如粵滬中菜廳 (Closed)

第一次到如粵滬中菜廳，是酒店剛開業的時候，還記得那次是直接走入貴賓房，對住大海景，遠眺青馬橋，所以覺得這裡環境唔錯的。今次是Walk-in，因而要坐在大廳。仔細看看周圍的環境，中式屏風隔離是西式收銀檯，傳統瓷器擺設又同招財貓放埋一齊，完全地格格不入，甚至可以說是亂擺一通。還是不要理會太多，點菜最為實際。其實大家均吃過下午茶，並不餓，因此我也只點了一客小食和兩味主菜，已經夠了。小食是鹵水豬腳仔，鹵得幾入味，而且夠晒軟滑稔身，感覺清爽，很對口味，我個人已經吃了半碟有多。但若要數我最喜歡的豬腳仔，始終亦是明閣的出品，至今仍回味。朋友揀了一味，是煎銀鱈魚。很香口的出品，魚皮帶脆，肉則嫩滑，有點魚味，加之又是啖啖肉的，配上酸中帶甜的醬汁，是很醒胃的主食，我和朋友都十分欣賞。最後就是咕嚕肉，甜酸汁是稍稍多了一點，還好不會杰撻撻的。咕嚕肉微微的脆口，肉質相當鬆化，份量又很多，反而青椒是缺乏爽脆口感。而這味餸，坦白說是未到滿分，卻已經比很多地方做得出色。傾吓講吓，不知不覺又是十點有多，全場只剩下我們一檯。最衰此酒店沒有Lounge，否則都會轉移陣地再來下場。朋友作東，多謝晒！

最近一年多, 同家人黎過呢間中菜廳幾次, 最近一次係母親節, 而家終於的起心肝寫下食評!食過好多碟餸菜, 講下當中較有印象的, 包括:片皮鴨2食 - 係2食中, 肉碎生菜包較為失色, 但2食整體黎講都算抵食!話梅雞 - 酸酸甜甜, 我本身唔太食雞, 一件起兩件止, 畀唔到comment, 但家人話第1次比第2次好食, 因入味D香煎銀鱈魚 - 一碟只得6塊左右, 但真係煎得好香! 連我呢個唔太食魚既人覺得幾好味! 家人直情話抵, 街價買幾塊都幾十蚊, 而家只係百幾蚊喎!冬瓜盅 - 料足, 好味, 每人分到2-3碗!海鮮雜菜煲 - 水準愈黎愈高, 一開始覺得平平無奇, 食左幾次, 湯底鮮味左!糯米釀乳豬 - 要事先預訂, 因為即叫即燒, 要等至少半個鐘, 20件左右. 皮脆, 糯米都尚算入味! 上次6個人食, 每人食左2-3件, 飽到呢...士多啤梨骨 - 酸酸甜甜, 幾好味! 我也試過返屋企整, 但control唔好d士多啤梨, 煮得爛了點...vip房可望到海, 夜景ok, 但入房有min charge. 以酒店黎講, 價錢不算太貴, 食物質素都唔錯, 只是位置一般, 唔近市區...

two people had lunch on Saturday. Arrived at about 12 o'clock. No need to wait. Actually, it was not full during the lunch time. The dim sum is not expensive, from $15.8 only. The steamed shrimp dumpling is also only $33. It is surprisingly cheaper than Maxim's. 杞子雙耳congee $30: 很綿, 有米香, 清清的, 有味但不似下了味精, 有甜杞子, 爽爽的菇, 不錯,只是菇切得too small. 竹笙燒鴨札: another 清清的 dimsum. there is fish inside and little roast duck meat inside. quite special and tasty.pak choi and shrimp dumpling $28: the dumpling ski

荃灣對我黎講真係好似去旅行咁遠因為DADDY係個頭番工既關係我先會去搵佢食LUNCH山長水餐去到 好在D野食都冇令我失望最值得讚係D人服務態度好 又有禮貌環境好舒受 有sea view 最好係靜靜地 唔會好似街市咁嘈到耳都wing....D野食都好好味 最鐘意係佢既叉燒酥 好鬆化 入面D叉燒汁好JUICY媽咪一向都鐘意豆沙窩餅 我就MAMA不過今次我都食左幾舊 因為佢D紅豆好好味好想試埋個高力豆沙 不過Technical problem整唔到所以我會再去

