御名園

Open Now

Now Closed

黎到荔枝角接朋友收工~~想係附近搵間坐得舒舒服服既餐廳食晚飯....行到黎AEON商場見到間酒樓環境都唔錯, 門口D牌又有好多優惠, 咁著數就毫無懸念gogogo啦餐廳差唔多每張枱都睇到電視, 唔錯唔錯~~呢道既職員服務非常好呀, 又親切~~ 俾到人賓至如歸既感覺餐牌好多餸菜都做緊優惠, 好抵食丫!!!仲要優惠可同時使用丫上湯西澳龍蝦伊麵(1斤4兩)  $338西澳龍蝦好足秤幾大隻丫, 2個人食非常正~平時多人食只食到1至2件龍蝦肉....今日終於可以食到好多件龍蝦肉, 超滿足丫龍蝦非常新鮮, 肉質爽口彈牙~~而且啖啖肉, 好好好味丫!!!個上湯汁都調配得好好, 伊麵軟硬度剛好陳皮脆香燒鵝皇 $88鵝皮色澤赤紅帶光澤，酥香, 皮肉飽滿, 油脂豐盈不膩鵝肉有濃郁鵝味，肉質嫩滑，不韌、不乾腹內的肉汁香料帶出肉香鮑魚汁扣原件花膠 $28.8 花膠肥大肉厚，有光澤每啖都有豐富骨膠原~~滋補養血、補腎益精、滋陰養顏金銀蛋肉鬆浸莧菜 $78食左好多豐富既菜式又要食返D蔬菜中和下喇~莧菜唔會太硬太淋, 軟硬度岩岩好~~個湯汁好好飲呢

同屋企人食個lunch，食點心一定係最好既選擇 由於太餓加上眼闊肚窄 我們叫左好多野蝦餃-蝦大大粒，非常彈牙而且好有咬口陳皮牛肉球-個牛肉好嫩滑 陳皮味好香 極品花膠灌湯餃-個名好有特色，賣相都真係好靚 而且仲好好食tim!!灌湯小籠包-估唔到係酒樓竟然食到上海餐廳嘅質素 好食足料 湯份量多而且皮薄 魷魚鬚-炸得好鬆脆 唔係勁多粉個隻 好鬆化 鬆化脆旦散-炸得好香口 一定要試 出面比較小餐廳有食完真係十分滿足 屋企人個個都大讚又平又好食！鮮蝦滑粉腸-個腸粉意想不到咁滑 而且佢d 蝦係大大粒水晶鎮江肴肉-唔係出面一舊舊 係一塊塊切片 口感再好d 大大推介鬆化脆旦散-炸得好香口 一定要試 出面比較小餐廳有食完真係十分滿足 屋企人個個都大讚又平又好食！一間又好食 價錢又貼地ge 餐廳一定會再encore!

今日放工同老公去荔枝角Aeon掃貨🛍，無意發現收銀處埋邊有間酒樓，行到攰攰哋，就去醫下肚啦。 啲餐具好靚好有特色，感覺好優雅脫俗。 我哋坐喺個海鮮缸隔離，見到啲龍蝦🦞咁生猛，一於嗌番隻龍蝦嘆下先，龍蝦肉好鮮甜，肉質結實，爽口彈牙，伊麵底超多，有好濃芝士味，吸晒啲龍蝦汁，好香好滋味。 🤤🤤燒鵝係我至愛呀😍，好耐無食過啦，叫個例牌先，個皮脆卜卜，顏色有光澤，有微微嘅脂肪香，又唔會太油膩。配合埋酸梅醬，味道甘香。 鮑魚汁扣原件花膠咬落非常爽口、彈牙、滑溜，食完感覺充滿啖啖骨膠原，啲鮑魚汁好入味，如果撈飯食真係一流。最重要係只需要$28.8就食到，真係超抵🤑，不過每位只限點1份。 金銀蛋肉菘浸莧菜份量好多，上湯鮮甜，金銀蛋亦都足夠。莧菜新鮮翠綠。食一餐飯店員已經幫我換咗碟最少5次，宜家好少有呢啲咁好嘅服務，真係非常滿足嘅一餐，絕對值得再試呀！

是日星期三Aeon大減價, 收左工之後c9上身去左掃貨, 買完野就打算係到食埋野先走, 見到E間小菜好似唔錯咁就入去試下! 餐廳環境幾大, 乾淨企理, 食物方面多樣化而且有唔少套餐組合可以選擇!🌟雞湯花膠翅花膠翅好足料, 膠質重, 富有濃郁嘅雞精華, 一d都唔味精!🌟金蒜銀絲蒸蟶子皇蟶子皇有手掌咁大隻, 啖啖肉爽口好鮮甜!🌟陳皮脆香燒鵝皇燒鵝油脂甘香, 皮脆嫩滑肉汁多🌟神灣菠蘿咕嚕肉外皮微脆, 肉質柔軟爽嫩, 酸酸甜甜幾開胃🌟杏仁茶杏仁味好香濃, 味道唔算太甜, 有少少杏仁嘅微粒, 飲落更有口感🌟木瓜燉雪耳同杏仁茶一樣雖然都係送嘅糖水嚟, 但相當足料, 清甜好滋潤!

