Running 燒 (Closed)

早排睇running man搞到我好掛住韓國。所以黎左將軍澳呢間running 燒食韓國燒肉。任食110分鐘，岩岩好！員工幾有禮貌，會介紹環境。 一坐低就飲左碗養生雞湯，omg我覺得好好飲，佢加左胡椒粉，濃濃既雞味！ 飲左兩碗😆其實仲有中式老火湯，不過我都係鍾意咁樣雞湯多一點。呢度都係手機落單嘅，好方便同環保♻️ 有超過十幾種唔同部位既牛肉，經過我仔細品嚐所有肉之後我發現佢嘅牛柳片係極度出色！唔un 易咬口 我地叫左十塊吧！😂 跟住佢仲有年糕湯同埋辛辣麵其實都勁想嗌但係我驚會好飽😂 又有柚子韓式炸雞，不過有小小硬。至於海鮮部分，有生蠔 同 帶子同蝦等等，其實如果你係食得多生蠔 已經好快值回票價。 除此之外餐廳有一個部份係自助corner裏面有沙律，唔同類型嘅飲品，甜品，雪糕，雪跟住仲有一啲燒物可以俾你燒嘅，例如香菇，粟米🌽 我就整咗一個牛油燒粟米同埋佢有金針菇咁我都自製左一個金針菇加牛油再加大量嘅蒜係勁有燒烤嘅風味😆最後 因為我實在太鍾意白桃啦所以呢就食咗一個白桃sobert雪條，呢個組合簡直一流❤️

好耐冇食過放題，今日同朋友去將軍澳popcorn商場食韓燒放題，其實之前去過旺角食呢間Running燒覺得唔錯，所以試下將軍澳呢間。Popcorn商場去到popfood上二樓，店員安排左我地坐卡位，卡位坐位枱面都好寬闊，坐低scan左QR code order先。肉有牛、雞、豬、羊，我最鍾意烤肥牛同雪花牛仔肉，大大塊、啖啖肉，肉質仲好鮮嫩。豬頸肉都好正，燒到油脂融化，肉質又香又脆！海鮮都好新鮮，種類都唔少，有生蠔、扇貝、帶子、蝦、魷魚等等，芝士生蠔好好食，不過我地唔係好識分熟唔熟，燒耐左，但味道都仲好鮮甜，加d蒜蓉好惹味！帶子同扇貝都大大粒，好鮮美，好有磯燒元貝feel!除左燒肉、海鮮，仲有唔同熟食可以點，點左兩件柚子味炸雞，都幾好食。其他熟食仲有烏冬麵、冷麵、餃子、溫泉蛋飯等等。有自助區可以自己攞d蔬菜配料，有好多種蔬菜，攞左d燒汁、醬油同蒜蓉，燒肉加蒜蓉好正！有各款甜品、雪糕、飲品，仲有湯，攞左碗養生雞湯飲，幾滋潤清甜。食埋杯芒果布甸真係好飽滿足！

搵到一間性價比好高嘅韓國燒烤店🤩有兩間分店，我去咗將軍澳嗰間。個名叫做✨Running燒✨🔥🥩餐廳好新淨～座位都好舒適。食燒肉最緊要坐得舒適，唔好太逼😂餐廳入邊有好多自助區，可以夾糖，拎蔬果配菜，拎野飲同埋甜品雪糕。餐廳係用電話自助QR code落單，我覺得咁樣好好，好方便👍🏻上菜速度好快！我哋兩個人，點左唔同嘅燒肉，燒肉質素非常唔錯～有一樣海鮮係必點既：帶子✨帶子好入味，燒完之後都唔會乾～仍然係好Juicy 😋 我同朋友叫咗好多粒帶子😂除咗帶子，燒咖喱魷魚鬚都好正！好煙韌，唔會硬到咬唔開🤣另外，仲有好多熟食可以點。令我最驚喜係有辛辣麵！🤩🤩辛辣麵係食韓國嘢必須嘅！即刻點一碗😋正！食完正餐，就拎埋雪糕食😚仲有牛奶布甸，好滿足！推介Running燒🔥

