皇苑 (Closed)

Family time with traditional Dimsum.-去行山之前梗係要填飽個肚，好耐冇飲茶，所以決定中午食點心轉下口味😋原來東大街真係美食天堂，成條街都係食鋪，有十個胃都裝唔晒❤行咗咁多間酒樓，好似呢間坐得比較闊落，所以就佢啦！-人均$60🥟🥟我飲茶一定唔會錯過流沙包🥟必試鹹水角每碟新鮮滾熱辣🥟南乳豬手南乳味可以再濃啲🥟每位贈貼心紅蘿蔔豬骨例湯美食分享ig:natalie_foodd

平，靚，正 。因為係樓上鋪，見到有條樓梯，都唔想上去食，估唔到咁好食。咸香雞味道很好，名符其實，好咸好香。😍籠仔蟹蒸糯米飯外形好特別，好入味，但隻蟹冇咩肉。西班牙黑豚燒排骨，

今日端午節和家人去完石澳回來，順道在皇苑吃晚飯。點了夥計推薦的金牌牛肋骨、招牌鹹香雞、蝦醬通菜和大蝦伊麵。牛肋骨很不錯，入味且肉好juicy，大蝦伊麵的大蝦都幾爽口，伊麵也OK，但雞肉比較老，一點都不好吃。

周末出去行街食個家常便飯!就去左皇苑!一家人點左3樣餸，分別係上湯龍蝦麵， 紅燒豆腐同埋一品煲。龍蝦上湯麵($188) 好食呀！非常新鮮!以呢個價錢d蝦都算大隻啖啖肉!上菜個陣已經幫我地切好左，唔洗自己好辛苦咁用鉗打開d殼! 平時通常都配芝士麵，但佢配上湯反而幾好，夠味但唔會好膩!紅燒豆腐(ard~$60) 正常質素啦! 要黎送飯!一品煲我就覺得唔太好味，除左冬菇夠厚肉之外，花膠好古怪，一pat咁，其他海味我都一般。呢間中菜館平時飲早茶都ok,,今次晚餐其實都ok既，但我地叫一品煲唔係佢特別拿手既小菜，所以就失色左d,但食到好味龍蝦都好滿足!

位於東大街，地鐵站出來行過去好快！店面吾大！仲要行上一層！座位尚算OK，不會逼到行唔到咕嚕骨：炸得啱啱好，雖然外面包裹著酸甜汁，但入邊仲有脆性，吾會一塊淋啤啤酸甜汁剛剛好，吃起來酸甜可口，好開胃!豆腐煲:豆腐嫩滑，醬汁不會過咸!送飯都好好味!炸乳鴿:相對呢個菜有少少失望，D乳鴿好細只，基本上係無咩肉食到，炸得好香，但翼位同腿的部位已經炸乾曬!茄子煲:呢個餸好送飯呀！白飯一碗呀吾該茄子夠曬淋，個汁又香，加上肉碎，嗯100分啦！呢個忘記左咩雞，應該係沙姜雞，但我對雞無咩興趣，所以不以置評!大蝦🍤肉質爽脆，大大只好滿足！椒鹽鮮魷：炸得好香口，炸粉又不會太厚，剛剛好，加上椒鹽的香味同咸咸的配搭，嗯，非常好味！黑椒豬手煲：味道一般，肉質偏嚡，黑椒味又吾夠，食落一般般炒飯：碟飯炒得好靚，粒粒分明，但食落去hey鑊氣爭小小，但都算Ok 的。

白飯魚唔係成日都可以食到所以就叫咗啲白飯魚都幾大隻你都同平時出街食嘅差唔多冇乜特別驚喜今次呢個龍蝦伊面同平時酒樓食嘅有啲唔同可能因為成日食開嗰啲80幾蚊特價龍蝦今次食到嘅呢一隻龍蝦令到我覺得好特別佢係一隻有咬口嘅龍蝦 🦞 一路食係會覺得啲肉好彈牙當然啦價錢一定係比平時嗰啲特價貴所以先做到呢一個效果

阿B滿月酒 選了這間酒樓 親朋好友唔算多 幾圍就得，細細間剛剛好酒樓位置容易搵 地鐵出口就到樓梯上去 不會很空曠 佈置都算OK 屬於相對平民化多說無益，都是來看看菜式吧！味道都不錯 賣相也可以,最重要的是價格好！對於預算不高的我來說，是個驚喜

年初九約咗几个姊妹到筲箕灣東大街，睇下有咩妳食行到公園對面看見有間掛咗兩個大燈籠叫皇苑，又睇到有好靚菜式海布，咁就決定上去試下，上到去服務員好禮貌招待我地，又推介好食給我地參考，最後就叫咗几个小菜同一个燉湯，菜開始上枱第一个係生炒排骨睇到个样就好開胃，甜酸汁較得好好，排骨好鬆軟，跟住咸豬手煲黑椒味好香但唔辣，好入味同，椒鹽鮮魷鮮魷好厚身味道好好，總有杏汁燉豬肺湯好濃杏仁味香，豬肺又好大粒湯好甜正，價錢又相當合理下次一定再黎食，因為重有好多菜式未試。

