Roll & Mari (Closed)

生日飯食咗我最愛嘅韓國菜💖 意外發掘到價錢超貼地 口味又正宗 又有人情味嘅小店❤️🤩小插曲：男朋友漏咗銀包係嗰度，過咗成個晏晝先發現，打去問先知店主好好咁幫佢哋keep起咗，仲一啲財物損失都冇🙏😭😭大感動.🍝●「卡邦尼炒年糕」($65)●超大碟!!! 卡邦尼醬完美包覆每一條年糕年糕火候、質感都控制得好好 煙韌彈牙芝士粉好慷慨🤩咁多位芝士迷必定要叫！.🍜●「 韓國純豆腐泡菜湯」($55)● 我每次去韓國餐廳都必點嘅菜式🤪😝雖然叫純豆腐，但係湯底加咗肉片去熬上菜都見到有幾塊肉 提升鮮味豆瓣醬同埋泡菜配搭得好好，唔會太稀，夠濃味我覺得唔會太辣 怕辣嘅朋友都可以叫嚟試下.🥞●「泡菜煎餅」($65)● 泡菜煎餅質感比較煙韌係我鍾意嘅質感唔會太粉 散修修咁 好完整嘅一餅野😂😂稍可惜係泡菜分量唔夠多😣🥺如果可以多啲辣 惹味啲就好喇😂🤪🤪————💭💭💭————好味(7/⑩)抵食 (9/⑩)

同朋友行入嚟，諗住輕食個下午茶，行過一圈見其他店都有人，但價錢就高啲，見呢度幾實惠就入嚟試下。入嚟果時就冇人（我本身唔鐘意多人餐廳）。由於只係輕食，就只叫左個炸雞諗住無咁易伏，點知一試就出事。佢新鮮炸個皮都係un 嘅，好難先咬得開，仲差過麥樂雞，都唔知個廚有冇食番自己煮嘅嘢食，叫一碟都中伏🤦另外我有叫個葡萄汁，其實全間得我地一台客，但最後都係要提佢先得俾，真係無嘢好講。無可能有下次，亦建議大家可免則免。

呢條街附近都有幾間韓國餐廳, 但好似得呢間真係韓國人開咁~呢間店細細, 大約有5-6張檯前菜(Free)一碟kimchi+紫菜湯紫菜湯OK, 有小小salty, kimichi幾好食, 唔會太spicy一直都好鐘意食炸醬面, 中過好多伏, 今次就試下佢呢個好唔好食上菜好快, 佢個炸醬面都多, 都有幾多肉碎味道黎講唔會太salty, 仲有小小甜鍾意佢個面夠彈性食物OK, 但環境就一般, 唔係真係好乾淨~有潔癖ge人就唔suggest 去

食之前我冇睇過任何openrice嘅食評, 因為行開呢條街見到有好多好似好地道ge 韓國店. 今日目的只有一個: 真係去一間由韓國人開ge 餐廳一黎到就會有碟kimchi仔+紫菜湯紫菜湯有D太咸我地叫左個海鮮蔥花餅+燒豬肉飯海鮮蔥花餅似平時係酒樓食個D薄餅…唔係好韓式但個醬汁幾甜, 點埋一齊食係幾好ge燒豬肉飯似主家式~ 個汁都係偏甜飯ge份量好多我覺我正正常常總括黎講, 佢唔係話好出色, 正常一間餐廳, 但價錢就幾經濟ge!

趕時間諗住搵間唔多人嘅入去快快手食飽，一推門完全冇人理我，一個丫姐同一個金色頭髮嘅女仔不停玩電話完全處於無人之境咁，我自己揾個位坐低左個丫姐先識得比杯水、湯同泡菜我，菜單都要我自己去隔離枱拎，諗住落單嘅時候個金毛仲玩緊電話，等咗一陣個丫姐終於埋泥落單⋯⋯15分鐘後我個辣拌麵泥到，勁難食🙄我10分鐘快快手食完，攞晒錢出嚟拎埋袋企係佢收銀前面，兩個人坐晒係度玩電話完全無反應…好彩我唔洗找錢直接走…我食完成餐飯個金毛待應完全冇擺底過部電話，淨係我隔離枱走個陣先至拎住部電話單手走去執枱…

依個米味既罐裝飲品又幾特別，淡淡既甜味，底部仲要有D米，好似飲緊酒釀丸子既湯除左係新鮮熱辣辣之外，其他野吸引唔到我，話明 韭菜餅，但韭菜又咁小，又煎得唔金香，失色實在太清，比起我屋企煮既麵還要清，麵條同辛辣麵相似， 嫌佢太淡既話，先加前菜食， 泡菜有D 辣，mixed 就岩岩好店員唔小心落錯單落左醬油炸雞（用餐其間不斷送錯單落錯單，好搞笑既小店員）炸雞冇咩肥膏，好老柴，唔食肥肉既人應該會鐘意，不過件雞已夠味，都唔洗點sauce,好喊！

