ROYAL INN

女士無論去到咩年紀都會有粿少女心，最鍾意啲靚靚嘅打卡餐廳。就算唔食得都睇得，同埋食嘢之餘影相又多一重收穫咁。呢一間餐廳Royal Inn絕對係有一種皇室花園嘅感覺。首先就有種感覺嚟到歐洲經過呢個法式凱旋門側邊做放滿滿咗花。黑白色嘅棋子地板、藤椅、太陽傘、大大嘅落地玻璃，全部都係精緻嘅打卡位。我同朋友就試吓食佢嘅午餐，百零蚊有三道菜非常抵食。餐飲揀咗鮮奶咖啡latte同埋凍檸茶咖啡拉花做得非常之咁精緻，凍檸茶甜度啱啱好餐湯係大蒜薯仔湯濃稠到煲得剛好，配襯買熱辣辣嘅牛油麵包野莓香醋沙律呢個沙律非常之咁醒，胃個汁少少甜酸，配襯埋鮮甜兩色嘅蕃茄仔，好似食緊水果咁甜，超正。好鍾意食菜嘅，我都食晒成碟，夠晒健康。香煎北海道帶子配意大利海膽飯兩粒帶子煎得兩面都金黃色，但係唔會過熟。意大利飯煮到啱啱開口，吸收晒海膽汁嘅鮮甜，味道夠晒Creamy ！香炸鱈魚配松露薯條其實就係英式炸魚薯條炸嘢就梗係香口啦，而且廚師炸到非常之香脆。個鱈魚柳嘅漿厚薄啱啱好，熱辣辣包裹住滑捋捋嘅魚肉，好味道！呢間餐廳外內涵兼備，睇得又食得！

四年一度的奧運今次在法國巴黎展開，法國地標凱旋門，又令我想起這間凱旋門，今天相約朋友來吃午餐，就當作去了一趙法國看奧運。今天的午餐有五款主菜，我和朋友各選一份。前菜要了煙燻三文魚沙律，沙律份量多，蔬菜的種類也多，口惑十分清新，酸甜的醬汁開了胃口，接下來吃主菜更津津有味。意大利煙腩肉野菌芝士通粉。一長碟內分別放了通粉，沙律菜和多士，擺盤精美。通粉的圓盆十分熱，待應提醒別用手觸碰，以免燙傷。通粉面層佈滿已溶化的芝士，每吃一口通粉都能感受到滿滿的芝味。細碎的煙腩和野菌又均衡地分散不同的通粉四周，味道鹹鹹香香，好吃而不會膩。沙律菜就是前菜的那款，入口依然好清新。較失色是那幾片多士雖然脆口但油糠味較重。脆焗杏仁盲曹魚伴香辣甜椒汁，這菜式也是份量十足，初看以為只有一件的盲曹魚，原來下層仍有一塊，再下層是薯蓉和甜椒汁。魚身厚度剛好，肉質嫩滑，一梳一梳的，容易切開又容易吃，魚皮上的杏仁和綠色的面包糠十分脆口，又帶點鹹味，為淡口的魚肉增添一些味道。薯蓉的份量也十分多，口感綿密像吃雪糕一樣。甜椒汁帶甜味多些，香辣感較少。餐後當然要來一杯咖啡和友人聊聊天，這個凱旋門之行也在喝畢咖啡後結束。

食物好普通，份量好少仲要overprice，一定唔會再去食，有最低消費但係又唔計加一，嗰日想再出去下場都唔得，都要夾硬叫多個mains，唔想浪費食物就冇再去食下場。上菜又慢。真係當比錢買打卡相，淨係門口影相ok, 入面太暗，影唔到啲咩嗰日叫左2個pasta, but nothing special, 其中一個係蜆殼more than意粉，食完之後見到有half of the plate都係殼，食完好似冇食過野咁，唔建議去食

