御名軒

Open Now

Now Closed

早排啱啱完成左個大project同事話要一齊去食翅慶祝一下於是就約咗收工後去天后地鐵站隔離嘅御名軒食飯我哋首先梗係揀而家做緊推廣既$1紅燒雞絲翅，唔好睇佢只係做緊$1優惠，但係佢都足料，唔會好稀另外我哋叫冬瓜盅，湯底都幾鮮甜，入邊有乾瑤柱碎、肉粒、蝦、菇等等，口感十分豐富。半隻片皮鴨，肉質唔會太鞋，配埋麼麼皮同其他配料，味道也幾好燻蹄海哲，海哲加咗麻辣汁，好惹味蒜蓉粉絲蒸蟶子皇，蒸得啱啱好，再配埋炸蒜一齊食，好爽甜！生炒糯米飯，炒得好乾身，而且足料呂宋芒果布甸，啖啖芒果肉，非常香滑！有驚喜總括嚟講，御名軒性價比不錯，而且喺地鐵站隔離，真係好方便！

最近天氣開始轉涼，就是食羊腩煲的最好時機！天后這間酒樓，有多款小菜，價錢比其他地方便宜，份量大份很適合一家大小聚會😗💠羊腩煲（跟唐生菜） $248份量很多很大份，有濃郁的醇香，羊腩肉質酥爛，入口即溶，羊肉味也足.羊腩軟嫩，配料還有腐竹、馬蹄等等，食完全身暖笠笠☺️☺️食到一半還可以加生菜煮來食，生菜吸滿湯汗，超惹味🐵💠 紅燒雞絲翅 $1大癲了，$1就可以食到雞絲翅🤩🤩每人限叫1次，份量也不惹少，味道超香濃，好想再加添😜💠 京式片皮鴨（半隻） $98皮酥脆、搭配特製的甜麵醬和薄餅，味道層次豐富😝鴨肉鮮嫩，油脂適中，吃起來非常滿足😌💠 冰鎮咕嚕肉 $168甜酸醬汁濃郁，帶有微微的果香，肉質外酥內嫩，外層的炸衣酥脆，搭配清爽的冰鎮效果，口感上更加清新。💠呂宋芒果布甸 $28甜而不膩，布甸質地滑順，入口即化，芒果的果粒則增添了細膩的口感😚😚

我真系愈嚟愈喜歡食中菜🥢🥢總係覺得食中菜可以慢慢嘆慢慢傾偈天后地鐵站一出行10步就到嘅御名軒🥢🍚分享比大家而加做緊$1紅燒雞絲翅呢個真系癲😂蒜蓉粉絲蒸大元貝🫖百吃不厭惹味鮮甜 一定要酒樓食淋上熟油先有嗰種感覺 椒鹽海中蝦🦐最中意食呢個重鹹香辣蜜椒京蔥牛仔骨🥩肉質肥腴有筋腱多汁耐嚼唔因烹煮變得干硬烤至全熟都唔會影響口感脆皮三層燒腩仔🐽表面酥脆鬆化 肥瘦相間入口即化唔油膩😋😋最尾一定要點返個芒果🥭布甸🍮重花奶做結尾🩷🩷🩷

御名軒位於天后地鐵站💗💗一出就到，真係超方便❤️❤️唔怪得好多街坊都鍾意黎食😋呢度嘅環境舒適，服務態度又好，真係令人感覺好舒服😊首先講下佢哋嘅古法羊腩煲，真係一絕！羊腩煲入面有枝竹🍄‍🟫🍄‍🟫冬菇、冬荀同埋馬蹄，煲得超入味，羊腩煲嘅湯底濃郁😳羊腩肉質嫩滑，入口即溶，真係好正👍仲有大大份嘅唐生菜，食落去清新爽口，真係一流🥬雞絲翅都係好正嘅選擇，雞絲嫩滑，翅湯清甜，味道非常好，食完之後真係令人回味無窮😋落少少醋更惹味!御名脆燒雞亦都係必試之選，燒雞皮脆肉嫩，味道香濃，真係令人一試難忘😋每啖都充滿香氣，真係好滿足👍最後，金銀蛋菠菜都係一個唔錯嘅選擇，菠菜新鮮，金銀蛋嘅味道配合得非常好，食落去好清新又夠蛋香😋

