滾火鍋 (Closed)

雖到夏天，但仍是好想食火鍋呢間掂鋪內裡既裝修、設計、餐具都好用心製作。好企得推介去食，除海鮮及湯底外坐低就來了杯酸梅飲料 、不用收費，細細一杯淺嚐，很解渴的我們點左皇牌花膠雞湯窩底呢個花膠份量十足，數量很多，十幾舊好大塊，餚足四個鐘夠哂火喉，我地飲到剩番一碗湯才捨得加湯食野，真的超好味，湯內有個杞子好清甜，我未食過咁甜的，真想問佢在那買這個黃金炸魚皮、即叫即整 好好食呀蔬菜拼盤排位很好👍🏻又新鮮日本和牛平時好少火鍋時點，但今日想試下，我連醬油都不用點已覺得好好食，牛味很濃，份量又剛好，yum 再來埋鱔片，鮮味很出，又不厚切，最喜愛那麼用心又材料靚的店鋪不多，好想再食多次 下次食海鮮🦞

最近成日都到長沙灣開工，除咗成日去食嗰間數字火鍋之外，附近又開咗一間貴價火鍋，跟附近的火鍋確實別樹一格，因為他們提供嘅用了食材都比較靚同埋高品質，當然價錢都會略高一點。附近的確少有新開張他們仲有配料半價，冇理由唔試！一早就訂咗枱，去到唔駛等，唔夠10分鐘已經全場爆滿！首先來一個沙嗲湯底，個鍋真係好大，沙嗲味非常之濃郁，可能好耐冇食過沙嗲湯底，覺得真係超級香他們其實都係主打新鮮海鮮，不過今次因為朋友敏感所以冇叫，好似都幾抵食大家下次可以試吓日本和牛，一睇張相就知道幾咁肥美，入口即溶韭菜餃，拳頭咁大隻，一碟仲有八隻，都係他們人手包的，有心思有味道！墨魚滑，分量多人哋一倍，因為有兩支，問如果非常之彈牙，墨魚味重！另外介紹他們嘅蔬菜籃都不錯，角色蔬菜都有一點啱晒貪新嘅我！

日日搭巴士都經過青山道，見到寶血醫院附近開咗一間火鍋店，今日專登同同事落車去試吓！應該開咗唔夠一個月，地方裝修非常新，大約有10幾張枱，坐得10分舒適我哋晚上八點幾到，剛好有一張枱走所以等一陣就有位，如果唔係有排等，因為張張枱都喺度食緊！我哋叫咗個秘製沙嗲湯底，老闆推介！果然味道10分濃烈，沙嗲味勁香，聞到已經好想食！紐西蘭羊肉卷，份量夠，羊肉片也很大塊，浴巾脂肪比例均勻，10幾秒已經食得非常之滑口！帶有少少羊so味，正！手打墨魚滑，都係老闆推介，初頭見價錢有啲貴，百幾蚊，上枱原來是兩條的，咁就抵返晒！不過最重要都係好唔好味，老闆話每日師傅親自手打的，所以口感10分好非常彈牙，我都同意的，墨魚味很重！豬生腸，好少打邊爐會食豬生腸，所以專登叫來一試，估唔到咁好味，配埋沙嗲湯底一流。韭菜餃，新鮮製造，韭菜分量多！今次試過嘅評價都10分好！食物質素同價錢成正比，長沙灣有多一間正嘢

湯底價錢合理，即使鴛鴦湯底都不需要加多d錢，我們要沙嗲湯底和四川麻辣，麻辣湯底的辣度是適合一般大眾的程度，五會話食五到手切安格斯肥牛(大)。三個人吃，份量足夠，至於味道方面，每片牛肉都有充份的油脂，但牛味略嫌較淡，不過部份原因可能係湯底濃郁，遮蓋牛的味道。順德脆魚脘。個人不好魚，只試了一件，肉質厚實，爽脆。黑豚肉，雖然份量略小，但質素上等，推介大家叫。招牌黃金魚皮，咸蛋黃好好惹味，加上魚皮新鮮炸起，十分脆口，是一道十分滿意的前菜。蘿白，擺盤也十分架勢，一點也不碼夫。手打丸，色彩繽紛的擺設已令人心情舒暢，而手打丸肉質鬆軟又彈牙。

朋友好中意打邊爐，每次都係邊爐聚會～今次揀呢間無限時，可以盡情傾計慢慢食👍🏻一入座會有細細杯野飲俾你，酸酸甜甜有陣話梅味，等你開胃，陣間叫多啲野食😂我地揀左沙嗲同麻辣湯底，沙嗲湯底一流，好濃味，絕對唔係湯包加水😂 麻辣湯底入面有豬紅，由於我不太食得辣，所以評價唔到🤭有6款配豉油既醬料供選擇黃金炸魚皮，是餐前小食，熱辣辣脆卜卜，十分香口，表面的鹹蛋岩岩好，好均勻黑毛豬，很嫩～很值得一試安格斯肥牛，忍不住一舊又一舊脆魚腩，很爽脆這個打卡必點，呢間餐廳對擺盤都好有心思其實係白蘿蔔黎😂呢間餐廳員工要俾100分，好主動加湯斟水，亦好快留意到要收碟，唔洗成枱無位放，態度都好好