咁耐冇得去旅行，心思思想食韓燒體驗下韓國風味，扮吓飛咗轉首爾🇰🇷 今次嚟咗位於將軍澳 Popcorn嘅Running燒試吓先⸜( ॑꒳ ॑ )⸝ 餐廳喺商場二樓，不過商場指示牌唔顯眼，去餐廳樓層嘅𨋢有啲難搵😅一入到餐廳，強勁嘅Kpop音樂真係有少少去咗韓國嘅感覺啊！本身諗住放題淨係有燒肉，原來仲有炸雞、年糕湯、溫泉蛋紫菜飯~ 整體來講，燒肉上菜速度快唔拖order，餐廳幾熱鬧有氣氛，店員亦冇催我哋限時前走，好啱朋友一邊傾偈一邊燒🔥=========================任食110分鐘 $258/位燒肉類、海鮮、即整炸物就用QR code落單；而中間自助區放咗前菜、甜品、飲品，仲有多款蔬菜值得一讚餐廳提供錫紙兜同埋牛油，可以將易燒燶嘅蔬菜放喺錫紙兜裏面燒，正啊~炸物即叫即整，噴火炸雞真心辣，柚子炸雞味道似茶餐廳嘅青檸雞，不過幾清新🌿豬肉有好多部位揀！豬頸肉、豬大腸、黑豚腩肉、梅肉、豬耳…我最鍾意辣味五花肉，切得夠厚，肥瘦均勻，唔會太肥太膩，肉質爽口，燒到燶邊啱啱好，而且個辣醬超級入味！另外豬耳都幾特別，燒到外層脆卜卜，口感有嚼勁，啱哂鍾意豬軟骨嘅我 =͟͟͞͞♡牛嘅選擇有牛肋骨、西施

上星期放工已經聽女朋友講想食韓燒，趁住今日Monday Blue不如就book食韓燒獎勵下自己啦。黎到位於將軍澳Popcorn，Running燒喺Popcorn商場入面既Popfood，出左地鐵站上1樓有部lift直接上2樓，好彩商場嘅指示都尚算清晰～ 黎到Popfood已經見到大大個Running燒嘅招牌睇番餐牌原來有早割優惠，夜晚7點前離座可以198埋單，好抵！Openrice訂座仲有全單85折！我地大約7點9去到，入到去發現已經有好多人燒緊啦，好熱鬧！Running燒牆身貼左韓星嘅牆紙，電視亦不停播住Kpop，好有氣氛！肉類、海鮮類同熟食類炸雞、炸餃子等等都係用手機掃QR code點餐，店員都好有效率好快將點好嘅野食送到～ 其他蔬菜類、醬料、甜品同飲品都係出面bar枱自助任攞！蔬菜類選擇非常豐富，有最愛嘅牛油金菇同粟米～醬料都有6款，強烈為大家推薦中間呢隻甜酸烤肉醬，甜甜酸酸好開胃呀～擺到全枱野食好正好幸福呀，推薦牛柳片同薄切西冷牛扒，牛味十足好juicy！女朋友就鐘意五花腩同青陽辣雞粒，辣得過癮！炸物同樣有質素呀，手機點嘅炸雞同炸餃子都係即叫即炸，最正係辣同柚子味炸雞～ 食完主

疫情以來咁耐都好少出街食飯，更加唔好話食放題，已經成兩年冇食過放題喇！最近疫情冇咁嚴重，所以先約朋友出黎食，之前喺旺角食過呢間Running燒韓式料理，原來將軍澳都有分店。呢間分店地方闊落，坐得幾舒服。改掃qr code點野食，方便快捷又環保。肉類幾多選擇，牛肉都已經分好多種，有肥牛、牛利、雪花牛仔肉、牛柳片等等；其他有雞肉、黑毛豬、羊扒；海鮮有生蠔、元貝、帶子、海蝦、魷魚，都幾新鮮；熟食有炸雞、烏冬、餃子等等可以點柚子炸雞都幾好食，清新又唔溜。出面有自助醬料區同其他配菜、湯類、甜品攞。員工服務態度都好好，又主動幫我地換烤網。110分鐘放題時間好充裕，食到好飽，真心值得推介嘅燒肉海鮮放題！！

估唔到Running 燒其中一間分店開咗喺將軍澳，梗係要拉埋朋友過嚟試吓啦，依間餐廳超級有人氣，離到已經好多人，所以想識嘅朋友記得早啲book位同埋排隊啦！大約100至$200左右一個人，但係可以食到好多嘢，超級抵，因為依度嘅放題包括左韓燒，另外仲有一系列嘅熟食同埋甜品，所以超級抵食㗎！💕😛一入咗就即刻拎嘢飲，呢度嘅嘢飲都好多選擇，另外仲有啲比較清熱嘅嘢飲都可以選擇一開始即刻點肉類！選擇好多，有牛肉、羊肉、豬肉，特別推介嘅係依度嘅骰子牛，牛肉號先完好多汁，絕對唔會好似其他咁放題就好hea，依間餐廳就算放題都保持住高水準👍🏻值得一讚嘅就係熟食嘅選擇都好多，特別鍾意飲佢依度嘅老火湯，真係好夠火候同埋鑊氣！

