Running 燒 (Closed)

今時今日，想食餐坐得舒服，食物又好，服務又好嘅韓燒好似都吾易，多數都係服務差嘅，今日我去左呢間running燒！！真係乜都好滿意，又平又舒服又好食，服務仲好好！係popcorn 商場去popfood個邊上2樓就到，地方吾算好大，但坐位就夠晒闊落，放好多碟燒肉都仲得，出面又有自助區，有菇菜，甜品，沙律，小食， 醬油同飲品自己拎！點餐就係用app嘅，我覺得幾好，吾好浪費紙嘛，我地初初以為點左食物，就出去自助區拎野食，店員竟然來自助區搵我地，嗌我地可以點左食物先，我地先知未點到食物，覺得好窩心，真心好服務，記得我地同出嚟搵我地提我地可以點餐先真係好啦，當然帶位介紹app時都已經好好服務態度。講返食物，種類繁多，牛雞豬連羊都有！海鮮種類都唔少，有扇貝，帶子，蠔，蝦，魷魚等等，推介蝦！燒完d肉仲係彈牙的！好食！牛因為好睇個人口味，我自己就喜歡燒肥牛同牛牛花肉，哈哈我吾肥吾食，之後豬頸肉同雞腎都好食！除咗有得燒，仲有熟食。我燒到都好飽，淨係嗌咗個炸魷魚鬚同冰水面，個 個炸魷魚鬚好食，即點即炸熱辣辣脆卜卜上碟， 見到仲有好多款嘅炸雞，不過太飽冇試啦。整體感覺很好，最後食埋杯雪糕，雪條同豆腐花就走啦，

今晚同老婆出街撐枱腳，佢話想食韓燒，就上網搜尋下附近有咩選擇，知道Popcorn入面有呢間韓燒放題，就決定試吓啦！餐廳面積都唔細，有一大排卡位， 因為今日係平日，所以唔使特別等位。 自助區嘅蔬菜款式很多自助區亦都有一啲熟食，不過選擇唔多，我哋都冇食到，留肚食燒肉同海鮮甜品款式很少，不過另外有個雪櫃，入面有雪糕雪條等等，都OK食韓燒唔少得嘅泡菜總括來講肉類嘅款式主要都係豬、牛、雞、羊等等，款式同質素都算不錯，放題來講算合格。另外海鮮亦都不過不失，大蝦比較滿意，因為夠大隻同埋肉質夠爽彈鮮甜

Running燒依度有好多唔同種類嘅食物，除咗肉類，仲有海鮮、蔬菜、熟食同甜品。百零蚊咁多嘢任食真係好抵！依度使用QR Code落單，非常方便。肉類燒肥牛：燒完之後好有油香，肉質軟淋， encore咗好多次！牛脷：好爽，又唔會好韌，牛味幾濃。豬頸肉：一樣好有油香，燒到微濃嘅話地，嗰邊仲會脆卜卜，好正。調味雞肉：細細件，啱晒我。雞件好滑，有少少鹹味。雞翼：店員有將雞翼切開，方便我哋燒，非常貼心。雞翼都幾大隻，唔錯。海鮮大蝦：啲蝦真係好大隻，好新鮮，燒嗰陣已經聞到好香，食落好彈牙。扇貝：扇貝好鮮甜，燒完都唔會縮水收得太過分。芝士生蠔：有好多芝士，仲可以拉試，同生蠔一齊食呢個配搭幾好。蔬菜金菇：出邊自助吧有得攞牛油同蒜蓉，我哋就自製左牛油蒜蓉金菇，好香、超好味！燒嘢食必備！蕃薯：佢係紫薯嚟嘅，都幾甜，燒完有種煨番薯嘅感覺。粟米：我哋又自製左牛油粟米，仲加咗啲糖，都幾好味。熟食柚子味炸雞： 落咗訂個柚子醬，味道好足夠。炸雞好脆，雞肉Juicy。辛辣麵：驚唔夠飽，所以仲嗌左個辛辣麵，煮嘅時間啱啱好。老火湯：碗老火湯好好味，飲得出冇味精。我同朋友都飲咗兩碗。甜品吉士泡芙：泡芙外邊脆脆地，入邊啲吉士

