ROSIE

Open Now

Now Closed

🦞龍蝦濃湯蟹肉帶子麵 $238雖然只係得一粒帶子，但成個墨汁意粉上面鋪滿蟹肉，而且蟹肉食落真係有蟹味，再配埋個龍蝦汁，味道好濃郁，好好味！🍤蝦多士（2件） 加$20.0平時食開既蝦多士係用蝦肉做餡，但呢度食係多士做底，再喺上面放兩隻蝦仔，食落蒜蓉味好重，鹹鹹地。蒜香雞翼（2件）加$20.0🍯海鹽雪糕蜜糖吐司 $98淋上蜜糖，鹹鹹甜甜，吐司下面有一層蛋，口感豐富。餐廳環境靚，非繁忙時間無乜人，都坐得舒服。

－去到葵芳就淨係識去葵廣掃街😂今日突然想試吓新嘢😂就喺附近四圍行吓喇👣點知真係俾我找到個好地方👍🏻呢間位於葵芳廣場地下嘅隱世Café 🪵😽望到門口嘅裝修已經覺得簡約大氣🫰🏻白色嘅外牆配上落地玻璃，好有空間感，加上充滿設計感嘅稻草燈罩同埋柔和嘅燈光💡直頭好似去咗外國度假咁⛱️好悠閒舒服😌真係好啱打卡📸講真喺葵芳可以用咁親民嘅價錢食到高檔嘅意大利Pasta🍝係我估唔到嘅🤔由裝修到食物嘅味道同質素，都可以感受到店主對顧客嘅用心❤️

人生第一篇寫食評嘅要獻比呢間餐廳餐廳位於屋村 但價錢係中環地段價錢睇相係好吸引 但食完簡直覺得係俾咗智商稅自己唔識煮嘢食 都一定煮得好味過佢叫咗個龍蝦蟹肉帶子意粉，勁水又淡，仲要唔係好熱！價錢198蚊(仲要加1)，得一粒帶子咁大把🙂。另外再叫咗個特濃芝士醬配慢煮雞卷意粉。簡直係食緊垃圾😇😇以為嘢飲會好飲啲啦，點知嚟到麥當勞都好過佢🙂🙂🙂再上網Search返見到有大量foodies吹捧呢間餐廳，大家入去食真係要慎重考慮 ！

龍蝦濃湯蟹肉帶子墨魚麵$218其實係因為呢個意粉而黎😗呢個真心好味，果然無失望龍蝦濃湯好夠味，雖然深色，但又唔會好稠身，食得多都唔heavy, 又唔會好鹹，鍾意食海鮮嘅岩哂好多蟹肉🫶🏻但點解帶子得一粒🥺墨魚汁麵有嚼勁香草牛油封門牛肉汁意粉$208店員用火槍燒溶牛油🧈封門牛肉粉嫩，肉質軟腍有牛味，但意粉個牛肉汁唔係好吸引，食落又唔係特別夾，隻醬個口感有啲似肉醬意粉嘅醬+黑椒咁忌廉菠菜$20蒜香雞翼$20兩款都係用豉油碟/兒童碗咁上😂味道平平 黑糖薑母咖啡$53好甜，咖啡底只屬一般抹茶鮮奶$48抹茶味唔濃佢啲飲品真係麻麻地

一啲都唔好吃，唔平，定價貴。好失望，薯條普通到冇得再普通，唔好吃但$88一份。蝦多士係幾隻碎蝦仔加塊麵包又收你$88。意粉麵少，如果要加麵要加$20。其中一款加咗麵，但份量冇話差好多。。加咗錢但份量一樣若然唔加麵，小鳥胃都唔夠飽。。埋單600幾3個人，超級不值好失望7點15pm就last order ，8點就要離開。唔休做生意