做節食飯一早已經打黎訂位，做節要落$200訂金，咁我就特登去落訂留位訂左6點-8點既(佢指定得哩個時間)，行到上去已經6:10分，上到去話訂左位4位啦。有個便服似係管理層既男人話，等下啦~(如果要等咁做乜要落訂，直接黎拎位啦)好彩另一個便服似係管理層既女人就叫我地坐入面/收銀台前面，眼見得翻2張就揀左坐入面，入到去先知係廁所門口，就都算啦侍應係催左2次我地落單，咁我地就叫左芝士龍蝦伊麵，結果黎左上湯龍蝦伊麵，我地就叫侍應黎話俾錯啦，由於爸爸唔知情況食左一啖，就叫佢幫我地換翻個麵底/加翻啲芝士就算數。結果，便服似係管理層既男人又出現黎話，今晚淨係得上湯，媽媽就話但我地係叫芝士，佢淨係講句！之後就走左去，完全係見做節我地廢事影響到人，就唔同佢嘈。唔知係咪見我地食左啖就話唔幫我地換定真係冇啦，總之未見過俾左錯野仲咁大條道理既酒樓囉。如果一早知冇芝士我地就唔會叫龍蝦伊麵，勸大家諗清楚先好去。FYI.個上湯龍蝦伊麵勁細份，又斷開哂，仲落左好多鹽

訂位訂七點，黎到話冇位，之後安排我地坐底，7:10分點菜，到7:40分都冇野食，之後先發覺冇落單，等到8:10都係未有野食，從來未試過去過一間咁差既餐廳，一定冇下次

睇到食評唔錯，今日經過筲箕灣就上去食個午餐。雖然地方細細，坐得有點迫但全部點心都很好，蝦餃細細隻但新鮮彈牙，沙薑雞腳大大隻入味，我們還叫了兩盅飯，他們用了少許糙米，感覺比較健康！但美好的感覺給一籠金錢肚破壞了，老公吃了一塊說已經臭了，我拿起籠聞聞，當真是臭味，立刻退回給侍應取消，但當時侍應說柱候是這個味道，她再周圍遞给其他侍應聞並說柱候是這樣啦……我並不因為食物而失望，但對她這樣的反應極之反感！老實說這裏的食物沒有驚喜，但這樣的員工我是不會再來光顧的。

I am a Hk island naughty child When we were young Or small Active in Wan Chai and Causeway bay Our friends used to bring me to 'Their districts ' to ger jetso or play tricks for opening the dog yearI love good food crystal chicken Of course Frozen chick 🐥 Ok cookery Chicken in Salty water and slow cooked And the sweet and sour bones Are specially sweet Good porky 🐷 but for the grilled ribs The quality is not good as the porky and bones Better look than the taste all these dishes are just ok Inex

打電話去訂位說好有枱已留到下午有另一位有鄉音冇禮貌的女士打尼又話原本訂的時間早已爆满要我改時間, 同佢理論仲要cut我線, 再打去要求同酒樓經理對話一時話經理放幾日假一時又話去左食反,  我同佢講要佢經理食完反一定要打比我跟住佢又cut 我線,  咁服務態度吾洗錢都吾會去食. 

今晚同親友食飯，有人介紹下試呢間皇苑，早幾日訂左枱，12人叫左半圍嘅菜。有條大石斑、雞、炸蝦球、冬菇炆鴨掌、西蘭花帶子、瑤柱蛋白炒飯等等。我勁鍾意冬菇炆鴨掌！雖然炆得唔夠淋，但都夠入味。12個人食半圍係食唔哂架！真心份量夠同味道唔錯。價錢唔太貴，性價比高！食埋甜品- 雪耳糖水，大滿足呀！

東大街出名多嘢食，間唔中都會來呢度，今次揀咗個好港式嘅茶樓同媽咪食小菜。望下個餐牌，難以置信個價錢，可以咁抵，不枉山長水遠來呢度。首先叫咗個杏汁白肺湯，因為呢個平時自己非常之難煮，所以出邊見到餐廳有就點，湯非常足料，好味，好潤。另外叫咗兩隻扇貝，新鮮入味。孖寶至尊餐牌超抵樣樣都想揀。沙巴仔配蒜香BB鴿兩隻＄168，冇諗過條魚咁新鮮，大隻多肉，好好味！！ BB夾都好香脆，啖啖肉。黃金蝦配上湯浸時菜＄128，黃金蝦好香口食唔停。