成年幾無去過旅行啦,咁耐無食韓國燒肉今日就同朋友book左呢間running燒既晚市放題,之前都有食過旺角果間分店,性價比高。要Scan QR code落單,限時110分鐘, 有齊晒豬、牛、羊、雞、海鮮，熟食類仲有炸雞、湯麵烏冬、年糕等等,食物種類繁多。自助吧區仲有湯、前菜、甜品等等。呢個醉雞翅好香花雕味,而自己燒既再配埋唔同醬汁又係另一番風味。我超中意佢地既雞腎,有辣有唔辣,非常爽口,完全唔會”UN”!!牛肉我就叫齊晒唔同部位試下, 肉質鮮嫩多汁，最意想不到嘅係烤肥牛，平時打邊爐食得多，原來燒完再沾上醬汁，由於掛汁能力極強，好香好滋味! 另外，牛肋骨都係必燒之選，完全冇筋無肥膏，咬落去肉質好淋身。海鮮方面,本人都係叫齊晒咁多樣海鮮,D蠔偏大隻,而且仲有好邪惡嘅芝士鋪滿系面，想食到蠔既鮮味可以選擇原味，之後燒到汁滾一陣就食得，燒到乾晒就冇肉食㗎啦！鍾意食魚嘅燒鯖魚都好唔錯，完全冇腥味，唔想有魚刺既就可以燒龍利柳！我最鍾意嘅就係燒大蝦，真係好大隻，而且肉質好實，鮮甜爽口！喺出邊食一隻燒蝦，最少幾十蚊，呢度竟然可以任食！連甜品都好多選擇,有雪糕、布丁、豆腐花、糖水…真係一D都唔馬虎。繁忙時

將軍澳 Running 燒已經係回頭率高之一！今次 weekend 食午餐韓燒一早訂咗枱、七個人分開兩張枱坐隔離。⬇️記得記得揸車黎就要泊將軍澳中心停車場、之後上返一層過天橋入 Popcorn 商場行返過嚟 Popfood。同埋用信用卡埋單要出示收據同信用卡單換泊車、問左如果 Openrice Pay 喺 app 裏面俾錢係唔承認因為唔當商場消費，呢一點如果需要免費泊車要注意返。⬇️Openrice 訂枱有折$208加一可以食110分鐘、原來星期一到五午市韓燒冇限時，星期六日就110分鐘。不過時間都充裕、未夠鐘就食完走得 ⋯ 免費泊車係三個鐘食完行埋街啱啱好！⬇️罐裝飲品或者果汁先生都有、罐裝菠蘿汁最好飲。肉類、海鮮亦都好快上枱，全部用QR code電話落單 ⋯ 另外出面有醉雞翼或者炸春卷炸咖喱角魚蛋青瓜沙律任拎。⬇️牛仔骨係好好食 ⋯ 亦都可以自己點炸魷魚鬚、炸餃子或者炸雞，辣炸雞個醬真係辣到飛起。魷魚鬚就一定要食非常好味、仲有一個冰冷麵酸酸涼涼幾好味， 不過食第二碗麵質好硬完全咬唔到 ⋯ 反映完佢哋都好有心再整返俾你食、如果要將軍澳韓燒呢間都係推薦之一！

今日同朋友喺將軍澳行街，行完搵嘢食嘅時候見到有搵running燒牌，之前喺旺角食lunch覺得唔錯，於是同朋友今日食晚餐。餐廳環境都大，自助吧有好多食物揀，座位方面我同朋友三個人一齊坐卡位，好舒服。首先係嗌嘢食方面，係用手機落單，食物數量單位係一件，所以落嘅時候可以嗌多啲。食嘢之前飲碗暖笠笠嘅雞湯最開心🥳熟食方面我哋叫咗唔同種類嘅炸雞同埋魷魚鬚，不過因為唔食得辣，所以我主要食魷魚鬚，炸雞就不過不失。肉方面都有唔同種類揀，有牛、豬、羊、雞，當然唔少得有海鮮，仲有啲熟食揀。雪糕都有好多款，不過因為掛住傾偈，所以最後冇時間食甜品。整體來講，食物款式同埋種類有好多，可以一試