準備過農歷新年，週未休息出去辦年貨，順便帶媽咪食一個浪漫既晚餐~🦞波士頓龍蝦西班牙海鮮飯：分量適中，龍蝦、青口、大蝦同魷魚，海鮮品種豐富。加埋滿滿醬汁同海鮮鋪滿系米飯上面，一口入魂。🥦香烤西蘭花苗：烤既西蘭花苗清新爽口，清甜多汁，完全無影響蔬菜本來既口感。🍞牛油烤酸種麵包：外皮鬆脆，內里鬆軟烤得非常之香口，仲有滿滿既牛油香味。🫕法式龍蝦濃湯：入口好 creamy 飲到每一啖都有龍蝦味，用料十足 ，味道香濃，口感綿滑細緻。環境：法式宮廷裝潢，鮮花主題，顏色以柔和既藍白為主，用心佈置，店家仲系餐廳設置專門影相打卡位，服務貼心，親切有禮。食物水準一流！🤩

📍Room L121, 1st Floor, The ONE, 100 Nathan Road, Tsim Sha Tsui 尖沙咀彌敦道100號The ONE 1樓L121號舗Nestled in the bustling heart of Tsim Sha Tsui, RoyalINN offers a delightful escape for food enthusiasts. 1. Mushroom Soup 蘑菇湯 🥣 🍄‍🟫 $18 👍👍Start your meal with the comforting Soup Of The Day. This daily special is a warm embrace in a bowl, perfect for setting the tone for the rest of your culinary journey.2. Garden Salad 沙律 🥗 $18 👍👍For those seeking a lighter option, the Garden Salad is a refreshing choice.

餐廳以巴黎凱旋門等佈置，好浪漫，周圍都係花藝佈置，好適合幾個女仔friend或者情侶嚟打卡。前幾晚同朋友去試咗佢哋嘅法國香烤油封鴨脾同燒三文魚香草忌廉手工戒指意粉。油封鴨脾外皮香脆，內裏肉質嫩滑，味道濃郁，好有層次感，食落真係一絕，完全冇得輸。至於燒三文魚香草忌廉手工戒指意粉，三文魚煎得剛剛好，外脆內嫩，配上香草忌廉醬，意粉彈牙，呢道菜真係好有創意，保留咗法國菜嘅傳統風味，真係好正。飲品方面，我地叫咗Avocado Smoothie同Ice Lemon Tea。Avocado Smoothie好滑溜，牛油果味道濃郁，仲帶啲甜味，飲落好健康；Ice Lemon Tea就清新解渴，檸檬味道鮮明，飲完真係好舒服。

呢間餐廳特點係裝修得好別緻，門口有個大拱形門口，佈置得好靚嘅花海入口，入到去最特色就係黑白地磚，氣氛好好，同朋友嚟打卡，chill 下好適合。餸菜上碟都係色香味俱全👍我哋叫咗以下菜式：❤️蒜蓉牛油蟶子紅椒汁洋薏米意大利飯蟶子鮮甜嘅肉質，加上蒜蓉同牛油嘅香味，融合咗紅椒汁嘅微辣，令整碗飯更加豐富。洋薏米嘅口感滑順，令人每一口都唔想停低。❤️忌廉芝士雜莓法式班戟外皮鬆軟，內裡包住香滑嘅忌廉芝士，配上新鮮嘅雜莓，酸酸甜甜，十分開胃。每一口都帶有果香，令人感受到甜蜜嘅滋味，令班戟變得更加誘人。❤️招牌威靈頓羊架外層包裹住金黃酥脆嘅千層酥皮，裡面係嫩滑嘅羊肉，肉質鮮嫩，配合香草同香料嘅味道，令人一試成主顧。羊架嘅豐富口感，加上外皮嘅酥脆，絕對係一道令人難忘嘅佳餚，食完之後，令人回味無窮。

