紅橋 (Closed)

位於旺角既一間食物質素高平價餐廳旺角站 B3 出口上條天橋再過條馬路就到，位置好容易搵到餐廳空間好大，有2間舖位，每枱好闊落唔會好逼職員親切有禮，滿面笑容用QR Code落單，方便快捷，凍飲少甜少冰自己選擇欣賞餐廳飲品好多選擇連凍菜蜜都有套餐奉送前菜、餐湯及飲品餐牌9成餐都係$100內，好抵食是日晚餐<龍蝦汁軟殼蟹意大利飯 $108>原隻軟殼蟹切半擺係意大利飯上面，擺盤一流，唔打卡對唔住廚師呀軟殼蟹炸到脆卜卜，咬落去感覺好新鮮唔係用翻油炸粒粒意大利飯充滿龍蝦汁，飯粒有咬口套餐加購小食<蜜椒單骨雞翼(6隻) $22>推介大家加購小食蜜椒單骨雞翼每隻都煎到好香脆，蜜汁佈滿整隻雞翼蜜汁唔會過甜，好惹味，令人食完一隻又一隻<西班牙汁芝士焗豬排飯 $62>加$12升級套餐-中湯/西湯及飲品加埋都唔過$100職員將焗豬排飯熱騰騰送上鮮橙顏色既西班牙汁係我心目中焗飯既模樣豬排厚切，肉質軟淋，唔會好鞋仲有滿滿既芝士拉絲，好滿足呀！📌紅橋🔎旺角西洋菜南街190-194A號西洋大廈地舖

又一平民canteen被發掘！行街街，無想到要食乜，就是但搵下醫肚噶地方。店鋪睇落好細，原來裡面仲有大把位置，真系柳暗花明又一村啊。裝修都相當簡潔清新，環境衛生都唔錯。QR code自助落單，都相當方便。咦！！價錢相當親民，款式又多選擇，中又得，西又得，仲唔系平民canteen？海南雞+雞油飯，奉送例湯。慣例飯前飲啖湯，正常例湯水準啦，不過不失。雞油飯真系好香，仲有濃濃的香茅味，勁大一碗，唔通老闆知道我要醫肚？海南雞相當優秀，雞皮緊致，唔算好肥，肉質鮮嫩，搭埋距地個醬汁，個人覺得真系好唔錯，相當好味。雞脾蛋包飯， 雞脾扒煎到好香口，但肉質都唔柴。蛋包飯都好好食，蛋香味好濃郁。小食拼盤都勁大一份，單骨雞翼食落好香的蜜糖燒雞翼味道，但個人略嫌甜，有啲膩。蝦多士外表香脆，搭埋黑芝麻，味道十分唔錯。最優秀個人覺得系雞包蝦？雞翼包住蝦滑，雞肉的肉汁浸入蝦滑裡面，味道豐富，好好味啊！食物質素唔錯，價錢親民，真系去邊度搵啊。

之前喺旺角返工，不時都會聽到 紅橋 呢間餐廳，今日就同朋友嚟左食餐飯。餐廳入面排咗唔少畫，冰室嚟講好少見，令鋪頭多咗一抹山水風。晚餐時間嚟，佢有dinner set包晒前菜、湯、主食同熱飲，啱晒我地呢啲懶人只需要揀主食，我地分別叫左軟殼蟹意粉同雞扒焗飯，仲額外加咗份單骨雞翼。對了，呢度係用手機點餐，介面都方便易用，檸茶華田呢啲大路飲品都仔細到有得揀濃淡，幾有驚喜的。前菜同湯正常發揮，味道可以更好的。主食都上菜了，好欣賞軟殼蟹係足一隻蟹，切半再擺盤，打卡好靚。意粉嘅醬汁底其實係忌廉配牛油果粒，加咗少少蟹籽點綴賣相同增添少少層次，幾夾幾好食的。雞扒焗飯賣點係即刻焗完熱辣辣、雞扒都夠大塊，醬汁同飯嘅比例剛剛好。而必須要介紹嘅係另外加嘅蜜椒單骨雞翼，雞翼本身焗到外脆內嫩，澆過蜜汁同黑椒熱辣辣咁食真係好好食！牛油果忌廉汁軟殼蟹意大利粉賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️羅勒醬忌廉汁芝士雞扒焗飯賣相：⭐️⭐️⭐️味道：⭐️⭐️⭐️價錢：⭐️⭐️⭐️⭐️蜜椒單骨雞翼賣相：⭐️⭐️⭐️⭐️味道：⭐️⭐️⭐️⭐️⭐️價錢：⭐️⭐️⭐️⭐️一個餐包晒咁多款食物，性價比真係幾高，就算小食要額外加還是要推薦啊！🫶🏽

