滾火鍋 (Closed)

滾火鍋小編真係好開心發掘到依閒餐廳，港鐵深水埗站 D2 出口, 步行約7分鐘。內裡的裝修走比較大理石風格，華麗得黎又吾會太誇張。裝潢給人一種可以享受食物既感覺。卡位位置十分舒服，不會太近個爐而覺得熱。小編好中意佢地服務員既態度，十分之用心留意我地台上面有無空碟，會第一時間收拾，從依d細節位可以睇得出，老闆對員工既培訓都十分之足夠。/小編湯底部分就選擇了沙爹同埋麻辣湯底，個人好鍾情於沙爹湯底，九龍城就有一間小編既最愛（吾開名啦，九龍城最出名火鍋店）。九龍城果間但吾知係咪因爲佢地太好生意，所以佢地沙爹湯底越來越吾好食。滾火鍋既沙爹湯底真係好出色，聼老闆講佢地係自己人手炒個沙爹底，完全吾會過咸兼體現到沙爹既香味。（大家一定要order響鈴，吸曬所有沙爹湯底，一啖落去真係要唱首張敬軒既“我的天“！麻辣湯底小編真係絕對要Encore，點解？因爲市面上大多數麻辣湯底都係得個辣，但完全忽略左麻（花椒）既重要性。超級過癮，想祛濕既朋友仔真係吾洗考慮，一定要叫麻辣湯底。内裏會附送新鮮鴨血，完全無一種很腥或者臭既味道。值得一贊同埋加分。/食物方面：1）響鈴： 依個價錢可以話分量超級多，十分酥脆但不會過油。

有朋自遠方（外國）來 話好耐冇食港式嘢食所以難得約到佢一於帶佢去打邊爐今次就選擇咗滾火鍋咁當日係平日我哋七點半到雖然係2個人，但佢地都比左個4人卡位我地，十分闊落。咁坐低梗係馬上睇下有啲咩揀啦我地揀咗鴛鴦湯底沙嗲同芫荽皮蛋等咗大概5分鐘湯底就上想湯底之前佢哋送咗兩杯酸梅湯俾我哋醒下胃 飲落十分酸咪咪但同時係甘甜過左大概5分鐘 湯底上到 沙嗲超香我地都趁呢個空檔嗌左唔少野食👉🏾 手切肥牛 肉質新鮮 有牛味 油花均勻👉🏾 響鈴 新鮮炸起熱辣辣。有脆又香👉🏾 手打四寶丸 賣相精緻 佢有蝦丸 鯪魚丸 豬肉丸同墨魚肉👉🏾 店長誠意推介嘅黃金午餐肉 本來我唔好嘅午餐肉食落真係冇得彈👉🏾 炸魚皮都係新鮮炸起嘅 夠香脆👉🏾 脆肉鯇 新鮮 較落好爽脆👉🏾 牛肝菌鮮肉水餃 好重菇味一定會介紹朋友再食👍

我全家都好鍾意打邊爐 幾乎每次聚餐都係選擇食火鍋 今次也不例外由於我哋全家都好食得辣 所以我哋揀咗四川麻辣鍋$88 這裏全部湯底都不含味精我哋突意叫廚房安排一個加辣嘅火鍋湯底 因為平時食開嘅湯底即使係大辣 我哋一家人都唔覺得辣這個麻辣火鍋湯底相當有驚喜 味道又香又麻香味撲鼻 辣勁十足 越食越過癮而且湯底入面仲有 芽菜，豬紅，海帶等配料手切本地牛展$268（大）打邊爐食牛是必須的 牛肉色澤紅潤相當新鮮 每片牛展都是人手切的 刀功不錯 厚薄均勻大小均勻 每片牛展都帶有牛筋 所以食落比較有咬口 而且食到牛肉嘅鮮甜味招牌黃金魚皮$58鹹蛋黃迷不要錯過 鹹蛋黃份量超多的 即叫即炸熱辣辣脆卜卜 非常香口牛肝菌鮮蝦雲吞$88一碟有八粒咁多 粒粒又圓又大 皮薄餡靚 雲吞中嘅鮮蝦相當爽脆彈口新鮮生腸$68好少火鍋店有新鮮生腸食 一定要點嚟試下 清洗得乾淨沒有內臟味道 配合麻辣火鍋湯底令本身冇乜味嘅生腸變得惹味手打墨魚滑$108墨魚骨入面加咗馬蹄 所以口感層次上變得非常豐富 墨魚骨夠鮮甜 入口夠彈牙紮實稻庭烏冬$48烏冬吸收曬湯底嘅味道 基本上唔使點任何醬汁已經好夠味什錦蔬菜盤$68要多款唔同嘅蔬菜 倒不