今日家姐生日決定同佢大食一餐慶祝下 揀左屋企附近呢間韓燒餐廳估唔到呢間餐廳都幾多嘢食 出面食物有蓋琴住就放心 肉類唔似以前嗰啲舊式韓燒咁醃到好重味濃味 佢可以就咁揀呢啲原味嘅 當然我覺得佢醬汁醃左個啲都好味 我哋覺得呢度嘅肉質非常唔錯 好有肉味 除左豬牛雞 連羊肉都有 但我同家姐最欣賞就係佢呢度有好多類型嘅海鮮提供 超級回本 而且佢晚間韓燒一個人都係＄258淨係每人食返六七隻扇貝再加埋蠔，扇貝同帶子等等都好滿足 鐘意佢呢度仲有芝士蠔 夠晒邪惡如果要有米氣嘅人 可以揀紫菜飯或者係湯烏冬 冷烏冬 辛辣麵等等 不過我哋淨係食肉同海鮮都已經好飽再加埋食埋各類型嘅甜品同飲品 飽到飽肚 但過足最口癮 開心

今日放工後同同事一齊去食放題食燒肉，店舖環境比較大，所以當時大概7:30入到去都仲有位，大部份都係car位幾好坐😂 餐廳主要下單用電話QR code，只限肉類、海鮮、粉麵。其餘嘅都係自助式可以到外面自己夾。而家展示部份外面自己夾嘅，好神奇竟然乜嘢種類都有，港式、中式、美式、韓式都有🥰👍例如：咖喱魚蛋（幾好味😋）涼拌手帕青瓜👍🙂韓式涼拌一般水準接下來，QR code下單肉類海鮮都多種類，可以乜都試吓🙂🦑讚：酥脆魷魚鬚和炸雞🍗竟然可以喺放題形式食到咁嘅水準真係好滿意🥰🥰🥰🧡DIY嘅牛油雜菌你哋都可以自己配搭，仲有好多唔同種類蔬菜🥬

最近疫情好返d，晚餐都想出去搵下野食，老婆提議去近近地屋企附近的Running燒韓式料理放題，有110分鐘任食任飲😋。我哋約7:00入坐，已經見到非常熱鬧，全店差不多坐滿人，疫情之後好耐未見過咁嘅情況，感覺好似以前咁回復正常👍🏻我地都好開心😊，要開動啦！先點些熟食先，柚子雞翼好食，之後order定牛小排，豬頸肉，雞翼，帶子，咖喱魷魚等等預備網燒，之後自助形式去拎野飲，飲品都好多選擇，又有自己鍾意點混就點混的醬料，不得不提有種韓式辣醬用黎撈牛小排好好味👍🏻。最黎記得留肚食雪糕雪條，韓式提子雪條記得要試😆。大滿足，兩人結帳都係五百多，還有order之後店員係好快就將食野送來，而且好有禮貌👍🏻👍🏻，真心好抵食👍🏻👍🏻。

兩個食得之人見面當然食放題係最實際 ！去朋友屋企附近呢間韓式燒肉店準備大吃一餐，呢度位置好闊落餐廳都幾大間唔怕多油煙所以都幾推介。韓燒食物之外佢仲有啲前菜熟食食物例如炸雞，年糕，水冷麵等，另外仲有甜品飲品都係任飲任食。肉類嘅選擇都非常多，味道可大致分調味，辣味同原味。牛肉都好多種類，牛脷，雪花牛，牛肋骨，牛柳等，重點係咩，有質素之外仲要任食，爽。牛肉味濃，而且每款都有唔同口感，嫩d,肉質厚實d,一路食一路燒，熱辣辣食，夠晒惹味。佢另外亦提供唔少海鮮如蠔，扇貝，蝦，帶子等，都係回本之作。韓燒呢到除左密密燒，甜食都係我最愛之一，食到個口暖笠笠再換個口感食枝冷凍雪條，呢到雪條都有好幾款可以揀，仲有其他甜品，所以真係飽到上心口，仲要價錢實惠，會encore!