疫情放寬咗,即刻約朋友去旺角行街睇戲,睇完戲當然要搵啲嘢，行到攰攰哋望下附近有咩好嘢食,喺openrice望到太子附近有一間西餐廳都幾吸引,😉而且價錢都好公道,即刻去試下👍🏻紅橋 地址喺西洋菜南街190號西洋大廈地舖👍🏻地點非常方便無論喺太子地鐵站或者旺角地鐵站行去都非常近🤣餐廳地方都幾闊落,坐得都幾舒適,感覺好舒服，加埋餐廳嘅音樂，更加放鬆心情🤩紫薯湯外表非常吸引,☺️甜甜嘅紫薯味加上個小小忌廉味,又好睇又好飲。香檳忌廉汁海鮮意粉 70 元,海鮮意粉味道非常鮮甜,估唔到香檳忌廉配上海鮮味道甘特別咁突出,味道層次豐富,🤭而且意粉煮到剛剛好,軟硬度適中，整體覺得好好食，我同朋友都非常滿意☺️蜜汁烤羊架 150元 ❤️三件,味道非常香,而且份量都好大,入口羊架一啲都唔騷,而且肉質嫩滑,食落去仲係好多肉汁,加少少蜜汁落去令到羊架味道更加突出。😀龍蝦汁海鮮意大利飯 88 元 ,❤️材料非常豐富,有蜆肉,蝦肉,蟹肉, 青口, 意大利飯軟硬度適中,煙煙靭靭非常好食,每粒意大利飯都沾上龍蝦汁,令到鮮甜味更加突出,所有食材都非常新鮮,蝦肉爽口彈牙,青口size又夠大隻,真係好好味😋餐飲仲可以跟凍飲唔洗加錢,性

除左抵食，好食都重要同女朋友去新世紀做yoga，但新世紀除左foodcourt，間間過百，經過行人天橋咪搵下下面有咩食。叫到呢間紅橋，裏面衛生，又唔係茶記，米線，餃子(食得太多)，100蚊有意粉燴飯，有餐湯，沙律，餐飲，咪試下佢沙律，餐湯正常，唔係重點。我叫左經典紅豆冰，嘩，好新奇，成個碎冰球加淡奶加紅豆，好足料。似食緊甜品多過飲品wor咁我咪賺左？省番餐甜品？帶子意粉同墨汁燴飯，又係大大份。 當中燴飯非常好食。其實上完菜，先知呢度份量好大，上埋雞翼同蝦多士時，已經覺得飽飽地。但蝦多士真係好吸引。你睇，幾多蝦？誠意十足。100蚊左右，呢啲份量，食物亦都誠意拳拳，味道不俗。扺食啦。