今晚到了深水埗的「滾火鍋」和朋友見面，一起邊淥邊聊天。尋找餐廳期間發現，沿路也有4-5間火鍋店，所以深水埗區居民大都喜愛吃火鍋？店內格局頗為新淨，看似是剛開業不久。筆者被安排入座卡位，座位寬敞，坐得舒服。先來一杯餐前小酌，作為這頓佳餚的開幕禮。店員會遞上盛載了鼓油的小碟，然後再端上這個醬油料架，由食客自行調教豉油汁。脆魚皮炸得香口，外層似是有咸蛋黃的元素，吃進口有咸蛋香的香酥味。豆腐非常滑身，筆者筷子功不好，幾乎一夾即散。豆腐沾上了杏仁薄片一起炸，外皮酥脆內裡嫩滑。此道小食是冷盤，魚皮異常爽身，拌上了花生、蔥粒、姜絲等。辣度不算強勁，可以接受。餐牌上列明湯底不含味精。芫茜皮蛋鍋：除了芫茜和皮蛋，也有下馬蹄烹煮，湯頭味道鮮甜。四川麻辣鍋：較重口味的湯底，內有芽菜、海帶、豬紅，以及大量辣椒香料，傳來陣陣麻辣香。88元有8粒，平均每粒11元，必須試試有何特別！雲吞皮薄身滑溜，餡料頗多，但只有鮮蝦和豬肉味，不太能吃出牛肝菌香。豬潤色澤紅潤美麗，下鍋後不消三數分鐘便熟透。入口都算粉腍，但間有韌位。鯇魚腩都相當新鮮，切得厚身。淥熟後，魚腩有著爽脆口感。賣相漂亮，各種不同蔬菜包含其中。其中筆者最欣賞

個晚約左朋友仔食飯聚下，我地見近日涼左咁多都想洽下洽下暖暖身，所以一於無理得我地兩條友都照去打邊爐，食火鍋我地入左去一間裝修得幾骨子既火鍋店，準備坐得舒舒服服咁滾住食，洽住傾鍋底方面有好幾款，朋友愛辣但我又唔太食得辣，鴛鴦鍋$88就岩晒我地啦之後我地就揀下火鍋料先，食火鍋啵，牛就唔少得啦，我地首先剔左份細既手切日本和牛$288，之後再要左碟脆鯇腩$88、豬潤$68、蔬菜拼盤$68同牛肝菌鮮蝦雲吞$68個芫茜皮蛋鍋仲落左馬蹄，清清地都幾正啲火鍋料睇落好新鮮啵，尤其係碟牛，肉色鮮嫩，食落嫩淋，牛脂感十足！！呢度既豬潤厚切新鮮，食落既爽又香個脆鯇又係好正，超彈就算連啲蔬菜都唔係馬虎了事，每款都係新鮮靚仔既，份量都唔少我地個晚仲係d火鍋料未黎之先要左兩款小食：招牌黄金魚皮$58同杏香金沙豆腐$58呢兩款小食都好推介大家黎到要試下，前者炸魚皮炸得超脆，混合埋濃郁咸香既咸蛋醬，真係沒有最邪恶，只有更邪恶而個豆腐係十分滑溜，炸漿只有薄薄一層但充滿杏仁香氣，同豆腐既豆香互相輝映除左野食，嗰晚我地都飲左好幾罐冰凍既汽水$10添