阿女叫咗我幾次要我帶佢嚟呢間餐廳食飯，原來呢度唔單止環境好靚，啲食物仲好美味🍴，唔怪得深受年青人歡迎。法式洋蔥湯香濃洋蔥味🧅，野菇黑松露意粉材料嘅比例非常好🍝，黑松露味道適中，個汁做得好creamy。芝士蛋糕軟硬適中🧀，配搭水果更加解膩🍓。蘋果批一定要share食，真係好大份，皮焗得好鬆脆，配合蘋果餡料，令佢口感豐富。原先想叫這裡超人氣的牛油果沙冰🥑，可惜已經沽清。更令人驚喜係呢度食物嘅擺盤🍽️。我仲有好多嘢想食，下次一定要再來😊

今日同朋友慶祝生日，揀左哩間環境好舒服，又靚，又有打卡位既餐廳。打開餐牌，好多野食揀，少少選擇困難😅，最後叫左個 set dinner，超級豐富😋精選二人海鮮拼盤：好新鮮，有蝦、生蠔、青口、蜆，另有紅醋汁、cocktail 醬，好特別呀法式白酒煮蜆：超正，白酒暖胃，我同朋友都一齊飲晒。是日餐湯：粟子忌廉湯+焗脆左既包：忌廉湯味道濃郁，好有粟子既香味。焗脆左既包，佢口感好特別，配埋佢個sour cream，唔錯香煎鴨肝牛肝菌意大利飯個鴨肝好正，配埋佢地個汁，好好食。慢煮紅酒羊膝個羊好入味，夠林，配埋佢既薯容，好正。Tiramisu正呀！將 Tiramisu 既組合發揮得淋漓盡致。整體份量比我地想像中大，抵食。

今日放假，所以同老公去the one嘆番個3層架靚ROYAL TEA SET 先最底層：Seafood canapés🌟龍蝦牛油麵包，暖暖鬆軟嘅牛油麵包，上面新鮮彈牙爽口嘅龍蝦肉🌟煎蝦蛋沙律多士，多士烘得脆卜卜，大大隻新鮮彈牙嘅蝦肉配埋幼滑嘅蛋沙律一齊食，口感層次好豐富🌟北海道刺身帶子薄片，大大塊刺身薄片帶子，超級鮮甜！上面放有魚籽，口感爽脆，粒粒分明，配埋特製醬汁一齊食，鮮味十足中層：Savoury Canapés🌟巴馬火腿蜜瓜賣相幾精緻，巴馬火腿鹹鹹香香，包住清甜嘅蜜瓜，唔會太鹹🌟蕃茄肉丸英式小鬆餅，鬆軟嘅小鬆餅上面有香濃蕃茄味嘅肉丸，微微酸味，幾開胃🌟鴨肝慕斯配無花果賣相好精緻，厚厚嘅鴨肝慕絲好香濃軟滑，上面會有清甜嘅無花果，連埋最底層嘅多士一齊食，完全可以中和鴨肝嘅油膩感最高層：Exquisite Sweet🌟開心果焦糖燉蛋，食落口又好濃郁嘅開心果香味，焦糖燉蛋好Creamy又滑溜🌟迷你鮮果撻迷你撻上面舖滿紅莓、藍莓、士多啤梨，果香味十足！🌟柑橘瑪德蓮貝殼蛋糕蛋糕好鬆軟，食落口仲有好濃郁嘅牛油味，仲有淡淡的柑橘味道🌟七彩馬卡龍顏色靚靚！凍檸檬茶餐廳舒適寬敞，裝修好靚好高貴，周圍

Bad experience!I made a booking 11 days ago requesting a table at a quiet corner for friend gathering. End up I got a table next to the entrance!One of our order (sthing like snail) was missing after all the food nearly finished. And we asked the staff about that. But he insisted the food did serve to us and it was him to collect the empty dish! How ridiculous! V impolite as well. Even we finally got our food, I dun think I will go again!

