ROYAL INN

Weekend黎嘅，黎到見到環境真係同網上面嘅相一樣咁靚，座位好好，唔怪之得7點已經9成full。食物同服務質素都屬中上 今晚食左幾樣野都幾好食。好似香辣嘅香蒜大蝦意粉，有心煮，蒜絲同蝦嘅焦香份外香濃，意粉彈牙，係有誠意嘅意粉～法式大蒜蘑菇忌廉烤雞，本身會跟一籃牛油烤酸種麵包，但個包太好味啦，而且個汁唔漏又香滑，決定要叫多客麵包點黎食。甜品係重點，焦糖香蕉榛子朱古力班㦸 - 甜糯之中咬到杏仁片，有榛子香，朱古力同香蕉嘅甜，香脆焦糖，口感味道好豐富。完全符合今晚嘅expectation！

早在社交平台見過這間餐廳，一直未有機會試，今天終於可以試到。全店採用宮廷風設計，在門前早被這個噴水池所吸引。Chicken Fricassee法式大蒜蘑菇忌廉烤雞這是法式傳統的烤雞，烤雞肉質嫩滑，忌廉汁加入茴香籽；大蒜刨絲再炸，令口感更脆更香。烤雞配搭酸種麵包，沾上忌廉汁，也是較為大眾化的吃法。Grilled Salmon Tubettini燒三文魚香草忌廉手工戒指意粉餐廳採用挪威刺身級三文魚，先慢煮，再煎香，所以在品嚐三文魚的時候，三文魚依然嫩滑，不會煮得很乾；手工戒指意粉口感煙韌Q彈，要趁熱吃，放太久會變硬。Chocolate Fondant With Ice Cream朱古力心太軟配雪糕雖然心太軟要等大約20分鐘，但我們還是想一試😋 朱古力不會太甜，朱古力軟心香濃幼滑，而且朱古力流心澎湃，一口蛋糕，一口雪糕，甜甜的幸福感為一頓晚餐畫上完美句號。餐牌參考：

新裝修既ROYAL INN裝橫別緻，感覺高貴得來好舒服～餐廳闊落，下午時間人唔算多，可惜坐咗喺近門口位，欣賞唔到入邊大玻璃窗嘅風景。食物一流，好食。———————————————————-🥯 牛油烤酸種麵包 $38充滿牛油香氣，微焦口感堅韌有咬口，麵包唔會太硬，值得一試！🐷西班牙黑毛豬鞍架 $268必叫之選！烤制時間理想，好好食！豬鞍份量好足夠，脂肪分布均勻，肉質鮮嫩，口感豐富加上特製醬汁，令人回味。** Set lunch **🥗 STARTER: 煙燻三文魚沙律三文魚份量多，蔬菜新鮮！加上新鮮檸檬吊起清新嘅酸甜味，特別開胃！🍖 MAIN COURSE: 法式寶雲酥羊架 $188雲酥羊架外皮焦香，羊架面上散上香脆碎蒜頭，加上內裡鮮嫩肉質，口感豐富。香料與草本相互交融，風味獨特～🍹DRINK $28 以下：凍檸檬水檸水有加微甜，甜度適中，意想不到～不得不提，main course 中side dish 的蔬菜蘆筍，小薯等烤度剛好，十分好吃~

今次黎到銅鑼灣royal inn食飯😍每次都會俾個噴水池吸引住😝- 法式龍蝦濃湯龍蝦湯濃稠 味道香濃麵包經過烘烤過口感香脆😝食落仲有啲似曲奇添- 法式鵝肉醬伴鵝肝慕絲賣相十分精緻上面仲有啲鮮花作點綴❤️鵝肝慕絲配上麵包 加埋少少醬汁食落中和咗膩嘅感覺😝- 松露蒜香炒蝦扁意粉大蝦爽口彈牙 😍而且份量都幾多意粉帶有松露香氣炒得乾身 仲唔會好油添- 流心布袋芝士紫薯意大利飯意大利飯好有咬感芝士十分香濃 配上淡淡嘅紫薯味食落十分creamy😝

