Running 燒 (Closed)

燒肉唔係好岩我依啲細胃口既女仔，不過見依間咁平，又係附近行街就食下，點知質素都ok！好開心今日唔使等位！入到去用qr code點菜，真係方便又快捷又環保🤣🤣🤣叫左豬頸肉我覺得幾好食，仲有雪花肥牛，同埋好多款式，例如牛舌，都好味，海鮮都有蠔，青口，帶子，帆立貝，我都覺得唔錯。出面任拎既野食選擇都有好多，例如有湯，糖水，有芝麻糊，仲有涼拌小菜，例如醉雞翼，手拍青瓜，雲耳等等。其他甜品仲有泡芙，蛋糕，仲有雪條，都有幾大個冰櫃㗎。至於嘢飲方面，有好多選擇，比較少見嘅就係有韓式嘅牛蒡茶，出面飲一支都要10幾蚊，所以我就拎咗兩個。其他嘢飲就例如有汽水呀，鴻福堂飲品，我就冇特別拎。

次次母親節都頭痕唔知去邊度食飯好，唔想食中餐就試吓韓燒啦母親節都冇特別加價，算係好抵食！餐廳落order係用QR code，掃一掃就可以用手提電話落單呢間餐廳坐得好闊落，比起好多間韓燒，個環境好好多。雖然貴啲，但一家人齊整坐得舒服最開心🥳餐牌入邊有好多款肉類揀，豬牛羊雞都有，圖中只係一小部份🤭其中我覺得肥牛、黑豚肉，豬梅肉比較好食海鮮都有幾款，有大蝦、生蠔、青口、扇貝同魷魚，都算幾新鮮，係扇貝細咗少少其實仲有水冷麵，年糕湯，辛辣麵之類我哋冇叫到，因為實在食得太飽如果燒到悶，菜菇類、沙律、糖水、湯、甜品同嘢飲都可以喺出邊自己攞，仲有一大堆任食雪糕同雪條同夾糖😂不過我就覺得士多啤梨味忌廉鮮奶好難飲可以唔使試熱飲機竟然有美祿

母親節嘅前夕，周圍都full bookkng，難得媽咪話想食韓燒，又見到有得訂位又近屋企，於是就黎試下🙈🙈-星期六夜晚黃金時段（$288+10%），見到呢個價錢，都會except啲質素唔會太差，可惜，對佢期望太高了🤦🏻‍♀️🤦🏻‍♀️-首先，讚嘅位係佢有嘅海鮮，有虎蝦、帆立貝、帶了👏🏻虎蝦都算太隻，好彩食咁多隻都冇梅，算幾爽口👍🏻不過😕牛肉同豬肉嘅質素未如理想，食大部分都覺得好un😭😭😭飲品選擇唔算多，不過特別嘅係有健康嘅牛蒡茶👍🏻👍🏻-甜品方面，可以話一啲都唔吸引🤦🏻‍♀️睇得出全部都係嗌貨，食左一啖都唔想食🤣🤣-好彩嘅係佢有雪糕同埋雪條搭救，有dryers雪條👍🏻👍🏻想回本就食多幾條啦😹-呢個價錢我絕對唔會再嚟食，如果平日平啲嘅話都可以考慮吓🤣🤣

最近突然好想食放題同埋燒肉，上網搵左搵見到有人推介Running燒，完全符合我嘅要求。所以即刻約朋友一齊嚟試吓呢間韓式燒肉放題。入到餐廳見到環境都唔錯，座位都還算闊落，仲有餐廳採用半自助式，好多小食、飲品、甜品同埋蔬菜，都可以到大堂自取。而一啲熟食或者燒嘅肉類同埋海鮮就要透過電話落單，上菜嘅速度都算快，同埋都冇漏單嘅情況出現。牛肉同埋海鮮好新鮮，Encore左好幾次！仲有最欣賞就係餐廳有提供牛油和錫紙盤，可以自製牛油粟米金菇🤤

平時都係食開佢嘅燒肉，第一次食佢嘅套餐，都唔錯😆唔知套餐會配紫菜飯或者白飯，仲有嘢飲同埋湯！而且仲有九折都幾好🤩大醬肥牛鍋($69) 以為佢真係大醬湯，點知黎到係紅色嘅😂味道正常唔會好辣，但係好油🤣去到中間忍唔住整走啲油！仲有好多豆腐同翠玉瓜😚肥牛都有五至六塊！蒜香養生雞湯($62)味道都唔錯！唔會太鹹😆仲有五至六塊雞，都幾滑添🥳不過冇咩其他配菜，得啲菇，如果有多啲就好啦🥺 佢既紫菜飯都唔錯，有啲似牛角飯🤩再加左$3要再隻溫泉蛋加埋就好正！🥰 前菜就係泡菜同芽菜😋