琴晚約咗住附近嘅朋友食飯，行過見到呢間裝修好四正嘅打邊爐，新張期內做緊優惠，於是就決定喺呢度開餐。火鍋配料半價真係好抵！我哋係第一個時段入去食，去到嘅時候冇乜人，不過到我哋走嘅時候都坐左八成滿。打邊爐最緊要係個湯底，呢度有兩款燉湯湯底，價錢雖然唔平，但味道的確好好，非常足料。我哋要咗黑蒜湯。呢個燉湯超級大窩，我哋兩個人飲左好多碗先開始打邊爐！個湯味道好濃郁，真係好似媽媽煲嘅湯咁足料。跟住我發現黑蒜煲湯原來幾好味！湯入面嘅材料多到食唔晒！飲完湯就準備打邊爐嘅醬料，沙嗲醬溝腐乳點牛肉好正我哋要咗一碟細嘅手切本地肥牛。$288的靚牛肉依家半價！牛肉肉味濃郁，肥瘦均勻，而且手切的厚度剛剛好淥幾十秒就食得我哋仲要左響鈴。即叫即炸，上枱仲係熱辣辣！仲有手工餃都係必食推介。我哋叫咗黑松露餃同白菜餃雙拼，兩款都好味，皮薄餡靚好足料！不過我覺得黑松露餃更勝一籌，黑松露味好突出，唔係度度都食到！跟住仲要咗個杏片炸豆腐。呢個小食可以就咁食，香脆可口！最尾仲要左個麵，用盡啲湯$20兩個出前一丁，仲有半價！！！食完真係飽到上心口，好満足

收工約左朋友去打邊爐一入到去見到裝飾好靚 好光猛好舒服好闊落店員安排左我地兩個坐卡位 好正一坐底佢就放低左兩位餐前飲俾我地叫我試話梅酸梅味 凍凍地勁開胃之後嗌左餐前小食招牌黃金魚皮 $58邪悪到呢 啲魚皮痴滿咸蛋黃 脆卜卜佢仲要熱辣辣 最正係有湯 碌一碌嘅時候 好似流沙甘調味架連腐乳都有 驚喜連電磁爐都有埋名 真係好dup本濃香鴛鴦鍋 $88 沙嗲+芫茜皮蛋個沙嗲湯好正 唔係一大pat沙嗲醬開水佢好香花生味 唔會好咸 手切安格斯肥牛(細) $288好靚油花 好有咬口 好香牛肉味👍🏽👍🏽輕輕碌一碌就食得手打四寶丸 $108有手打豬肉丸 蝦丸 墨魚丸同鯪魚球甘樣擺 好靚好精緻 又好方便即炸響鈴 $58呢個即炸響鈴一放落枱就已經感受到個種即炸嘅邪悪放落湯三秒 擺落口好鬆脆又有少少林地嘅感覺 好正 佢仲好細心擺張索油紙炸午餐肉 $48老細行埋黎問我地點解唔叫午餐肉話係呢度嘅招牌 一定要試我地二話不說即刻叫左真係好邪悪 炸到岩岩好 又唔太乾或者油林林最重要係厚切 好有口感我明白點解係招牌 佢地啲炸野真係唔錯順德脆鯇魚腩 $98多數見到脆肉鯇都係起雙飛 好似蝴蝶甘好少見到甘樣切原來甘樣切 咬落仲正

今日約咗幾個中學同學食飯，咁就喺附近食，見到呢間新開張嘅火鍋店好似幾乾淨企理，坐得幾舒服咁樣，而且價錢都唔係特別貴，所以今晚就試一試😁一去到坐低店員已經介紹佢哋有咩招牌小食，所以我哋就叫咗一份黃金魚皮，原來係即叫即炸，所以超級鬆脆同埋新鮮，唔會太油膩，都係$58咁大碟，抵過食新加坡魚皮😂嘢飲方面都唔係好貴喎，$28一大枝asahi！同埋餐廳會準備每人一杯話梅汁，俾我哋開胃，都唔錯！🤣湯底方面我哋就要左一個鴛鴦鍋，叫咗一碟和牛，牛肝菌鮮蝦雲吞，脆肉鯇同埋一份蔬菜拼盤都已經食到飽飽。👍🏿想特別推介牛肝菌鮮蝦雲吞，因為真係即叫即包，所以都等左一段時間，不過入邊嘅餡料真係好豐富下，蝦好新鮮而且牛肝菌嘅味道好香，好好食！😍

一路都想試下啲比較高質素嘅火鍋店，朋友推介深水埗新開的滾火鍋, 就一於去試一試❤︎一入到去已經覺得啲裝修好高級，有別於一般深水埗的食店，高幾個檔次另外Menu設計得好靚，好簡潔易睇。朋友推介的黃金魚皮，咁我就叫左個，原來係最近大熱既咸蛋黃魚皮，佢係新鮮即炸，再連咸蛋黃回鍋就炒超好食，一定要試〜湯底我地叫左四川痳辣鍋，好正宗，好夠味牛肉方面, 佢有幾款, 我地就試左本地手肥牛；油花超靚，食落牛味重，有咬口。海鮮方面我地點左白鱔片同脆肉鲩魚〜白魚片好有魚油香，水滾烚10秒左右就OK，好淋好好食。脆肉鲩魚就肉身超爽脆店員仲會主動同你講解啲火鍋料點樣食可以好食啲，另外會KEEP住幫你斟酒，見你枝酒放得耐，仲會主動提供冰筒，超細心食完火鍋原來有糖水送，係腐竹雞蛋糖水，蛋係 鵪鶉蛋！簡直是心機之作