一直都Bookmark左呢間人氣打卡西餐廳，比佢既法式裝修吸引，好似去咗外國咁，最近朋友轉左新工，又成功過咗試用期，所以就book咗呢間餐廳食晚飯慶祝🥂🍾🩵小食：白松露薯條$78好快就上咗枱，熱辣辣嘅粗薯條配上松露醬，無敵絕配，真係忍唔到手一條條咁食🫣🩵主食：炭燒12oz安格斯西冷牛扒$368安格斯西冷牛扒叫左5成熟，牛扒肉質結實，牛香味濃郁，配菜忌廉千層薯用左酸洋蔥忌廉醬去焗，焗薯做成一片片，口感綿密，非常creamy😍😍🩵主食：松露蒜香炒蝦扁意粉$168扁意粉松露味好香好突出，炒大蝦爽口彈牙，配菜有露筍、香蒜提味，食落鮮味滿滿😚🩵飲品：凍檸檬茶$28飲落茶底唔會太濃太苦澀，配上檸檬香，酸酸甜甜，最適合食大餐飲🍋

今晚陪人去皇室堡買完嘢，見到間餐廳，又羅馬柱又噴泉又剩，好似好靚咁，就走咗入去…“ROYAL INN”好似頭先咁講，餐廳嘅裝修典雅，入到嚟好似做咗皇室嘅一份子咁，可能因為咁附近嘅人食嘢都好靜，咁係坐得幾舒服嘅。我哋都唔餓，唔係叫咗好多嘢食。法式芝士焗洋蔥湯 $88 - 呢個通常係正統法國菜先有嘅菜式，我一見到就話要叫嚟試。首先佢係相當夠熱，芝士同酥皮嘅味道均衡，洋蔥湯鮮甜濃厚，帶有好濃嘅牛肉味。特別要講洋蔥，因為我係唔食洋蔥嘅😂，但佢係鮮甜到我可以食晒。招牌威靈頓羊架 $328 - 同樣道理見到呢啲咁難整嘅菜式，我就即刻想要嚟試吓。威靈頓牛已經夠勁，仲要係羊架。威靈頓最重要就係肉類嘅成熟控制，其次就係蘑菇泥同酥皮。以上嘅條件今次亦做得唔錯，特別係蘑菇泥係幾濃味，我幾欣賞。自家製藍莓醬士多啤梨班戟 $88 - 有一個法式料理。我會着重試佢所謂嘅自家製藍莓醬。佢係做得好濃厚，藍莓味嘅酸度相當高，可以中和返水果同其他嘅甜味。Crepe本身就正常，但配搭起唔同嘅水果同藍莓醬。感覺都幾清新。Green Tea Latte $46 - 呢個抹茶latte嘅水準，個人認為相當高。除咗夠熱之外，佢用嘅

Tea Time知道多人來為了宮廷式 design，而我……鐘意多片大玻璃，自然光，視覺開揚些藍莓醬巴斯克芝士蛋糕 配雪糕好eye-catching，colourful🥰巴斯克芝士蛋糕 口感好軟熟，texture 好rich，唔會好甜，生果份量算多，有blueberries, strawberries, raspberries焗蘋果金寶 配雲尼拿醬熱哄哄，蘋果焗得好鮮甜，就咁食可以食到個原味，配雲尼拿醬食，有另一番滋味熱情果薄荷 soda鐘意唔係咁甜，又夠 fresh

Dessert Time朱古力心太軟 配雲尼拿雪糕朱古力味濃郁，而且有流心整體味道唔錯勝在 weekday 冇咁多人，座位寬敞，又有宮廷式 designtea set menu 包一杯 drinkHot Latte 加＄21（50% off）

