Running 燒 (Closed)

Running 燒 (將軍澳).係將軍澳咁耐都無試過呢間，今日平日晏就去都好多人，仲要可以食咁耐時間真係好抵.110分鐘燒肉放題. 入座QR code落單，任叫選擇好多，特別推薦雞腎，扇貝，牛肋骨同大蝦，呢幾樣我encore左好多次，大蝦好有味，牛肋骨又係又惗又juicy!!出面有得任拎飲品，涼拌小菜，有青瓜，湯，白飯，醉雞翼等，其實出面仲有好多蔬菜可以燒，我哋食到後尾先發現唔記得咗出去拎😂特別一提個水冷麵好好食，但必須問店員拎白醋！呢度嘅甜品選擇都好多，竟然仲有軟糖！雪條都好高質，有新出嘅紅荳煉奶，仲有dryers嘅light低卡路里雪條！.📌 Running 燒 (將軍澳)將軍澳唐賢街9號Popcorn商場2樓PopFood 4號舖

今日想食燒肉又唔想出旺角尖沙咀d旺區就黎到位於將軍澳Pop Corn既Running 燒 就係港鐵站上蓋 十分方便餐廳座位寬闊，有別一般燒肉餐廳裝修型格 播住不同既韓文歌 很有感覺燒肉放題$258/1位 可以食110分鐘Scan QR code點餐 食物好快就送到效率一流👍🏻食物方面冷盤、肉類、海鮮、熟食、甜品都一應俱全豬牛羊款式都不少冷盤方面最推介係涼拌木耳 木耳係麻辣味 麻辣控唔好放過啦😍肉類個人覺得佢地好好既地方係唔會點醃肉可以跟番個人喜好去點醬汁如果預先醃好 點醬汁就會太濃味醬汁區有6款醬汁個人覺得甜酸烤肉醬最好食 最夾肉味😋海鮮有大大隻生蠔 亦有蒜蓉芝士生蠔生蠔原汁原味 芝士生蠔芝味十足甜品有我最愛既吉士泡芙咬落去滿滿既吉士醬 再食多杯雪糕 滿足哂第二個胃😌😌

好耐好耐冇食過韓燒，今日黎到popcorn試下呢間running燒餐廳環境衛生，坐位闊落，蔬菜冷盤類、飲品、甜品係出面自助式，其他豬、牛、雞、海鮮類就掃code點餐。醬汁及配料有6款之多，最夾燒肉係燒肉汁同埋甜酸烤肉醬身為牛魔王一定主力點牛烤肥牛：會多小小油脂，好薄切，不錯！牛利：非常爽口，必點之選，點埋甜酸烤肉醬絕配牛柳片：想食較有牛味既肉一定要揀佢薄切西冷牛扒：燒既時間唔可以太耐，唔係會變牛肉乾，兩面各一分鐘就perfect, 好好味！五花腩：有驚喜，肥瘦度岩岩好，唔會好肥燒雞翼：中間已經剪開，方便容易平均燒熟，好好味，食左4隻！當然食韓燒海鮮類都係必點之選Running燒既海鮮種類真係幾多，大大隻既燒蝦、芝士生蠔、帶子都可以食到，食材質素重要係唔錯

自從肺炎襲港都好耐冇喺出邊食晚飯，所以今日就同左女朋友去食韓燒，一去到附近就聞到好香嘅燒肉味已經流晒口水，咁Running燒係110分鐘任食，菜就係出邊自助拎肉類就要落order係手機掃QR code，咁黎得食燒肉梗係要食多啲牛啦，咁佢order嘅份量就係一件件嘅所以就可以叫好多唔同款嘅嘢食，咁由於好肚餓所以就燒牛先啦因為牛係最快熟，佢一件件都唔係好大塊唔使特別切或剪好方便進食，佢牛本身都有味，所以燒完冇點豉油都好香口，之後就叫咗五花肉食，佢嘅五花肉唔會太肥同埋偏薄身所以唔會食得好滯，同埋最重要佢哋上菜速度好快咁就唔會浪費咗等食嘅時間，而且佢嘅蔬菜都好多款式咁食完肉都可以食多少少蔬菜平衡返營養，整體來講我都好滿意依一餐晚飯

