ROYAL INN

今日係銅鑼灣購物日，去完Sogo買枕頭，然後去左行皇室堡的Muji，上到三樓見到呢間餐廳啲裝修好歐陸式，又幾有情調咁，就同老公walk in 入去食。餐廳入面已經好多人在用餐中，好在我哋都被安排坐到卡位，打開menu我第一眼係俾甜品個一頁吸引左我🤣🤣炭燒12oz安格斯西冷牛扒$348叫左7成熟，剛剛好😚😚好有肉汁，一啲筋都冇，好易咬到，牛味又夠濃😍😍配菜有千層薯，加上sour cream 食，好好味😋車厘茄夠新鮮爆汁🤩另外加$58要左個炸薯條，係我最鍾意嘅粗身薯條，熱辣辣👍蟹肉忌廉扁意粉$168忌廉汁好Creamy得黎又食到啖啖蟹肉😆每條意粉都掛到汁，意粉口感程度剛好，好適中，唔會太硬或者太淋。Mixed berry smoothie$58酸甜適中，幾消暑。食完都好飽，但係女人係有另一個胃用嚟食甜品。焦糖香蕉榛子朱古力班戟$88一上枱就心心眼😍😍好大碟，仲有好多我最中意嘅杏仁片，好多香蕉喺入面，加埋d cream好好食🤤

Causeway bay 呢間分店新開 特登去睇吓個噴水池打吓卡，順便試吓之前冇食過嘅嘢Lobster bisque 88冇嘢好挑剔夠晒濃同鮮！Homemade crab cake 138個Salsa 調得非常出色，酸甜得宜，仲有陣陣檸檬香。切開淡淡蟹肉 10分足料，非常出色嘅前菜👍Sea urchin hand made pappardelle 238 三大片加拿大海膽濃郁鮮甜 😋😋 pasta自製，但略嫌太過厚皮。我比較鍾意用淋d嘅 呢度會整得好al Dante 適合鍾意彈牙嘅朋友 ～Apple crumble 78 My all time favourite ❤️ 如果連雪糕就Perfect池😋❤️

今日同朋友係銅鑼灣行街發現左間裝修得好有心機嘅西餐廳，喺門口就見到有個宮廷式噴水池，又好似幾好坐咁，而我哋行到攰攰地，雖然唔係幾肚餓，但係我哋都決定喺度食個early dinner, 坐吓食少少嘢，傾吓偈都好，6點就食晚餐，好耐都未試過😂😂個meun都好多選擇啊，我好想食blue mussels, 朋友好想食焗田螺，咁再加多個意粉同甜品就真係好夠啦介紹返先，香草牛油焗田螺田螺好大粒，好厚肉，好Juicy！配埋幾塊好脆嘅蒜香toast, 底仲有薯蓉，好好食呀！跟住再嚟就係我好鍾意嘅BB blue mussels, 係用garlic, white wine, 忌廉去煮，個汁好好味，仲有啲bb藍青口實在太好食la，煮到啱啱好開口，時間拿捏得啱啱好，好嫩口呀！跟住就到呢個crab meat linguine, 我哋又係揀得好好呀，蘆筍好嫩，好好食，蟹肉同parmesan cheese夠多，汁嘅杰度岩岩好，每條意粉都掛到汁，推介呀！甜品係tiramisu，正常發揮呢間西餐廳的確幾有心，裝修同食物都有心機，值得回頭！

今日閨蜜在銅鑼灣這間餐廳訂了枱，話要給我有驚喜🌹放工後八點左右先出到銅鑼灣，餐廳已經座無虛席，幸好閨蜜提早訂枱🥰- 室內環境 -餐廳裝潢華麗，每個角落都充滿打卡位置；配襯背景的爵士音樂，感覺像去了巴黎一樣，非常舒適寫意～- Menu -- Appetizer -❤️Homemade Crab Cake $138金黃酥脆的炸餅包裹着結實又多汁的蟹肉，配搭炒香的燈籠椒及洋蔥粒，再淋上清新解膩的青檸沙拉汁，口感豐富，開胃非常！啖啖蟹肉🥰- Pasta -❤️Truffle tortelloni $158濃郁的黑松露意大利小雲吞忌廉，口感煙靭；加上油份豐富的風乾豬面頰肉、與菠菜幼苗互相配搭，兩者的味道相輔相成👍- Main Course -❤️Chicken Fricassee $238傳統的法國菜式，雞肉烤焗至外脆內嫩，火候及時間控制得非常出色～ 值得一讚是旁邊的酸種麵包，以橄欖油煎香表面，再沾上蘑菇大蒜雞油精華而成的忌廉汁，絕對是此菜色的驚喜🥳😋- Dessert -❤️Apple Crumble $7820分鐘即叫即焗的蘋果金寶，香氣洋溢；雖然食到十成飽的我倆，都被這酸甜開胃的甜品再一次喚醒食慾