旺角區幾多平民餐廳，而且質素都唔錯，今次朋友帶我黎醫下肚仔😄今次叫左蜜椒單骨雞翼(6件)($22)、芝麻蝦多士(2件)($18)、西班牙汁帶子海蝦焗飯($68)，另加$12升級套餐，即係有西湯及飲品、黑松露忌廉汁海蝦帶子燴意粉($78)，呢個DINNER SET跟配前菜、西湯、飲品裝修簡單舒適前菜、西湯：晚餐跟配，但絕不馬虎，沙律菜爽脆，仲有塊火腿添，而是日餐湯係粟米湯，香甜濃郁😄黑松露忌廉汁海蝦帶子燴意粉：整碟意粉食落都幾香黑松露味，醬汁份量啱啱好，唔會成碟意粉太乾或太水，而海蝦同帶子份量OK，食落夠鮮甜😋蜜椒單骨雞翼：以蜜椒作調味，所以幾惹味，而且單骨雞翼食用夠方便，作為小食一流👍🏻芝麻蝦多士：表面嘅芝麻令個多士多份香味，多士炸得香脆，而內裡嘅蝦膠彈牙，點埋個沙律醬黎食，減下油膩感😉先黎張合照😍西班牙汁帶子海蝦焗飯：焗飯需時，所以要等一等，一上碟見到個焗飯真係大得誇張，我覺得甚至兩個人SHARE黎食都夠飽，以呢個價錢黎計相當超值😎海蝦同帶子一樣鮮甜，仲有青椒紅椒絲，令個焗飯少少辣辣地，味道更豐富😋呢到仲要免加一服務費，份量足，味道唔錯，真係平靚正之選👍🏻

旺角西洋菜南街不嬲多嘢食，今日頹頹地諗住同朋友食茶餐廳，入到去先發現其實有唔同嘢食，有中式亦有西式，真係有意想不到的驚喜！白酒蜆肉意粉蜆肉大隻新鮮又冇沙，意粉炒得硬度適中，唔會太多汁，令人感覺清新！煙三文魚巴馬火腿雜菜沙律🥗份量好足夠，賣相亦都好靚，我朋友喜歡食沙律，份量亦夠2～3人食。講完西式不如講吓中式：半隻海南雞最怕有啲餐廳嘅海南雞有骨，呢度完全冇骨，雞皮爽滑唔油，淡淡都係肉，加上有正宗醬汁，好好食！芝麻蝦多士賣相已經一流，揸得趣博博炸得脆卜卜！

奴才要出旺角買貓兒日用品進貢主子🤣🤣左一袋右一袋，真的無命😜行到一半都要醫吓五臟廟，近近地眼見"紅橋”急不及待進入，裝潢簡潔，地方寬敞，價錢大眾化。I.香草醬煙三文魚燴意大利飯~香草清香混入碎切蔬菜、洋蔥和濃湯調味燴意大利飯，飯粒粒包滿又煙韌。煙三文魚帶有 鹹味和煙燻香味2.馬來咖哩牛肋條配飯~馬來咖哩帶椰奶和香料混合調配的香味有別其它店舖，純粹個人喜好😆牛肋條香滑淋佐飯一流👍3.黑芝麻蝦多士~舊式概念一小塊麵包，面層佈一隻蝦炸，就是這簡單起"貨"。時代進步啦!面層佈滿黑芝麻，再一層厚厚蝦胶，再來一層麵包。黑芝麻的芝麻香味、蝦胶彈牙，入口很有層次感，油而不膩4.芝心雞翼~雞翼外皮微焦，雞翼去骨啖啖芝士雞肉香味非常juicy，懶人恩物🤣5.紅豆冰奶茶~跟餐+$10紅豆大大粒軟棉棉加奶茶飲品，一個價錢兩種享受👍

蜜椒單骨雞翼雞翼單骨 咬落蜜汁同肉汁爆哂出嚟 超邪惡食落甜甜地 咬落香脆 肉質嫩滑超級推介 香 脆 嫩蕃茄紅蝦意粉蝦肉大隻彈牙 用嘅香料都好match個味🫶🏻黑醋蜜糖豬扒伴蛋包飯超厚身豬扒 岩岩炸起 外皮帶脆 伴上黑醋和蜜糖 味道中和油膩感食落外脆內軟 超厚身蛋包飯帶別外面 蛋會包住炒飯岩岩熟起蛋汁包住炒飯 每粒飯都有蛋香味芝麻蝦多士 超香脆 放耐啲一樣香脆密密麻麻既黑芝麻 擺滿個頂 用麵包去夾住蝦餅 外面香脆 中間蝦餅彈牙點上練奶 價錢值得必試