收工同朋友去食飯, 見到呢間火鍋店裝修幾靚. 咁就同朋友入去試下.店員安排左個卡位俾我地2個人, 超寬落, 好舒適. 唔好好似一般食店咁迫. 衣個值得一讚.另外成間鋪裝修好靚. 係深水步區應該數一數二, 感覺好高級.2個人, 叫左個痳辣湯底+皮蛋芫茜湯. 一邊惹味, 一邊清熱.痳辣唔會太辣, 夠痳. 皮蛋芫茜湯夠清甜. 兩個滲都足料.前菜叫左個魚皮, 十分爽滑, 又夠新鮮, 好好食, 必叫.另外叫左個日本和牛, 淋身過本地牛好多, 同埋油份比較多, 全晚最好食既野, 必叫.魚方面我地叫左脆肉鯇骨腩位, 好新鮮, 同埋份量超多. 肉物夠厚夠爽脆.丸方面我地叫左4寶丸, 賣相超靚. 墨魚太超級彈牙, 太上面杞子好大粒, 同埋超甜.完左個邊爐, 店員送左2碗糖水. 糖水同火鍋料一樣有水準.  總結黎講, 環境好, 食物有質素, 另外店員招呼都好好, 好親切有禮.

朋友話佢公司近日開左間新既火鍋店，一直好想試，今晚一於就同佢一齊去試下。去到我就知點解朋友咁想去，因為佢雖然鐘意打邊爐，奈何好多火鍋店都會比較逼，坐得唔舒服，但係滾火鍋就相反，佢座位同桌面都勁闊落，環境乾淨，卡位私隱度高，真係一間可以歎住享受，盡情傾計既火鍋店！呢度食物價位普遍係偏高，不過食物高質，而且份量不吝嗇！所有食物都比想像中大份店員推薦既前菜，係醃過既蘿卜，我平時唔食蘿卜既，但呢碟我好鐘意，調味做得好好，甜、酸、微辣，好開胃，而且擺盤好靚！！$288 日本和牛（小） 本來我地以為和牛份量定必好少，會得6-8片，意外地有12片，而且每份都大大片，脂肪同肉既分佈均勻，口感非常好，仲有好香既牛香同油香鴛鴦鍋湯底，90蚊左右，四川麻辣+豆腐湯底。我唔算勁食得辣，不過呢種辣係我接受到既程度後來戰鬥力不足時豆腐湯就係我既救星黑毛豬肉片，大大片豬肉有嚼勁炸午餐肉，呢個真係好驚喜，店員輕輕介紹點樣食先係最好味，基本上就係只需要將佢放入個湯底一兩秒就夠，咁樣食法真係最好，因為熱辣辣同時又有保留到炸午餐肉嘅鬆脆外皮墨魚滑，又係好吸引既擺盤！ 分量都係比想像中多的確係好滑，不過我就覺得稍嫌少咗啲彈牙

知道深水埗有開咗間新嘅打邊爐，於是就走咗去試吓啦！一坐低就有人送咗杯梅汁比我地，等我哋開胃，可以食多啲野都幾貼心，哈哈前菜點左員工建議食嘅宮廷蘿蔔，賣相好靚！我諗係個賣相夠靚所以係宮廷菜掛，不過意料之外，蘿蔔腌製得幾好食。湯底我哋揀咗雙拼，都係88蚊！又幾抵玩，叫左個四川麻辣，同埋清湯豆腐鍋，識叫一定係有辣有唔辣一上菜已經勁大陣麻辣味撲埋黎～正啊！我哋叫咗日本和牛，啲雪花紋好靚啊入口有好香濃既油脂，有軟嫩既口感～黑毛豬肉也是不錯的，烏東當然都係要靚料烏東，一分錢一分貨。推介食炸午餐肉，雖然咁食法唔太健康，但係真係難以抗拒用佢黎打邊爐，不過我覺得塊午餐肉可以簿身啲同脆啲～因為畢竟要過一過邊爐，要簿身啲先keep到個脆度～手打墨魚滑上菜嘅時候都有驚喜到，賣相幾靚，食得出有墨魚嘅口感，但係我覺得可以再做得但有一啲，咁就Perfect啦～台灣貢丸不是我的菜，都係鍾意爽口彈牙既香港貢丸，而且台灣貢丸好似多左樣類似蔥嘅材料製成，都係香港的好食啲！因為個位好闊落，最後同班朋友坐到唔想走，吹水到夜，員工唔趕人仲送左碗糖水比我地，真係好窩心！