20240514🌤️🔥Tuesday🌹第1️⃣次到 Royal Inn 2022年尖沙咀The One, 已經被它的獨特法國小凱旋門吸引🎊Royal Inn 已於2022年12月22日進駐銅鑼灣皇室堡，歐式白色拱門、穿過法式許願池、黑白色方格地磚、配合精緻復古水晶燈加上天花鏡，窗外落地大玻璃維園景色， 各女仕們打卡重點餐廳。🍽️Royal Inn 提供創新法國菜及西餐料理，頭盆Starter：法式龍蝦濃湯Lobster Bisque+$38🥣龍蝦湯味到濃鬱，夠Creamy, 法包軟熱頭盆Starter： 迷你海鮮拼盤Mini seafood platter+$68🦪 蠔即開鮮味足，青口清淡又帶鮮美，蝦肉質結實，蜆肉鮮甜🐷主食 MAIN COURSE: 蜜糖芥末籽慢煮美國豬柳Sous-vide US pork loin$178 Presentation 已經好吸睛，有紅、黃、綠顏色，配上南瓜蓉好健康，豬柳真空慢煮，色澤粉嫩、 肉質軟腍。🦆主食 MAIN COURSE:香煎法式鴨肝蘑菇意大利飯 $158鴨肝味道濃鬱， 意大利飯奶油狀，質地creamy，囗感稠度，份量不算太大。🔥甜品Dessert

全店走歐陸宮廷風格, 一入門口就會見到大大個噴水池, 餐廳裝修精緻, 幾適合大家嚟慶祝生日或者紀念日.🍽️ 法式大蒜蘑菇忌廉烤雞 $238要讚下個法包烤得香脆, 而且好香橄欖油味,加上忌廉汁非常creamy, 濃而不膩, 單單用法包點汁已經好好味, 另外烤雞唔會焗到太乾身, 仍然保持juicy, 同忌廉汁、蘑菇再加埋面頭既烤洋蔥都非常夾🍽️ 香煎北海道帶子蕃紅花意大利飯 $208帶子厚肉而且鮮甜, 煎至表皮焦脆,內裡軟嫩, 意大利飯帶小許蕃紅花香, 飯唔會太腍身, 煮至硬度適中, 做到口感濃郁稠密.🍽️ 鮮牛肉他他配牛骨髓 $188牛肉他他肉質軟嫩, 牛味香濃但唔會有肉臊味,可見牛肉非常新鮮, 建議將原條烤牛骨髓拌入他他當中, 令其油脂香味融入整個牛肉他他中, 令味道更提升.

環境5分：皇室堡商場西餐廳真係好少會裝修到如此華麗高級，大正門已經有水池，入面呢仲有水晶燈，非常耀眼，加埋好多盆栽好大自然，好貴氣，地方仲好大，可以畀五分。衛生5分：Ｄ枱雖然冇枱布，但係立立令，好乾淨，衛生一樣畀五分。服務 5分：服務員不停加暖水，自動又快手，落單上菜效率高，又唔囉唆，滿分。味道5分：1)    法式龍蝦濃湯好濃好甜好潤，仲配左條又長又脆嘅多士。2)    法國鴨胸紅菜頭沙律入面鴨胸都算幾多，D菜好新鮮同好爽，其他仲有蕃茄，果肉，芝士，核桃做配料，加左好多口感同層次，紅菜頭有一粒粒同造左個醬，好特別。3)     招牌威靈頓羊架大大件單支羊架外面包住厚厚嘅酥皮，羊肉真係medium，皮又夠酥同夠鬆，中間夾住嘅stuffing好惹味，配菜仲有沙律菜，薯角，garlic，食完非常飽肚同滿足。抵食5分：靚環境入面食高級西餐，有湯有沙律同羊架，非常抵，五分。