隨意來到這小店，星期六也沒多少客。吃了一頓輕鬆寫意的晚餐，價錢更想不到這樣實惠。😁今晚吃了墨汁飯、意粉和羊架，全部有水平。最估不到是dinner set也沒有hea造，用心處理。👍

#ftf_旺角酥炸軟殼蟹浭堡配薯角 $68⭐️⭐️⭐️⭐️軟殼蟹勁大隻！炸得好酥脆，蟹肉有鮮味，粉漿唔會太厚，火候剛好，唔油膩、無益味，啖啖肉配上芝士蕃茄同生菜，真係好滿足！價錢超抵！另外薯角都炸得好出色，睇到個樣都知佢夠乾身，雖然好邪惡，但絕對值得！蜜椒單骨雞翼（8隻） $45⭐️⭐️⭐️⭐️⭐️極力推介！雞肉炸完都好嫩滑多汁，沾滿蜜糖十分惹味，甜而不漏，係幸福嘅感覺！配上沙律感覺清新得黎又可以減低罪惡感，而且份量都唔少， 必試小食之選！黑松露忌廉汁野菌海蝦勞子意粉 $65 升級套餐-西湯及飲品加$12經典紅豆冰加$6⭐️⭐️⭐️⭐️大蝦帶子鮮嫩彈牙，麵質唔會過淋，黑松露忌廉汁比例剛好，配上野菌大大減低滯膩感，個人覺得多啲菇菌會更好。另外紅豆冰奶味濃郁，豆味重，冇得頂！煙三文魚蜜桃沙律 跟餐+$20⭐️⭐️⭐️⭐️⭐️沙律分量十足，爽口新鮮，三文魚都有好多！芝麻醬另上，鍾意加幾多就加幾多，對於注重健康同想減肥人士嚟講，真係體貼之舉！環境方面，店舖空間闊落，坐得舒適。呢個環境配上親民價高質食物，性價比極高，而且款式仲要好多！回頭率🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

📍今日放lunch嚟到呢間紅橋餐廳，之後就試過大埔分店，今次嚟到呢間果然有驚喜。🔻首先，一入到嚟個氛圍好似洗走咗旺角東嘅人煙稠密嘅感覺，舖位大之如，空間感十足。裝潢以深色系嘅Loft為主調，裡面滿有好多掛畫。有一個位置簡直似係Cafe嘅打卡位！🔻店內落單係用掃qr code嘅模式，呢樣野相信大家都唔陌生🫢可惜嘅係好想食嘅千層麵咁啱售罄…🔻1. 龍蝦汁蟹肉帶子燴意大利飯飯嘅熟到剛剛好，有一粒粒嘅質感。當蟹肉碎配上鮮甜嘅帶子，口感絕對唔單調🔻2. 泰式金不換肉碎海蝦燴意粉帶點creamy，用料豐富，食到最底都啖啖肉見到上面兩個主食份量質素都交足貨，小食都絕對唔差！🔻3. 煙三文魚蜜桃沙律新鮮沙律菜同三文魚，再夾埋蜜桃真開胃🔻4. 芝麻蝦多士 🙌🏼外面芝麻滿鋪喺面，多士新鮮即炸，蝦膠彈牙，酥脆可口，值得推介。🔻5. 蜜椒單骨雞翼甜而不腬，脆炸均勻🔻一個set lunch 呢個價錢包餐湯熱飲，加錢仲有小食選擇，性價比真高。😍

