祥仔 (K11購物藝術館)

Open Now

Now Closed

好少寫食評了，但呢間”名店”真的令我失望。叫了一個下午茶餐，午餐肉、炒蛋、多士加熱檸檬茶。上桌的食物凍了，只有炒蛋是暖的。自製午餐肉凍了，無罐頭午餐肉咁美味，夾著幾粒小小的肥肉，味道一般，不難吃但不美味。炒蛋一般水準，嫩滑但份量少。塊多士看上去可口，但食落原來係無牛油，係一塊齋多士，可幸係夠脆。個通粉加$3 up grade 做羅宋湯，啲通粉癡埋一舊又比較硬，湯係微暖，尚幸味道唔錯。索價加一近$90一個下午茶，性價比極低。

一直很想食這個以Ricky 命名嘅餐廳，昨晚終於睇演唱會之前去試咗。打開餐牌，見到個粟米”石斑”係廚師推介，但待應話待應話售罄，當時只係6pm😪. 唔明點解咁早已經冇，好失望。唯有照選擇粟米黑毛豬，都好味😋再叫瑞士雞翼，這個有驚喜，味道非一般，有少許麻辣味道。好特別。牛油果藜麥沙律，好多唔同嘅蔬菜，真不錯食物有水準！可惜嘅係服務非常差，所有待應都係非常一致沒有禮貌。希望公司正視這問題。食物再食也未必再光顧😐

一直好想試下祥仔的炸魚柳，知道最近新增左早餐時段，岩晒我鐘意食big breakfast 嘅人🤭今日就去買個炸魚早餐番公司慢慢歎。$58炸魚，炒蛋多士，通粉加$3轉左兩日兩夜羅宋湯。聽落個名兩日兩夜好似好好食好足料咁，點知期望太大所以失望更大。拎番公司路程吾使5分鐘，個通粉已經微暖，個湯仲係普通到不能再普通🤔完全吾明白點解要加錢！而且個通粉份量好少，一半都未有🥹炒蛋同多士就正常水準。炸魚就表現最好，炸粉炸得好鬆脆，魚柳嫩滑，吾係出面一般的龍利柳，係好食嘅。另外等左一陣，有職員同我講咖啡機壞了，所以我轉了奶茶，早餐冇咖啡對我黎講係好失望。整體來說，$61呢個早餐就不太值得，試一次就夠🥹

第三次食k11呢間祥仔，之前兩次（新開張的頭幾個月）都係午市覺得唔錯。可能有2年無嚟，今次嚟食晚市想食返個粟米星斑飯，點知未夠六點就賣晒了。跟住就叫咗個焗蕃茄豬扒飯同埋小食拼盤。 豬扒飯嚟到樣子OK但係食落好韌，刀要切好耐先斷，唔掂。但個炒飯底係好味嘅。 之後個小食拼盤，個雞翼好麻…唔知係咩香料造成， 而拼盤入面嘅沙律係奇怪地勁咸😖 食物一嚟到，唔知點解梳化位背後突然飛出2隻好肥美嘅烏蠅，不斷圍住D食物….哎！ 決心last一次幫襯啦

昨午去了吃午餐，不用排隊，店員有禮。點了咖哩一口牛飯套餐包餐湯及飲品。餐湯似金寶粟米湯，奶茶似樣。但那一口牛卻是絕對失望。上枱的是「一舊舊」的牛肋條。假如一口吃下去，肯定會窒息而死。我問侍應為什麽上枱的牛和圖片上的「一粒粒」的一口牛不像。她說這是「一口牛」，假如不喜歡，可以換另一款。我抱着，既來之，則安之的態度，就試試。咖喱味道一般，但那「一口牛」卻要費勁去咬嚼！其實，有點是商品不符說明！

剛在今晚上載的 review，我忽略了價錢一項應是以人頭計算，錯誤寫了我和老公2人結單的總金額。所以欲再上載澄清，2人美味套餐連 tips 係 $700，以1人計算，只是 $350，非常化算的美味晚餐。

早前食通幾次，豬扒、蝦多士及自製午餐肉很出色。今晚再到此商場，打算去超市購物之前，隨意的吃個晚飯。誰料老公點了一個2人套餐，食物內容非常豐富，大概有5-6度菜，可能更多，只是我數漏了。由頭盤食到甜品，每一項都製作得精美又好食，完全估佢唔到嘅美食，卻又不是昂貴的價錢。相信廚司用上不少心機和時間去烹製，係超正！名貴嘅星級食店，我和老公都經常光顧，就是沒料到這詳仔餐廳，確實能把絕佳美食，以非常大眾化的價錢去展現出來。正，係超正！👍非常推薦！

今天剛好放假約了朋友去尖沙咀行街，剛經過一間叫祥仔既餐廳，看到環境幾好所以就試下，一到門口已經有人問你幾位並有人帶位態度十分友善，我叫了一份爵肉牛柳，我朋友叫了一碟長通粉配溫泉蛋，我們等了1分鐘也不用已經有兩個湯，湯溫度尚可以算暖，味道一般，長通粉硬了一些，到牛柳一出我發覺我好似食緊牛肉片，又韌又難口，配菜味道比牛柳味道好，我最後叫了一份 tiramisu味道ok 試得出係叫貨的，雖然味道一般，但勝在員工態度良好

早前同朋友去k11搵間平平地嘅地方食晚飯，見到呢間好似唔貴，於是坐低，我朋友叫咗個兩百幾元嘅晚餐，我諗住叫碟平平地嘅粉面，點知個餐一叫要叫兩位，仲要唔包嘢飲，為咗唔想令朋友尷尬，唯有叫兩份餐，點知個餐啲嘢求其到不堪，極度難食，最攞命嘅係等咗好耐個甜品都未上，最後同我講話賣哂，可以下次再嚟補番畀我。點補番畀我呀？係唔係特登嚟多一次乜都唔叫淨食個甜品呀？最後埋單5百幾元，冇甜品，冇嘢飲，同單叫兩個百零元嘅冇分別（其實仲衰過，因為真係好難食），服務又差，永不再幫襯！