我本身好鍾意食火鍋，可以話係火鍋能😂😂今晚約左朋友食飯，又諗吾到食咩，因為朋友要去黃金電腦商場買野，所以去了深水步，向附近搵野食，既然諗吾到食咩，又係決定食火鍋😂😂周為行下行下，見到呢一間火鍋店，個名好得意，叫做滾火鍋，見吾太爆，裝修又靚，啲位好似好好坐咁，岩晒我地慢慢食，吹下水👍🏻一坐底，店員好有禮貌咁奉上餐牌及一小杯野飲，然後介紹呢杯野，原來係話梅水。佢地想客人食野之前飲杯話梅水，解喝之餘，又可以清除口中雜味，滋潤喉嚨，好好品嚐他們的食物👍🏻👍🏻好細心。飲完之後，喉嚨有種甘甜味，個人都平靜左啲😊之後店員介紹我地點一啲餐前小食，見吾太貴，就叫一碟試下。而且店員重會介紹有咩獨有特色的小食。我地叫左獨有既黃金魚皮，真係未試過，所以試下。睇左一陣餐牌，餐前小食到了，好香，原來佢地係即時炸嫁，濃濃既咸蛋黃醬包住熱熱的炸魚皮，好味程度100分👍🏻👍🏻 我食到停吾到口。本身以為得幾塊，點知佢地係好大碟，好抵食，我果刻感受到佢地係有良心，有心做好火鍋呢個市場👍🏻👍🏻終於點好菜了，提一提大家，佢地既份量吾會好細碟，所以我先覺得佢地有心做，而且有良心👍🏻👍🏻我地叫左安格斯肥牛，西班牙黑毛豬，四寶丸，炸

特登到深水埗揾野食，食晚飯時間好多時路邊無法泊車，無意中經過，發現呢間新開嘅鋪，初初以為只係普通火鍋店，入到發現有意外惊喜(睇相)，食完後仲有甜品，老闆話甜品日日唔同，由大廚自由發揮每日甜品，連佢都唔知係咩甜品，我哋今次嘅甜品係燕窩燉蛋白。

高質火鍋*滾火鍋去完朋友屋企housewarming大家都話最近凍凍地，想打邊爐朋友話呢間係新開既，幾企理，所以就一齊試下入面裝修真係好企理，好新兩邊都係卡位設計，私隱到高D又坐得舒服一坐低就有個餐前飲品 : 話梅水咸咸甜甜又真係幾開胃黃金魚皮 $58十卜十卜之前食D餐前小食先呢個黃金魚皮好食過包裝既多多聲勁脆勁鬆但又唔覺得好油D咸蛋黃夠多好夠化，唔會一粒粒甘包住魚皮既每一個角落雖然好邪惡，但甘好食真係忍唔到口宮廷蘿蔔 $58即係腌蘿蔔賣相整到成朵花甘，用黎呃like就最好不過濃湯花膠雞煲 $368個湯真係好香，而且好足料真係有成隻雞同埋好多花膠雖然花膠係比較爽身果款，膠質唔太重但甘足料都抵啦味道亦十分濃厚，亦唔覺味精，我地每人未開始打邊爐之前都飲左2碗 哈哈手切本地牛肉(小) $288本地牛肉有時會比較韌但你見佢D油分分佈得甘好就知佢唔會韌啦~而且牛味好重，唔點醬油都一樣好食手打四寶丸 $108有豬肉丸，蝦丸，墨魚丸同魚丸4款用料都好新鮮，好彈牙，個人最鍾意墨魚丸，唔只彈仲有粒粒咬口，唔錯手工韭菜餃、手工白菜餃 $78我同朋友都好鍾意食餃子兩款都係自定製粒粒都皮薄餡鮮蔬菜盤 $68蔬