今日中午在旺角覓食，被一間叫「Rosa Bridge Restaurant 」吸引，中文叫「紅橋」，裝修簡潔，牆壁有幾幅畫作裝飾，地方寛躺！午市套餐有一客主菜，一杯餐飲和一客餐湯…就算散叫，餐飲和餐湯也只是加$12 …都很抵！日式照燒鰻魚伴蛋包飯，原條鰻魚，肉質都算肥美，醬汁惹味，蛋包飯有驚喜，是用蛋汁而不是一般餐廳的忌廉汁，感覺更健康😜黑松露忌廉野菌海蝦帶子意粉，很香的黑松露味道，海蝦口感爽彈，醬汁豐富入味。值得一提，點餐時可以選擇多意粉，或少意粉或多汁或少汁等..夠貼心！煙三文魚蜜桃沙律，跟餐加$20….份量不少， 沙律菜新鮮爽口，只是$20抵👍🏻紅豆冰跟餐加$6，好大杯😂甜度適中紅豆夠淋，不錯！

黎到旺角行街shopping之前其實都有嚟過西洋菜街食嘢但係就冇嚟過呢間見到佢哋啲嘢食都OK有中西餐湯選我同朋友一人揀咗個中湯、西湯中湯就係蓮藕湯西湯就係粟米湯主食就叫左兩個share一齊食🔮原條蜜莎豬肋骨 伴薯角 扒雜菜 $128呢條豬肋骨真係冇得彈勁好味 岩岩燒好出嚟就有得食 不過如果佢哋幫我切埋就好啦 始終我都係一個懶鬼而佢啲薯角脆到不得了 真係超級鍾意食薯角🔮白酒忌廉汁芝士海鮮焗飯 $78我哋諗住嗌個焗飯可以填飽個肚但係其實豬肋骨已經幾飽下佢個飯真係好滿而且有好多海鮮又有大大隻青口 又有蝦 又有蟹柳 又有魚柳而且啲飯係有炒過嘅淡淡飯都係好有芝士味同埋海鮮味我哋兩個嗌咗呢兩樣嘢其實都係啱啱好食晒如果大家都唔係咁大食嘅話呢就建議大家唔好叫個飯啊 可以食返啲冇咁飽嘅嘢

近排疫情放寬咗,約下啲朋友見面,順便行街睇戲食飯,今日無意中行花園街,喺太子搵到一間好好食嘅西餐廳.所以喺度推介一下。紅橋 Rosa Bridge Restaurant , 餐廳嘅裝修非常整潔,而且空間都比大,坐得好舒適。睇下餐牌,價錢都幾合理,100蚊左右有個套餐,仲要係免收加一,👍餐湯今日係紫薯忌廉湯,味道好香甜,入口陣陣紫薯香味,配上忌廉甜味,味道嘅層次都幾豐富,而且口感仲好幼滑。香檳忌廉汁海鮮意粉 70元 ,意粉煮到啱啱好,軟硬度適中,再加上忌廉汁配海鮮,令到海鮮嘅味道更加突出,鮮味同甜味配搭得啱啱好,味道真係好好。龍蝦汁海鮮意大利飯 88 元 ,賣相非常好, 而且龍蝦汁味道好香濃,意大利飯口感非常煙韌,最重要就係每一粒飯都比鮮甜嘅龍蝦汁包住,味道層次非常豐富,加上有青口同埋鮮蝦配搭,令到鮮味更加突出,整體味道配搭得非常好。蜜味香烤羊架 三件 150 元 ,羊架烤到啱啱好,望落去好新鮮,而且仲要烤金黃色,完全將肉汁鎖住,一啖咬落去羊架好嫩滑,加上有啲蜜味,令到羊架味道更加突出,一啲都唔會so ,好耐都冇食過咁嫩滑嘅羊架,真係好值得推介。估唔到嚟到太子區,都揾到又抵又好食嘅西餐廳