係皇室堡行街經過呢間餐廳門口，俾個好靚嘅噴水池吸引咗入去，入邊好寬敞，法國餐廳設計，原來行到最入邊仲要係落地玻璃窗望風景，非常靚！🌟法式龍蝦濃湯非常濃稠龍蝦湯，加了忌廉汁更加香滑。🌟白汁忌廉煮藍青口藍青口鮮嫩，忌廉汁同香草葉帶出鮮味。伴碟麵包都唔好睇小，烘得香脆，一定要蘸埋白汁食。🌟燒三文魚香草忌廉手工戒指意粉手工戒指意粉煙煙韌韌，香草味道凍肉，三文魚煎得好香，魚皮都煎到又薄又脆好好食。🌟香草牛油焗田螺田螺大隻，螺肉焗到非常入味，充滿香草牛油香。餐廳風格優雅，無論環境、位置、服務都好好，都有不少靚打卡位。食物質素好，擺盤靚，值得推介。

黎Royal INN就好似去左羅馬咁,有個位置播放住羅馬假期套電影,勁有feel.因為呢排天氣熱,我叫左兩杯飲品,有杯係西柚梳打,有西柚乾做點綴,酸酸地,而杯裡面都係新鮮既西柚,好清新。另一杯係牛油果smoothies,好細滑,牛油果味濃香。見呢到有法式洋蔥湯,都叫左一碗,有好多洋蔥,好香,好清甜,d洋蔥都好好食呀!小食見佢有焗生蠔既優惠價,就叫左兩隻煙肉焗生蠔,呢種煮法令到個蠔更加香,仲好抵食添。小食就叫左牛油煎蟹餅,有2塊蟹餅,裡面好多蟹肉,配埋自家製既醬食,一流呀!最後就食左個煙鴨胸紅菜頭沙律,有好多紅菜頭粒同埋汁係沙律到,都幾特別。呢度既環境真係一流呀!

氣派豪華、環境幽雅@Royal Inn銅鑼灣食肆林立，但好少會讓客人有一份幽雅而舒適的感覺，即使用餐🍴🍽️完畢亦想再坐一會！😍🥰🍾手工牛油香煎蟹餅🦀Chef擺設這度菜五彩繽紛好有藝術氣質，又好似灑上七彩皺紙咁→🦀餅上鋪滿芒果🥭肉、檸檬🍋肉、伴隨酸尾尾蛋黃醬Lime mayo, 讓人胃口大開，蟹肉一絲絲好有質感又鮮美，色香味俱全。👍👍🍾法式芝士焗生蠔🦪餐廳鄭重推介特價品→ $28一隻，生蠔雖經烤焗仍然肉質很juicy 而且海水味濃，猶如碧波𣈱泳。面頭佈滿香脆煙肉🥓粒，味道極香極夾！🥢🥢🍾西班牙黑毛豬鞍架🐷🐷主角的豬鞍架肉質濃郁，夠哂肉味，只是略為韌了一點兒！西蘭花🥦，羽衣甘藍Kale爽脆清甜，咬落爽颯甘甜！肉+菜非常匹配。👌🏼👌🏼🍾自家製藍莓🫐士多啤梨🍓班戟🥞賣相精緻美麗！pen cake 食落唔覺成口粉，因為chef做到香口薄脆，配埋2隻鮮果＞🫐+🍓讓pen cake更有層次感。讓人驚喜的，脆卜卜的杏片增潻了整度甜品的高度🤗👌🏼 值得你哋去品嘗品嘗。😋😋餐廳一半遠眺綠樹🌴🍃☘️林蔭，讓人心曠神怡，胃口大開！🤪😋

店以純白色為主調，設有歐式拱門及浮雕裝飾，並搭水晶燈配大量花藝做點綴，店內空間感足，窗邊位置對著綠油油一片 ，很有情調服務和食物方面也很有水準，而且性價比很高～而且最近還⼀有優惠，買白酒可用$98玩購買6隻蠔，性價比很高。炭燒安格斯裙柳牛扒肉質嫩滑，口感柔軟而多汁，配上風琴馬鈴薯(Hasselback potato)和酸奶油味道一流。焦糖香蕉法式薄餅即叫即做的Crêpe，不僅看起來美美的，吃起來的味道也超讚，口感細 緻軟嫩帶點Q勁的餅皮配上Nutella，香蕉和鮮奶油，甜而不漏～下次回來要試試招牌菜威靈頓羊和蘋果金寶～～