依家青山道開多左好多靚靚仔仔的食店, 去完寶血探完病見到有間新開的滾火鍋做緊火鍋配料有優惠就走左入去食個早飯~咦, 阿姐同d妹仔服務很好很細心, 由佢連卡位有電制就知道老闆一定好注重貼心服務啦~未order先上左杯好似梅味酸酸甜甜的開胃飲品~叫左個不含味精既鴛鴦湯底 (莞茜皮旦拼沙爹湯底)叫左碟大的手切日本和牛, 一碟粉腸, 台灣白鱔片, 手打墨魚丸, 同埋炸午餐肉~手切和牛唔駛講野, 入口即溶, 落湯底幾秒已夠, 阿仔密密食, 另佢食左大部分手打墨魚丸, 超爽口白鱔片切成雙飛上碟, 入口肥美無比, 好彈牙, 好味..而我最愛的竟是唔易有得叫的粉腸!!! 條粉腸真係正, 唔苦, 又大碟~ 只係$68, 抵食~炸午餐肉唔係就咁落油炸, 有少少粉漿, 湯未滾都食左2件啦~ 厚切好味道~最後連阿仔都只幫襯個濃香沙爹湯底, 第時唔駛就佢食唔"辣"的了~

深水埗好多特色小店,中意打邊爐既我黎左滾火鍋。一黎到就有酸梅汁。我叫左好多海鮮,D食材好新鮮,之前食蝦,有D HOTPOT店已經好新鮮,但我從未見過上蝦時D蝦仲MOVE緊,呢間係,真係有結實鮮甜呀D蝦,仲以為好貴,但個價錢都幾合理,因份量都多。我又叫左個鮑魚同象拔蚌刺身,鮑魚有特別既SAUCE,好味!兩款刺身都好彈牙。我仲叫左個脆鯇,薄片來的,好快就熟,好脆,正!仲有個黃金魚皮都好正!同平時係超市買果D好唔同,即炒的,D汁仲流緊,又係好正!加上價錢唔貴。覺得呢度既服務都幾好,侍應定時會幫我換碟,又會提下我邊D野食要點咩汁。呢度好多位都有電視,加上係卡位,唔洗同人迫。整體黎講環境都幾好,明明仲係深水埗但又唔覺得嘈雜。

青山道喺長沙灣，深水埗一段真係好多食肆。今晚行過附近搵飯食，周圍睇吓邊間有好嘢食，呢間新開嘅做緊優惠，見到入面裝修好新，好舒服，就入去試吓。環境真係好好，但我哋兩個坐低就坐咗一張好大嘅卡位。湯底好多選擇，選擇都係好多咁，最後就揀咗沙爹芫荽皮蛋樣湯底。配料揀左和牛，上菜時好漂亮，又好大份。粉紅色，淥兩淥好快就食得，好有牛味同入口即溶。另外點左鮮蝦雲呑同埋午餐肉，雲吞料都好足。蝦新鮮好彈牙。午餐肉炸得好香口。美味。

呢排去天悅果邊既順豐見有間 #滾火鍋見佢做 #promotion #半價半價喎~米去試下囉～格局係走高檔，係深水埗走高檔喎我深水埗之友，梗係要試下啦！坐得都寬敞舒適，服務好好，好殷勤加湯，換碟，點菜，好自動自覺調味料，都fresh，企理坐底會俾杯餐前飲，酸酸甜甜開胃簡單叫左個豆腐清湯同麻辣湯底，正常，麻辣對我同老公黎講就鹹左dd叫左安格斯牛，原價hkd288，味道一定好，輕輕多幾塊會更好，哈哈叫左隻龍蝦，因為未試過用黎開邊打邊爐，都新鮮彈牙，只係我老土人，還是覺得上湯龍蝦岩口味一d鱔片，正，香其實我地冇叫響鈴，只係店員落錯單，唔緊要，都可以食，唔算脆，都冇油膉味雜菜拼盤，fresh，切到薯條咁四寶丸，款款都爽口彈牙墨丸加左馬蹄，增加其口感，可惜我唔鍾意馬蹄鯪魚球的蝦米同陳皮味份量拿捏得幾好，不多不少蝦丸又係有馬蹄，不符合我口味仲有一款都唔知佢豬定牛，就只覺得好鹹總括黎講食物都有質素，有水平，但未算好高質陳列都精美，份量較少，半價都可以一試2個人食左6百幾，呢個係半價正價的話，要1千……性價比就……

呢間火鍋店地理位置好方便，環境舒適不在話下，食物既質素都好好啊🤤我地叫左鴛鴦湯底，一種食物兩種味道，正！我好中意皮蛋芫荽湯底，好清新，就咁飲一啖湯都已經覺得好下火。🤑我最中意鯇魚片，唔腥又鮮。中意食魚既人一定要試🐟🐟🐟 另外，牛肉都好好食，雪花均衡，又唔鞋🙈牛肉作為打邊爐既必定出場既主角之一，牛肉既質素已經可以說明一間邊爐店既質素😍😍不過價錢有少少貴，一幫朋友一齊食再除翻開都ok😽👭👭重點黎啦，呢間邊爐店好適合聚餐，呢度令人有賓至如歸既感覺。所有職員都好nice，服務我絕對俾滿分。👍👍