入坐時女服務員告知用餐時間12:00-2:00， 誰知一個男服務員係1:27話「我比多你地坐5-10分鐘你地要交枱。」嘩！當時門口沒有人等位，window seat table 還有一張空枱，還未到2:00要我哋交枱走，催促了三次，1:40叫女服務員來埋單，我們就比錢，她也說之後可以坐到2:00，但1:45男服務員見我們還未離開就行過嚟叫我們走，還有空枱又沒有客在等點解要我們離開，他就強說有兩個客已訂咗𥦬口枱未到迫我地離開餐廳，今時今日的服務態度咁差，難怪香港飲食業每况月下，人人都北上消費！人家無論服務，食物質素，餐廳地方大，設計新款，樣樣勝一酬，怎會不比下去！餐飲服務員，請好好檢討下！食物還可以的，價錢不便宜，本來是朋友生日，也給這服務員破壞了氣氛！亦唔會再幫襯！

來到銅鑼灣，來到皇室堡，本來想行完去飲下午茶，中式嗰隻，誰不知嚟到三樓就畀呢間餐廳吸引住，佢就係royal inn，富麗堂皇的裝修，入門處仲有一個法式噴水池，睇真啲，仲有室內室外用餐區，不過所謂嘅outdoor其實都係喺室內嘅，只不過有個大嘅玻璃窗感覺好舒適，如果唔係熱死咩？ 嚟得唔啱時候坐唔到outdoor，咁就indoor啦，啲沙發位都非常之唔錯。嗌咗個包羅萬有的tea set，3層高的架total有10様嘢，每樣2件，有底層的鹹點，中層的鹹點到頂層的甜點。由底數起第一層有香煎北海道刺身带子，黑魚子煙三文魚西米薄脆，龍蝦多士和蟹肉三文魚子鬆餅，刺身帶子新鮮，鮮甜；黒魚子好矜貴，配大大片三文魚，仲有薄脆的點綴perfect 。中間嗰層就有巴馬火腿蜜瓜，摩洛哥芝士餅乾 和鴨肝幕斯配無花果，其中鴨肝好細膩，柔軟，入口即溶，又有我喜歡的無花果，非常之正。最上層的甜點有迷你鲜果撻，柑橘瑪德蓮貝殼蛋糕，七彩馬卡龍和巴斯克芝士蛋糕，各有特色各自精彩，喺度好chill，好enjoy啲美食，正如經理所講，特登設計了符合我哋亞洲人的飲食習慣，多鹹點少甜點👍🏽👍🏽👍🏽

聽過朋友話呢間餐廳好靚，食物唔錯，今晚dinner 2個人，帶著期待，唔知好睇好唔好食呢？Grilled Beef Rib Eye Steak 16 oz $458 + $88 Mini Spinach Quiche 。牛扒叫左7成熟，肉質唔太韌，原汁原味，配左個酸忌廉，清新絕配。菠菜酥熱辣辣，切開出曬煙，酥皮香口，伴碟蔬菜幾新鮮Sweet Potato Risotto (Vegetarian) 流心布袋芝士紫薯意大利飯 $158。 以前未食過呢個配搭，有我最愛嘅芝士、紫薯，唔知擺喺意大利返會變成點？布袋芝士拉絲㗎😍😍😍紫薯自然融入粒粒意大利飯，紫色既飯好靚服務員態度好，今晚二人食飯俾4人圓卡位我地座，靚打卡位，好開心。Wine list 都幾得意：