鮮牛肉他他配燒牛骨髓Beef Tartare 牛骨髓唔係周圍都食到！ 竟然呢度有 重要襯埋我最愛晚牛肉他他！ 必叫！ 牛肉他他再加隻大大隻既蛋黃 絕配！ 紅酒燴牛肋肉燴意大飯 Red Wine Braised Beef Risotto 超多牛肋肉！ 紅酒燴牛肋肉燉得好淋好入味 超加分！ 意大利飯入邊配料都好多 有大啡菇 同埋燒到好香嘅洋蔥 大蔥！ 性價比之選！ Truffle tortelloni香脆豬面頰肉意大利松露小雲吞一上碟就聞到好香嘅豬面頰肉 肥瘦相間！ 意大利小雲吞有滿滿嘅松露汁 好香濃 最後再用嫩滑嘅菠菜on top 健康又營養芒果熱情果合桃班戟Mango passionfruit crepe嚟到打卡餐廳梗係要食一啲港女甜品🤣 同港女一樣有內涵有樣！ 原來熱情果同芒果係咁鬼夾！ 酸酸甜甜又唔會好膩！ 成間餐廳個裝修同埋食物presentation都好靚 岩哂拍拖 慶生 ，原來佢個二人套餐係openrice買仲可以平啲 下次再去試佢個二人套餐❤️❤️

裝修很好，食物很好，招呼也很好，收費亦合理，有不少打卡位，日間來應該感覺更舒服，噴水池位置應該更美。但就是很嘈很嘈，彷彿去了打邊爐或茶餐廳，真的不可思議！所有人，每一台都放肆大聲談笑吃飯交流，你可以清楚聽到前面後面每一張枱的交談內容，有一張長枱坐12人的，幾個男人跑來跑去，這個是什麼宮廷？如果你想好好地，安安靜靜，優雅有詩意的食一餐飯，應該會感覺出錯。我朋友出去洗手間，得到一刻寧靜之後不願再回來😂😂唯有快快埋單！好可惜的一餐飯。

打卡靚位西餐廳喺皇室堡見到Royal INN 歐陸古典懷舊風格裝修華麗。一入門口已經見到個小噴泉及天花吊燈，充滿着法國浪漫氣氛。🥰餐廳好多打卡位可以影靚相🥰座位舒適。當天我坐喺落地玻璃位置，可以觀賞維園嘅景色。餐廳Menu 選擇很多，我們叫咗：✅芝士焗生蠔 抵食，焗生蠔。滿滿的芝士。🧀超低食👍✅燒三文魚香草忌廉手工戒指意粉三文魚煎得香脆，魚肉嫩滑。✅香脆豬面頰肉意大利松露小雲吞黑松露遇上小雲吞，雲吞皮做得好薄。細細粒好QQ😋✅Tiramisu 最後再叫兩個甜品食吓😍Tiramisu 非常香滑細緻，唔會太甜。總括：拍拖、談心、相聚、傾生意。打卡必到餐廳點，華麗餐廳,高級食物,服務細心周到，值得稱讚。

皇室堡竟然開咗一間勁打卡嘅餐廳💖呢日約埋朋友過去食飯，一入門口就見到一個勁靚嘅噴水池🥰蟹肉忌廉汁扁意粉真係有一絲絲嘅蟹肉喺入邊架！忌廉醬汁好Creamy，意粉朔晒啲忌廉汁超好食！入邊仲有蘆筍，味道但係點小清新！香蒜辣味鮮大蜆扁意粉另外呢個蜆肉意粉嘅大顯勁大隻呀！蜆肉都幾鮮甜，意粉落咗輕微嘅辣椒同蒜蓉撈過！上面仲有啲蒜片添，食落都幾惹味架！焦糖香蕉榛子朱古力班戟呢個班戟份量都幾大，班戟裏便包住咗香蕉！落咗好多榛子朱古力醬😍另外有半條香蕉個面係焦糖化咗，表面脆裏面軟好好食！藍莓醬巴斯克芝士蛋糕配雪糕呢度嘅巴斯克蛋糕都幾出色！質感綿滑，芝士味道香濃🥰仲配咗一大球雲呢拿雪糕添🤤白桃果園食咗咁多嘢，係時候飲返杯茶啦！呢款茶好香白桃味，加咗兩次水都仲好出味！