今日係公司加班後。感覺好大壓力。想食好少少慰藉下公司上的壓力。所以隨街行找一間。可以令我心花怒放的餐廳。剛巧經過見到一間好有趣名字的餐廳。所以就入左去放鬆心情。**北海道帶子刺身薄片**帶子新鮮的海味在口中瞬間釋放，肉質滑嫩。讓整道菜品更加清新。每一片薄片都如同藝術品般精緻，讓我感受到海洋的純粹與美好，**煎蝦旦沙律多士**則是一道色香味俱全的佳餚。多士外脆內軟，搭配上煎得恰到好處的蝦仁，口感豐富。沙律的清爽與蝦仁的鮮美相得益彰，讓整道菜品充滿了層次感。這道菜不僅是味覺的享受，**鴨肝幕斯配無花果**則是一道奢華的美味。鴨肝的細膩與無花果的甜美形成了完美的對比，讓我在每一口中都能感受到濃郁的風味。鴨肝的滑順口感與無花果的果香交融。**蕃茄肉丸英式小鬆餅**肉丸的鮮嫩與蕃茄醬的酸甜相互融合，搭配上鬆軟的小鬆餅，讓整道菜品充滿了家的溫暖。這道菜的口感層次分明，讓我感受到傳統與創新的完美結合。**巴馬火腿蜜瓜**巴馬火腿的鹹香與蜜瓜的清甜形成了絕妙的搭配，讓人感受到一種意想不到的和諧。這道菜品的簡單卻不失精緻。ROYAL INN (尖沙咀)尖沙咀彌敦道100號The ONE 1樓L121號舖

Royal Inn 以純白色宮廷風作主打，處處都是打卡點，現在更開放戶外用餐位置，讓你與家人朋友共度溫馨的用餐時光。食物方面，不得不試的 波士頓龍蝦西班牙海鮮飯 重現西班牙經典美食，精選波士頓龍蝦、青口、蜆、魷魚和蝦鋪滿於飯上。番茄和藏紅花的酸香，濃郁的海鮮風味，讓人彷彿置身於地中海的陽光下。另一道 燒三文魚香草忌廉手工戒指意粉，手工製作戒指意粉掛滿香草忌廉汁，再搭配香嫩的燒三文魚，口味教人難忘。Step into Royal Inn, all-white palace-themed restaurant which is perfect for your Instagram shots! Now with an outdoor dining area, it's the best place for a cozy meal with loved ones. Don’t miss out on the Lobster Seafood Paella – a Spanish classic with lobster, mussels, clams, squid and shrimp whi

之前食過銅鑼灣分店，今次嚟到位於尖沙咀The One嘅分店，佈局同樣充滿歐陸風情，勁多花花佈置及裝飾，配以黑白地板，同閨蜜或另一半食飯打卡一流。 龍蝦湯 ($88）- 龍蝦湯味道非常濃郁，充滿龍蝦鮮味，配以香脆餅乾一大片 ，用嚟點龍蝦湯食好滋味。法式大蒜蘑菇忌廉烤雞（$268）- 呢個絕對係必食推介，烤雞皮脆肉滑，仲有蘑菇、薯仔及洋蔥等配菜。佢嘅忌廉汁煮得非常好味，仲配以四片牛油法包，用嚟點忌廉汁確實係一流。松露蒜香炒蝦意粉（$168）- 鍾意食蒜蓉同松露嘅朋友一定要試吓，佢呢個意粉非常惹味，掛滿蒜蓉同松露嘅香味。意粉亦整得好al dente，呢個意粉真心好味。餐廳環境非常優美，有極多花花佈置，打卡位處處，啱晒慶祝特別節日。

最近朋友帶我到尖沙咀一間充滿法國風情的西餐廳吃晚餐，餐廳裝潢很別緻，最適合打卡。首先點了牛油烤酸種麵包，麵包外皮酥脆，內裏鬆軟，烤得很香口。法式龍蝦湯是一道經典的法國美食，湯底濃郁，龍蝦的鮮味充分釋放，讓人一飲難忘。西班牙黑毛豬鞍架，肉質鮮嫩，脂肪分佈均勻，烤得恰到好處，每一口都充滿了濃郁的肉香。松露蒜香炒蝦扁意粉，扁意粉口感彈牙，配上鮮美的蝦肉和香氣撲鼻的松露蒜香，味道豐富而層次分明。餐廳每一道菜都精心製作，令人回味無窮。