今次同朋友過咗嚟將軍澳度行街，朋友話好掛住韓國，想食下韓燒，於是就陪咗佢過嚟將軍澳Popcorn商場嘅依間running燒，聽朋友講話好出名，同埋好好食，於是今日過嚟試吓啦，真係推介各位嚟食👅首先一入到黎服務員嘅態度超級好，而且餐廳都好乾淨，加上呢度嘅食物超級高質，嘢食仲好多元化😆呢度嘅韓式燒肉係自己落單，好多種類可以揀，特別推介嘅係依度嘅羊肉同埋牛肉，全部肉質都好鮮嫩，牛肉入口即溶，特別係雪花肥牛，係高質牛嚟㗎💕就算係熟悉嘅種類都好多可以揀，例如有魚蛋、醉雞、同埋老火湯等等，全部都高水準嘅發揮，放題來講食到咁嘅質素真係超級抵😚最後臨走之前梗係要食埋個雪糕啦，依度嘅雪糕係D字頭嘅牌子，老闆好闊綽，食埋個甜品簡直係完美嘅一餐😆👍🏻

小弟今日同女友人黎左pop corn, 我地平時都極少黎呢頭。 今次咁岩有d野要黎買就去將來將軍澳呢頭. 我地行到攰就去覓食時發現佢有個叫pop food既樓層, 嗰度好多餐廳.. 難得黎開呢頭就食餐好既, 我地選擇左任食韓燒... 佢呢間溫馨燒都好多選擇就連小朋友都照顧埋有糖夾好溫馨的說！. .野食我地叫左好多牛五花，牛舌同香草羊,佢亦有d熟食如水冷麵同蜜糖雞同韓式紫菜飯.. 好多野食可以叫. 野飲都好多種類而我就最鍾意飲荔枝烏龍. 味道方面我想講佢個蜜糖炸雞整得好好食,好鬆脆入味！， 佢d牛唔花肉味好濃同無雪味， 口感好fresh,個香草羊都醃得好夠味好濃烈既香草帶少許羊蘇味，唔錯..女友人就好欣賞佢個水冷麵, 同係韓國鋪食既味道相若.. 最後食到飽晒都要對返兩個朱古力雪糕做甜品.. 真係好底食..

入到黎發現除左韓燒，仲有個自助區，十足十食酒店buffet 咁，放題黎講個自助區一啲都唔hea, 有韓式前菜，醉雞翼，炸物，中式老火湯，連甜品都有，太齊全了～超開心，仲有大把時間慢慢食。飲品都好啱我地口味，encore 咗好多罐牛蒡茶同荔枝烏龍。肉方面我地主攻牛肉，覺得牛五花最正，又長又大塊，牛味又夠濃，讚！另外羊肉都好惹味！值得一讚呢度有錫紙兜提供燒粟米，自己加大大粒牛油，邪惡得黎超好味！錫紙兜仲可以用黎燒茄子同菇，唔怕燒到乾爭爭，正！另外仲叫咗柚子炸雞，超好味！水冷麵～必食item~試多個紫菜溫泉蛋飯，都唔錯。最後甜品食藍莓乳酪雪條，一黎到已經target 定，超好食！值得一提侍應服務好周到，加分～

真係好耐好耐冇食韓燒啦，今日心血來潮好想食，知道呢度開咗一間Running燒好耐，但真係一直都係淨係望無試過，然後今日就過左嚟試。因為疫情嘅原因佢變咗做用iPad叫嘢食，感覺都幾得意，要強烈推薦嘅係佢個西洋菜湯，幾好飲，飲咗兩碗，然後佢嘅小食柚子炸雞都唔錯，柚子味好香，甜甜地同炸鸡好match。至於佢個肉方面，其實肉類種類都幾多，望落去都幾靚，不過要小心火候，我哋唔小心燒耐左所以有d un hahaha