行經深水埗，朋友話想食打邊爐。咁啱見到依間新開，地方又大又闊，所以就陪朋友去試吓。一入到去見到每一張枱都幾舒適，而且冷氣好足。坐低之後食完即刻俾咗杯梅汁我哋飲，好重梅味。我自己就非常喜歡，但朋友就比較抗拒浸酸味。醬料方面，有其他火鍋店好少有嘅醬，值得讚賞！我哋叫咗個鴛鴦湯底，一個清啲一個濃味啲，兩個都好足料好正！小食方面叫咗個黃金魚皮，略嫌有少少油咗啲，不過都好食。另外再叫咗牛，豬，丸，水餃，仲有蔬菜拼盤。

同呀哥行完黃金想打邊邊，上Openrice搵到滾火鍋就食下啦。餐廳裝潢新淨，雖然滿座但環境都算寧靜。夠晒光猛。無一般火鍋店一大陣嘅油煙味。一坐低侍應就俾左一細杯酸梅湯，幾酸甜開胃。點了以下:湯底點了芽菜豆腐清湯底。芽菜幾靚，淥左大半個鐘都仲好爽脆，幾新鮮。本地手切牛肉色澤鮮紅，新鮮嫩甜，淥2下即刻撈起就食得，肉味好重。手包韮菜餃餃子幾大隻，皮唔算薄，但係略厚嘅餃皮夠腍清有口感。韮菜同豬肉分佈平均，唔會菜多肉少。整整食物質素唔錯，只係響深水埔區域唔算便宜。不過座位好舒適，環境又寧願，通風都好好，適合三五之己談心。另外，我發現佢個火鍋煲用緊孖人牌成千幾蚊一隻。用高質靚煲打邊邊都特別乾淨衛生。

今日去左深水埗嘉頓山到睇風景 順便去食個飯 好多人都知深水埗除左多野買之外仲好多野食 今晚就去試下呢間滾火鍋啦入到去環境較暗 但天花裝上盒仔射燈射住張枱 所以張枱好光我地叫左個鴛鴦湯底 係芫茜皮蛋配沙嗲 味道同出面食到既差不多 但間餐廳標榜湯底無味精 又真係喎之後叫野食啦 首先叫左個本地手切牛展 牛肉味好突出 口感爽脆 個人建議用清湯底去淥牛肉 食到最可口既牛肉鮮味跟住叫個順德脆肉鯇腩 順德係出產四大家魚既地方 鯇魚就係其中之一 而脆肉鯇更加係鯇魚當中既表表者 呢個魚腩好肥美 啖啖肉 餐廳厚切左魚肉 令到口感更加實在爽脆彈牙 而且魚肉好新鮮 一啲泥味都無 骨亦都少 非常好食又易食之後就叫左個四寶丸 有魚肉丸 蝦丸 豬肉丸  都幾新鮮好食總體而言 呢間餐廳既牛同魚都非常值得推介

同屋企人食飯間唔中都會係打邊爐，可以叫多啲野食🤤濃香鴛鴦鍋 ($88) 揀咗呢個芫荽皮蛋同埋秘製沙嗲。一個清一個濃，可以交替黎食叫咗一碟牛肉，手切安格斯肥牛 ($288/細) 都唔算少，肉質鮮嫩。牛肉味亦都好重。個人偏向涮落清湯度，牛肉味會比較鮮甜～黑松露鮮蝦水餃 ($88) 水餃好彈牙好有咬口，入面既鮮蝦大大隻好新鮮。簡單啲來講即係皮薄餡靚，而且黑松露味都好突岀。新鮮生腸 ($68) 我自己就唔食生腸，但佢地話呢個生腸食落幾爽口，唔錯順德脆鯇魚片 ($98)鯇魚片好爽脆，魚味好鮮，食落一啲都唔腥。手打墨魚滑 ($108) 墨魚滑係幾足料，但可以做得更彈牙打邊爐都習慣叫翻少少蔬菜，好似健康啲咁🙈 叫咗油麥菜 ($48)，山藥 ($48)同南瓜片 ($48) 份量都ok

👴🏻客觀評價⚖️花膠湯底好味配料：炸魚皮,響令,丸,羊,豬..都唔錯但手切牛真係太薄🤭價錢：食品定價同尖沙咀/銅鑼灣區火鍋店差不多(新張期間火鍋配料全部半價後都算合理, 海鮮及飲品正價) 如果正價黎講係深水埗都幾誇張 希望老闆留意一下🤭員工友善亦無限時交枱不過店內沒有洗手間行幾步出去大廈公用廁所 建議無必要真係唔好去坦白講 仲污糟過公廁(利申：由於本人出去食飯係食埋個洗手間 因為係食店嘅一部分 所以一間食店洗手間乾唔乾淨係好好好重要 而係評分方面”衞生”同”環境”扣咗佢地好多分 真係唔好意思)