小廚港作 (Closed)

當天的下午茶 , 就落腳於 荔枝角 - 長沙灣廣場的 小廚港作 Rocoma Kitchen ~總是覺得這間 Rocoma Kitchen 的名字很好聽 , 像是什麼大餐廳似的 , 實情這是一間茶餐廳 ~由於是下午茶時間 , 我就點了下午茶餐的 咖哩牛腩飯 配凍檸茶 (少甜) $ 43 + 3 (凍飲) ~ 先來的是一杯 凍檸茶 (少甜) , 冰粒不算多 , 檸檬有檸檬味 , 茶有茶香 , 不錯喝的 ~ 咖哩牛腩飯 : 雖然是下午茶餐 , 但分量就跟正常的沒多大分別 , 這個咖哩牛腩 , 絕對是 Hong Kong style 的味道 , 而且像一般茶記的咖哩一樣 , 配上了一些薯仔 , 牛腩大大件且夠腍夠味 , 但最主要的咖哩汁卻煮得不太好 ; 香料的味道不夠出就不用說了 , 咖哩粉還是未煮得均勻的 , 絕對不是好吃的咖哩 .... 但以一般茶記的味道來說 , 就是可接受的 ~本篇完 ~

成日Lunch都見呢間野長期排長龍，所以今日同同事去試下佢先，但12點半前到都要排，不過大約10分鐘都有位，呢到係先點餐比錢，但入去坐，其實選擇唔多，左手邊長期都係4樣野(鹽香雞/金菇肥牛，等)配喇沙或酸辣蕃茄湯底，另外再有午餐，今日有咖哩牛腩，鹽香雞，豬扒等，我同事就叫左鹽香雞飯，我就叫左咖哩牛腩配豬仔包鹽香雞賣相好靚，仲有幾舊酸菜解下油膩，我試過舊雞，唔太咸，雞肉都算滑。至於我個咖哩牛腩，好夠咖哩味，淨係牛腩都有6，7舊大大舊，但亮點竟然係個豬仔包，又熱又脆，一搣好似薯片咁，點埋啲咖哩汁真係冇得輸，岩哂我地呢啲鐘意食包既人，但我望到附近都食喇沙同湯麵多，賣相都吸引，但我覺得豬仔包贏哂仲有，呢到杯茶走好濃好夠茶味

荔枝角有2間小廚港作,尼間係長沙灣廣場1樓入面,另一間係個廣場地鋪~中午時段喜歡黎尼間食~ 雖然2間午飯時段都係好多人排隊,1樓尼間做外賣既較多~所以堂食的話好快等到位~店員會幫忙安排等候既人數,先購票後入座~好鍾意食海南雞飯~ 就點了一客海南雞飯配熱奶茶,不太喜歡吃雞翼位,問了一下售票姨姨可否要雞胸,她說選雞胸要另加$10,但我覺得太不化算,那請幫忙走雞翼,售票姨姨都給我弄得哭笑不得~對於雞飯我係有一份堅持的~ (哈)拿著號碼牌到座位坐下,不到一會海南雞飯到了~ 第一個觀感得不錯㖿~!有薑葱,酸菜同甜酸汁伴碟~還有雞是雞脾來的~ 樂透了~!!!吃了一口,雞是沙薑雞,飯不是油飯,有點失落!然而快餐來說,我也覺得真不錯~!

招牌咖喱牛腩配大豬仔飽（$50）咖喱落咗香草🌿去煮，所以味道較豐富👍仲幾辣添🔥🔥🔥（草根只能食BB😝）絕對唔係港式得個色嘅黃色咖喱🍛牛腩有成6-7嚿🐮，份量都算多😍肉質軟腍入哂味，仲附送埋牛筋一嚿✌配菜當然唔少得有幾嚿薯仔啦🙌草根好欣賞用咖喱x豬仔飽🍞外脆內軟😙一流！📣📣草根推介！

小廚港作鹽香雞飯（$53）草根🤔見呢個飯人人都叫，仲標榜自己係😏小廚港作鹽香雞飯，草根就會一會佢！可惜，好一般😑，又唔夠味😔，😕點叫鹽香雞呢？肉質唔太滑，賣相就幾好，不過味道就。。。p. s. 大家可以食招牌咖喱牛腩配大豬仔飽，好味！

星期六長沙灣廣場原來5點幾就冇人流，茶餐廳也好快關門，這間茶餐廳也是，我們趕住在關門前食下午茶。這個奶油豬仔包好好味，夠晒香脆，好夠熱，如油都足份量。正呀！！火腿蛋治，麵包夠軟身，火腿同蛋也新鮮。good!!