以前每年都會去兩次韓國旅行，食下當地美食 ，順便shopping下 ，但係自從疫情之後，成年都冇去過旅行啦。真係屈到病。今日放假，去商場搵嘢食。突然醒起上次朋友介紹過有間價錢好平嘅韓燒，所以，就嚟試下呢間韓燒得唔得？！講真，其實呢間韓燒幾隱蔽，要喺popcorn商場，上左一樓，然後 再轉搭𨋢到二樓，先至搵到。唔係呢頭住，真係好難搵到。我建議地鐵一入商場，就問詢問處，咁樣就唔駛晒時間搵。我一到餐廳門口，侍應就非常親切帶我到座位。仲教我點樣落單，用QRcode掃一下，就可以點食物，鍾意幾時點嚟食都可以，方便又快捷。我點咗牛舌，芝士生蠔，帶子，大蝦，黑豚肉，肥牛等等。食咁多肉， 緊喺要攞d蔬菜 啦。出面有各式姑類，菜等，又有熟食可以選擇，當然唔少得甜品啦 ！雖然甜品選擇唔多，但做得非常精緻，望上去就好吸引呀! 另外，雪櫃有好多飲品可以選擇，隔離有人人都愛吃一杯嘅雪糕。可謂樣樣都有，包羅萬有。講明燒烤，梗係要講下邊啲好食啦 ，呢度有幾個係要必選嘅 ：第一位，大蝦，蝦肉燒完後，食落爽口，呢個係其他嘅燒烤店未必可以做到嘅。第二位，黑豚肉，豬味夠濃第三位，牛舌，呢個純粹個人喜好。其實仲有好多選擇，但

係第三波疫情啱啱完咗之後，有一次我就去咗佢位於旺角嘅分店度食過一次。果次食完係有驚喜，而且我一定會再食。終於比我等到呢個機會，咁啱呢間餐廳喺將軍澳開咗分店，一於去試一試佢嘅分店水準有冇變到。將軍澳分店位於坑口地鐵站，Popcorn商場入面，就算落雨都唔使驚，同旺角店對比，將軍澳店係好方便。將軍澳分店地方闊落，同埋落單係電子化，而旺角係傳統寫紙仔。出面有個好大嘅自助吧，款式比旺角更加多，醬汁，菜類，飲品，甚至乎熱食都係以自助形式。我發覺兩間分店嘅肉類種類差唔多，但其他方面將軍澳分店係比較好。至於野食方面我會推介豬大腸及雪花牛仔肉。燒豬大腸都係第一次，燒完出嚟係脆卜卜，再加埋生菜吸左啲油係最好配搭！至於雪花牛仔肉，佢薄得來唔會好似燒完變柴皮，入口係仲有肉汁！整體來講將軍澳分店冇令到我失望。

第四波疫情過後少咗做運動，加上晚市開返後，同朋友周圍食食食，最近先發現體重增加。主要原因係任食，包括任食點心放題，酒店buffet，任食燒烤。將軍澳都有任食燒烤介紹，商場地鐵出口要搭升降機上去。餐廳好多梳化位，本身扒燒烤會有油煙味，揀咗唔好太吸味嘅衫着。吃飽後發覺抽風系統幾好，主要係爐邊已經直接抽風，效果更佳。飲品要介紹吓，除咗雪櫃10幾款汽水果汁外，加$20仲可以任飲友 draught beer, so amazing! 一邊飲啤酒一邊吃柚子味炸雞，一樂也！蔬菜類可以係buffet table 隨時夾，食燒肉放題有蔬菜緩和下，減少油膩。茹類都有幾款，青椒，南瓜，茄子，翠玉瓜等。試咗個超級大炸雞，辣到脷都痹埋。好在有啤酒，再加冷麵解辣。飲飽食醉捧住個肚回家。

同朋友行咗一陣街，見到依家放題餐廳好似幾正咁，睇吓有幾多人食過，所以就本着試一試嘅心情試吓，點知又覺得唔錯，分享吓俾大家講真去食放題就梗係食肉，食肉獸嘅我就叫咗好多牛肉，海鮮，豬頸肉等等不過我最欣賞嘅係佢有好多配菜揀呀！佢有好多選擇，例如南瓜，菜，蘿蔔等等，依啲好少放題可以比你任拎，唔洗成日靠廚房出餸，所以真係食到好飽！俾大家睇吓啲烤肉先，我覺得烤肉算係幾正常，肉又唔會過肥，而且口感同肉味都唔錯，食兩個鐘都可以食得好飽，咁岩出面冇人等位，買單嘅時候又唔會趕你走，所以呢個體驗都唔錯嘢飲同甜品選擇都有，選擇都叫正常放題應有嘅份量，因為我食肉食得太飽所以淨係食咗條雪條就滿足地走了。