平時去開葵廣搵嘢食，今次特登去遠少少🤏🏻，屋邨入面有間bookmark咗好耐嘅café🤩星期六日勁多人，由於不設預訂，只可以過去排隊walk-in。超級足料嘅墨魚汁意粉！巨量蟹肉鋪滿意粉，上面粒帶子煎得啱啱好，食落彈牙又有鮮味🤓龍蝦濃湯相當creamy，仲額外用咗少少麵包去蘸龍蝦湯黎食，勁match超好食‼️所有嘢撈埋一齊食勁正，難怪幾乎每枱都有叫，大推之選！👍🏻跟餐只需+$20有兩塊，啱哂淨係想試少少嘅人😆多士相當鬆脆，少少牛油香味，上面都有2-3隻蝦，都好足料，完全唔會馬虎😆又一足料之選，而且勁大份‼️個厚多士充滿牛油香，咬落唔會勁乾，中間位置夾住炒蛋，果然係勁滑，食落仲有少少蛋汁🤤上面嘅牛油果都勁新鮮，係翠綠色架🥑整體連埋佢topping嘅沙律醬真係勁好味~其實佢係凍latte嚟😆上層藍色係蝶豆花，令到成杯咖啡勁打卡able📸蝶豆花唔影響成杯latte嘅味道，啡味都幾濃郁👍🏻熱latte比起凍嘅啡味濃多少少，上面有個少少嘅拉花，奶泡唔算打得好滑。

諗住同老公食完午餐再返工。原本老公建議隨便去葵芳邨的茶記。行過見這店環境OK,又唔多人，試試吧。點知......我錯了。我不確定這間廚師是否識煮，還是他們想創新。蝦多士，無蝦膠，放隻蝦+乾蒜在多士上。卡邦尼意粉，似黑椒牛油汁加煙肉。好多黑椒，但無黑椒香。原本卡邦尼意粉係好creamy﹐有芝士，呢間原全無！仲有，煙肉質素差，唔香，勁咸。是食咗1啖放棄！肉醬意粉，用茄汁+紅蘿蔔泥煮。應該用茄膏煮，有蕃茄粒......無，上枱時一層油在底，唔知仲以為加咗清湯以上3樣食品，上枱時只是溫暖，唔係熱的。咖啡是即磨咖啡。但應該咖啡豆質素問題。好似無咗咖啡豆油咁，口感好乾旱。要另外問才給糖水，上枱時凍咖啡是無落糖。食物完全無可取之處！

#rosie 因為之前經過見到裝修好靚 所以都想去左好耐 但係食完真係覺得有點失望·龍蝦濃湯蟹肉帶子麵 ($188）好多湯 真係湯意粉咁 龍蝦湯個味都唔錯 配料嘅帶子都煎得岩岩好 蟹肉略嫌有啲碎 但係份量真係有啲少 因為lunch又唔係set 價錢其實都算貴·柚子胡椒汁青口大管粉($128)啱啱個個都叫做係湯意粉 但係呢個個汁又係多到好似湯咁..不過柚子胡椒汁個味係幾特別 食落去係清新 不過大管粉中間入唔到汁 少可惜 同埋都係有份量問題·帶子南瓜意大利飯($108)呢個真係唔推薦 首先佢嘅汁都係偏多 另外就係南瓜汁有啲太甜 再加埋係有陣奶粉味？ 調味做得有啲差·炸薯條配黑松露蛋黃醬($88)正正常常冇特別comment

呢日開早更, 早收工。同朋友去食我講左好耐要encore 既隱藏在葵芳邨的木系cafe上年去葵芳劇場睇show 前食這一次。我念茲念茲過開黎一定要再食。餐廳裝潢同之前來一樣以北歐風格的簡約設計和高樓底的空間感，十分舒服。這裡的菜式以意大利菜為主，但也有一些創意的小食和甜品，適合三、兩好友聚餐或情侶約會。我今天嘗試了三款招牌創意菜式秘製流心蛋治$88蛋控既我見到面中間一顆切開溏心蛋，一口咬下去，固態液態既蛋在口中化開，棒棒的。用烘烤過的甜甜鬆軟香脆多士包著的原來是碎蛋沙律… 好似和回憶有點距離。吃下去，蛋沙律比較流質，涼涼的與多士成對比，口感豐富而多層次，很有趣。可能天氣冷。覺得回憶中暖暖又蛋香濃濃的滑蛋更合我心意。後來才知道牛油果才是滑蛋治。下次要點滑蛋的。紫白配牛角酥窩夫$68-一款很有創意的甜品，用牛角包做成的窩夫，外層酥脆，內裡鬆軟，散發著牛油的香氣。上面鋪滿了新鮮的草莓和藍莓，顏色鮮艷的生果打出來的醬汁增添了酸甜的滋味。旁邊還有一球奶茶味的雪糕，香濃而順滑，與窩夫的溫熱和酥脆形成了冷熱和軟硬的對比，讓人欲罷不能。Bluebottle jellyfish$68-用藍色的蝶豆花茶和