實在太掛住韓國啦,頂唔順要同朋友食下啲韓國菜安撫下自己心靈。韓國running man眾所周知，而家running燒網上好評如潮，一於就去試吓。餐廳非常寬敞，環境清潔而且裝修加入左韓國大排檔嘅元素，恍如置身於韓國～入到去坐低之後我哋分工合作，朋友負責用QR code點餐，我就出去自助吧拎嘢飲同埋前菜小食。有韓國泡菜、鹹酸菜、醉雞翼、韓式炸雞等等。仲有幾款唔同嘅醬料任君選擇。佢哋嘅肉大部份都醃咗，燒完唔沾上任何醬汁都非常惹味。不論豬、牛、雞、海鮮都有分別起碼10款，食物選擇極之多樣化。肉類食落去唔會成陣雪藏味，我特別鍾意牛肉，肉質好鮮嫩，燒到啲脂肪泌晒啲油出嚟，食落去好香～呢間其中一個吸引人之處就係海鮮!!有大大隻生蠔,仲要鋪滿厚厚既芝士~而海蝦都好好好大隻!!肉質仲好實,點埋個汁D鮮味湧晒出黎!!單單隻燒大蝦出面食都幾十蚊一隻,食幾隻都回晒本!!

本身見到二百幾蚊任食燒肉又覺得唔係話十分抵，但原來連海鮮都任叫，咁既價錢豬牛羊雞就連海鮮都有得任食，唔係唔試下呀？海鮮有蠔、蝦、扇貝、魷魚等等除用QR點餐之外，仲有其他熟食同蔬菜可以自助拎覺得淨係食肉太ｄｒｙ既話可以叫埋熟食呢到ｄ炸物即炸好脆好熱，水準不錯，可以試下仲有食燒肉點少得啤酒呀，呢度加$20就可以任飲啤酒，有好幾款選擇食飽仲有多款雪糕雪條可以食雪糕有唔同味道既雀巢雪糕雪條有雀巢檸檬茶、鷹嘜煉奶紅豆、連Dreyer's Real Delight 雪葩條同埋乳酪條都有！超低卡路里，食多幾條都唔怕雪葩條味道有白桃，乳酪條有藍莓、士多啤梨、芒果熱情果 3 款口味呢兩種雪條都岩唒用來解燒肉既油膩唔想食雪條都仲有蛋糕仔可以揀不過可惜太飽都無試 下次會再試下

已經有一段時間冇食燒肉啦，而家疫情已經好左好多，所以忍唔住去食啦，嚟左將軍澳呢間running燒，佢有分店，來將軍澳呢度咁多商場行街同食下燒肉真係好開心！呢間燒肉價錢合理，2人賣單5百幾蚊，但全部都可以食，仲要質素都幾高，食物種類多已經唔使講，連海鮮都好新鮮，有生蠔，芝士蠔，海蝦，魷魚，扇貝，帶子，龍利魚，青口等。牛方面，有肥牛，牛肋骨，雪花牛，西施牛件， 牛脷 ，牛五花肉， 薄切西冷牛等，好食丫，冇雪味，好香牛味，質素吾錯。豬我就食咗豬頸肉，豬大腸同五花腩，其實仲有醃製咗未到嘅，但怕辣就冇試，甚至有羊西冷，羊髀都有，厲害！熟食就有炸雞，炸餃子，炸魷魚鬚，烏冬，年糕，水冷面， 紫菜溫泉蛋飯等等。出面仲有自助區，都吾少野食，有涼粉，沙律，嘢飲，菇菜，雞翼，蛋糕，炸春卷等等！！食足110分鐘！超飽！好食！！