表弟生日，諗住請佢食餐好嘅！身為食肉獸嘅佢，帶佢任食韓燒係一個十分好嘅主意！今次就試吓食呢間Running燒。同某啲韓燒餐廳唔同，呢間嘅肉類、海鮮及飯麵等主食類都會由手機下單，喺疫情之下呢個安排會衛生啲其餘的飲品、甜品、前菜及少量熟食都可以在外面的自助區自取。海鮮方面，我哋叫咗大蝦、帶子、魷魚、帆立貝及生蠔等等，食材新鮮，不過不失～自助區有大量蔬菜，例如翠玉瓜、茄子及各種菇菌類等等，鍾意食菜嘅我今晚都食咗好多肉類選擇一樣不少，品質都屬合格以上，表弟超開心，食完呢餐真係超級大滿足

之前食過位於旺角嘅running燒，今次就試下將軍澳呢間。地點方便，將軍澳站一出就係popcorn商場。上到黎，環境舒適闊落，亦都唔會有好大煙呢到係半自助式嘅韓燒，生肉同海鮮，仲有啲熟食就用QR code落單，其他就自己出去拎。有沙律吧有好多款蔬菜同菇飲品選擇都好多。除咗雪櫃入面嘅雪糕雪條，仲有啲細細件嘅甜品仔。連埋鼓油，總共有成7款醬汁可以用肉類選擇多，牛、豬、羊都有齊，正海鮮種類都好多蝦爽甜，一叫再叫牛肉當中最鍾意佢嘅肥牛，薄切容易燒，有牛味其他款式都好，滿意！熟食叫咗炸魷魚，絕對係誠意之作，上菜時係熱辣辣新鮮炸起。呢到係即炸！好味！最後食支Dreyer’s雪條作結。今餐好滿足，110分鐘由頭食到尾，食物水準高嘅韓燒，而且服務態度好好會再黎幫襯的。

等咗三個月終於開返夜市啦，晚上六點後可以約下三五知己談下心。最近將軍澳海旁開咗好多食肆，喺海邊逛逛再坐低飲吓嘢，一樂也。晚飯想食韓國燒烤，嚟到Popcorn商場有間Running燒，大約七點座無虛席。反之附近嘅餐廳都冇坐滿人。舖頭入面卡位有好多，有buffet table包括蔬菜類任攞，茄子，翠玉瓜，青椒，菇類。食多肉嘅時候配上蔬菜比較冇咁肥膩。熟食最喜歡係柚子炸雞，皮脆肉嫩，柚子汁少少甜味。燒嘅肉類質素都幾好，醃料唔太鹹，豬頸肉嘅肥瘦好均勻。個網燒內左會變黑，可以免費換新網，之前試過有啲餐廳換網要額外收費。甜品仲有雪糕櫃內嘅dreyers yogurt低卡路里雪條，士多啤梨同青提味可供選擇。食到捧住個肚離開。

這間running 燒巳經食過兩三次，今日天氣又涼返，食韓燒最適合，一於去食返餐👍入到店內有個buffet bar取蔬菜類，湯，甜味，小食及飲品等....韓式醬料都有幾款，可以按照個人喜好選擇。飲品種類多選擇！服務員上菜速度快，亦會定時定候幫我們換鐵板，非常細心我們點了柚子炸雞🍗味道甜甜地好開胃，雞皮炸得香脆。海鮮我們選擇了生蠔，帶子和蝦，蠔肉一啲都唔腥，鮮甜，帶子晶凝通透，新鮮爽口。肉類我們點了黑豚腩肉，豬腩肉和五花腩，肉質juicy 肥瘦平均，啖啖肉👍豬腩肉亦醃得好入味。韓式紫菜飯飯粒軟硬度適中，紫菜脆卜卜，熱辣辣香噴噴，混入生熟蛋一齊食再加入韓式醬汁，好食到停唔到口😋

Running 燒 (將軍澳).🔹110分鐘燒肉放題（平日）🔹. 心血來潮很久沒吃過燒肉，就近將軍澳有一燒肉放題開業已久我倆都未試過，見午市才百多元就去試試一點多到埗店員表示可吃到三點多，可以慢慢享用肉類選擇很多，豬頸肉牛肋骨雞脾肉五花腩應有盡有，熟食都有炸雞炸餃子等，水冷麵我倆平日吃韓國菜都必叫，呢到份量細細碗好正，記得叫店員拎白醋能夠將味道昇華十倍！甜品上有一些小撻，雪糕雪條等，飲品櫃有忌廉溝鮮奶，茶以及一此健康飲品例如竹蓆茅根，下火一流！.Running 燒 (將軍澳)將軍澳唐賢街9號Popcorn商場2樓PopFood 4號舖.