紅橋餐廳

Open Now

Now Closed

一日收工經過見到呢間餐廳有蛋包飯就諗住試一試，我地叫了一份蛋包飯，一份肉醬焗薯角，等了大概10分鐘左右，令我意想不到想蛋包飯裏的飯都是蛋炒飯來的，薯角味道不過不失，而且以晚餐時間來說價錢不是太貴

賣相相當不俗，炸得適中香口卜趣，塊豬扒又厚又大件（大過成年人手掌）。蛋中用炒飯，份量充足，而且不肥也不咸（可能有些人會覺得淡），本人覺得可以。$59，是性價比高的是日午餐！

性價比幾高 又有快餐咁嘅效率嘅仿西餐廳🤣anyway其實都有唔少人三番四次黎食佢嗰海南雞飯 紅豆冰都幾出名！講番佢午市同晚市嘅精選套餐都好抵食 包餐湯餐飲 午餐五十幾蚊就食到😆一定食得飽嘅！。。。🦔👉紫薯蟹肉意大利飯 $62雖然佢口感都算幾risotto sauce還好 紫薯粒都算多 仲有唔少蘆荀 蟹肉都幾有味嘅 雖然淨係面頭嗰幾條haha 配料都係我鍾意嘅 但食落唔太震驚味蕾😬似普通飯 感覺唔係risotto嗰種creamy 不過咁嘅價錢淺嘗下已經好好🤭。。。🦔👉芝麻蝦多士(2件) 跟餐+$18有幾次貪得意叫個小食過口癮🤪雖然外表睇落黑古甩突唔太吸引 但勝在黑芝麻夠多🤣炸落又幾脆 咬落相當有口感 蝦味就無乜特別 都係試完就夠了哈哈

大埔的西餐廳有不少，但講到價廉物美就非紅橋莫屬！🤩紅橋提供大量的西式午餐及晚餐既選擇，有飯有意粉有小食，而且食物質素不比出面既貴價西餐廳差，價錢亦相對便宜，絕對適合大埔既街坊👍餐廳每天都有幾款特定既套餐給客人選擇，通常都有意粉/焗飯/蛋包飯等等，連餐湯及餐飲，60蚊左右就有交易，而且午市和晚市價錢不變，夜晚黎食覺得特別抵食😋就算果幾款套餐唔岩食，餐牌都有幾十款意粉同飯比客人簡，叫埋餐飲價錢都只係貴套餐少少，相信緊簡到一款中意既我就特別推薦佢地既蛋包飯，飯唔係普通白飯，係有蛋汁既炒飯底，就咁食都已經好好味，加埋配菜份量充足（豬排/牛排之類），值得一試！

首先講一講佢個價錢同埋有啲乜嘢食先，60$，一碟飯或者意粉加杯嘢飲，仲要加多個湯。入得嚟紅橋食真係好難食唔飽。佢個全日餐牌基本上就係A : 貴少少嘅意大利飯或者靚嘅意粉B : 蛋包飯加肉類例如牛仔骨，雞髀肉C : 唔同類型嘅意粉D : 白飯加唔同汁同埋菜，例如牛腩咖哩汁E : 焗飯當然佢個餐牌入面仲有其他選擇，但係就可能會貴少少。如果想追求更高質素嘅食物可以試下。我好鍾意食佢入面個海南雞飯，雖然冇寫喺個全日餐牌入面，但係都只係57$。佢個油飯係真係幾好食。而且環境舒服，侍應有禮貌。總括嚟講呢個價錢可以食到咁嘅飯仲要有湯飲，簡直超曬班。

剛入門口，冷氣不足，直流汗。後來，員工主動開冷氣。今天吃了個下午茶，蟹肉黑松露意粉，45港元，好味！意粉有彈性！味道好。碗筷又乾淨，抵讚。員工有禮貌！下次再來。

今天我到紅橋餐廳吃白酒忌廉汁蟹肉燴意粉。這個意粉十分優質，它煮的時間相當理想，因此有Al dente 的彈牙質感。因為意粉炒的乾身彈牙，所以白酒忌廉汁不會完全被吸乾。白酒忌廉汁很香，忌廉奶香味重，而且汁的口感是幼滑的。配合著彈牙的意粉，整個感覺是味道與咬感十分分明，但又配合得美妙。而蟹肉的份量適中，蟹肉新鮮甜美，它的鹹味在白酒忌廉汁的襯托下尢其突出，為整個意粉加入了不可或缺的靈魂。不得不提的是這個意粉的性價比很高，整個餐才50蚊樓下。但其質素拍得上不少大商場內的餐廳。