點咗個「廚師推介」下午茶迷你豬扒配通粉+熱啡1. 價錢貴！$58下午茶 算，當商場貴租，由佢2. 豬扒鞋到呢，又乾！廚師推介啲乜？推介夠鞋？3. 碗通粉先一絕！一到枱，笑咗！通粉呢？既然間餐廳賣包裝賣有賣相既，唔該換個可以見到啲通粉既容器！4. 用QR code落單，但選擇極不人性化，咖啡起碼比返「有/冇奶」揀呀，嚟到！Sor，有奶，要換！本身QR code想慳人手，而家又要人去搞，嘥氣！5. 由入座到上餐，啲侍應同塊豬扒一樣，鞋口鞋面。原嚟張錦祥先生就係賣啲咁既食物同服務。P.S. 比好味嗰200位人兄，真係想問吓平時食開咩？真心冇下次！

冒祥仔師傅之名而來，可惜一入去未食已經扣分。餐廳其中一道招牌菜係吉列豬扒，而咁啱大部分凳都有吉列碎，證明呢道菜真係好多人嗌。我地叫咗三個午餐，粟米汁真星斑飯、焗牛脷意粉、青醬海鮮長通粉。跟餐嘅湯係粟米湯，基本上係日式粟米湯，粟米足料，但略嫌鹹咗啲啲。+3 蚊轉咗碗羅宋湯，湯料有菜有番茄好似冇肉，番茄味濃郁。兩款湯有一個共通點係唔夠熱。粟米汁真星斑飯：正正常常，有塊魚啲鱗起唔清。牛脷意粉：牛脷質地唔錯，亦唔太肥。青醬海鮮長通粉：海鮮足料，有魚、蝦、鮮魷、帶子。鮮魷好食，帶子都嫩口，蝦都爽，魚正常。通粉質地恰到好處。撇開完全冇青醬嘅色同味之外，個汁都唔錯。飲品叫咗熱奶茶、熱即磨咖啡、熱祥仔茶走。熱奶茶：茶味偏淡，唔香，不過滑嘅。熱即磨咖啡：同樣偏淡，不過有香味，飲得舒服嘅。熱祥仔茶走：甜咗啲。值得一提嘅係員工待客態度幾好。總結：失望。

首先，我是Ricky fans睇Ricky嘅YouTube Channel就想試吓佢間餐廳我哋嗌咗一個焗豬扒飯，同埋所謂嘅真.粟米肉粒飯 熱奶茶同紅豆冰一開始黎左兩個湯唔係熱既焗豬扒飯 個飯底竟然係白飯仲要係未煲熟嘅 然之後豬扒係醃得唔夠味粟米肉粒飯 飯一樣係未煮熟嘅 當中仲有生米係到 所謂嘅黑豚豬肉粒 無肉味 雪味亦都好重 汁水淡口 熱奶茶直頭冇茶味 感覺係一杯好希嘅奶茶溝水 全餐飯最正常，應該係紅豆冰但都係難飲我明白，如果食呢啲嘢的確係唔需要有咩期望 但呢單野仲差過劣質茶記 成為$3xx多多指教

經典重量級花生醬西多士：睇落就大大塊，係落左好多花生醬係入邊，但切開因為厚，入邊都炸得唔夠熱，入邊有d 位置花生醬都是硬硬地！脆炸雞髀，新鮮田園沙律：細細隻，應該煮熟左再番炸，皮是脆，但味唔夠，入邊又唔夠熱！最正常都是杯餐茶！奶茶可以！

黎到K11 Art Mall食下啲親民小小既餐廳😆祥仔根本就係貴價版既茶餐廳🤷🏻‍♀️我地叫左兩個餐,個餐跟埋一杯野飲同個湯,個湯係普通忌廉湯,有啲似金寶忌廉湯,呢個價錢大家都係唔好期望太多啦😂《真·星斑·鮮粟米汁 $148》呢碟將粟米斑塊變做星斑係真係好食好多既,魚肉彈牙,肉質較滑,不過粟米汁就同平時個啲冇分別啦,係舊魚唔同左姐😂魚肉嘅份量都算多,唔錯!《祥仔脆脆豬扒 $138》炸豬扒係厚切,都真係幾厚肉,份量一啲都唔少,炸得好脆,肉質肥瘦適中,都算彈牙唔鞋口,配左一碗蕃茄薯菜俾你點黎食,幾好食😋整體而言呢間就係貴價版茶餐廳,野食質素都算中上,唔差既🙈祥仔尖沙咀河內道18號K11購物藝術館B2樓B233A號舖[⭐️5分為滿分]味道⭐️⭐️⭐️環境⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️

食物味道: 湯及飯嘅味道做得10分有誠意，可惜湯及脆脆豬扒飯上枱唔夠熱，印象大打折扣，希望餐廳多加留意，不過侍應服務態度都好好，即刻幫我哋更換。祥仔嘅飯及意粉食材簡單，但睇得出煮功花咗一啲心思，味道做得唔錯。食物份量: 份量十足十，夠晒食啦價錢: 大眾化嘅價錢，喺尖沙咀K-11算抵食環境: 感覺寬敞，周圍都用上植物做裝飾，睇落十分舒服，增加食慾。服務: 服務員態度親切有禮，充滿笑容。回頭指數(10分滿分): 8分