依間韓燒真係數一數二正！首先地方好大好多位之餘，座位都坐好舒服，入到去店員就好快手服務。落單方面係用電話掃code，好快就上菜。菜式嘅選擇都有好多，熟食炸物肉類都有好多款式，要特別一提嘅係個韓式特辣炸雞真係好辣，唔食得辣嘅朋友真係唔好亂咁試🌶🌶🔥🔥其他炸物都好吸引，包括尤魚酥炸雞翼等等，不過有啲熱氣所以留返下次食！🦪🍤海鮮方面真係有驚喜！佢竟然有芝士生蠔🦪仲要要幾多有幾多！正！我仲偷咗少少芝士去整芝士扇貝🤣好邪惡😈不過我鍾意❤️呢一間嘅燒肉真係好高質，有好多款肉類🥩選擇之餘，亦都好新鮮👍🏼鍾意食牛嘅朋友一定會好鍾意！不過我自己就最鍾意嗰個韓式五花肉用生菜夾住食！🥬🥓另外蔬菜方面都有好多選擇，可以自己攞錫紙兜整牛油粟米，金菇雞髀菇南瓜嗰啲全部都好齊。🍚🍙重點介紹呢個好好食！！溫泉蛋紫菜飯，啲飯入邊有少少醬油，啲紫菜又多，加埋溫泉蛋個配搭實在太好！⚠️記得留返個肚食✅甜品選擇方面都好多，有我最鍾意食嘅煉奶雪條！🌟🌟呢一間韓燒肉真係各方面都做得好好，座位丶肉類丶海鮮丶熟食丶自助吧丶甜品方面，多元化得來質素亦都好好👍🏼👍🏼👍🏼

早前朋友話上網見到呢間Running燒，食韓燒感覺幾地道，評價都唔錯，所以今日收工就同佢一齊去將軍澳試下😋！入到店內店員就為我們安排入座，我們可以透過手機QR code點食物，場外還有一些熱食，冷盤，甜品及飲品供應👍！前菜的豆芽同泡菜，泡菜辣辣地酸酸地很開胃，豆芽很好食，爽口！小食方面我們點了炸雞（小辣）炸雞外皮炸得香脆可口，配合了韓式辣醬非常惹味😋！第一輪我們點了五花腩，雞翼及豬頸肉，五花腩肥瘦均勻。豬頸肉燒到微微焦香，爽口入味😋！第二輪我們點了全牛，有牛肋骨，雪花牛仔肉及西施牛肉片，牛肉款款都有質素，牛味香濃，肉質嫩滑。海鮮方面，我點了生蠔🦪蠔肉都好鮮甜，沙律可以按照個人喜好及醬汁配搭，蔬菜及水果樣樣新鮮，健康有益😋

無得去韓國突然好想食韓國燒烤，今日約埋朋友食返過110分鐘放題😋價目表上的價錢每個時段都做緊優惠餐廳內有部份地方設有自助區，看見蔬菜類都有大約20款選擇，蔬菜的種類多色澤又新鮮。我們可以用電話掃QR code落單，非常方便黑豚腩肉，五花腩和辣味五花肉，所有肉類都好夠味，而且肉汁濃郁，不會有雪藏肉味，燒熟後可以配上自己選擇的醬汁一齊食，味道不錯👍雞腎同咖喱魷魚🦑雞腎爽口，咖喱魷魚新鮮入味😋芝士蠔及鯖魚，芝士味道香濃，加入蠔一齊燒來食，口感層次豐富。鯖魚燒到外皮香脆可口，魚的肉質鮮嫩多汁。最後食返碗熱辣辣的紫米露糖水，甜度適中😋

近排唔知點解好想食韓燒，又未有得去韓國，唯有穩搵間韓國餐廳頂頂癮先。晚飯時間去好彩係平日所以唔使排隊就可以入，餐廳環境闊落，一入去就可以望得到自助區。餐廳係半自助餐嘅形式，肉類要喺電話落order，其他熟食甜品同菜之類就喺出面自助區自己攞。一坐低我地就事不宜遲落咗好多款唔同肉類，佢嘅肉主要有豬肉牛肉雞肉同海鮮幾類，我哋咩都叫咗啲嚟食。餐廳好貼心咁樣將唔同嘅肉類分開上，每一個碟會放同一類嘅嘢食。覺得佢整體嘢食嘅好味排名係牛肉&海鮮>雞肉>豬肉。大部份嘅肉都唔會話好鹹好重味，味道啱啱好，牛嘅話牛五花肉片同埋有一款薄薄地嘅牛切片都有好濃郁嘅牛味同埋唔會太肥，個人鍾意包住生菜食感覺冇咁油膩，牛柳粒亦都值得推介，好香同埋咬落去唔會話好難先扯得開。海鮮方面覺得芝士生蠔同魷魚好味，芝士生蠔有少少拉絲加埋啲啲蒜蓉完全係perfect match，不過就要等耐少少時間，魷魚燒完脆脆地好香口。雞肉就覺得有個辣辣地嘅雞幾好食，同埋佢啲雞唔會話好鞋烚烚。最後到豬肉，覺得辣味豬頸肉係咁多款豬入面最好食嘅，一條長身厚肉好足料，另外值得一提嘅係佢嘅上菜速度真係非常快，基本上落單之後三四分鐘左右已經可