天寒地凍，又不想自己煮東西吃，當然要叫外賣，最好就是有麵、有湯、有飲料。🥰位於大埔的這一家餐廳就很適合我，大約$54就有一個外賣，質素也是不錯的！🤪到步下單之後，只需要等10分鐘，就已經有準備好了。我就叫了黑松露忌廉汁蟹肉意粉+ 中湯 +熱檸水。🤪黑松露忌廉汁蟹肉意粉的忌廉汁很濃郁，而且還有很香噴噴的黑松露味道。意粉亦明顯即叫即整，沒有發脹亦很有彈性，加上有蟹肉提味，令整盒意粉更有口感。😛中湯是合掌瓜紅蘿蔔，雖然只是普通例湯，可是都很足料，有瓜有蘿蔔，實在不錯。😄$54有一個外賣，性價比真的很高！👍🏻

自從沒有堂食之後，基本上每一日都係外賣返屋企食嘅。住大埔區嘅朋友就介紹我話紅橋呢間唔錯喎，今晚就你試吓啦。首先大概7.00嘅夜晚嚟到啦，門口呢已經係好多人等緊外賣㗎啦。見到佢嘅餐牌呢，大概係有50幾蚊去到六十幾蚊到啦。價錢方便我諗係大埔區來講呢，唔算最平最抵喎！因為街口嗰間兩送飯呢只係需要$28姐。咁但係呢虹橋呢間餐廳呢，可能係比較新式少少啦😉應該都吸引左唔少同我一樣嘅年青人嚟幫襯㗎😹我呢就叫咗個最貴嘅晚餐😆🥳係牛肝菌碎牛肉帶子燴意大利飯喎，一聽個名呢就好似係平時食開嘅西餐🥰不過呢只係用中文😗去寫個餐牌😂🤣其實呢個飯呢都有驚喜嘅。因為佢意大利飯係食到有西餐嘅水準啦，芝士味夠濃👍🏼，然後飯嘅軟硬度呢係適中，碎牛肉咩都好夾嘅，原來佢嘅帶子呢係細細粒嘅帶子不過份量呢都算多嘅佢有八粒。雖然呢$62一個晚飯你喺大埔區嘅外賣來講唔算平呀，但係呢間餐廳係有誠意嘅。起碼係一啲特別啲嘅意大利飯啦❤️✌🏼就唔係話啲碟頭飯，頹飯嗰啲😹🤣同埋呢有得俾你揀要中湯定西湯嘅。咁我就揀咗中湯嘅，味道都唔錯嘅👌🏼☺️，仲會有一杯熱飲係跟餐送嘅，所以價錢合理👍🏼

之前在太子都吃過這間紅橋餐廳，但當時好像吃粒粒西多，現在再來大埔這間，看看有什麼下午茶選擇，因為當午餐食，所以點個漢堡包加薯角 自家手打牛肉芝士漢堡，中間那塊牛肉雖然不太廣闊，但也有相當的厚度，即使不算是煮到半熟，中間滴出肉汁那個質素，但還算有點肉香，帶輕微肉汁，加上芝士以及少少沙律醬，另外沙律醬裏邊還混入了一點蟹子粒；即使頂上及底下的麵包不算烤到香脆或是充滿牛肉汁，這個牛肉漢堡還算不錯，不過薯角的薯仔餡太豐富，我就去除麵包，盡量食中間的餡料了。薯角也盡顯心思，中間的位置，薯仔餡料非常多，除了可以點茄汁，如果上邊本身都淋了少許蜜糖，因此除了蕃茄的酸味，本身蜜糖亦都為薯角增加一層甜香。咖啡味道，只准是飛機或是連鎖快餐那些咖啡，味道普通。由於這個漢堡包的麵包比較乾，乍看之下可能友人的焗豬扒飯比較吸引，不過沒有需要的話又很少在外邊叫飯。