今年秋季我都品嚐了數次羊腩煲， 其中一間是同家人訂左天后的御名軒！御名軒更推出了抵食晚市三寶🐏 古法羊腩煲 羊腩燉煮得非常軟 又鮮嫩多汁，香噴噴的羊腩煲極足料食落身體都暖粒粒 ！片皮鴨 晚市三寶中我覺得呢款$98片皮鴨 都不錯👍鴨皮燒得脆口的，肉質鬆軟多汁，餅皮包著鴨肉、青瓜、京蔥和甜麵醬，實在唇齒留香呀！雞絲翅推廣優惠原來$1 一碗喔！ 一人只限點一碗，足料好味🤤📍 御名軒天後電氣道22-52號金殿大廈1樓

踏入秋季，又到咗食大閘蟹的季節，今次㨂了一間食大閘蟹好出名，位於天后電氣道22-52號金殿大廈1樓的御名軒，搭地鐵天后站一出就見到。知道御名軒仲不時會推出新優惠及新套餐，例如抵食晚市三寶就有我我最愛的片皮鴨，$98就食到。大閘蟹 每隻$68 (約4兩半)大閘蟹即點即蒸，拆開蟹蓋，金黃甘香的蟹膏當然是亮點所在，鮮味濃郁，就如品味奶油般軟滑細膩。生炒糯米飯$148秋風起，食臘味，糯米富有綿軟煙韌的咀嚼感，加入臘味粒拌炒，油分滲進飯粒，越嚼越有味。一大盤糯米飯，夠幾個人分享。片皮鴨$98半隻鴨皮燒至赤紅色，閃亮發光，肉質鬆軟多汁。餅皮軟綿煙韌，包著味濃肉嫩的鴨肉、青瓜、京蔥和甜麵醬等配料，一口咬下唇齒留香。椒鹽腰果鮮魷$98份量驚人，大大碟，大量腰果，椒鹽鮮魷外皮炸至鬆脆酥香，鮮魷肉質彈牙爽口不過韌，而且炸得夠乾身，不會過份油膩。晚市茶錢$17位餐前小食$15

好耐冇同媽咪出去食飯，今次去咗天后嘅御名軒酒樓，真係好開心！我地食咗幾樣嘢🤭首先大閘蟹真係唔錯，肉質鮮甜，蟹膏更係肥美，搭埋醬油食，超滿足！再嚟就係羊腩煲，湯底濃郁，羊腩軟嫩，夾住啲冬瓜，味道好夾。豉椒炒蜆，炒得啱啱好，蜆肉鮮嫩，豉椒味唔會太重，反而添咗一份香氣。最後，金銀蛋菠菜都幾特別，菠菜鮮嫩，金銀蛋嘅口感亦都好好，簡單但好味。加埋一壺普洱茶，成個晚餐真係舒服。環境都幾靜，適合朋友聚會或者家庭聚餐。

📍 御名軒宴會廳天後電氣道22-52號金殿大廈1樓🐏 古法羊腩煲 寒冷天氣最適合食羊腩煲❄️每一塊羊腩都經過精心燉煮 羊肉煮得非常軟 👅食落鮮嫩多汁 入口即溶 吃完成整個人都暖粒粒 🔥🍘 生炒臘味糯米飯份量滿滿 很足料 花生➕臘味➕蝦米鹹香 🦐吃起來層次感豐富 冬日暖胃首選 💥大閘蟹 🦀見到$68蚊一隻大閘蟹真係好扺食 🫶🏻大閘蟹拆開真的爆膏😋 蟹肉甜嫩 蘸取少許蟹醋 鮮氣十足 ✌🏻紅燒乳鴿 🥢外表酥酥脆脆 肉質超嫩 里面肉汁很豐富 味道也剛好 🔝咕嚕肉 🐷咕嚕肉色澤金黃 食落口感酥脆 配上酸酸甜甜的醬汁 開胃又下飯 🍚