太耐無食過韓燒啦,見屋企附近有呢間,就叫埋屋企人去食,趁依家仲有晚市,真係有得食好食啦！佢係半自助式既仼食,大部份嘅海鮮同肉都係QR code落單,飲品、蔬菜、醬料、泡菜同甜品就要自己出去攞～基本上每款都有叫黎試吓,有幾款肉同海鮮特別出色！牛肉方面,雪花牛仔肉、烤肥牛、牛五花肉都好有牛味, Encore左幾轉！豬肉就差唔多,用黎菜包肉一流。海鮮特別推介帶子,好新鮮,呢個都Encore左三次哈哈。同埋要推薦個水冷麵,解膩一流,麵質好有彈性,幾有驚喜～另外要講下侍應嘅服務好唔錯,見你有咩需要會即時幫忙,而且見你枱面冇晒肉,會問你再叫咗未～

上星期三嚟過一次食，服務都冇乜架啦，全部都係網上落單，點知到半路仲有30分鐘先夠110分鐘就有人行埋嚟收錢，都明白嘅，疫情2145要走人，點知個服務員企係到你眼望我眼等收錢，我老公兩隻手係到剝緊蝦殼，點攞銀包呢？驚走你數咩？一係你收錢先比人入場食！都算啦，我食完即痾，我都以為未燒熟就咁，點知今日再食，又痾，冇計TKO真係冇乜放題當清腸胃啦🤣如果你有腸胃敏感就真係要考慮清楚先再食，不過總有一間係左近！

任食燒肉雖然越開越多，但係有質素既少之有少呢間就係我少數既信心保證入到黎見到各式各樣既野食已經流晒口水仲有好多好吸引既甜品，搞到勁想食左先特別一提，呢到既泡菜好好食辣度剛好又爽口，食落勁開胃，我自己瘋狂添左起碼四五次！熟食方面，魷魚酥都幾有驚喜，香脆又爽口然後就係主角啦～點左好多款肉，基本上每一款都係好好味，睇下入面既肉色同埋油脂分布就知道當中有幾款個人認為係必食之選首先係西施牛肉片，食落好軟淋淋，仲有陣陣牛香另外牛柳片亦都係超高質，食落去比西施牛有多少少咬口但唔會韌，肉味香濃之餘仲有陣陣牛脂味，必食唔好以為呢到得肉係正連海鮮類都好有驚喜特別推薦燒蠔同青口兩樣都好新鮮燒蠔上面仲有滿滿邪惡既芝士同有陣陣蠔獨有既鮮味簡直一絕最後當然要食條雪條作結啦呢到既雪條口味都好特別，足見誠意

將軍澳好少韓燒放題, 難得開左間緊係要試下啦! 一入去環境好好，好寬敞。餐廳採用半自助形式落單, 肉類和海鮮及部分熟食類需要自己掃QR code落單。而自助區都幾多選擇!🍴醬料區:有七款醬料可以選擇: 蒜蓉、大醬、鹽醬、甜酸烤肉醬、韓式辣醬、燒肉汁同豉油!🍴熟食區:有唔少涼拌小食, 仲有咖喱魚蛋、咖哩角等等。🍴蔬菜區:有大量蔬菜、菇、腸同栗米, 而最貼心係提供錫紙兜, 咁就唔使驚難燒, 仲可以落牛油燒!🍴Salad區:除左可以自己整沙律之外, 仲有泡菜、芽菜同鹹酸菜! 🍴飲品區:飲品好多選擇, 有唔同款式既汽水同茶, 仲有果汁同咖啡。🍴甜品區:除咗有雪糕雪條，仲有泡芙、布丁、糖、豆腐花同乳酪等等, 超多選擇! 🍴肉類好多選擇, 牛、豬、雞、羊同海鮮都有, 我地叫左牛脷、雪花牛仔肉、牛肋骨、牛柳粒、烤肥牛、牛五花肉、薄切西冷牛扒、豬頸肉、厚切豬腩肉、辣雞粒、雞脾肉、雞腎等等。我地最鐘意係牛肋骨、烤肥牛同牛五花肉, 非常入味, 牛味濃, 而且網燒之後非常香! 厚切豬腩肉都好, 好夾包菜食。而海鮮都有好多選擇, 有蠔、扇貝、魷魚、帶子、海蝦、青口。我地encore左好多次帶子, 燒完仲好嫩!