本身想同太太 causal 食餐韓國嘢，旁邊間網紅店太多人所以一心支持小店的心態就入左roll & Mari 點左大路嘢 石鍋飯 ，炸醬麵 。 點知真系有驚喜， 差到沒有再差 。 總之去屋企樓下food court 食廣東人扮韓國菜仲好食 今次我在OpenRice 睇左十幾年 第一次出post . 😢😢😢😢

好少寫食評，但係今次真係太過分。食食吓野，突然之間喺間餐廳嘅右上角天花板度跌咗成10隻曱甴落嚟，成個人尖叫彈起。個侍應捉咗兩隻揼咗落垃圾桶，地下仲有七八隻席喺度卷來卷去，仲叫我坐返低喺我個位度繼續用餐。我唔肯再食，衛生問題加心理上嘅恐懼都已經唔想再留喺間餐廳度，另一個侍應就即刻捉我去埋單 (嗰陣時啲食物啱啱到)。一句道歉都冇講過，講到好似有曱甴喺度我唔想繼續食係我問題。其他顧客一見到件事都走晒。啱啱睇返佢哋嘅 google review, 原來三日前已經有曱甴出現過，但係餐廳完全冇處理到，又係一樣叫嚇親嘅顧客買單就走。大家千祈唔好食呢一間餐廳，我會將呢件事報去食環署。I rarely leave any food reviews but this restaurant is actually too horrifying. While I was eating, ten huge cockroaches fell from the ceiling, almost directly above where I was sitting. I screamed and jumped up.

晏晝諗唔到食咩好，就求其行咗入韓國街嘅一間餐廳，因為基本上所有韓國餐廳嘅Menu都差唔多，我哋都冇咩心水餐廳。呢間舖頭好細，啲位亦都好窄，我哋叫咗個牛排骨湯飯，同埋一個石頭鍋飯，前菜只有一碟仔泡菜加一碗有幾條海帶嘅特濃胡椒味湯。呢個排骨湯飯都算經典，嗰舊蘿蔔硬過我個頭殼，成兜只有一舊白蘿蔔、兩塊牛排骨，幾條粉絲，同埋加咗鹽嘅清水做湯底。啲牛肉韌到飛起。呢個石頭鍋飯睇落係正常嘅，有一隻窩蛋，但味道係唔好食，記得舉手提出要辣椒醬，成兜飯好似冇落過油咁，乾爭爭到飛起，飯焦係有嘅，但一啲都唔香，真心似煮燶咗，總之成兜野都好乾。乾到真係食唔落，店員無啦啦俾咗支麻油我哋，落埋都係救唔到兜飯。

Lunchtime on a weekday at this place is pretty crowded. The price point is relatively low, so perhaps customers come for a cheap and cheerful feed.There is a lunch menu that contains a variety of Korean dishes, from rice cakes to hot/cold noodles, to stone bowl rice and stone bowl soups. The typical foods, but with some novel additions like Korean style sushi and toppoki carbonara. While the variety piqued my interest, I fell back on my staple choice of Stone Pot Tofu Soup with RiceThere are com

😍每次想食韓國嘢 都會去尖沙咀韓國街今次就揀咗間比較唔起眼但價錢幾平既小鋪試吓🤣-按照慣例 一坐低會有兩份前菜 當日係泡菜同芽莱另外仲有碗類似麵豉湯？由於太肚餓就冇影到相味道都正正常常 但冬天有熱湯確係暖心💕-石鍋蟹籽牛肉飯 蟹籽份量雖然唔多 但其他配菜都好足料牛肉係碎粒 冇乜肉味 不過呢個價錢唔要求太高熱辣辣嘅石鍋 加埋生雞蛋 仲有啲飯焦 食落都幾滿足-泡菜豆腐鍋 一上枱係仲滾緊 飲落味道調得啱啱好唔會太酸太辣 係正常接受到嘅味道🤣豆腐有豆味而且夠嫩滑 鍋中加入左蜆、蝦同雞蛋材料咁豐富幾有驚喜 食落唔會太齋 今次去嗰陣未太肚餓 下次會去試埋佢哋嘅招牌卷物好味評分😋：4 /5🌟🌟抵食指數🤑：4/5 🌟🌟餐廳環境 🤪：3.5/5🌟🌟價錢💰：豆腐湯飯 $55 牛肉蟹籽石鍋拌飯$56地址📍：Roll & Mari 尖沙咀金巴利街1號E舖