朋友的小孩擺滿月酒, 來了如心酒店內的中菜廳吃飯.第一次來到如心商場, 對面有個荃新天地, 但看來都冇乜好行, 我諗都唔會再來.是晚酒菜:-紅雞蛋酸薑大紅乳豬伴海哲蟠龍燒大蝦翡翠鴛鴦蚌碧玉珊瑚帶子紅燒雞絲生翅鮑片扣柱甫清蒸大青斑經典話梅雞錦繡四喜炒飯金瑤伊府面生磨腰果蛋白露台時鮮果碟首先, 要講一講整圍菜的份量都好少, 正常在吃完鮑片後, 魚同雞都開始冇人食.之但係今次連條魚都清埋, 炒飯同伊面都食晒呢~特別好食, 係個翅, 好大條, 不過我唔識分真假....腰果蛋白露都好特別, 重蛋白奶香, 如果唔係太飽我可以食多一碗.青斑有咬感, 即係唔好食......其他菜都過咸.分菜位哥哥仔, 應該係parttime大學生. 竟然分到震下震下, 唔識份果d, 分得唔勻果d就索性唔分, 拎走喎.所以分到第2個菜, 我地已經叫佢就咁放低唔洗分喇.哥哥仔都幾驚訝架, 咁証明佢真係好bad.我地只係唔想佢分到d野跌晒咋~

公司每年都會有annual dinner,而這次就來了荃灣這兒如心廣場聽就聽得多了,這還是第一次踏進來吃飯呢!一行將近八百人的就當然是包下了整個樓層,還未進去吃飯前看到精緻的裝潢已經大飽眼福了到了入席,第一道上的菜竟然是沙律真是有驚訝到不過想做營養飲食的姨媽說過,現在最新的健康食療就是先吃生果再吃飯,所以現在也是?再來的菜式味道也是偏向淡味的,而翅也變了花旗蔘烏雞湯最後的炒麵也轉為菜肉餃子,是菜多肉少的,完全能洗光之前吃的肉的膩甜品沒了我不愛的中式糖水,取而代之的是足料味濃的楊枝金露吃過糖水,看過餘興節目,整場晚飯完滿結束

過往團年飯多光顧相熟酒家, 今年諗住試下新野啦, ５星級酒店既食肆，品質應該有保障，點知選左間黑店！！！之前訂位由經理介紹，訂了四個菜：話梅雞，燒鵝併乳豬，蝦子海參，功夫星斑球．當晚一行９人７點正入席，即場點多五個菜，叫可以立刻上菜，結果等左半個鐘，先上第一個菜：蝦子海參．一望，心裡涼了半截，碟海參得７－８小件，每人一件都唔夠，你會點做？梗係等多幾個菜至起筷！結果，等左４０分鐘，摧左幾次至上得個４個菜；個個菜話係例牌，但其實同四小碟無分別，都係細到一人夾一次都無，細碟都唔好細得咁離譜呀！最慶係叫白飯，摧左４次都未到，搞到ｄ老人家好勞氣，黎到ｄ飯凍既，又裝到一忽忽好難看！結果，成個鐘頭後，只係食左四小碟同白飯，預訂既話梅雞，燒鵝併乳豬，功夫星斑球同個素菜都未到；預訂都係咁，唔預訂我諗要３個鐘！最後都唔知摧左幾多次，終於上齊菜：蝦子海參　－　細碟到我都唔好意思夾，驚ｄ長輩無得夾；瑤柱豆苗　－　個汁好咸；蒜片牛柳粒　－　好細碟；ｄ牛柳細粒到好似肉鬆咁；清炒河蝦仁　－　我都知河蝦比海蝦係會細隻ｄ，但我成日食呢個菜，都無佢咁細隻；佢ｄ蝦仁真係細到呢，大排檔廿幾蚊碟既楊州炒飯ｄ蝦都大過佢，最重要係

藍巴勒的日與夜星期日的壽宴，今次仍坐在窗口位置，近望青衣，遠望汀九橋，我們未入黑已入坐，可惜當晚無風，懸浮粒子頗多！景色有點朦朧，日和夜兩個風景原完全不同，夜色仍醉人！休靜恬雅，環境十分舒適！講下食物：頭盆六小碟，海浙青瓜，烤麩，燒骨，油炆筍，素鵝和鎮江肴肉！雖然是前菜，但一點都不馬虎！非常精美！燒骨還是熱上的，夠味肉厚！素鵝是剛炸出來，幾乎燙到口！1．羊肚菌炒帶子，本人未食過如此可口的菇菌，加入雲南青辣椒，非常惹味，帶子兩面煎香，香而不膩，鎖著水份，和一般飛水的快做法不同！2．百花釀竹笙，不過不失，3．蟹肉扒生翅，非常鮮味，湯底喝得出用足材料炮製，非一般漿糊芡可比！4．鮑魚扣鵝掌，鮑魚並不是很大隻，但仍可以用刀叉食，再腍身的會更好！鵝掌就十分大隻！5．清蒸海虎班，兩斤重，師父掌握火候很準，剛熟上檯！6．薑蔥煎生蠔，用上美國桶蠔，肥美厚肉，個個見到都問點解咁大隻？食落又唔過火，蠔汁四溢，惹味非常！7．燒鵝，即叫即燒，據說要45分鐘時間！缺點不是用柴燒！皮脆肉嫩，上檯時重熱！8．上湯伊麵和荷葉飯，大路而不失水準！9．蟠桃壽包，賣相食味一流，內含原隻蛋黃，怕死就食少D！酒店出品和招呼，有一