夜晚好耐冇出嚟食飯啦，今次約埋班食肉獸嘅朋友出嚟食呢間呢間燒肉放題，假日七折都係$200左右，仲可以燒110分鐘，絕對夠時間滿足我哋呢班食肉獸，入到餐廳環境相當唔錯，地方都好乾淨，服務員又好禮貌，一開始點餐我就覺得超方便已經用緊QR code你落單了，唔使✅紙仔又驚留單咁麻煩食物咗超多款蔬菜🥬，超多飲品，仲有人蔘雞湯，老火湯，好多唔同嘅選擇，仲有生蠔🦪，芝士生蠔🦪，蒜蓉生蠔，北極貝，魷魚🦑，同好彈牙嘅海蝦，牛肉都有好多款，豬腩片，羊肉，雞肉，雞腎，你哋記得燒肉之前記得攞出面有好多嘅唔同醬料，同埋一定要飲個老火湯，真係真材實料熬出嚟，啲牛肉又新鮮又多肉汁，我特別起愛食嗰個羊肉，琴埋個雞腎都好好食😋呢間燒肉折完都係$200左右仲，可以食到咁多生蠔同埋海蝦都值回票價，啲蝦又大隻又彈牙，出邊食一隻燒蝦，同燒生蠔都要$10幾$20蚊，所以我都食咗唔少，真係超抵！如果仲想食其他嘢仲有幾款韓式炸雞，有原味，辣味，柚子味，仲有其他韓式小食，仲想食得飽啲的話，仲可以食多個辛辣麵或者烏冬，甜品仲有多款雪糕🍦，布丁，豆腐花同埋糖水，我成班朋友都食得好開心好飽，冇揀錯食呢間燒肉。

Popcorn行緊街經過一個行左好多次都唔覺眼嘅入口，原來上面係有好多野食！都好耐冇食韓燒，可能時間比較早，見到呢間冇乜人等，星期一至五任食110分鐘$258價錢以任食來講都好合理，咁就入左去韓式醬汁唔少得啦出面自助bar都有啲瓜菜菇類可以自己拎來燒，仲有啲熟食同冷盤叫食物用掃qr code 形式，落幾多件出幾多件，非常smart牛雞豬羊樣樣有、仲有熟食雖然係任食肉，但我成日都會叫埋其他熟食試吓水冷麵好清新、好冷凍，用來中和燒肉嘅油膩絕配飲品選擇都好多，有糖冇糖有氣冇氣都有，一定有款岩比較少見既牛蒡茶都有食飽就食雪糕雪條

好耐沒入黎將軍澳搵我個朋友食飯啦，但我最估唔到將軍澳竟然有間咁高質嘅韓燒，仲要放題任食。呢間店係用手機點餐，好方便，當然醬料飲品以及其他小食都要出去拎。韓燒最重要嘅靈魂就係肉，第一回合我揀左全部牛肉，真係好高質，尤其係一啲有油脂嘅地方拎去燒，燒完之後唔會好膩，而且特別香口，因為以前食其他韓燒放題啲肉類都無呢間咁新鮮，咁靚仔。我仲嗌左碗溫泉蛋飯同埋冷麵，都係好高質，平時夜晚少食飯嘅我都要破戒食返碗，係好食嘅。之後我地再加碼叫左幾個回合嘅肉，除左牛，仲叫左豬，羊咁啦，論選擇黎講，呢間真係算多。臨尾我同朋友各自都嗌左碗辛辣麵黎食，原來自己已經好幾年無食過啦，哈哈，好懷念呢種麵嘅口感。呢間絕對有下次，因為好少見韓燒放題咁高質，又要好好坐。

是咁的我由疫情開始已經好耐冇去過韓國好掛住明洞韓燒咗種味 近排又天氣涼涼地 唯有去香港食想尋找他鄉韓國的味道上網睇見到呢間韓國嘅評價都唔錯而且係Popcorn又有泊車優惠最後同班fd決定去呢間做試一試裝修環境都唔錯地方開揚 新淨乾淨播住韓國MTV 個感覺都良好燈光氣氛都OK價錢二百零蚊唔算貴一開始頭盤冷菜 有泡菜鹹酸菜仲有芽菜我再推介即係芽菜估唔到酸酸甜甜又整得幾入入味 非常唔錯食完芽菜 整返個養生雞湯補補佢先呢排工作忙都幾辛苦年紀大要養吓生自助吧有非常多唔同嘅菜式選擇好多蔬菜唔同類型嘅 補返唔同嘅營養有翠玉瓜冬菇蕃薯片 海鮮菇杏鮑菇南瓜等等 選擇可以稱得上係十分之豐富醬料方面我因為今次係食韓燒肉我攞咗韓式燒烤醬 甜酸燒烤同燒肉汁平時飲開汽水今次見到有果汁先生嘅機我攞咗杯橙汁 飲完再飲多佢兩杯蘋果汁 健康飲品好難得我哋點左一啲生蠔肥大肉厚上面鋪咗厚厚嘅芝士再帶一點蒜蓉 口感豐富非常嘢味然後我點左一大堆 鮮蝦新鮮唔知痴殼 重點左帶子 新鮮攞嚟燒唔使落咩調味料都可以食出果種鮮我哋係咁食好多骨職員係咁幫我哋玩碟同碗燒烤網 10個讚然後攞咗一啲金針菇包住左啲肥牛去燒再去攞去點去調好嘅醬汁 口