今日嚟葵芳食Cafe😌，估唔到屋邨商場都有一間咁chill咖啡店，餐廳以簡約木系設計，設有多個打卡座位，空間闊落，令人好放鬆蝦多士🦐🥪蝦多士係避風塘口味少少辣，多士好脆口帶甜，蝦肉都幾爽口，好開胃食完一件又一件！香草牛油封門柳牛肉汁意粉🍝店員用火槍燒過香草牛油令佢溶化更好味，牛肉吸收哂香草牛油味道，封門柳肉質嫩滑重牛味！意粉用左牛肉汁令牛味更濃郁～好掛汁👍🏻炸薯條配黑松露蛋黃醬薯條係跟餐加$20份量都好大，炸得好香脆！黑松露蛋黃醬勁加分🍟🍟疏乎厘泡沫咖啡☕️疏乎厘泡沫好特別，好厚身又綿滑，攪拌後飲用令咖啡更香滑女神莫希托飲完會唔會變女神🤣 檸檬，青檸，薄荷葉，非常清新嘅配搭🍋🍹整體來講 屋邨有間咁chill既咖啡店真係好難得，距離港鐵站同大型商場都好近！食物質素都幾高，用料食材都好新鮮，而且價格親民！見到隔離枱食三文治都好吸引，大大份😍 下次要再嚟試！大家想試記得要訂位或者早啲黎啦😉ROSIE (葵芳)回顧率🌸：8/10食物質數🤤 ：8/10環境⛲️：7/10服務👩🏻💼：7/10葵芳興芳路177號葵芳廣場地下18號舖

老公話同我去食pre-新年餐算佢啦聖誕都冇同我食不過佢話佢揀嗰間應該好多人排隊我哋Google Map都好似好隔涉去到都幾多人排隊排隊門口要填D資料最好就唔好行開我哋門口等完入去仲要再等不過入去等就可以睇定餐牌嗌定嘢食由填表到入去都差唔多40分鐘都真係幾耐目測係有大約10張枱不過坐低好快就上食物都okay嘅我哋嗌咗乜封牛肉意粉同埋最貴嗰個龍蝦湯蟹肉帶子意粉兩個都幾好食不過我覺得牛肉意粉嗰個好食啲佢上菜個陣仲燒下個芝士🧀️溶左先食另外雖然個蟹肉意粉好貴不過啲蟹肉份量都幾多但係得一粒帶子佢個龍蝦湯都唔算好浠我哋飲晒另外加咗薯條呢個可以唔嗌因為炸過龍另加炒蒜蓉蘑菇都幾好食🤤見到啲嘢飲都唔平，都係嗰啲咁上下我哋打算都係出去買嘢飲😛不過網上話啲服務態度好差我今日嘅體驗都唔係呀🤭我同老公仲想encore添走個陣發現原來好近葵涌廣場google map又玩我哋

今次我同朋友搵食搵到黎葵芳邨，估唔到呢個人口比較老化既舊屋苑，內藏一間隱世Cafe，環境舒適又chill，有渡假feel😍樓底很高，餐廳內外都以白色和木系設計，令人有溫暖簡約感覺🦞龍蝦濃湯蟹肉帶子麵呢個係餐廳既signature dish，我見到差唔多每枱都點，咁我當然都要試吓啦😆上枱嘅時候就令我眼前一亮😍賣相超靚，大量新鮮嘅蟹肉鋪滿響彈牙既墨汁意粉上面🤤大大隻鮮甜既帶子，配埋海量味道超濃郁又Creamy 龍蝦湯，超級足料吖😮口感豐富絕佳既配撘，真係好好食吖！！推介必點👍🏻由於龍蝦湯既份量係非常之多，意粉食完之後重剩下部份龍蝦湯，於是我哋多加一客薯條沾龍蝦湯同吃，估唔到又真係幾夾喎😋勁好食吖！無激素雞胸明蝦藜麥沙律一樣係高顏值既擺盤❤️厚厚既藜麥上鋪滿爽口彈牙嘅名蝦，肉嫩既雞胸肉，車厘茄，藍莓，溏心蛋，材料好豐富吖😋清新配搭炸薯條配黑松露蛋黃醬薯仔味好香濃嘅粗薯條，熱辣辣好香脆😋配黑松露醬食好滋味呀👍🏻正Rosie門口靚靚❤️係打卡位食完記得響門口影番幾張靚相，打下卡啦😉