做街坊生意嘅酒樓，地鐵站已經見到佢嘅晚市三寶廣告，一出天后地鐵站A2出口左轉已經見到😍。『晚市三寶』 有片皮鴨$98半隻、冬瓜盅$108同蠔皇鮑魚扣鵝掌$108。本來想要片皮鴨同冬瓜盅，但冬瓜盅已經賣晒，想食嘅人要打電話留定啦。京式片皮鴨 2-4位半隻$98片皮鴨比較平平無奇，勝在價錢平過足口癮。嬤嬤皮係鬆鬆軟軟果種，用超級大嘅蒸籠上枱好有氣勢。生炒糯米飯份量十足超大碟，可以足夠6-8人分享，糯米飯軟糯煙靭，裏面加香口臘味、蝦米、花生、雞蛋絲、香蔥，上枱時連侍應姐姐都讚口不絕話啲飯好靚。食落果然正，粒粒分明又唔油膩，呢排涼涼哋食香噴噴嘅糯米飯就最適合。豉椒炒肥蜆個名叫肥蜆，令到我對佢肥美嘅程度期望值大大上升，結果係正正常常size嘅蜆🤣🤣🤣，但個調味好好食🤤惹味香口蜆肉甜甜的，完全冇沙。每年秋天都會想食嘅大閘蟹，$68/1隻 4.5兩，有人蒸埋真係10分抵食。係公蟹，肉質鮮甜，流質滑身嘅蟹膏好好食😍。食得出好新鮮。

天后地鐵站出口有間酒樓叫御名軒 晚晚爆場，佢嘅晚膳三寶仲十分受歡迎！平時啲小菜又抵食！依加仲有埋大閘蟹食添！呢晚即同屋企人去食飯，仲預訂埋晚市三寶嘅冬瓜盅 （每日限量）！ 🦀《 清水大閘蟹 💲68/隻 》 點咗2隻～ 蟹肉飽滿，蟹黃味似蛋黃，含有豐富嘅膠原蛋白，蟹膏黏口又甘香，夠鮮味～🫒《 冬瓜盅💲108 （原價$198） 》一大個冬瓜好足料！有帶子仔雞肉，蟹柳、蝦肉、鴨肉、蓮子等。湯底同冬瓜肉好香甜，秋冬乾燥嘅天氣飲，特別覺得清潤～ 🍲《 古法羊腩煲 💲248 》跟一大碟生菜🥬羊腩嫩稔，仲有馬蹄、支竹等，湯汁濃郁，材料都入味，加上附上嘅兩碟腐乳，更加提味～ 另外見到《 片皮鴨💲98 》咁抵食又嗌嚟試吓～佢嘅片法係肉多皮少，所以肉加上蒸皮都幾飽肚下～3個人都食唔晒，性價比高～！*花生 💲15/碟（2-4人） **晚市茗茶 💲15/位**白飯/白粥💲14/碗*

天氣開始轉涼又係食大閘蟹嘅季節啦🦀今晚同屋企去平時嘅飯堂天后「御名軒」食飯，梗係要嗌返兩隻食啦✌🏻呢度每碟餸都大大份，經濟又實惠，啱晒一家人飯聚😆大閘蟹清蒸大閘蟹每隻大概4-4.5両重，$68隻仲平過自己買返屋企蒸👍🏻兩隻都係公嘅，仲爆晒膏，甘香美味，入面嘅白膏好漿口添，蟹肉鮮甜，推介👍🏻海蜇拼燻蹄海蜇冰涼爽口，燻蹄肉皮QQ彈彈，配上白醋汁清爽又開胃御名小炒王招牌小炒王係我每次必嗌嘅菜式，呢度嘅份量等於平時嘅兩碟一樣，材料夠豐富，有韭菜、大蝦、蝦米、腰果、元貝、銀魚仔、蘿蔔乾，韭菜炒得碧綠爽脆，夠晒鑊氣，每一啖都食唔同嘅食材，口感非常豐富脆皮燒雞即叫即燒，脆卜卜嘅雞皮加上嫩滑嘅雞肉，配上濃郁嘅黑醬油，香口美味😋雞髀位夠肥美，入口啖啖肉，生炒糯米飯份量十足超大碟，可以足夠5-6人分享，糯米飯軟糯煙靭，裏面加入臘腸、潤腸、蝦米、花生、雞蛋絲、香蔥，上枱時仲熱氣騰騰，冬天食飯滿香噴噴嘅糯米飯就最適合😋📍御名軒 (天后)天后電氣道22-52號金殿大廈1樓人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️