住左咁耐將軍澳 第一次黎試running燒中午12:00到 唔使等位店員服務好好 一早安排好坐卡位舒舒服服食韓燒 入到去環境靚又乾淨放題、自助餐都未試過現場咁乾淨疫情下都食得開心d放心dBuffet bar 最吸睛係有六款夾糖任你拎頭盤可以簡拎雞湯,沙律, 前菜 (泡菜、木耳、話梅豬手、炸物等等)韓燒點少得醬料 自助吧六款醬料自由選擇甜酸烤肉醬 韓式辣醬 鹽醬 滿足晒韓既慾望燒肉係scan QR code落單X 1 = 一件 唔浪費牛：牛利、牛肋骨、牛柳粒必食豬： 厚切豬腩肉、豬大腸、五花腩、辣味五花 正呀 encore又encore 辣味又正雞：雞翼逐隻逐隻俾心機燒 好味海鮮：大蝦、帶子、扇貝、芝士生蠔芝士唔姑寒 牛油🧈帶子煎到金黃脆脆肉類無論你叫到幾散 都用盤分到靚靚上枱熟食：炸雞都幾正 新鮮炸 每次叫一件唔會漏 又試到唔同味 柚子清甜 噴火辣真係辣到喊 即刻chur左全支野飲都解唔到辣🥵蔬菜🥬部最欣賞無限錫紙兜同牛油牛油粟米正啊 怕油唔想燒蔬菜 可以用咖啡機d熱水Shabu Shaun煮熟d菜服務又真係幾好 幾周到勤力收碟 企企理理又有專人定時換爐上面既鐵 唔怕煎濃飲野勁多選擇

中伏了！已列入黑名單,永不光顧！全部燒肉都無味,肉質粗鞋,不新鮮或用梳打粉醃了的。有部份肉想是千年肉了！無肉味,都不知甚麼肉！有牛肉,豬肉,羊肉,雞肉。帶子生蠔不新鮮,可以不吃！ 免費飲品有五六款選擇,但無啤酒,要另外付費。燒酒$38元支！最好是雪条了！有Dryers和十勝紅豆雪条🤣🤣$258+10%=$284一位樓下間高檔cafe也差不多這價錢,環境和服務好多了！去河邊餐廳鋸扒都不用咁貴,品質又好！

已經成年冇去過旅行🥲今日趁清年假 就去搵下有咩好嘢食見到呢間韓燒午市嘅價錢合理 仲有海鮮食咁正🤩就二話不說入左去食午市燒肉放題🤪餐廳係popcorn商場雖然好易去但係又有少少隱蔽要係一樓再搵架𨋢上二樓先到.🌟午市燒肉放題 （$178）本身睇餐牌以為得110分鐘食點知依家做緊promotion😳成個午市時段都可以任食無限時對於我地呢d大胃王真係大喜訊😍可以食得自在d唔使趕頭趕命.餐廳主要分開左外面自助區同手機落單自助區會有蔬菜供應例如栗米🌽、菇、茄子🍆、生菜🥬等等最好就係有錫紙兜可以自己落牛油燒🧈又唔會驚燒燶蔬菜.仲有d前菜例如泡菜、酸菜、涼拌雲耳、涼拌青瓜🥒、咖哩角🫔等等而且仲有甜品、雪條同飲品都係任拎甜品方面有吉士泡芙、迷你特濃朱古力杯🍫、木糠布甸、法式忌廉撻🥧呢度提供嘅雪條仲係Dreyers添！.飲品除左雪櫃入面嘅罐裝飲品之外 仲有果汁機同咖啡機 🥤☕️.除此之外 仲有湯品(養生雞湯+中式老火湯)同中式糖水(什果西米露+芝麻糊)架.餐廳亦會提供qr code俾客人用手機自助落單操作簡單 介面仲有圖片俾客人易d選擇自己想食咩又唔使浪費時間舉手搵侍應落單手機落單主要有肉類🥩、海鮮🐟等等