1. 蝦多士：蝦多士的多士外層酥脆，內部鮮嫩的蝦肉與多士完美結合，帶來美妙的口感和味道。2. 炸薯條配黑松露蛋黃醬：金黃酥脆的炸薯條搭配香濃的黑松露蛋黃醬，為你帶來豐富的口味和奢華感。3. 蒜香雞翼：蒜香雞翼簡單卻美味。外層酥脆，內部肉質鮮嫩多汁，蒜香的味道為整道菜色增添了香濃的風味。4. 秘制流心蛋治：秘制流心蛋治的流心蛋內餡濕潤鮮嫩，外層包裹酥脆。儘管與其他菜色相比，內餡的口感和味道可能只是普通，l5. 香草牛油封門牛肉汁意粉：這碗意粉的口味相對普通，意粉本身煮得適中，但整體的味道並沒有給我留下太大印象。整體而言，這餐廳評價不值得這麼高分

職員：「我哋用餐只有7 5分鐘，你朋友未到，你係外面等下。不過，有枱我會比其他人先。」我：「我打電話訂枱，你哋只係話冇得訂，要walk in，點解你哋係電話冇提過有限用餐時間？」職員：「對唔住小姐，下次你記得問可以用餐幾耐？」我：「我要記得問，真係做食客都有好多條件喎，我坐喺入面，飲住杯嘢先，又得唔得？」職員：「得，不過，開始計75分鐘。」而家中午12點，還天朗氣清，係有啲風，此時此刻間餐廳坐得四成人，你請我喺出邊食西北風食15分鐘先，又要限時間，又唔係電話同我講，這種做生意手法，係咪疫情後的新興招數。香港食肆真係好好生意喎。

Cafe老闆對食物好有要求 , 用料靚, 即叫即做，食物質素高 ，能夠品嚐美味意大利菜，而且價錢親民。Cafe 環境非常舒適，簡約木系設計，波希米亞風格裝修，室內採光道十足。休閒放鬆，有度假的感覺！門口有個靚打卡位 ，文青打卡feel！ 當日影了好多靚相🦞龍蝦濃湯蟹肉帶子麵 $188餐廳招牌菜，非常多食客叫！賣相靚，帶子新鮮大大隻，鮮甜。鋪滿新鮮蟹肉，鮮味十足，啖啖蟹肉，非常足料！用龍蝦湯做汁底，龍蝦湯好creamy ，味道超濃郁，龍蝦湯非常好味！配煙煙韌韌的墨汁意粉，龍蝦湯浸滿墨魚意粉 , 令整個意粉鮮味更加突出, 而且十分掛汁！龍蝦湯,蟹肉,墨魚意粉攪拌一起吃,口感層次非常豐富,味道配合得天衣無縫💕必食👍👍👍👍👍非常美味😋紫白配牛角酥窩夫 $88即烤窩夫，酥脆可口，窩夫有少少甜,上面鋪滿雜莓 , 味道酸酸甜甜, 恰到好處, 顏色好豐富💕配奶茶味雪糕 , 非常香濃 . 一定要食這個甜品 .賣相靚又美味 ,好適合打卡💕必食👍👍👍👍👍非常好味😋秘製流心蛋治 $88賣相好吸引，一吋厚的吐司，外香脆內鬆綿，香濃牛油味。面頭鋪滿溏心蛋和碎蛋，蛋沙律份量多，味道非常清新💕紫薯鮮奶 ($48)拉花