今晚收工同朋友嚟咗將軍澳嘅popcorn食「RUNNING燒」!(聽個名就知係韓國嘢啦! 好明顯係中咗running man毒! 哈哈哈)我自己比較少去依個商場，所以都搵咗一陣!門口望入去係咁嘅! 都幾大喎, 乾淨企理! (我個人比較奄尖)圖1、圖2一坐低我哋就係咁叫嘢食, 為咗依餐晏晝飯都食少咗呀! Lol牛同豬各有9款揀, 雞有7款, 海鮮有10款, 仲有羊、熟食、麵湯飯、酒類(要額外收費)個人心水頭三甲係烤肥牛、牛脷同埋牛肋骨, 牛肋骨易咬唔痴骨, 肥牛嘅油脂同肉分佈平均, 燒幾下就食得, 正! (我偏心鍾意食牛)我哋仲叫咗蝦、羊脾肉、羊西冷、炸韭菜餃、泡菜餃、炸雞、水冷麵、辛辣麵、溫泉蛋紫菜飯等等等等等...當我地都覺得飽到行唔郁之際, 侍應都同我地講準備夠鐘交檯喇, 我唔執輸...再衝出去拎雪條啦, 真係奮戰到最後一刻呀! 我食咗檸檬茶雪條, 好味~~~是晚十分滿足地離場, 盛惠$250左右一位! 抵, 會encore! Bye~

好耐冇食過韓燒 又唔想出到咁遠食 就喺附近啲商場睇吓有咩簡 佢啲位置都比較闊落 坐得幾舒服 而且都幾韓國韓國嘅feel 可能係因為播住啲k pop 中間嘅位置係自助區可以自己揀食啲咩熟食 甜品 醬汁 飲品 沙律 仲有蔬菜前菜佢個到有泡菜 咖喱角 麻辣芋絲個啲比你簡蔬菜區個到可以簡粟米 菇 茄子 生菜我覺得佢幾好 因為燒個陣用個錫紙兜放想食嘅菜同牛油一齊燒 咁樣燒又唔怕燒燶啲菜 甜品個到大概有3-4款嘅雪條比你簡 雪糕就得雀巢 另一邊仲有啲迷你甜品杯 泡芙 仲有啲糖附近仲有啲湯 包括有老火湯 養生雞湯 亦都有啲糖水 估唔到佢個湯雞又幾出色 同出去食韓國餐嘅個啲一樣而且佢地係用qr code落單 落單方便 仲要上菜勁快而且冇溜單佢亦都有啲小食同埋湯面 我嘅分別叫咗泡菜餃子 一口炸雞（柚子味&噴火辣味） 不得不提佢歌噴火辣味嘅炸雞 真心辣 如果係想試吓佢建立嘅程度嘅話可以叫一兩舊嚟試吓 名副其實同佢個名一樣 食完真係有啲噴火水冷麵 同韓國餐廳食嘅差唔多但我覺得美中不足嘅地方就係佢冇芥辣 但都唔錯肉類個方面種類真係好多 我地分別叫左豬頸肉 豬大腸 豬耳 豬腩肉 雞翼 雞腎 辣味五花肉等等海鮮方

好耐冇嚟將軍澳，以前成日嚟踩單車。上星期嚟呢頭睇早場，下晝就嚟咗呢間喺Popcorn嘅「Running 燒」食午餐任食燒肉放題。本身係兩個鐘，但宜家可以任食成個下午。呢到除咗牛豬雞同菜，仲有羊肉同海鮮。燒嘅嘢食都夠多，另外仲有唔少熟食、甜品同嘢飲，連老火湯都有。肉類嚟講我最中意係肥牛，脂肪唔多唔少，口感剛剛好。我都好中意佢地嘅大蝦，勁大隻，食落彈牙爽口。菜都有好多選擇，啲菇好多汁好大粒，仲有得整牛油粟米同金菇。除咗普通嘅蛋糕同布甸，呢到仲有得食糖。我仲食咗一枝好好味嘅Dreyers士多啤梨雪條，大家要試下！店員嘅服務態度都好好，值得一讚。