去咗一間有季節大閘蟹套餐嘅中菜館，一入到去，裝潢好有古典韻味，燈光柔和，令人感覺好舒服。大閘蟹一上枱，蟹殼金黃，肉質鮮甜，特別是蟹膏，簡直係人間美味！搭配醬油和姜蓉，味道更加升級，實在令人食指大動。臘味糯米飯香氣四溢，臘腸和臘肉切得厚實，與糯米混合得恰到好處，每一口都帶有濃厚的煙燻味，吃完真係唔夠！蛇羹湯底濃郁，蛇肉滑嫩，搭配各種配料，口感層次豐富，讓人驚喜。這道菜對於想試新口味的人來說，絕對值得一試。鮑魚彈牙，鵝掌軟滑，兩者搭配得天衣無縫。醬汁入味，令人一口接一口，完全停唔到。這道菜非常適合喜歡海味和肉味的人。薑汁糕甜而不膩，薑香味十足，口感軟滑。這道甜品既可以作為餐後小食，又能暖胃，特別適合冬天食用。海鮮粉絲雜菜煲 這個煲仔菜色香味俱全，粉絲吸收了海鮮和雜菜的鮮味，每一口都令人滿足。海鮮新鮮，雜菜脆嫩，是一道適合共享的好菜。乳鴿外皮脆口，肉質鮮嫩多汁，調味恰到好處，完全不需要額外的醬汁。這道菜非常滋味總括來講 菜式新鮮，服務態度好，價錢亦都合理，值得一試！下次我會再帶朋友嚟食

禦明軒飯菜正常好食，每一碟都超級大份量，超級飽，完全食唔晒，份量多得好誇張，嚴重懷疑碟西蘭花用咗五個西蘭花炒🤣真係好抵食，值得一讚。不過夥計態度一般，提早預訂咗壽包，不過上錯咗中式糕點。總結，份量大味道正常。

第一次嬲到要寫食評, 見到好多人話冬瓜盅好食一心黎試下, 話冇得預訂, 諗住早d到應該唔會咁快賣晒, 6點半落單話賣晒, 但見到有人遲過我地黎都有得食, 應該係留左俾熟客, 咁都算啦, 坐左幾個字都未有得食, 無啦啦拎左張單走, 原來係未入電腦單, 所以咁耐都冇野食! 以後都唔會黎!

呢間酒樓超近地鐵站，天后站一出，對面就係，真係好方便，裡面嘅裝修都好靚，掛咗一盞盞大水晶燈，平日晚市都差唔多爆滿，侍應服務態度又好，野食大件夾抵食，真係值得一試👍🏻波士頓龍蝦晚市優惠$98 一隻，揀咗蒜蓉開邊蒸，龍蝦肉入口鮮嫩彈牙，非常美味可口😋脆皮德國鹹豬手好大隻鹹豬手，個皮炸到好香酥煙韌，豬手肉唔會太鹹，十分香口游水沙巴龍躉呢個係晚市3️⃣寶之一，有一斤咁多，魚肉蒸到剛剛好，食落好滑溜，鮮味十足御名小炒皇好大碟好豐富😍小炒王有韮菜花、帶子、蝦、菜脯、蝦乾及腰果等等，非常惹味楊枝金露本身🈶送紅豆沙，不過想試吓呢度嘅楊枝金露，雖然唔算太大碗，但都夠兩個人share食，味道唔會太甜，剛剛好