港式西餐廳，係我同住大埔朋友既食堂 。意大利飯，焗飯同意粉整得相當唔錯，用料唔差，但係味道唔錯。，50至70左右價格，有湯有餐飲。今日去食下午茶，價錢35-45連飲品左右，非常抵食 ，份量同午餐仲要一樣。選擇有Burger, 牛角包/飯/Pasta 。食品方面，味偏濃，有質素，份量適中。另外十分推介蛋包飯 雖然平 但係依然有誠意 入面每次都唔會好乾，依然充滿蛋汁。員工服務有禮貌 亦快手 以依個價錢已經好好 總結就係 佢會繼續係我既飯堂。

前幾日去咗紅橋食飯，發現咗個好好食嘅炒飯！佢個每日精選隔兩日就會變一變，咁啱嗰日嘅每日精選又唔係好啱我食，所以我就叫咗佢Menu入邊其他嘅意粉同埋飯。依個蟹子煙三文魚海蝦蛋白炒飯超好食！佢蟹子勁多滿瀉，個飯炒得幾有鑊氣，啲三文魚都唔少，佢仲有啲菇，真係好豐富！平時我唔係好鍾意食炒飯，但係呢個炒飯出奇地好味，會想再嚟食。呢個意大利鮮茄茸海蝦蜆肉意粉都唔錯。佢有啲蘆筍，啲海鮮都幾多，個意粉唔酸，但食到濃濃嘅蕃茄味。係佢每日精選揀唔到想食嘅嘢，不妨喺佢Menu揀下嘢食，會有驚喜！

最近放假多左，有時間可以係閒日食下午茶！呢次就同屋企人黎左呢間餐廳食下午茶，其實之前都有同朋友黎過食晚餐，但呢次食下午茶竟然比我見到佢價錢雖然平，但質素真係唔錯啵!咁當日我就叫左個手打牛肉burger 配薯角！上枱時已經見到個賣相都好吸引，包皮有查左牛油到煎一煎，成個包都係熱辣辣，牛肉都係剛剛煎起。切開佢之後可以睇到切面都係好吸引，牛肉熱辣辣得黎好多汁，加埋生菜芝士蕃茄大啖食，好滿足！再加埋熱辣辣脆脆炸薯角，我都幾肯定佢即叫即炸..因為真係熱到我第一啖吐番出黎！總結黎講，下次食下午茶我都會再想食多次，呢個set加埋野飲先至係44蚊..隨時仲平過m記呢！完！

行街行到攰攰地，同朋友坐低食個tea，吹下水。下午茶既款式都幾多，我就揀左個紅豆雪米磁流心吐司。+紅豆雪米磁流心吐司+一口西多士上枱個下仲以為係朋友既一口西多士，因為冇諗過吐司係炸左既西多士樣。上面仲淋左好多煉奶同朱古力漿，omg...so heavy。吐司係3塊麵包夾住紅豆同一粒仲凍既雪米磁，外面熱入面凍，配紅豆都幾match。如果啲醬可以比客人自己落會好啲，再加埋三塊麵包既吐司 ，真係好有份量既下午茶。P.S 份量真係多，一個女仔絕對食唔哂一個餐

經朋友介紹 第一次到呢間餐廳下午茶時段 除左可以簡午餐外 有個「悠閒茶聚」係一個幾好既選擇-20個選擇 簡左個吞拿魚他他醬牛角包配薯角大型薯角非常香口 熱辣辣又唔會太燶太乾身配上蜜糖漿 甜甜地 食落好開心😃牛角包size較大且脆 包面有一塊半溶既芝士 內裡有蕃茄生菜 他他醬吞拿魚 因為醬料都充足 所以食落唔會好乾身 整體好夾👍🏻天氣熱辣辣 配上一杯紅豆冰（+$8）就更爽個杯外型幾特別 但量就比其他餐廳為少（因為容量太少啦）餐廳既冰塊 係一個球體形 佔位都比較多 味道方面-椰汁味太濃 如果你唔係太好重椰汁味 未必岩你食完呢個餐都幾飽 性價比都高 下次可以再選擇