荔枝角有兩間小廚港作，是同一集團的，早餐時段人頭湧湧，很難找到座位。今早因工作關係，一早要過來荔枝角這邊，趁有少少時間便吃個quick breakfast。早餐有多款選擇，但公仔麵只得幾款，於是便叫了個五香肉丁麵，另配多士、奄列，加杯熱奶茶，盛惠$31，價錢中等。至於食物方面，五香肉丁份量算多，味道尚可接受，麵質也算爽，不會太淋身，湯汁索了五香肉丁汁，屬半辣，整碗麵是okay的。但奄列較失色，火腿絲少得可憐，蛋太老，不嫩滑。至於奶茶則一般，茶味不夠，所以味道較淡。

今日下晝嚟長沙灣廣場搵嘢食，係中午嘅時間，呢間餐廳比較多人，基本上係坐滿人，而且呢度雖然係茶餐廳，但係要畀咗錢叫咗餐先可以入去坐。 我喺收銀處度叫咗個，台式紅蔥頭雞扒撈烏冬同一杯凍檸水($50) ，之後拎住個牌去搵位坐。 過咗五分鐘服務員將個烏冬送上，雞扒分量度幾多，有6至7舊，而且雞扒煎得好香 啲肉都好結實。雞扒下面有好多紅蔥頭嘅醬，啲醬係拎嚟撈烏冬，啲紅蔥頭醬爆得幾香，撈落個烏冬到，畀烏冬及曬啲味，幾香口入味。

走進這間位於商場內的茶記，感覺頗企理。港式早餐，很多時都是一份腿蛋/扒，加一碗粉/麵。今餐不例外。以份量計，這個雪菜肉絲米是主角，而腿蛋是配角。從未吃過難食的雪菜肉絲，這次加入了紅椒絲，好食。熱檸水真的很熱，如果能夠改用六七十度的温水，能保留更多維他命C呢。

今日同同事食晏, 揀咗另一間小廚港作,平時食開地舖嗰間,呢間在長沙灣廣場裡面的聽同事講佢食過裡面既西冷扒餐好好食($58),所以今日試試!呢度Order出去買飛拎牌等佢送上呢碗係同事既喇沙個賣相還可以,少許辣!(聽同事講,所以未能詳盡介紹)到我据扒啦! 見到塊扒都自幾大塊,同埋都幾厚!通常最擔心係扒大但係好硬好乾,哨好耐都吞唔到!不過我貪心既嘢冇出現,一据落去超順,唔駛好大力就可以將塊扒切開!我揀咗黑椒汁, 唔太哽唔太鹹, 我嚴佢太少汁tim< 因為最後唔夠撈飯(下次應該配薯菜更好)件扒好林好易咬, 只係得一個細位有根哨唔到, 整體都接受到, 算幾好食!!

每次黎食都係因為小人，因為每次佢地極差既服務態度另到一班同事都好唔鐘意黎進還，唔否認佢既食品係好多元化，但佢地既服務態度就好單一地差，仲要係一次比一次差，如果想食住好野受氣都可以選擇呢間

下雨天。。。所有決定入商場食。小廚向荔枝角有兩間，一間係地鋪，超大的。另一間就向商場入面。但就好細的😬兩間食嘅野其實都唔同。商場那間就主要食湯麵，咖哩，同扒餐。可以睇下個外賣紙。排隊等位，有位先可進入，然後買野食，再坐返埋位。野食跟住就會送到你枱上😌鹽香雞鮮茄酸菜米粉 - 今個揀左食呢個。50完色埋餐飲👍🏻勁多雞。d肉又唔會"鞋"。但就無咩鹽香味。湯唔係好鮮茄，我幻想中係紅色的。睇落好像好清，但湯底幾夠味，酸酸地，微微辣，都算不錯，我差不多飲晒d湯。。。不過應該都落左d師父。因為有點兒口湯😐

鑑於荔枝角是寫字樓區，所以晚市時份會較易找位子的~先自行到收銀位落單，然後收銀姐姐會給你一個帶有號碼的牌侍應姐姐就會根據號碼自行把所點的菜送到枱上算是有挺好的服務 我點的是鹽香雞喇沙，一看到原來是原隻雞髀就好開心，啖啖肉!!食落口唔多覺有鹽香味，似白切雞多D，不過雞肉好滑溜，而且無雪味食麵既時候先發現原來係油麵加粉絲既組合我都係第一次咁樣食 油麵加粉絲既組合可以索到好多湯，但又唔會過於濃味，very good!!加埋杯菜蜜，飲落真係有西洋菜味，唔係得個甜字~

小廚港作, 差不多每星期LUNCH都來食一次, 而每次必食既一定係肥牛金菇喇沙配油麵+粉絲. $48大大碗，走芽，肥牛金菇粉絲油麵面份量都足夠，湯底香濃惹味，微微辣夠醒胃，肥牛有牛味唔韌, 金菇入晒味，油麵粉絲配合度高，粉絲吸收湯底，夾一齊食又食到粉絲幼滑之餘又有油面彈口，好味夠飽，再來杯茶香奶滑奶茶，簡直充滿力量，為午後工作加油!

是日，要一早來荔枝角開會，咁，我既早餐也決定來到荔枝角才食。一下車，我就在長沙灣廣場的附近，而我就選擇走入商場尋找一下小食店，結果，同我結緣的是這一家名叫《小廚港作》的小食肆。在商場內的，原來是咖啡廳形式的，不過當中當然有香港元素，我所食到的東西，同快餐店/茶餐廳見到的沒有分別。而在我開完會離開荔枝角時，發現《小廚港作》另有一地舖，做茶餐廳。早餐，我要了一個雞扒餐，雞扒蛋多士，同連鎖快餐店的扒餐沒有分別，味道上，賣相上，幾乎是一樣，當然，塊雞扒大件過快餐店。而且，這一個餐包了一個火腿通粉，顯得很抵食.....奶茶，是可以的，奶味濃，茶味有，但相對來說，淡口了少少....簡單輕快早餐，不過不失....