有蝦嘅，好大粒，好好食，成粒放入口係有難度😂，要分兩三啖食。🍵燒腩仔湯瀨粉瀨粉係滑，湯底鮮味十足，如果去飲茶，叫一碗三人分享，就可以好似我哋咁，試多啲點心。燒腩仔皮脆，肉嘅肥瘦比例2/8。呢三樣巳經在水準之上。其餘點心不再話下。不過糯米包就訊息咗，因為啲糯米米心仲有啲硬😖。希望下次可以食到有待改進嘅少有在其他酒樓嘅美味糯米包啦！
continue reading
富園海鮮酒家輪椅朋友喺美孚做完野call我出嚟食野，佢搵唔到好西就求其入咗酒樓食，老實講美孚真係美食沙漠，就算有輪椅都入唔到！👉👈1.排骨飯$20（7/10）2.日式燒汁木魚茄子$22.8（7/10）3.南瓜煎堆仔$22.8（7/10）4.水晶蝦餃皇$32.8（8/10）5.鮮蝦炸雲吞$26.8（6/10）一碟有三舊，其中兩舊有好細粒蝦，有一舊係咩都無！6.蜜汁叉燒腸$30.8（7/10）6人總共價錢$238，有加一服務費！個人口味總評分：7/10地址：美孚百老匯街114號美孚新邨第8期商場C2樓#飲茶 #點心 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
continue reading
都唔介意啲九十年代失修嘅裝修（可能曾經風光過）；都唔介意想搵個侍應甚艱難，差啲要自己拎埋張點心紙直接遞全場人數五隻手指有找嘅寫單侍應；都唔介意啲食具殘殘舊舊……但食肆最基本講求嘅「食」都搞成咁，真係折壽唔到囉。「炸魷魚鬚」脆漿唔脆都算，咬落去連細路都話食唔到魷魚味，本人咬落去都係得面頭啲蒜粉味，入面又唔係啲雙氧水乸過嘅水發魷魚，但居然係一啲味都冇，唔知係咩軟體物種。「蝦球湯伊麵」上鏡同真人差唔多，隔夜樣，好食度唔駛提。「雪山叉燒飽」同鬆化無緣。「燒鵝皇瀨粉」鵝好厚肥膏，碗瀨粉唔知係廚房冇加湯定預先𢳂定索哂湯。「胡麻醬茄子」胡麻醬有啲似丘x芝蔴醬，配以去咗皮一片慘白嘅烚茄子，叫做食得落口。以下點心叫做可以擺落口唔會媽媽聲：成間酒樓呈超長形似入咗山洞，傳菜姐多過寫單人，人手嚴重唔夠，除咗入座時有啲心機招呼吓之後，收點心紙疑似部長嘅男職員都唔多耐煩，真係對食嘅要求低到貼地、貪平又想飲中茶或者近自己住嗰座先會想嚟。
continue reading
8月5日係揾食肥華六十出一的生日，乖乖姪女話要同呢位老頑童叔叔慶祝生日，為方便乖姪女一家人，所以這餐生日晚飯肥華就選擇咗這間，位於他們住處附近的海鮮酒家，是晚肥華點了一個消费券優惠四人龍蝦，鮑魚，海鮮餐，另加一碟竹笙羅漢齋作今餐菜式，因揾食肥華六十多年來首次有女兒為我慶祝生日，這晚心情大好而聚餐時氣氛亦非常愉快，大家都有不同的話題互相交流，加上此酒楼嘅套餐小菜可說物有所值，而各侍應員工服務態度亦達到顧客要求，呢餐肥華生日晚宴可說是完美的飯局，因太開心興肥華竟然忘記為當晚所點的餸菜拍照存底，可說美中不足，但無論如何肥華和靚媽都在這裡衷心多謝乖姪女，姪女婿，姪孫對叔叔的呢份心意💯😘💯😘💯😘
continue reading
八人餐 $1998 免收茶介加一😚📌啫喱果大蝦沙律🥗 - 嚟到嘅時候，大家都笑咁快嚟甜品😂 佢其實係雜果沙律加大蝦🍤，啫喱果感覺有啲唔襯，味道係屋企做到嘅感覺📌原隻鮑魚米香豬🐷 - 呢隻乳豬做得好出色，用以前年代嘅季季紅比(現價$698)，我覺得佢更加好食，乳豬好脆，啲飯好入味，仲有鮑魚係入面，相當得體😚PS 我好耐未食過季季紅，但我第一次食呢隻有米豬就係季季紅📌大廚足料燉湯🥥 - 椰子雞湯🥥 有啲油，但飲得出嘅足料📌清蒸大海虎杉斑🐠 - 蒸咗兩次都未熟得哂，翻蒸味道一定差啲，希望師傅下次拿捏得更好🙈📌蟹肉扒時蔬🦀️ - 正常水平📌脆皮豉油雞🐔- 好出色🫶🏻 通常都係自己再掂豉油，但佢係有煮過嘅鼓油係底💞 📌雲腿上湯生麵🍜 - 有啲多咗😂 或者俾抄伊麵會好啲，佢上到嚟已經吸晒啲湯🥲📌精美糕點🥧 - 桂花糕，正常水平總括嚟講，性價比高，食物質素都唔差，不過當然有好多細微位要跟返🙈 但佢嗰有米豬同豉油雞都好出色，值得一讚😚同埋加分位係兩圍有房，仲有電動麻雀機！
continue reading