同朋友行開皇室堡時佢每次都會比呢間餐廳門口嘅歐式水池吸引不斷同我講 : 好想去呢間呀~的確係香港少有咁靚嘅打卡餐廳有齊女仔最鐘意嘅元素 值得一訪************法式大蒜蘑菇烤雞*配酸種面包呢個係餐廳號Signature 必點 !烤法國野雞 外皮烤成金黃色面上舖滿大量炸大蒜絲 成隻雞香氣撲鼻忌廉汁超級香濃 勁惹味 但又唔過咸隨餐附上4片酸種面包 浸落醬汁 味道一流*烤西蘭花苗+蘆筍配菜揀咗菜平衡一下原來除咗西蘭花曲 仲有蘆筍同甘筍添好鐘意佢加左黑醋汁 食落酸酸地可以解膩仲加咗幾粒焦糖琥珀合桃甜甜酸酸咁 完全地平衡咗主菜嘅膩感*流心布袋芝士紫薯意大利飯比較少見嘅菜式 布袋芝士好拉絲 口感順滑芝士當中加入佐少少檸檬汁 略帶點酸味 感覺平衡呢款意大利飯相對味道較清 建議食左飯先食濃嘅雞*開心果蘋果玉桂班戟蘋果玉桂味突出 而且好夾面上灑上開心果碎同杏仁碎 增添香味*白桃果園靚靚嘅茶具 同環境好夾 加分味道清香少甜*Mixed Berry Smoothie土多啤梨加藍莓 酸甜好飲 唔會太甜

呢間野完美演繹金玉其外敗絮其中，裝修其實都無想像中靚，噴水池好一般，燈光又暗，影相打卡都滿滿廉價感。。。呢個牛肉他他調味好差，完全唔係西餐水準，個牛骨髓D出聲，一堆腥的碎骨…阿媽煲湯嗰舊都靚過佢。同經理反映，佢仲要話其他客無講過呢個問題，笑左。尋日好天唔通日日都好天咩，呢種服務態度唔應該出現係呢啲餐廳囉。service真心差，加水落單呢啲爽手野，竟然等啊等，叫極無反應無左件事。openrice訂位送一份野食，最後不了了之無下文。仲叫左個main，都係一般般，唔值呢個價。甜品只是及格水平，無咩層次感。埋單兩個人快要$800，倒不如去食高級啲，起碼唔洗食垃圾又受氣。環境又吵鬧，趁虛咁，食食下無啦啦又會有堆網紅企曬係度影噴水池。完全唔明白啲好評從何而來…

店名/Shop Name：Royal INN (銅鑼灣) 地址/ Adresss: 銅鑼灣告士打道311號皇室堡3樓313-314號舖種類/Type：西式推介/Recommend：西班牙火腿芝士拼盤，松露蒜香炒蝦扁意粉，意式甜椒蕃茄燴魚柳半蕃紅花忌廉汁人均價錢：$300店舖環境: 環境非常之精美門口處有個噴水池非常適合打卡及有氣氛嘅餐廳交通:銅鑼灣地鐵站E出口行3分鐘上菜速度: ⭐️⭐️⭐️⭐️⭐️服務態度: ⭐️⭐️⭐️⭐️⭐️食物口味: ⭐️⭐️⭐️⭐️⭐️西班牙火腿芝士拼盤$178西班牙火腿伴上無花果芝士杏脯色專青瓜合桃還有特製的孫總麵包多士，口感非常豐富有層次松露蒜香炒蝦扁意粉$168滑嫩鮮美的蝦肉,柔軟香醇的松露香氣,扁意粉入口Q彈,蒜香四溢,層次豐富,口感俱佳的美味組合。香煎北海道帶子返紅花意大利飯北海道鮮嫩肥美的帶子,香煎酥脆,搭配半蕃紅花忌廉醬,融入意大利飯香綿綿,口感層次豐富,色彩誘人。

午餐搵咗一間好有歐洲感覺嘅餐廳。落地玻璃遠望維園景緻，水晶燈下，非常有氣氛。南瓜湯質感濃稠。清甜味美。牛油香煎大蝦意大利飯大蝦盡顯牛油香，蝦膏爆香。意大利飯粒有硬度，有嚼口。粒粒青豆角增加了層次感。金寶蘋果即叫即焗，熱呼呼的。蘋果，杏仁餡料勁多，甜度適中。份量頗大，適合二至三人享用。Cappuccino 味道濃厚，苦澀甘香，餘韻持久。整體來說，環境舒適，食物水準中上，服務態度殷勤，是三五知己聚會好地方。