這家中菜館隱藏在一家日式的超級市場內，地方不算大，但佈置舒適淡雅，座位的間距也十分寬濶，很適合一家大少或朋友聚會。餐牌內有多款晚市的優惠推介，例如一些組合双寶、海鮮、小炒等等，當中以鮑魚汁扣原件花膠最為吸引，只需HK$28.8， 真係自己買材料自己做都做不到，所以成為每枱必選的焦點。鮑魚汁扣原件花膠（HK$28.8)👍👍👍👍原價$88，現在以震撼優惠價$28.8 就可以享用一份鮑魚汁扣原件花膠，每位客人祇限享用壹件。花膠扒又厚又大件，可以用刀叉切開慢慢享用，花膠質地軟綿得來又帶點彈性，配合惹味的鮑汁更大大提升其鮮味。陳皮脆香燒鵝皇（HK$88/例）👍👍👍👍👍燒鵝皮脆肉多汁，並帶有淡淡的陳皮芳香。燒鵝的皮很薄並帶有鵝油的香氣，肉質鮮嫩幼滑，味道甘香。生猛西澳龍蝦伊麵（HK$338)👍👍👍👍👍原隻生猛西澳大龍蝦從魚缸內撈起，直接送入廚房烹製，十分新鮮。龍蝦足足有一斤四兩，份量十足，肉質爽彈細緻，配合上湯焗伊麵，伊麵索滿龍蝦的鮮味，頓時令伊麵味道倍升。豐料燉靚湯（HK$48/位）👍👍👍👍👍燉湯是原盅黃金石斛燉響螺，材料豐富，火喉十足。湯水味道濃郁並帶有絲絲藥材的香氣，鮮甜又滋潤，最適合平時冇

生日將近當然要食好啲啦！呢排食咗太多西餐，所以好想食下中菜，朋友帶我嚟 《御名園》食好西...🥰😍😘🤤《石斛燉響螺湯 $48碗》先嚟一碗燉湯，材料分量十足，有響螺、雞肉、豬肉及多款燉湯配料！所以味道超鮮甜！燉完湯嘅雞肉同豬肉都唔會太鞋口的！勁想飲多一碗呀！❤️《鮑魚汁扣原件花膠 $28.8碟》咁大塊嘅花膠都只係二十幾蚊，雖然不是什麼高級花膠，但以呢個價錢絕對交足功課，真係超級優惠呀！😍《陳皮脆香燒鵝皇 $88》估唔到呢度嘅燒鵝都幾好食！肉質鮮嫩又唔太肥膩！燒鵝皮色澤靚又夠香脆！仲要價錢唔貴！🥰《1斤4 上湯西澳龍蝦伊麵 $338》主角一定係呢一碟龍蝦伊麵！龍蝦肉質爽口彈牙，啖啖肉又夠鮮味，非常之新鮮呀！伊麵底芝士味濃郁！超讚呀！👍🏻呢餐真係非常之滿足！雖然唔使自己俾錢，但真心真係非常之抵食！而且客人不算太，所以環境非常之清靜！又坐得非常之舒服，一啲壓迫感都冇！下次我都帶朋友嚟呢度食生日飯先！😝😝😝

員工服務態度十分之沒有禮貌。說話態度奇差沒有下次。食了幾次中午飯。新年過後服務態度十分之差。難怪從來都不用排隊。難怪改名又改名都係唔好生意。上到經理下到主任全部都一臉我欠了他錢的樣子。

2021年2月27日(六)我們又去食好西任點任食個半鐘即蒸點心多選擇仲有送特別美食花膠菌皇燴素翅原隻鮑魚燒賣皇御名園@荔枝角碧海藍天AEON店90分鐘午市點心放題星期一至五 成人$128/位、小童$64/位星期六日及紅日成人$148/位、小童$74/位供應時間:每天早上11時至下午3時30分另收茗茶及加一服務費星期一至五，茗茶$11/位，星期六、日及公眾假期，茗茶$12/位任食個人喜歡：蝦蝦餃、蘇粉果、叉燒包、核桃包、蜜糖蜂巢糕、腸粉！鹹水角、包雲吞、杏仁茶、椒鹽豆腐、炆鳳爪、胡椒鹹菜豬肚。任食可以不吃：粉果、雞扎、蔥油餅、芋絲脆軟夾。其他點心中規中矩，胃部有限，沒有叫到主食，我見到鄰枱的鮑魚汁花菇雞粒炒飯好靚仔

睇左YouTuber介紹推介 第一次來的 在荔枝角地鐵站行去碧海蓝天都差不多10mins 雖然遠一點 但今次整體不錯👍沒有失望的 環境及茶具很乾淨衛生雖然是放題但每樣點心都很好 沒有失策也沒有漏單情況眼見的職員人數雖有點不足及忙碌(因午市茶客都比較多） 但服務都是良好的有機會下次再帶朋友來一齊品嚐