友人在韓國街很喜歡的一家餐廳，價錢比較親民，個人認為不錯，所以也來好幾次了，香港物價高，租金貴，所以餐廳面積較細，有時的確會怕聚餐時不夠位置放碗碟，另外，大家可以問店員拿隔離餐廳的餐牌，也可以點菜哦，而且一併過在這間餐廳付款就好🍜 炸醬麵 $55表現比較失色，麵質還好，但味道普通🐮 烤牛肉紫菜卷 $45這餐裡面唯一的肉，牛肉味道突出，蔬菜感覺平衡清爽🥬 泡菜餅 $65質感軟糯，泡菜味道濃郁，再沾上醋醬，油膩感會減半

又起韓國街搵野食上次街尾嗰間唔好食今次試依間Roll&Mari 俾佢啲卷物吸引咗入去已經3:00所以得一台客 而且入面舖頭細 座位少餐牌主要食石碢飯 冷麵 湯麵 卷物我同朋友叫咗個蟹肉條Nude雞肉卷同一個年糕餃子湯2個都比我想像中大碟每人仲送一碗紫菜芝麻湯同泡菜年糕餃子湯 ($55)好足料 又有紫菜碎起面 仲有蛋花 同冬菇當然仲有好多大大隻韓式餃子同一片片年糕朋友分咗啲俾我試湯底味道好好味👍🏻清得黎有紫菜香味 唔太鹹又夠味 應該唔係味噌湯蛋花同冬菇定湯冇咁齋 又帶出少少自己原有嘅味道餃子更是好食😋味道好夠 入面食到韮菜同粉絲 好似冇肉 係素餃子黎 皮薄但唔易爆開蟹肉條Nude雞肉卷 ($55)佢啲卷物好特別 個名都好搞笑 叫nude雞肉全部大大舊 雖然賣相冇餐牌靚料真係好足 有韓式飯捲基本材料: 紅蘿蔔絲、醃製菠菜、紫椰菜、醃製白蘿蔔不過全部味道都唔太濃 一啲都唔鹹 味道最出係醃製白蘿蔔 較酸🥕至於紅蘿蔔絲同紫椰菜就好脆 因為係生嘅 為卷物增添口感雞肉都好食 肉好腍 帶有微微豉油味 唯獨有啲雞皮米飯就差咗少少 唔夠咬口 同埋太淋 食落唔知點解冇飯味😐唔知係米飯唔靚定用隔夜飯關係 令成

係韓國街搵食，諗住係韓國人打黎會有韓式風味..點知都係食唔到係韓國食既味道。又唔可以話係好差，但就唔多地道咁樣。入面好細，坐得好迫下..郁一郁都會整到格籬枱。炸醬麵麻麻地，唔識形容...得個樣似炸醬麵但個醬就一般般...個麵質都麻麻地。另外個個粉絲牛肉煲算OK，味道算係可以既...起碼真係有牛肉先..個湯底係甜甜地..送飯都幾好食...最後個泡菜煎餅都還可以，係3種食物中最好食既..有小小油油地、都煎得幾香。有啲大個，食到最後食唔哂。

-🦄ROLL & MARI-上一個POST咪話左會分享其他韓國🇰🇷餐廳嘅😛琴日又去左尖沙咀韓國街搵食💗岩岩好係中午時分入左呢間餐廳🤤差唔多98%Full曬😌‼️好在都好快有得入😂然後我又叫左我最愛嘅水冷麵-🇰🇷辣醬蕎冷麵 Hkd60🇰🇷Rating🌕🌕🌕🌗🌑其實都只係水冷麵上面再加辣醬🌶😂但一直好想食下同普通水冷麵會有咩分別🤔見佢價錢一樣於是就叫左來食喇‼️可能因為有個好清甜嘅湯底😌😌所以就算加左辣醬 都唔會有辣味🙃反而仲要加返啲黃芥末令到個麵變得惹味啲面頭嘅蛋係我食過最硬嘅蛋🥚以雞蛋來講🍳佢都需要花費啲牙力先食到😱所以我都會懷疑自己係咪真係食緊雞蛋😂😂蕎麥麵麵質係合格嘅‼️煙韌彈牙😝😝不過佢係一餅餅咁而唔係一”注注”咁😰所以用筷子🥢好難夾到一條條嘅麵😥而係會夾到一舊舊嘅麵😂呢度我就要扣啲分👋🏻但整體而言佢都係一個合格嘅水冷麵🔥-🇰🇷水餃年糕湯 Hkd55🇰🇷Rating🌕🌕🌕🌗🌑份量適中👍🏻餃子同年糕嘅份量都好足夠👻面頭都有好多配料例如係蘿蔔🥕超好味嘅紫菜🙈等湯底同海帶湯嘅味道差唔多🙈都係比較清淡😂年糕係一片片而唔係一條條嘅🙈雖然個人鍾意後者不過煙煙韌韌咁都幾好食😝而餃子🥟嘅餡主要有兩樣🤔