天文台預告晚上會改掛八號風球, 六大一小趕緊在這裡晚飯. 位於酒店七樓的中菜廳, 客人不算多, 裝修是走型格路線, 窗外可以眺望海景, 坐得蠻舒服的地方.我們點了七個菜一個炒飯, 另外點了數款甜點, 吃得大家都心滿意足 先來前菜鎮江爻肉, 肉質很爽, 配薑絲和浙江醋吃, 十分美味~之後是鎮江骨, 酸酸甜甜的醬汁包圍著香口的肉排, 口感和味道都一流, 讚!!欖菜肉碎四季豆, 水準比較普通, 但欣賞它的味道不太咸, 算不錯.煙肉煎銀鱈魚, 脆口的煙肉碎舖在煎香了的銀鱈魚上, 很適合的配搭, 但稍嫌魚骨多了一點...金銀蛋莧菜, 不太突出, 合格水平.之後有兩款雞, 桶子豉油雞和話梅雞, 豉油雞很滑, 雞肉沒有預期的多汁, 稍為遜色; 話梅雞味道咸中帶甜, 可能是用煲仔上菜, 肉汁較豐富, 整體較豉油雞優勝!!鮑汁炒飯, 很好吃, 鮑汁和炒飯很配合, 很香很惹味, 雖然已經吃飽了, 還是把大半碗炒飯全吃掉~~甜品點了高力豆沙, 腰果露, 杏仁蛋白露, 西柚果涷, 全部都很好味, 比很多甜品專門店的做得還要好!! 特別要提的是西柚果涷, 賣相吸引, 很清新的味道, 適合夏天的甜點 結賬不用12

父親節前一日去晚膳，沒有人山人海！街外車水馬龍，一入酒店寧靜優雅，上到七樓如粵滬中菜廳，排場都可以！坐在窗口位置近望青衣，遠望汀九橋，我們未入黑已入坐，日和夜兩個風景原完全不同，另有風味！講完環境講食物，先上三碟小食：都唔細碟，海折青瓜，烤麩，燒骨！以烤麩做得最好，須然是小食，但一點都不馬虎！燒骨還是熱上的，夠味肉厚！主菜：鮑魚扣鵝掌，鮑魚並不是很大隻，但仍可以用刀叉食，夠腍身，如果入味多少少就重好！黑松露菌煎蛋白，上菜時我以為時豆腐，原來做成玉子豆腐的模樣！幾有創造意！口感不錯，伴碟的菜心並非下攔貨翞。酒店用料真有水準！燒鵝半隻，應是剛燒起不久就切，有些皮肉分開，但肉嫩美味，皮脆汁香！金銀蛋莧菜，足料！上湯芥膽，沒有苦味，青綠夠腍！酸梅屈雞：從未試過咁食雞，原隻瓦煲上，不酸，夠滑，酸梅只是吊味，得！最後重精彩，三款糖水，蛋白杏仁露，腰果露和合挑露，以後兩種為人津津樂道，全部比糖水專門店有過之而無不及，由於甜品是自家即時製作，等了十分鐘！下次過時過節，唔使同人迫，又一好選擇！

端午節，仍有公務在身，晚上未能與家人食飯做節。早上先跟爸媽去飲茶，然後才返工，還是做了節吧！是酒店的中菜廳，加上新開業不久，環境怎樣也不會太差，坐得幾舒適。景觀方面，遠眺青馬大橋一帶海景，景致開揚。點菜就由老媽子負責，以他一貫的作風，都是叫些點心，整碟炒飯，再加點甜品了事。落荷打後，先品嚐著小食。這裡的餐前小吃跟半島一樣，是奉上琥珀合桃，岩晒我口胃。甜甜的合桃，鬆化之餘仍不失香脆感覺，真的不錯，點都好過用咩青瓜條、花生米等作前菜。春卷是新鮮炸出來，滾熱辣。外皮是脆卜卜，可惜餡料太少，也吃不出菇的香味，咬落有點空虛的感覺。另一味是魷魚，完全吸收不了汁醬的味道，很淡口，而且質地相當韌，花了很大的功夫才能咬開。沒味道又韌的東西，感覺有如在食擦字膠一樣。魚湯鮮竹卷相對要好得多。魚湯味鮮，若可以再濃一點就更好，而鮮竹卷放入魚湯的做法，我也是第一次試。腐皮吸取了魚湯的鮮，餡料仍保持爽口，這道菜有創意亦高水準。之後是兩款飽點類點心，叉燒飽的飽皮鬆軟，餡料不少，可是太淡口，沒有蜜味，只是一般；壽飽餡料是蓮茸和蛋黃，但蛋黃的比例竟然比蓮茸更多，而且全是蛋黃碎，你說能有多好吃?吃個幾款點心，也試試炒飯的水